4: Betrayal

“Mommy! Jollibee!”

Pagpupumilit ni Yana habang mabilis kong isinisiksik ang mga damit niya sa maleta. Matapos kong makita si Sebastian, hindi na kami tumuloy pang kumain dahil nagmamadali na akong umuwi. 

Sumusunod siya sa bawat galaw ko. Hindi ko siya binibigyan ng pansin at nakatuon lang sa pag-immpake. Biglang yumakap ang bata sa binti ko bago humagulgol nang husto, tsaka humiga sa semento at nagwala.

Umayos ako ng tayo at sumabog sa inis. “Sinabing bukas na!”

Natigilan siya. 

“Hindi ka ba marunong umintindi? Nagmamadali nga tayo!”

Huminto ang pagpedal ng maliliit niyang paa. Humihikbi siyang bumangon at patakbong lumabas ng kwarto. 

Inayos ko ang zipper ng maleta. Halos lahat ng gamit ni Yana ang inimpake ko. Ilang pares lang ng damit at importanteng dokumento ang dinala ko para sa sarili ko.

Isang maleta at dalawang bag ang bitbit ko nang lumabas kami ng bahay. Tahimik ang anak ko sa loob ng traysikel, nakatitig lang sa daan para magtampo. 

Bumuntong hininga ako at inutusan ang driver na dumaan muna kami sa drive thru. 

“Thank you, mommy,” nakangiting sambit niya. Hawak ko ang baywang niya habang nakaupo siya sa unahan ng traysikel at ngumunguya ng fries. 

“Yana.”

Tumingin siya sa akin. “Po?”

“Makinig ka sa akin. Lahat ng sasabihin ko, susundin mo, okay? Ayaw ko na nung pagwawala mo kanina, lalo na kapag busy si mommy.”

Ngumuso siya at tumango. “Opo. Saan ba tayo pupunta, My?”

“Kay Tita Tessa mo.”

Kailangan naming lumayo. Hindi ako sigurado kung natunton na ni Sebastian ang bahay namin, pero mas mabuting mauna na ako. Natawagan ko na rin si Tessa bago kami umalis.

“Talaga po?” biglang sumigla ang boses niya. “Miss ko na si Tita Tessa!”

Tumigil ang traysikel sa tapat ng eskinita. Nakahawak si Yana sa laylayan ng damit ko habang naglalakad kami papasok. 

Nakakatakot ang eskinita, maraming mga tambay at lasenggero pero wala akong kaba dahil halos kilala na namin ang mga kapitbahay ni Tessa. 

“Tito Dodong!” kaway ni Yana sa isang lalakeng walang damit paitaas at hawak ang bote ng gin. 

Isa-isa pa niyang binanggit ang mga pangalan ng lassengero. Kinawayan naman siya ng mga ito pabalik at inabutan pa ng lollipop. 

“Ang dami niyong dala, dito na ba kayo titira?” 

“Pansamantala lang po Kuya Lino,” sagot ko. 

“Yana!” Patakbong lumapit si Tessa at binuhat ang anak ko.  Pinanggigilan niya ang pisngi nito.

“Tita Tessa! May jollibee po ako,” pagmamalaki ni Yana at sinubuan ang Tita niya ng fries. Bumaling ito sa akin at maliit na napangiti. 

Ibinaba niya si Yana at inutusang manood ng laro sa ibang mga bata, tsaka niya ako dinala sa loob ng bahay niya. 

Naupo kami sa bangkong gawa sa uway at sinimulan ko ang pagkukwento. 

“Yung lalake sa bar, iyong sinampal ko….siya ang ama ni Yana.”

Suminghap siya. Alam niya ang kwento ko at siya rin ang tumulong sa akin para palakihin si Yana. 

“Kaya pala sinampal mo siya.”

“At kanina lang, nakita ko siyang kausap ang doktor ni Yana. Alam kong ipina-DNA test niya ang bata. 

“Ano na ngayon ang plano mo?”

“Pwedeng dito muna kami? Hanggang sa makahanap ako ng ibang pagtataguan.”

“Hindi mo ba ipapakilala sa kanya ang bata? Mayaman siya, Yasmin. Makakatulong siya sa sakit ni Yana. Hindi ka na problema ang pera.” 

Mariin akong umiling. “Mali ka, Tessa. Kukunin niya sa akin si Yana. Binantaan niya ako!”

