الفصل التاسع والعشرون

اما في منزل محمود الجرحاوي وبعد عودة نيهال كان بانتظارها ليري مافعلت ويعاقبها فهو قد حذرها من ان تمسها بسوء

ولكنه يصدم من مظهرها فكان مكياج عينيها سائلا علي وجهها وهو أسود اللون، وشعرها غير مرتب اطلاقا، وأحمر شفاهها ملطخ به ماحوله ليضحك ولم يستطع التوقف علي منظرها هذا فلم يتوقع ان تفعل هذه الهادئة كل هذا

محمود: بذات الحالة من الضحك، ايه اللي عمل فيكي كدة

نيهال: خلصت ضحك، ولا لسة

محمود: مش قادر، وانتي شكلك عامل زي سوكا كدة، لينفجر من الضحك عبر وصفها بهذا الإسم

ليدخل نادر في هذا الوقت ليري سيده وهو يضحك لينظر لها ليظهر الخوف عليه

نادر: اعاااا، اعوذ بالله من الشيطان الرجيم، مين دي

محمود: لم يستطع التوقف عن الضحك، دي مدام نيهال يا نادر بس بعد ما نجلاء لعبت في وشها البخت

لينفجر نادر من الضحك علي قول رأيسه

نادر: بس ايه اللي ودي حضرتك لها، وبعدين انا عرفت انها معملتش كدة غير لما حضرتك هنتيها

ليظهر علي وجهها الغضب الشديد

نيهال: ماتبطلوا ضحك بقي، انا طالعة

لتتركهم وتغادر وهي تتوعد لمن فعلت بها هذا

محمود: وهو يحاول الهدوء، المهم يا نادر ايه اخر الأخبار، الشحنة هتوصل امتي

نادر: كمان يومين، انا كلمت الجماعة قالوا يومين وهاتوصل، وانا مجهز كل حاجة، اطمن

محمود: كدة تمام، هااه عرفتلي احمد الأسواني متجوز نجلاء فعلا ولا لأ

نادر: ايوة عرفت، هو كاتب كتابه عليها ،والمفروض هتتنقل بيته اخر الأسبوع ده

محمود: اممم بس انا عاوزك تجيبهالي قبل ماتروح بيته، عاوزها في البيت اللي انت عارفه وبأسرع وقت

نادر: بس حضرتك

قاطعه بأمر لا يقبل النقاش، عينيه بها وميض النرجسية يريد أن يتملكها بشتى الطرق، لا يهمه الكيفية; كل ما يريده مراده منها وكفى

محمود: مفيش بس اعمل اللي بقولك عليه، يلا روح

ليغادر وهو يومئ برأسه بطاعه لرأيسه

نادر: تحت أمرك

ليغادر ويبقي هو بأحلامه بامتلاكها

*************************

بداخل إحدي الزنزات كان يجلس بمفرده والندم يسيطر عليه...... يتذكر مافعله، يتذكر أخيه الصغير الذي قام بتربيته، أخيه الذي كان بمثابة طفله، وهو من قام بقتله لأجل شهواته.......ليخيل إليه عقله انه يراه فيبكي ندما وكمدا علي ماصنعت يداه

سعيد: احمد انت جاي تاخدني معاك، ولا جاي تعذبني عشان اللي عملته فيك

.....:انت متخيل اني ممكن أأذيك ياسعيد، ده انت ابويا الصغير اللي مربيني، وحبك في قلبي ملوش وصف

سعيد: بحزن شديد ودموع تهطل، سامحني، حقك عليا، انا ما استهلش حبك، انا خونتك وكنت عاوز اخرب بيتك،عشان اخد مراتك، سامحني، سامحني

.....:هسامحك ياسعيد، بس تيجي معايا، انا عاوزك جانبي

سعيد: ماشي ماشي بس انا خايف، هقابل ربنا ازاي، وانا قاتل

....:خلاص مبقاش ينفع ياسعيد، آن الأوان

سعيد: ..............

