الفصل الخامس عشر

وفي منزل الأستاذ فتحي فكان بانتظار سالم وزوجته كما اخبره بقدومه امس واخبر زوجته التي ملأ القلق قلبها

اما هناك فكان سالم وزوجته استعدوا للذهاب ولكن اوقفه الحاج سامي

الحاج سامي: استني ياسالم

سالم: نعم يابا عاوز حاجة مني قبل مامشي

الحاج سامي: لا بس انا بنات اخوك وحشوني وعاوز اشوفهم عشان كدة هاجي معاك

لينظر هو وزوجته لبعضهما دون التفوه بكلمة واحدة

سالم: طيب يلا يا ابا

ليخرجوا من المنزل وعند خروجهم

شيماء: وبعدين يا سالم هتعمل ايه كده مش هتعرف تقولوا حاجة وحتى لو قولت قدام ابوك مهوش هيصدق حاجة انت عارف بيسمع لسعيد ازاي

سالم: ربنا يستر يلا بس عشان ميشكش في حاجة دلوقتي

الحاج سامي: بتتوشوشو في ايه يا سالم في حاجة

سالم: هاااه لااا بس بقول لشيماء تكون قالت للعيال اننا رايحيين

الحاج سامي: ااه ماشي يا ابن

وعند وصولهم رحب بهم الجميع وانطلق الصغار لأحضان جدهم يقبلونه واحتضنهم عمهم وزوجته كذلك

اما شيماء فاحتضنت نجلاء فهي تحبها كثيرا ولم ترها منذ فترة طويلة فهي تعدها كأختها الصغري وهي من ساندتها ووقفت بجانبها الي ان انهت دراستهاولم تتركها بمفردها وكانت لها اخت بل ام

(لما لاتكون العلاقات بين زوجات الإخوة كلها بهذه الطريقة؟ لما لايكون الود والمعروف هو السائد في مجتمعنا؟ لما لا تعامل الأم زوجة ولدها كابنتها؟ ولما لاتعامل زوجة الابن والدة زوجها كأم حقيقية لها ؟

اين الخطأ؟ لما بعض الأزواج يحملون زوجاتهم مسؤولية كل مايحدث؟ لماذا الخطأ فقط مسؤولية الزوجة؟ هل الزوجة دوما مخطأة لتتحمل هي كل الذنب؟ هل الأزواج دوما علي صواب؟

هل خدمة أهل الزوج فرض على زوجة ولدهم ليعاملوها كالخادمة؟ هل طاعة الزوجة لزوجها ضعف؟ ولكن لما لايقدر الزوج هذا؟ لما دائما يبحث عن أخرى؟ لما يعد زوجته كمن انتهي عمرها الافتراضي؟

ممن الخطأ؟ )

اما عند الرجال فكان الوضع مريبا سالم يريد الحديث ولكنه لايستطيع الحديث امام والده فيقول

سالم: استاذ فتحي معلش عاوزك دقيقة برة

فتحي: اتفضل يا سالم

وعندما هموا بالنهوض

الحاج سامي: قول كل اللي انت عاوز تقولوا قدامي يا سالم انا عاوز اعرف انت عاوز ابو ياسين في ايه

ليصدم سالم من حديث والده ولكنه يفكر قليلا لما لايكسب ابيه في صفه؟ ويكون عون له؟

ليحسم امره: بص يا ابا قبل ماقول اي حاجة لازم تعرف ان والله العظيم والله العظيم والله العظيم مفيه كلمة من اللي هقولها كذب وده يمين يحاسبني

عليه ربنا

الحاج سامي بقلق: في ايه يا ابن

وكان الأستاذ فتحي لا يختلف حاله من القلق الذي اصاب الحاج سامي

ليتحدث سالم :انا من يومين كنت بمر علي الأرض اللي في الطريق الغربي وبالصدفة شوفت

ليصمت ثواني ثم يعيد الحديث شوفت سعيد اخويا مع الولا حكشة رد السجون استغربت وقتها لما لقيته بيقول لسعيد اخويا ياريس ثم يقص عليهم ماحدث

فلاش باك: :::

بينما عند من ملأ الحقد قلبه وعماه فكان يتحدث بعصبية

سعيد: بقي انا مش عارف اضغط عليها بس هي مشفتش الرسايل ازاي لحد دلوقتب

مجهول: انت متاكد انك بعتهم لها علي رقمها ولا لأ

سعيد: يا ابن قولت لك بعتهم لها ولما رنيت بعدها ابوها اللي رد عليا فقفلت على طول

مجهول: مصيبة لو ابوها كان شاف الرسايل

سعيد: نهار اسود انا ازاي مفكرتش في كدة ده كدة تبقي مصيبة ابوها ده مش سهل وغير اخوها اللي عايش دور الضابط

مجهول: انت كمان قولتلي ان خطيب اختها رائد في الشرطة يعم كنت سيبها وخلصنا كدة مش بعيد نروح في داهية بص بقي انا مليش دعوة انت حر بس لو رجلي جات في الليلة دي هقول على القديم والجديد