Nilapitan ako ni Tessa at mahigpit akong niyakap. “Sige, dito muna kayo. Hindi naman siya basta-basta makakapasok dito sa looban. Pagsasabihan ko ang mga tambay na harangan siya kung sakali”

“Salamat...”

“Naku, wala 'yun. Kaibigan kita. Tsaka binigyan din kami ng bonus ni Ma'am Layla dahil sa 'yo kaya nakapag-grocery ako.”

……….

Malalim na ng gabi at kalawang gabi na namin dito. Hindi naman nagtataka si Yana kung bakit hindi pa kami umuuwi dahil inaaliw naman siya ng mga bata ng kapitbahay. 

Mahimbing ang tulog niya habang hinahaplos ko ang buhok niya at pinapaypayan. Kaming dalawa lang nagyon sa bahay dahil nasa bar pa si Tessa. Ipinagpaalam na rin ako nito kay Maam Layla na hihinto na ako sa trabaho. 

Mag-aalas-onse na nang biglang may kumatok. Thinking it’s Tessa, bumangon ako at walang pag-alinlangang binuksan ang p***o. Pero agad ko itong sinara nang malaman kung sino ang nasa labas.

Mabilis niyang hinarang ang braso at tinulak ang pint*. Tumama ako sa dingding bago bumagsak sa semento.

Pumasok siya kasunod ang tatlong malalaking bodyguard. 

“Anong... anong ginagawa mo rito?” namimilipit sa sakit kong tanong. 

At ang importanteng tanong, paano niya kami nahanap? 

Itinapon niya sa akin ang mga papel na hawak niya. DNA test result iyon nila ni Yana. Positive. 99.9%. Hindi na ako dun nagulat. 

“Nasaan ang anak ko?” Nililibot niya ang tingin sa munting bahay, hanggang sa huminto ang mata niya sa pint* ng kwarto kung nasaan si Yana.

Naglakad siya papunta doon. Mabilis naman akong humarang sa mismong pint*

“Hindi mo makukuha si Yana! Akin lang ang anak ko, Sebastian!”

“Anak ko rin siya, Yasmin. Wala kang karapatang ipagdamot siya sa akin dahil hindi mo siya mabubuo kung wala ako!” 

Pinaghahampas ko ang dibdi* niya. “Lubayan mo na kami! Kahit kailan hindi ka niya kikilalanin bilang ama!”

Ngumisi siya at ang mata ay nanlilisik. “At bakit hindi? Ang ginawa mo lang naman ay bumuka, pero ako ang nagpakapagod umulos para mabuo siya.”

Napaawang ang labi ko sa kabastusang lumalabas sa bibig niya. “Iyon lang? Ako ang nagdala sa kanya sa loob ng siyam na buwan! Ako ang nagpakahirap bumuhay sa kanya sa loob ng limang taon!”

Sumenyas lang si Sebastian sa dalawang guard sa likod niya. Hinawakan ako ng mga ito sa magkabilang braso at walang hirap na inalis sa harap nito.

Bago pa ako makagalaw, hinawakan na ng magkabilang guards ang dalawang braso ko. Mabilis nila akong inilayo sa p***o at iginapos ang kilos ko kahit anong pambubulabog at pagwawala ang gawin ko.

“Sebastian! Huwag mong hahawakan ang anak ko!” Pinagsisipa ko sa ere ang mga paa. “Tulong! Mga kapitbahay, tulong!” sigaw ko. 

“That’s useless, wife. Binayaran ko sila para hindi makialam.”

Lumapit siya sa akin at mabilis na piniga ang baba ko. Nanlilisik ang mga mata kong tumitig sa kanya.

“Gusto mong malaman kung paano ko kayo nakita dito sa basurang lugar na ito?” Tumaas ang kilay niya. “Si Tessa...”

Pumaling ang mundo ko. Napasinghap at kinapusan ng paghinga habang kumakalat ang walang kapantay na sakit at pagkabigla sa buong katawan. 

Hindi iyon gagawin ni Tessa kahit na kailan! 

“Sinabi niya kung nasaan kayo matapos ko siyang bayaran ng dalawang milyon. Sino ba naman ang mahirap ang hindi tatanggi sa pera di ba?”

Humalakhak siya tsaka binitiwan ang baba ko at tuluyang pumasok sa kwarto.

“Sebastian! Please huwag ang anak ko…” 

Bumukas ang p***o at bumungad sa amin si Yana na gising na at umiiyak.

“Mommy...”