احدي المساجين: انت قوم ياعم انت

نهار اسود ده قاطع النفس فوق

ياشوييييش الحقنا

الراجل مبينطقش

ليفتح باب الزنزانة ليري مايحدث وبعدها ينقل علي مشفي السجن ليتأكد بعدها من وفاته إثر أزمة قلبية، ليصدم الجميع من خبر وفاته بهذه الطريقة، وتتدهور صحة والده الذي أصبحت صدمته أشد بوفاة ولده الثاني، فأدرك هو ايضا ان الموت قريب جدا ولابد ان يصلح كل شئ قبل وفاته، ليرسل في طلب الجميع بمن فيهم احمد، ونجلاء ،والصغيرات، وكذلك زوجة ولده الراحل هناء، وأولادها، وولده سالم وزوجته ،وأخبرهم بأنه اعطي للجميع حقوقهم حتي لايتنازعوا فيما بعد، وأوصي أحمد علي أحفاده الصغار، وأوصي سالم علي اولاد أخيه سعيد، وأن يبر الصغيرات، ومن بعده أولاده وألا يتركوا صلة الرحم حتي يرضي الله عنهم، ووافق الجميع، وبعد هذا الحدث بمدة يومين انتقل الي جوار ربه وودع الدنيا الفانية وقد أرضي الله وتاب عن خطأه

*************************

وبعد هذه الأحداث واقتراب موعد الزفاف حدث مالا يتوقعه أحد منهم

فقبل الزفاف بيوم واحد فقط كان الجميع علي أهبة الاستعداد، وكانوا يتسوقون جميع الفتيات معا

الي ان أتي لمروان اتصال استأذن منهم للرد عليه

مروان: ياشباب ثواني بس هرد علي التيليفون

احمد: في حاجة يمروان

مروان: لأ بس هرد واجيلكم

حياة: ياااه كده خلصنا

ايمان: لا بجد يوم مرهق جدا

نجلاء: بنات انا هروح الحمام، تعالوا معايا

لتغادر الفتيات وبعد قليل يصل مروان ركضا

مروان: احمد فين نجلاء؟

احمد: مالك في ايه، البنات في الحمام

حسام: في ايه يمروان ايه اللي حصل! ومين اللي كلمك

مروان :مش وقته ياحسام نجلاء في خطر، قوموا معايا نشوفهم

احمد: وهو يمسكه من يده، فهمني الأول

مروان: وا

ليصمت إثر سماعه لصراخ الفتيات،ليتجهوا ركضا إليهم

حسام::في ايه يا إيمان!! بتصرخوا ليه

مروان لحياة التي لجمتها الصدمة ودموعها تنزل فقط: :ايه اللي حصل يا حياة؟

أحمد: فين نجلاء انطقوووا

لتأشر له حياة علي ركن ما به ملابسها لتصبح الصدمة أضعاف مضاعفة

ثيابها ملقاة في إحدى الأركان ولا أثر لها

***************************

بعد عودة الجميع لمنزل أحمد وتفريغ مروان لجميع كاميرات مركز التسوق، ورؤيتهم لرجل وفتاة يسندون امرأة واخبر الأمن انها زوجته ومرضت فجأة ليسمحوا لهم بالمرور،......كانوا يتحدثون فيما حدث وبعد حضور الجميع

كان يجلس والحزن يرتسم ببراعة علي وجهه فقد فشل في حمايتها

حسام: قولي يامروان انت عرفت ازاي انها في خطر

مروان:انا قولت لكم قبل كدة ان في واحد هو اللي بيوصلي اخبار الجرحاوي، وهو اللي كلمني وقالي ان الجرحاوي مخطط يخطف نجلاء ،وقالي انه هينفذ ده النهاردة ولازم احميها ،وقفل بعدها رجعت جري علي المكان اللي كنا قاعدين فيه ،بس لقيت احمد بيقولي انهم في الحمام، وبعدها سمعت صريخ البنات وروحنا لهم علي هناك

إيمان: ايوة احنا كنا في الحمام خلصنا وكنا خارجين، بس في بنت طلبت من نجلاء تساعدها في انها تظبط هدومها، ونجلاء وافقت وقالت لي انا وحياة انها هتساعدها وتخرج علي طول، احنا قولنا هنستناها برة بس اتأخرت ومخرجتش، ولما دخلت حياة تشوفها اتصدمنا من اللي شوفناه، هدوم نجلاء اللي كانت لبساها موجودة ونجلاء ملهاش أثر

