الفصل الرابع والعشرون

اقتربت منها تضمها بحنان وهي تخبرها

ناهد: تعرفي اني حبيتك من قبل ما اشوفك

لتنظر لها باستغراب، فتكمل: ايوة من اول ما نور احمد جابها وقال انها نامت في حضنك، كان نفسي اشوفك وقتها، ولما شوفتك حبيتك اكتر حسيتك بنتي اللي مخلفتهاش، واتمنيتك زوجة لإبني وأم لنور، وطمعانة في انك تكوني بنت ليا، انا عارفة ان أوقات كتير الحموات بيكونوا صعبين في معاملتهم، لكن معايا هتعرفي انك بنتي مش مرات ابني وبس،ولا انتي مش معتبراني والدتك

نجلاء: لاااا والله حضرتك ربنا يعلم انا حبيتك ازاي وليكي مكانة كبيرة اوي عندي، وكمان انا يشرفني ان حضرتك تعتبريني بنتك

ناهد: امال ايه حضرتك دي، قولي ماما

نجلاء: حاضر يا

ناهد: هاااا

نجلاء: بابتسامة حاضر ياماما

ليسعد الواقف بالخلف لهذه العلاقة، وينظر باتجاه حماه نظرة فهمها جيدا

فتحي: طيب ياجماعة اتفضلوا نتغدي ونسيب احمد مع مراته شوية

ليخرج الجميع ولكن اللواء عبد الحميد انتظر قليلا

ليقول: نجلاء

نجلاء: ايوة ياعموا

عبد الحميد: عاوز اقولك انك عمرك ما هتندمي لموافقتك الإرتباط باحمد. ،احمد انسان محترم ويعرف ربنا وانا بعتبره زي مروان زي مابعتبرك بنتي، ربنا بيحبك وعشان كده بعت لك اللي يحميكي،انا مش محتاج اوصيه عليكي لأني عارف كويس انه هيحميكي، وحمذالله علي سلامتك

ليغادر بعدها وتبقي بطلانا بمفردهما بالغرفة، لتخفض بطلتنا بصرها ارضا خجلا فهي لم تتوقع هذا

احمد وهو يتجه ليجلس امامها، ينظر نحوها بعيون عاشقة، لا يدري متى حدث وأصبح يعشق النظر إليها، كان يشعر أن قلبه سيتوقف عندما علم أن مكروها أصابها، ليتنهد وهو يجلس

احمد:نجلاء ممكن نتكلم شوية

أمائت برأسها بطاعة نجلاء: اتفضل

أمال راسه نحوها وهو يحاورها بنبرة مرحة

احمد: ايه، مش سامع

نجلاء: بقول لحضرتك اتفضل

احمد: بابتسامة، اولا مينفعش واحدة تقول لجوزها حضرتك ده عيب في حقي، وبعدين يعني جوازنا جه بسرعة وكل اللي حصل لخبط الدنيا، فممكن نتكلم

لتهز رأسها بإيمائة بسيطة بمعني نعم

احمد: تمام، بصي نبدأ من الأول

نجلاء انتي موافقة علي جوازك مني ولا لأ؟

نجلاء: ايوة موافقة ،انا مش هنكر اني مكنتش موافقة في الأول بس الضغط اللي حواليا خلاني اوافق، في الأول قولت إن ده عشان الناس تسيبني في حالي، بس اللي انت عملته وإصرارك علي الجواز وحبك للبنات خلاني اكون مقتنعة بالموافقة

ليبتسم بسعادة وهو يشعر ان جزئا من مهمته قد مر على مايرام; ليهوى به مرة أخرى عندما أكملت

بس انا لسة خايفة، خايفة بعد فترة تقولي انا مش عاوزهم هما مش ولادي، انا مش هستحمل ابعد عن ولادي دول روحي اللي عايشة بيهم

أحمد: :بصي يانجلاء انا عمري ما اعمل كدة ابدا، لأن انا البنات دول لو وصفت لك انا بحبهم قد ايه مش هيكفي كلامي ولا وصفي حبهم في قلبي، وبعدين اللي انا عملته ده عشان تتطمني وكمان الجماعة يفكروا كويس في الموضوع ومياخدوش البنات منك، ده كان الأساس عشان انا عارف كويس ان ولادك أهم حاجة عندك،وبعدين إصراري علي الجواز منك له سبب تاني خالص

