KABANATA 6

Sa unang pagkakataon, para kay Devin ay mahirap isipin na ang lalaking nasa harapan niya ay ang taong nasa kaniyang alaala na paulit-ulit na nag-aliw sa kaniya noong pansamantalang nabulag siya sa pag-ibig.

 

Nang panahong iyon, isang lindol ang naganap, iniligtas si Devin ni Renz. Inaliw at sinamahan siya nito habang naghihintay ng mga rescuer, matagal nang umibig si Devin kay Renz at mas lalo pang lumalim iyon dahil sa ginawa nitong pagsagip sa kaniya at sinamahan siya kahit na hindi sila magkakilala.

Nakita niyang isa itong mabuting tao, may puso at malasakit sa kapwa. Ngunit hindi kailanman naisip ni Devin na ang lalaking sinamahan siya sa kadiliman sa kaniyang alaala ay magiging ganoon kasama at hindi mapagkakatiwalaan.

 

“Devin, dapat maging maalaga ang mga babae sa kanilang sarili. Wala kang mapapala kung patuloy mong kukulitin ako ng ganito. Hindi na ikaw ang gusto ko, kaya tanggapin mo na lang ang katutuhanan na hindi na ako babalik sa'yo.”

 

Umarko ang kilay ni Devin dahil iniisip pa rin talaga na baliw na baliw pa rin siya rito. Siguro kung noon ito sinabi ni Renz, umiyak na siya sa harapan nito dahil mahina siya ngunit ngayon ay wala man lang kahit katiting na epekto sa kaniya ang sinabi nito.

Wala na siyang pakialam dito at wala siyang balak na balikan pa ito dahil mas tinututukan niya ang kaniyang pagkatalo at akuin ang responsibilidad sa pamilya.

Lilinawin na ni Devin ang kaniyang punto nang biglang may bumulong sa manager. Bahagyang nagbago ang ekspresyon ng manager, at pagkatapos ay tumingin ito kay Renz.

 

“Pasensya na, Mr. Hidalgo, binawi na ng aming boss ang inyong imbitasyon sa membership. Hindi na kayo miyembro ng aming restaurant, lumabas na po kayo.”

Binawi ang membership invitation? 

Sikat ang restaurant na ito, misteryoso at low-key ang may-ari. Halos lahat ng mayayamang angkan ay miyembro sa restaurant na iyon.

Bakit babawian si Renz ng membership na isa itong Hidalgo?!

Nagbago ang ekspresyon ni Renz, ngunit nagtanong pa rin upang linawin ang sinabi nito. “Ano ang ibig sabihin ng inyong boss?”

 

“Pasensya na, Mr. Hidalgo.” Magalang na inilahad ng manager ang kamay ito, “Ito ang gusto ng aming boss. Lumabas na po kayo. . .”

 

Natigilan si Devin saglit, tumawa, at tamad na tiningnan ang nagbabagong ekspresyon ni Renz. Wala pa nga siyang ginagawa ay kinakarma na ito.

 

Sinulyapan ni Renz si Devin, nagngingitngit sa galit, ngunit sa huli ay walang lakas-loob ng loob na gumawa ng gulo, at mas piniling umalis na kasama si Xylarie.

 

Nang makalabas ng restaurant ang magkasintahang Renz at Xylarie. Naisip ni Xylarie ang itsura ni Devin kanina. 

Pinagtatawanan sila ng mapalabas ng restaurant dahil sa biglaang pagtanggal ng membership ni Renz sa restaurant.

Isa ngang malaking kahihiyan iyon!

Namumula ang mga mata ni Xylarie at nag-atubiling magsalita. “Renz, posible kayang si Devin ang gumawa ng nangyari kanina?”

 

“Imposible.” Madilim ang mukha ni Renz at naiinis na sinabi, “Saan naman makakakuha ng ganoong kakayahang si Devin? Isa lang siyang hampaslupa at wala siyang pamilya na sasalo sa kaniya.”