ولم تتمكن من الإكمال لتنهار من البكاء

فاطمة: اهدي يا إيمان بإذن الله هترجع وهتكون بخير، نجلاء طيبة وربنا معاها

حياة: كانت بعالم اخر ولم تتحدث منذ قدومهم فقط تبكي

اما والدتها فلم تتوقف دموعها علي فلذة كبدها التي لاقت من العذاب مايكفي

والفتيات الصغيرات يريدون والدتهم

ليتجهوا إليه

نوران: بابا هي ماما فين! هي مش هتيجي

ملك: بابا هي ماما هتروح عند ربنا

صدمة ألجمت الجميع

سما ونور: بدموع شديدة

سما: لا ماما هتييجي وهتحفظني قرآن وهاسمع كلامها

نور: وانا هحبها ومش هزعلها وهحفظ زي سما، عشان خاطري خليها تيجي يابابا

احمد: والله هتيجي وهرجعها ماتخافوش،ليقول ببسمة مليئة بالوجع والدموع...... هي بس عاوزة تعرف معزتها عندنا

ليتجه لوالدتها وهو يجلس علي ركبتيه

احمد: سامحيني يا أمي مقدرتش احميها

الأم نجلاء: وهي تربت علي رأسه، ومين قالك انك مش هتحميها، انا عارفة انها بقت روحك واحنا لما روحنا بتتوجع بنحس بيها، صح!

ليومئ برأسه، وانت لازم تحس بيها انا حبيتك لحبك لها وحبك للبنات، شوفت حبها في عنيك، ولما ترجع بالسلامة هترجع علي قلبك

احمد: ببكاء ولم يستطع الحديث

ليقطع حديثههم دلوف الحارس وهو يقول: احمد بيه في واحد عاوز حضرتك برة وبيقول ضروري

احمد: واحد مين انا مش

ليكمل: يافندم بيقول عنده معلومات عن مكان مدام نجلاء

لينتفض الجميع:ايه!!!!!!!!!!!!!!!!!!

احمد: دخله بسرعة

في مثل هذا الموقف يتعلق الجميع بخيط صغير

ليدخل من لم يكن في الحسبان، شخص كان كطوق النجاة لهم من طوفان سوف يهدم حياتهم

حسام: بصدمة انت مش ممكن، ده انت دراع محمود اليمين!!!!!!!!!!!!

مروان: نادر!!!!!!!!!انت نادر

احمد: وقد فطن انه الوحيد القادر علي إيصاله لزوجته، ولابد من مجاراته........اتفضل يا نادر

نادر:بصراحة ومن غير لف ودوران انا جاي اعمل معاكم صفقة، ومن حقكم توافقوا او ترفضوا

حسام: صفقة ايه! !!!وإيه اللي يخلينا نثق فيك وانت

نادر: عندك حق ياحسام بيه متثقش فيا، بس انا الوحيد اللي هيوصلكم لمدام نجلاء

مروان: انت اللي كنت بتديني المعلومات عن عمليات الجرحاوي! !!!وانت اللي كنت بتنقلي كل أخباره !!!

نادر: صح، ولو مكنتش عرفت كنت شكيت انك بالذكاء الظاهر ده

نهض بعنف والقلق يكاد يفتك أوصاله

احمد: نادر ادخل في الموضوع

نادر: انا هقولكم علي مكانها، وفي المقابل تخلصوني من الجرحاوي

حسام: بسخرية، ليه قاتلاين قتلة احنا

احمد: استني يا حسام، كمل يا نادر

نادر: محمود الجرحاوي عنده اكبر صفقة في حياته وانا اللي هطلع معاها بس انا هحاول اخليه يطلع العملية دي لأنها مهمة وحضرة الضابط يقبض عليه متلبس، وكمان هخليه يبعد عن المكان اللي المدام فيه وانتوا روحوا خدوها بس خلي كل حاجة طبييعية عشان ميشكش في حاجة

مروان: واحنا ايه اللي يخليني اصدقك! !!

نادر: لا صدق لأني بكرهه لأنه كان السبب في كل حاجة حصلتلي هو السبب في موت أهلي، علي العموم انا همشي وانفذ اللي اتفقنا عليه، وده المكان اللي هتكون فيه بس لازم نتحرك التسليم النهاردة الساعة 12

تركهم وغادر ليبدأوا في تنفيذ مهمتهم

**************************