الفصل الرابع عشر

اما عند من تملك المرض من قلبه قبل عقله فكان يجلس يخطط مع أحد خريجي السجون لشئ ارتضته نفسه وهو ليس من حقه ولكن سولت له نفسه انه من حقه

سعيد: بقولك ايه انا لازم ابعت لها الصور دي تاني عشان اضغط عليها واتجوزها في اقرب وقت انا شاكك ان ابوها بيخطط لحاجة طالما ساكت كدة لأني متأكد انه شاف الصور

..........:وانت ايه اللي مخليك متأكد يريس ميمكن مشافهاش ولا هو يعني هيعمل ايه مش هيقدر يعمل حاجة

سعيد: اسكت انت مش فاهم حاجة خطيب بنته كله عارف انه مهندس مسافر برة بس اللي عرفته انه مش مهندس بس في حاجة غريبة انا مش مرتاح عشان كدة انت هتراقب نجلاء من ساعت مبتروح شغلها لحد مترجع عينك متغفلش عنها انت سامع حتي هي بتشوف مين كل حاجة كبيرة وصغيرة سامع

............:بس كدة هنعوز مصاريف يريس انت عارف بقي

سعيد: وهو يخرج الأموال من جيبه خد بس اي غلطة انت عارف مش هتكون اعز من اللي راح

.......:عارف يريس بس سؤال معلش،

انت هتعمل ايه بالصور دي هتبعتها تاني ولا ايه

سعيد: ملكش دعوة اعمل اللي بقولك عليه وبس انت فاهم

........:فاهم يريس

*******************************

عند سالم كان يحاول الوصول للأستاذ فتحي لإخباره وعندما كاد ان ييأس حاول الاتصال على رقم منزله ولحسن حظه كان قد انتهي من كتابة الملاحظات لنجلاء واوشك على النوم ولكن رنين الهاتف اوقفه

فتحي: يتري مين اللي بيتصل في وقت زي ده فكان الوقت قد تجاوز منتصف الليل ليشك انه سعيد

ويقرر الرد

:الوو مين معايا

سالم: وهو يتنهد بارتياح الحمد لله

استاذ فتحي انا كنت عاوز حضرتك ضروري في موضوع مهم جدا ومش حمل تأخير انا جيت لحضرتك النهاردة بس ملقيتش حد

فتحي: سالم ايه الموضوع ده فيه ايه بالضبط

سالم: مش هينفع في التيليفون انا هاجي لحضرتك بكرة بعد المغرب وهجيب شيماء معايا عشان تشوف نجلاء والبنات عشان محدش يشك في حاجة

فتحي: بقلق هو الموضوع كبير الدرجادي يسالم

سالم: ايوة للأسف

فتحي: خلاص ماشي انا هكون في انتظارك

ليغلق الهاتف ولازال القلق ينهش قلبه

اما عند سالم

شيماء: الحمد لله انه رد عليك المهم انك تقوله علي كل حاجة لازم الحق يرجع لاصحابه

اما الحاج سامي فاستمع لحديثهم

الحاج سامي: يتري في ايه يسالم ايه الموضوع اللي انت عاوزه فيه وايه دخل سعيد بالموضوع

انا لازم اعرف

*********************************

في اليوم التالي استيقظت بطلتنا وأدت فرضها واستعدت للذهاب الي عملها بعد ان جهزت اطفالها قبل الذهاب

وعند وصولها مباشرة اتجهت لمكتب المدير لإعطائه الملف وابلاغه بما فيه واثناء سيرها رأتهم قد وصلوا لتوهم وفي طريقهم للمكتب فقررت الذهاب سريعا للمكتب لمقابلته ولكن عليها اولا ان تذهب لمكتبها حتي لاتثير الشكوك

إيمان: مالك ينجلاء في ايه انت مش طبيعية

نجلاء: هااه لا مفيش حاجة بس عاوزة اروح مكتب المدير عشان امضي الملف ده يلا سلام هروح الأول

