(TFD) Chapter 09"Napagalitan ako ni kuya kanina nang mawala ka! Dapat hindi ka umalis kasi alam ko ang daan pabalik!" Nakasimangot si Neth sa akin."Pasensya na. Nalibang ako sa pagtingin sa mga puno..." Nahiya ako bigla. Nasermunan siya dahil sa akin."Hindi ka ba nasaktan? Mabuti at nahanap ka ni kuya! Pagkatalon niya pababa sa puno ikaw kaagad ang hinanap niya! Muntik na akong umiyak habang nagpapaliwanag na nawawala ka!"Umiling ako at hinaplos ang tuktok ng buhok ko kung saan ko naramdaman ang ahas kanina."Hindi naman ako nasaktan...""Makinig ka kasi kay kuya! Natakot ako nang sinigawan mo siya kanina! Alam mo ba na kami ni Ate Laura hindi namin iyan ginagawa sa kanya?"Tumango ako at ngumiti. Dinirekta ko ang tingin kay Silas na nasa harapan. Nasa likuran ulit kami ni Neth ngayong papauwi na. Hindi ko alam ang daan kaya hindi ko magawang manguna.Ang mga nakuha na kahoy ay nasa tulak tulak ni Silas na wheelbarrow. Ang isang kutsilyo na mayroon ahas ay nasa ibabaw ng mga kahoy
(TFD) Chapter 10"Bakit ganyan ang itsura mo? Ano ang nangyari sa 'yo?" Salubong sa akin ni Gineth pagkapasok ko sa loob. "Hindi ka nakita ni Ate Elle? Pinapatawag ka at si Kuya Silas ni Lola dahil kakain na."Sinuklay ko ng mga daliri ang buhok ko at mariin na kinagat ang ibabang labi. Bakit ba pagdating kay Silas ang bilis ko magalit. Hindi naman ako ganito, ngayon lang. Siguro dahil ngayon ko lang din naman kasi naranasan ang makipagsagutan at makipagsigawan. Baka ganito talaga ako magalit at hindi ko lang alam."Kuya!"Napapikit ako ng mariin nang marinig si Neth na tinawag ang kuya niya. Sa likod ko siya nakatingin at mukhang nasa loob na rin sina Silas at Elle. Narinig ko ang mahina na tawa ni Elle nang lagpasan kami ni Silas. Kahit ang kapatid niya'y hindi niya pinansin. Walang lingon likod siyang nagtungo sa kwarto niya."Maliligo raw saglit. Magpapalamig," si Elle kay Neth.May kahulugan akong sinulyapan ng babae na natatawa bago siya dumiretso sa kusina. Sinundan ni Neth ng
(TFD) Chapter 11Humina ang signal kaya nawala ang mga kausap niya. Tumayo si Neth at itinaas kung saan-saan ang hawak na phone para lang makasagap ng signal.Tumigil ang duyan na kinauupuan ko dahil si Neth ang nagtutulak nito kanina. Pwede ko naman itulak, kaya lang nahihiya naman akong gumalaw dahil nasa gilid ko si Silas."What have you been studying online?"Itinukod ko ang aking dalawang kamay sa magkabilang gilid ng inuupuan kong duyan na bakal. Pagilid kong sinulyapan ang ginagawa niya. Bigla na lang kasi siyang nagtanong. May naganap na pagtatalo sa pagitan namin pero kung magtanong siya ngayon, parang hindi nangyari iyon.Pinitik niya sa malayong parte ng lupa ang upos ng sigarilyo na mayroon pang baga. Umikot pa iyon bago tuluyang bumagsak sa lupa. Pinagmasdan niya ang ibinato niya na upos at hindi ako agaran na nilingon. Gilid lang ng panlalaking itsura niya ang kita ko. Natatamaan siya ng ilaw ng poste na nasa itaas kung saan siya nakasandal.His lips were red and wet. Ka
(TFD) Chapter 12I sat comfortably in the front seat. Nasa labas pa si Silas at nagpapaalam ng maayos sa mga Lolo at Lola niya. Si Neth nasa dating pwesto niya sa backseat ng sasakyan, tulog na naman.Pabalik na kami sa Manila at mahabang biyahe ang tatahakin. Napa-iwas ako ng tingin sa pagyayakapan nina Silas at Elle. That's fine. They are friends, right? What? If they are more than friends, that's fine too.Yumapos ang babae sa kanya. Umikot ang mga kamay nito at pumulupot sa bewang ni Silas papunta sa likod. Wala sa sariling humigpit ang hawak ko sa seatbelt lalo na nang makita ko ang pagbaba ng labi ni Silas para sa malambing na halik sa tuktok ng buhok ni Elle bilang pamamaalam.May kung anong namuo sa tiyan ko at pinanlamigan ako ng sikmura.I see, he has a soft spot for her. Mas malambing pa siya rito kaysa sa mga kapatid niya. May pagkakatulad ang ugali nila ni Laura kaya hindi niya malalambing ng ganito. At si Neth naman ay pinakabunso kaya takot sa kanya.I don't know. They