نجلاء: سبب ايه؟

احمد: نجلاء انا مش عاوز واحدة في بيتي وخلاص ولا علاقة مؤقتة، انا عاوز زوجة فاهمة يعني ايه يعني تحبني وتخاف عليا لو اتأخرت برة، تحافظ علي عرضي وشرفي في غيابي قبل وجودي، تخلي بيتي مملكة وهي الملكة بتاعتها، تكون ام لولادي وتربيهم علي دين الإسلام،وتعلمهم الحلال والحرام، الصح والغلط، تكون ليا ام، واخت، وحبيبة، وصديقة، وعشيقة، وكل حاجة في حياتي، اكون انا محور اهتمامها، زي ما هتكون هي محور اهتمامي، وكل حاجة ليا في الدنيا، نجلاء;انا تجربتي الأولى كانت بشعة عقدتني من كل حاجة عمري ماتخيلت اني الاقي الإنسانة اللي انا عاوزها واللي بحلم بيها، لحد ماشوفتك، كل حاجة فيكي شدتني، طيبتك وحنيتك علي طفلة اول مرة تشوفيها ولمجرد انها تايهة وبتبكي ماسيبتهاش ،حفاظك علي نفسك لمجرد انك رفضتي ان اشيل منك نور وهي نايمة عشان ملمسكيش، حيائك اللي دايما عينك بعيد عن اي حد، لبسك الواسع الجميل مخليكي ملكة في عنيا، وحاجات تانية كتيير

نجلاء: وقد بلغ منها الخجل منتهاه، طيب في سؤال عندي

احمد: اسألي كل اللي انتي عاوزاه

نجلاء: احم يعني انا عرفت ان زوجتك الأولى لسة موجودة يعني ممكن ترجع لها عشان نور؟

احمد :بصي يا نجلاء دي لو اخر واحدة في الكون لا يمكن ارجع لها، لأسباب كتير جدا هقولهالك لما تيجي بيتي عشان اوريكي واعرفك كل حاجة عني

نجلاء: هو انا هاجي امتي

احمد: انا لو عليا اخدك دلوقتي، بس هستني علي ما نعمل حفلة إشهار عشان الكل يعرف

نجلاء: هو في حاجة يعني عاوزة اتكلم فيها

احمد: قولتك قولي كل اللي مخوفك، واوعي تفتكري ان كلامي هيتغير، كلامي معاكي عمري ماهغيره

نجلاء: بالنسبة لحقوقك الزوجية يعني انا

احمد: نجلاء انا قولت لك انا عاوز ايه قبل كدة يعني العلاقة الزوجية عمري ما هفرضها عليكي، وقت ما ترتاحي وتحسي انك بتحبيني زي ما بحبك، وقتها بس ممكن، لكن انا مش شهواني

نجلاء: لا والله مش قصدي، انا قصدي لما اخد عليك وكده

احمد: ماشي يا ستي، لسة أسئلة

نجلاء: هو حاجة واحدة بس

شغلي يعني انا عاوزة اكمل شغل يعني

احمد: ومين قالك ان همنعك تشتغلي، بالعكس اشتغلي براحتك انا هكون سعيد لما تكوني بتعملي حاجة بتحبيها، وعمري ماامنعك عنها، لكن لو لقيت ان الشغل هيضرك وهيضر الولاد وهيضر بيتنا ساعتها نتناقش ونشوف الصح ومستحيل اجبرك علي حاجة اوكي يا نوجا، بكرة هاخدك نشتري شوية حاجات لبيتنا ممكن

لتخفض رأسها بحياء

نجلاء: وقد أصبح وجهها كحبة الباندورا، ممكن ..بس استأذن بابا الأول

احمد:حاضر هستأذنه اخرج واسيبك ترتاحي

خطوات بسيطة وعاد مرة أخرى يخبرها بأمر آخر تذكره

اه نجلاء رأفت وندي هما اللي عرفونا مكانك

اضيقت عيناها بتعجب واستغراب

نجلاء: غريبة، وهما ايه اللي جابهم

احمد: مش عارف، بعدين نعرف، عموما تصبحي علي خير

نجلاء: احمد

احمد وهو يستدير بابتسامة كونها نادته باسمه

عيونه

نجلاء: خلي نور هنا

احمد: بس كدة، من عنيا، وابو نور مش عاوزاه

وهي تهز رأسها بمعني لا

ليضحك عليها وبعدها يغادر

ليتحدث مع الجميع ويتفق علي انه سوف يأتي لأخذها غدا لشراء مستلزمات خاصة بمنزلهم، فوافق الجميع، واستأذنوا بعدها للمغادرة وتركوا نور مع والدتها

*************************

انتهي الفصل