لتذهب حتي قبل ان تسمع ردها

إيمان: باستغراب هي مالها النهاردة يتري فيكي ايه ينجلاء

اما هي فوصلت لمكتب المدير

نجلاء: انسة ندي لو سمحتي عاوزة ادخل لاحمد بيه في ملف مهم محتاج امضي

ندي: وهي تنظر لها بتأفف واضح ملف ايه ده احمد بيه مش فاضي دلوقتي

اتفضلي وابقي تعالي كمان شوية

نجلاء: بعصبية لم تتحكم بها وقت تاني ايه يآنسة هو انا جاية العب بقولك ملف مهم تقولي لي تعالي بعدين انتي حتي محاولتيش تدخلي تبلغي المدير

اما في الداخل كان هو وحسام يناقشون اخر شئ في ملف الصفقة ليستمعوا للجلبة التي تحدث في الخارج

حسام: هو في ايه، ايه الدوشة اللي برة دي

احمد :مش عارف خلينا نشوف

ليتجهوا للخارج ليرو مايحدث

احمد: بصوت عالي ايه اللي بيحصل هنا بالضبط

لتلتفت نجلاء سريعا

حسام: نجلاء في ايه

لترد ندي: المدام بقولها ان حضرتك مشغول بتزعقلي

لتنظر لها نجلاء بغضب: انتي كذابة حضرتك انا قولت لها ان في ملف ضروري محتاج ان حضرتك تشوفه وتوقع عليه تقولي روحي وابقي تعالي بعدين باسلوب مش كويس انا حضرتك لو الموضوع مش مهم مكنتش اتكلمت

ندي: انتي مش محترمة

احمد بغضب: نديييي حسك عينك تغلطي فيها انتي سااامعة اتفضلي ادخلي وكل واحد علي شغله

لتنظر له نجلاء بتعجب من قوله

حسام: طيب اتا هروح مكتبي

نجلاء: لا يحسام بيه لو سمحت خليك

لينظر لأحمد في صمت ويلاحظ ان صديقه اغلق الباب وهي لم تعقب

احمد: ايه هو الموضوع المهم ده

نجلاء: مصيبة يفندم

احمد: مصيبة ايه انت حد عملك حاجة

نجلاء: لللا مش انا ،انا هقول لحضرتك،يوم الخميس قبل مروح انا وايمان بعد مطلبت الإذن من حضرتك رجعت مكتبي لقيت إيمان بتقولي ان الملفين دول جم من قسم الحسابات وعاوزين يدخلو الأرشيف

حسام: طيب ودي فيها

نجلاء: يفندم انا لسة مكملتش، اولا ملفات الحسابات لازم تتراجع الاول عندي  وبعدين تتعرض علي احمد بيه ويمضيها بس ده محصلش وانا لما شكيت في كدة اخدت الملف معايا البيت بس احداث اليومين اللي فاتو نسوني ولما رجعت امبارح بالليل راجعته ولقيت في اختلاس لاكتر من عشرة مليون جنيه من واردات الشركة ولما حسيت اني ممكن اغلط واظلم حد خليت بابا راجعه معايا تاني هو شاطر جدا في الحساب ودي الملاحظات اللي انا سجلتها

لتعطيه ورقة اخري امامه ودي المراجعة بتاع بابا

اتفضل

لينظر احمد وحسام للأوراق بصدمة

حسام :مش معقول ايه ده ده راس مال جديد

أحمد بنظرة غموض طيب انتي كان ممكن متقوليش وكان ممكن تستفادي من

لتقاطعه

نجلاء: متكملش حضرتك انا ميلزمنيش انا الحمد لله باخد راتب علي شغلي وبعمل اللي يرضي ربي والجنيه الحلال عندي بمليون حرام دينا قالنا كدة وده اللي اتربيت عليه كان دايما والدي يقولي

""مانبت جسده من حرام فالنار اولي به""

اتفضل حضرتك ده الملف

لينظر لها باعجاب لم يستطع اخفاءه،ليتأكد من اختياره وخطوته التالية،  ويلاحظ صديقه هذا

اما هي بخجل من نظرته هذه تخفض بصرها وتستأذن للخروج

حسام: هااا هتعمل ايه

احمد: ........ .