(TFD) Chapter 13Mabilis kaming nakauwi sa bahay nila dahil sa bilis ng patakbo ni Silas. Walang nagsalita kahit nang makababa na kami sa sasakyan at makapasok sa mga kwarto namin.Sandali akong natulala sa dingding ng kwarto. Hindi ako nagpalit ng damit o naglinis ng katawan. Masiyado akong tinatamad na kumilos ngayon. Hindi naman din kasi ako nanlalagkit dahil nakaligo ako kanina bago kami bumiyahe pauwi.Nagising ako kinabukasan sa isang katok. Nasilip ko ang bintana, hindi pa tirik ang araw pero maliwanag na. Ginamit kong panuklay sa buhok ang mga daliri at tumayo para makita kung sino ang nasa labas.Napagbuksan ko ang nakatayo na si Silas at bihis na bihis. Amoy din ang panlalaking shower gel niya at basa pa ang buhok."Mag-ayos ka na. Ihahatid na kita."Iyon lang ang sinabi niya pagkasilip ko at umalis kaagad sa aking harapan. Hindi ko pa kaagad isinara ang pinto, tiningnan ko pa ang likod niya na papalayo. Nagbuntong-hininga ako at pumasok na sa loob para makapag-ayos katulad
(TFD) Chapter 14Hindi siya bumaba sa tanghalian. Wala pa sila Lolo at Lola dahil nagpaiwan. Si Neth naman, nag-enroll din. Tinanghali siya ng gising kaya ngayon lang siya makakapunta sa school. Kung maaga siya sana naisabay na namin siya kanina. Pwede naman siyang gisingin ni Silas gaya sa akin. Hindi ko alam kung bakit hindi niya ginawa."Wala kang gana?" Si Laura.Kaming dalawa lang ang nasa hapag. Hindi ko napansin na pinaglalaruan ko na pala ang pagkain na nasa pinggan."Hindi naman... May...gana naman..."Hindi ko alam kung paano sasagot. Maliit na lang akong ngumiti kay Laura at nagpatuloy sa pagkain. Nakakahiya kung iiwan ko siya sa hapag at sasabihin na wala akong gana. Nakikitira na nga lang ako mag-iinarte pa ba ako sa pagkain? Sa tuwing susubo ako, napapatingin ako sa pintuan ng kusina. Inaabangan ko kung papasok ba si Silas kahit wala naman akong naririnig na bumababa sa hagdan."Nakapag-enroll ka na?"Uminom ako ng tubig at tumango, napapasulyap pa rin sa pintuan ng hapa
(TFD) Chapters 15"Nasaan ang Kuya mo?"Kaliligo ko lang at pababa sa hagdan nang pumasok si Penny. Ang mabilis na takbo ko sa hagdan ay naging mabagal. She's holding a blue tupperware. Pagkain siguro dahil maayos ang pagkakahawak niya at nag-i-ingat na hindi matapon."Nasa kwarto niya si kuya. Ano 'yang dala mo?"Naninimbang ang tingin ko kay Neth nang lumapit siya para makiusyuso sa dala nito. Pagkabukas niya, nalaman ko na ulam nga ang laman. Malayo pa kasi ako, amoy na.Bakit kailangan pa niyang magdala? Eh may pagkain naman dito?Nagpresinta pa naman akong magluto kanina ng pang-hapunan. Umakyat lang ako para maligo pero naibasta ko na ang mga sangkap ng lulutuin ko sa kusina kanina pa. Hindi na pwedeng hindi ko lutuin iyon."Kuya! Nagdala si Penny ng ulam!" Sabay dala ni Neth sa kusina nang pagkain na hawak na niya.I tilted my neck to see Silas, he is behind me. Nagkatinginan kami pagkatingala ko. Pababa rin siya sa hagdan. Humarap ako sa hagdan at naghintay sa dulo hanggang sa
(TFD) Chapter 16"Kumain na tayo. Nakapagluto na ako," pinasadahan niya ng tingin ang manipis na dress na pantulog ko. "May mga bisita ako sa ibaba. Huwag kang bababa na ganyan ang suot mo."Ibinagsak ko ang tingin sa aking pantulog. Kagigising ko lang nang kumatok siya. Kahit madalas akong tanghaliin, wala siyang reklamo. Siya ang sumusundo sa akin sa agahan, tanghalian, merienda, at sa gabi'y ako naman ang madalas na magluto. Pagkatapos ng hapunan, sabay kaming naglilinis ng pinggan."Sige. Maliligo muna ako..."Tinitigan niya ako. Tumango siya at saka niya isinara ang pinto. Hindi ako kaagad bumaba dahil nakakahiyang humarap sa ibang tao na kagigising lang. Nagawa ko pang maligo ng mabilisan at nagbihis ng maayos na damit para hindi mapagalitan ni Silas.Pababa pa lang ako sa hagdan nakakarinig na ako ng mga tawanan at usapan. Maingay sila. Marahan ang hakbang ko habang nakikita ang mga tao na nasa kusina."Si Michelle lang naman ang panggulo rito!" Natatawa ang isang lalaki at iti