Chapter 4

Muling sumibol ang kaba ko ng biglang sumagi sa isip ko na what if nga ma-fall ako sa hambog na to? Edi ang malas ko!

“Ano, Maureen. Deal or no deal? My patience is running out.” Napitlag ako sa biglang pagtaas ng boses ulit ni Sir Travis, alanganin pa akong ngumiti sa kanya at nag thumbs up. “What is the meaning of that, Maureen? ” takang tanong niya sakin.

“Deal, sir,” diritsong sagot ko. 

Wala nang patumpik-tumpik pa dahil wala na akong choice! Kailangan kong maisalba ang sarili ko sa mga taong hinihintay ang paglubog ko.

“Good. Susunduin ka ng butler ko mamayang gabi para sa dinner with my family. Wear a formal suit, Maureen.” Tumango naman ako sa kanya at wala nang balak magreklamo.

—

Ganon kabilis ang nangyari dahil ngayon heto ako sa harap ng buong pamilya niya yata? Hindi ako sigurado, pero andami kasi nila. Ang iba natutuwa na makitang ako, at syempre hindi mawawala ang nakataas ang kilay at halatang hinuhusgahan ang buong pagkatao ko, pero deadma sa kanila. Ang importante sakin hindi na ako magiging homeless, gorgeous woman.

“Mom, Dad. Grandpa and my beloved family. This is Maureen Isabelle Torres, my fiancée,” nakangiting pagpapakilala sa'kin ni sir Travis.

I manage to smile at them too without raising my eyebrows dahil sa pagkakasabe niya ng pangalan ko, literal na full name! Ano ‘to? Nag-apply lang ng trabaho ang atake ko? At paano niya naman nalaman ang full name ko? Hindi ko alam na magaling siya mag-memorize ng pangalan ng empleyado niya. Unbelievable!

“It's nice to finally meet you, Maureen. Akala ko talaga tatandang binata ang anak ko, maraming salamat at dumating ka sa buhay niya,” malambing na turan ng ina ni Sir Travis sakin at niyakap ako.

Niyakap ko rin siya pabalik at ngumiti pa sa papa ni Sir Travis na nakangiti rin sa'kin. “It's nice to finally meet you rin po, Tita. Travis has a lot of chika about you.” 

Nang matapos ang batian, tumungo na kami sa dining hall. Inalalayan pa ako ni Sir Travis na umupo. Natawa pa ako dahil sa reaction niya; halata naman kasi na hindi siya sanay sa ganitong set-up ng buhay niya. 

“Ehem, kailan niyo balak magpakasal, Travis? At kailan niyo balak na bigyan ako ng apo? ” Nagulat ang lahat nang bigla akong maubo matapos sabihin yon ng lolo ni Travis; lintik naman kasing matanda na to. Lakas manggulat! “Here, drink more, Love,” malakas na sabi ni Sir Travis sakin at inabot ang isang basong tubig.

“Mukhang na bigla yata kita, Hija. Bakit? Wala pa ba kayong balak magpakasal? ” tanong ng matanda sa'kin.

Ngumiti naman ako sa kanya ngunit naunahan ako ni Sir Travis magsalita. “Actually, Lolo. Pinaplano na namin ang kasal, and I am happy to announce to all of you that our wedding is this coming next week,” napasinghap ang lahat sa sinabi ni Sir Travis habang ang Lolo niya ay nakangiti na para bang nanalo ito sa lotto. At ako? Heto, no reaction, dahil expected ko na na mamadaliin niya ang kasal para sa letseng mana na yan. Gahaman.

“Masyado naman yatang mabilis ang kasal niyo? May hinahabol ka ba, Travis? ” Tumingin ako sa gawi ng isang middle-age na lalaki na nakangisi habang nakatingin kay Sir Travis; nakangisi ito pero nagliliyab ang mga mata sa galit. 

Villain to the aa family, halata! Char. Pero para talaga kasing may tinatagong galit ang isang ito kay Sir Travis; sabagay, baka kagaya ni Sir Travis, gusto rin nito na makuha ang heritage ng pamilya nila, pero sorry na lang siya dahil hindi papakabog si Sir Travis sa kanya. 

“Bakit pa papatagalin kung doon lang naman ang kahahantungan, right, Maureen? ”

“O-Oo nga naman po. M-Mahal namin ang isa't isa at gusto na rin namin na mag-settle down dahil hindi naman na kami mga bata, malapit na rin na maalis ang edad namin sa kalendaryo,” napakapit pa ako sa laylayan ng coat ni Sir Travis habang nagsasalita. “See? Excited na kami sa kasal namin. At lahat kayo imbitado,” naramdaman ko ang paghawak ni Sir Travis sa kamay kong nanginginig habang nakangiti sa'kin.

——

Tatlong araw na ang lumipas matapos mangyari ang nakakatakot na tensyon sa pagitan ng mga Andrada. Mabuti na lang at nag-aya agad si Sir Travis na umuwi nang gabing yun, kung hindi mabubuking kami na wala talaga kaming relasyon, dahil hindi namin napaghandaan ang mga tanong ng pamilya niya. Baliw rin kasi si Sir Travis at hindi man lang nagplano bago sumugod.

Ngayong araw nga pala ang alis ko sa bahay ng bruhilda kong stepmom and stepsister, salamat naman. Sobrang excited kong mag-impake dahil sa wakas mabubunutan na ng tinik ang aking buong katawan.

“Wow, mukhang lalayas ka na? Saan ka pupunta aber? Balak mo bang takbuhan ang mga naiwan na utang ng tatay mo, Maureen ha? ” pasigaw na tanong ni Genovia sa ‘kin.

“Hindi, maghintay ka lang dahil darating na ang sundo ko,” walang gana kong sagot.

“Aba, sinong may sabi na pwede kang umalis ng pamamahay namin? Gagawin pa kitang alalay ko, Maureen. Kaya wag mong tatangkain na lumayas, nabalitaan ko rin na wala ka nang trabaho kaya alam kong wala kang mapupuntahan.” Lumapit pa sa ‘kin si Chantel para sana agawin ang maleta ko nang biglang pumasok si Sir Travis na ikinangiti ko. “And who are you? What are you doing here? ” tanong pa ni Chantel kay Sir Travis.

Hindi nag abala pa na magpakilala si Sir Travis, at agad na inilapag sa table ang hawak niyang cheque.

“Limang milyong piso kapalit ng katahimikan ni Maureen. Don't bother her or us again, or else I'll send you both to jail." Napangisi ako ng biglang umawang ang labi ni Genovia at talagang sinuri pa kung totoo ba ang cheque na yun.

“I-Ikaw si, Griffin Travis Andrada? ”Genovia dropped her jaw while scanning Sir Travis.

“Let's go, Maureen.” Kinuha ni Sir Travis ang maleta ko at naglakad palabas, walang pakialam sa tanong ni Genovia. Bubuka pa lang ang bibig ni Genovia ng inunahan ko na siya. “Yes, he's my fiancé,” nakangisi kong sabi at sumunod na kay Sir Travis at iniwan silang laglag ang panga.