Chapter 11

"Honey, let's go,” tawag niya na kay Julius na nasa bathroom pa ng kuwarto nila, saka na siya naglakad palabas para puntahan ang anak nilang nag-aantay na sa baba.

Hindi nagbago ang pakikitungo niya sa asawa niya sa kabila ng natuklasan niya. Sa kabila ng sakit na nararamdaman niya dahil sa ginawa nitong kataksilan sa kaniya'y nagagawa niya pa ring ngitian, yakapin, at halikan ang asawa niya.

Dahil gaya ng plano niya'y wala siyang balak na ipaalam dito na may nalalaman na siya. Alam niya na ang lahat ng impormasyong dapat malaman, kaya hindi niya na kailangan pa ng paliwanag ng asawa niya; hindi na nito kailanga’ng magpaliwanag pa sa kaniya.

“Wala ka na ba'ng nakalimutan? Ang inhaler mo, nasa bag mo na ba?” tanong niya sa anak nang maabutan ito sa sala habang nagbabasa ng libro nito.

“Yes, Mommy,” sagot nito, saka na isinilid ang libro sa bag nito't tumayo.

“Good. Mauna ka na sa kotse, pababa na rin