 

“Hindi ba sinasabing sobrang mayaman ang may-ari ng restaurant na ito? Marahil ang pagmamahal ni Devin sayo ay napalitan ng galit. Kaya sinadya niyang lapitan ang may-ari ng restaurant upang makaganti sa'yo. Pagkatapos ng lahat, mukhang nagbago na si Devin.”

 

Nang maisip ni Renz ang itsura ni Devin ngayong gabi, kumunot ang kaniyang noo.

 

Si Devin ay parang ibang tao na talaga. Mas naging malakas pa nga ang aura. Mas nabibigyan ng diin ang maganda nitong mukha at katawan dahil sa mamahalin nitong mga kasuotan.

 

‘Sino namang mayamang lalaki ang papatol kay Devin na isa lamang itong hampaslupa?’ Sa isip ni Renz.

“May mataas siyang pangarap, kaya naman kung kani-kaninong mayaman siya kumakapit. Ganiyan talaga ang mga babaeng nangangarap na makaangat sa buhay.” Kalmadong sinabi ni Renz, “Dahil sa kaniyang mahirap na pinagmulan, pinaglalaruan lamang siya ng mayayamang tao, kaya huwag mo na siyang pakialaman.”

 

Doon lang lumitaw ang ngiti sa labi ni Xylarie, at masunuring sumunod kay Renz patungo sa sasakyan ni Renz upang umalis na sa lugar na iyon.

 

Sa kabilang banda, natapos na ang blind date ni Devin ngayong gabi. Nanatili siyang nakaupo sa kaniyang silya. 

Nang maisip ang nangyari lang sa pagitan nila ni Renz at Xylarie. Napapaisip tuloy si Devin kung sino ang may-ari ng restaurant.

 

Bigla, lumitaw ang pigura ni Aslan hindi kalayuan at naglakad patungo sa kinaroroonan ni Devin.

 

Natigilan si Devin saglit. “Ang swerte naman. Kuya Aslan!”

 

Mukhang nakalimutan na ni Devin ang isang gabing pinagsaluhan nila at masayang binati si Aslan.

 

Ang tingin ni Aslan ay napunta kay Devin, ang  itim nitong mga mata ay malamig at malalim, at ang boses nito ay baritono at mahinang nagtanong.

“Come for a blind date?"

 

Tumango si Devin.

 

Ang balita ng set-up blind date ay malawakang alam sa kanilang grupo. Alam ito ni Aslan at hindi nakakagulat para kay Devin.

 

“Ano ang ibig mong sabihin, Devin?” 

Muling tumingin si Aslan na may madilim at malungkot na itsura. Medyo hindi sigurado si Devin sa ibig nitong sabihin at naguguluhang tumingin dito.

 

Ngunit biglang nagsalitang muli si Aslan.

 

“What a coincidence. My family is also urging me to get married.” Tiningnan ni Aslan ang mga mata ni Aslan at kaswal na nagtanong, “So, Devin, do you want to get a marriage certificate with me?”

 

Malalim at baritono ang boses ni Aslan, malamig at kaakit-akit.

 

Bumilis ang tibok ng puso ni Devin. Hindi niya inaasahang kusang mag-aaya sa kaniya ng kasal si Aslan.

 

“Pwede bang itanong kung bakit?” Parang may naisip na si Devin na dahilan at nag-atubiling nagtanong, “Kung dahil sa nangyari no'ng isang gabing, wala kang kailangang gawin. At least, magaling ka at nasarapan ako.”

 

Iyon ay isang bagay na pareho silang nagkasundo.

 

Bukod pa rito, si Devin ang nagsagawa ng inisyatiba at siya rin ang nagpakita ng motibo. Ginamit ang kagandahan upang tuksuhin si Aslan no'ng gabing iyon.

“Kung kailangan kong ipaliwanag kung bakit. . .” Pinaglaruan ni Aslan ang bracelet na Buddhist sa pulsuhan, at mahina ang tinig na nagsabi, “Does it count as mutual benefit? You are Yesha’s friend, and I believe in Yesha’s judgment.”