**************************

نذهب إلي هذه السيدة الجميلة التي باعت طفلتها وزوجها من اجل شخص اخر، شخص كان همه الوحيد هو ازلال زوجها وكسره ،وكانت هي الوسيلة لذلك ،ولكنها اتبعت خطي الشيطان، وارتضت ان تقبل بالحرام علي الحلال، لتتذكر ماحدث منذ ثلاث سنوات، فكانت مع زوجها آنذاك ،فكان يعاملها معاملة حسنة ،ولم يخطئ في حقها مطلقا، فكانت جميع طلباتها مجابة وحقوقها الزوجية لم يقصر فيها معها، الي ان جاء ذلك اليوم، فكان لديه سفرية عمل، وكان لابد من سفره ،فقد حدثت مشكلة كبيرة في فرع الشركة بالخارج، وسافر ولكنها لم تكن تبالي، وفي اليوم التالي ،قالبلت محمود الجرحاوي في احدي النوادي التي كانت ترتادها، واعجبت به حتي انها قد

نسيت زوجها ،واصبحت تقابله يوميا، ولم تخلو لقاءاتهم من المحرمات، الي ان طلب منها ان تنقل اخبار زوجها إليه، وبالطبع لم تمانع، من اجل من تسميه حبيبها، اما زوجها فكانت علي استعداد للتضحية به، لدرجة انها بدأت تهين والدة زوجها، وتعاملها بطريقة سيئة،  حتي طفلتها اهملتها ،وتركتها ولم تعد تبالي بها، حتى انها مرضت في يوم وكانت على موعد معه ،فتركت طفلتها تنازع وتتألم حتي اوشكت علي الموت ،ولكن جدتهاانقذتها وأخذتها للطبيب، اما هي فذهبت للقاء المحرم ،الي ان عاد زوجها، وعند عودته لاحظ تغيرها ونفورها منه ،وعندما سألها عن السبب ؟أخبرته انها تريد الطلاق ، رفض في البداية لأجل طفلته، ولكن ماجعله يطلقها ،هو رؤيتها مع الد أعدائه بفراشه

لتفق من شرودها على دخول محمود الي المنزل

نيهال: وهي تعانقه حبيبي اتأخرت ليه قلقت عليك

محمود: لا متقلقيش انا كويس كان عندي شغل بس

نيهال: محمود انا بحبك اوي اوعي تبعد عني وتسيبني انا مقدرش اعيش من غيرك

محمود: وهو ينظر لها نيهال انتي بنتك موحشتكيش؟

مش عاوزة تشوفيها؟

نيهال: بصدمة ايه ايه اللي خخلاك تسأل السؤال ده بس عادي يعني وجودك جنبي مش مخليني افكر في حد تاني

محمود: باستهزاء بس دي مش حد دي بنتك ومفيش ام ممكن تنسي بنتها الا لو كانت من غير قلب

نيهال: وهي تقاطعه، بقولك ايه يحبيبي انا عاوزاك انت وحشتني اوي لتقبله ويذهبون لعالم خاص بهم كل منهم يهرب من شئ ما

اما هو فكان يتذكر ماقاله له الشخص الذي كلفه بمراقبتها

...........:يباشا كل المعلومات عند حضرتك في الملف ده بس في حاجة كدة يعني عرفتها وانا راجع

محمود: حاجة ايه؟

...........:احم هي رافضة الجواز نهائي واتقدم لها ناس كتير ومن ضمنهم اخو جوزها حتي مرضيوش يدوها ورث جوزها عشان يضغطو عليها ويتجوزها

محمود: طيب وهي رافضة ليه؟

............:عشان عشان ولادها

محمود بصدمة: ولادها ايه انت بتخرف!

...........:لا والله بس هي عندها 3بنات ومش راضية عشانهم دة اللي عرفتو

محمود: طب روح انت وابقي فوت علي الحسابات

ليغادر اما هو فلا زال تحت الصدمة! 3بنات! ازاي

انا كنت فاكرها واحدة بس واحدة في سنها لسة صغيرة كان ممكن تتجوز وخلاص ومتفكرش في حد دي حتي الفلوس مأثرتش فيها معقول؟ دي نيهال باعت بنتها عشاني !

*********************************