سلام يسعيد

سعيد: غور جتك القرف قلقتني

نهاية الفلاش باك

بس وبعدها مشيت عشان محدش يشوفني

الاب فتحي: سالم انت متأكد من اللي انت قولته

وسمعته ده

ليفكر كيف علم سعيد بهوية مروان وحتي ابنتيه لايعلمان شئ عن هذا الأمر وكذلك الصور التي يرسلها اذن هو من فعلها

انا لازم اكلم مروان

اما الحاج سامي: بصدمة انت انت بتقول ايه يسالم يبني ابني سعيد يعمل صور وسخة عشان يخلي ارملة اخوه تتجوزه انت اكيد سمعت غلط

سالم: وهو يتجه ليجلس بجانب والده يابا والله ده اللي حصل، طيب ايه سبب اصرار سعيد على انه يتجوز نجلاء، فكر كدة يابا

فتحي: بحكمة شديدة ،سالم ابوك معاه حق ميصدقش، بس ده مهما كان ابنه ومش هيصدق حاجة عليه، سيب كل حاجة لوقتها، مضايقش نفسك يا حاج ،كلهم ولادك ،ونجلاء بنتك برضوا، واللي مترضهوش لبناتك مترضهوش لبنات الناس،

*********************************

اما عند مروان فكان في سيارته متجها لمنزل احمد، بعدما هاتفه وأخبره ماحدث اليوم بالشركة، وما فعلته نجلاء ،وكيف اكتشفت الإختلاسات التي تحدث ،ليطلب منه القدوم لمناقشة مايريد فعله هو وحسام، حيال هذا الأمر ،

ليرن هاتفه ليرد: :ايوة يا عمي خير في حاجة

فتحي: مروان انت فين دلوقتي

مروان: انا رايح لاحمد البيت عاوزني بخصوص الاختلاسات اللي بتحصل عنده في الشركة اللي نجلاء اكتشفتها

فتحي: ايوة ايوة عارف الموضوع ده، بص يا مروان اسمعني كويس لأن اللي هقوله ده مصيبة

مروان: مصيبة ايه يا عمي

فتحي: بص يا ابن امبارح سالم كلمني ،وقالي انه عاوزني في موضوع مهم بخصوص نجلاء ،انا افتكرت انه عاوز يتكلم في موضوع جوازها من سعيد تاني، بس اللي حصل ان لقيته جاي ومعاه ابوه

وحصل ...........ليسرد له جميع ماحدث والحوار الذي دار بينهم

مروان: بصدمة حضرتك بتقول ايه يعني سالم عرف نية اخوه وسمعه بنفسه

فتحي: ايوة وكمان ابوه عرف، ومش بعيد يروح يقولوا ،وكدة بنتي هتكون في خطر

مروان: طيب اهدي بس يا عمي، وانا ان شاء الله هلاقي حل، متقلقش

فتحي بعد تفكير: بقولك ايه لما توصل عند احمد عاوزك تقوله على كل حاجة وقوله هنعمل ايه وهنتصرف ازاي

مروان: حاضر يا عمي انا خلاص وصلت

فتحي: خلاص اقفل دلوقتي وهكلمك بعدين، يلا سلام عليكم

مروان: وعليكم السلام

دقائق قليلة وكان قد ةصل لوجهته، كان جالسا معه لكنه في واد آخر

أحمد: مروان مالك يبني

حسام باستغراب: ماله ده، مروان، مروااان

مروان: :بانتباه هاااه

احسام: هااه ايه يا ابن ده انت ضايع

احمد: مروان، في حاجة حصلت، شكلك يقلق

مروان: ايوة في

لينظر له احمد وحسام باستغراب

ليكمل: :الأستاذ فتحي كلمني وانا جاي هنا وقالي

ليخبرهم بما اخبره به

احمد: يعني كده ابوه واخوه عرفم هو عايز ايه

مروان: ايوة بس قالي ان نجلاء كدة في خطر

حسام: خطر ليه كدة ابوه ممكن يمنعه عنها

مروان: يا ابنيك انت مش عارف حاجة، سعيد دة مريض ومهووس ،وبعدين ده واحد قتل اخوه ،توقع منه اي حاجة

احمد: بعد تفكير ،بقولك ايه يمروان انا عاوز اقابل سالم وابوه كمان رتب لي معاد معاهم بكرا ضروري وكمان تجهز الأوراق اللي انا هقولك عليها دلوقتي

مروان: طيب ومشكلة الشركة

أحمد: متقلقش حسام هيخلصها

لينظر لصديقه نظرة فهمها كل منهم تمام يا حسام

حسام: متقلقش اعتبرها انتهت

احمد: كدة لازم كل حاجة تخلص عشان نجلاء تكون في امان من الكل

مروان: طيب والجرحاوي !هتعمل معاه ايه

احمد: لا ده سيبهولي

************************************