الفصل 70

في قصر عائلة الدنيز

داخل المكتب الفخم، كان مصطفى جالسًا خلف مكتبه، ينظر إلى ساعته بانزعاج، بينما تنتشر الملفات أمامه. بضيق: وين هاد الولد؟ ليش لسه ما إجا

في تلك اللحظة، طرق سنان الباب ثم دخل بسرعة. مصطفى بيك

مصطفى: شوفي يا سنان

سنان: أمير بك عمل حادث، وهلأ هو بالمستشفى.

وقف مصطفى من مكانه بصدمة.

كيف

سنان: هيك سمعت... بس قالوا إنه صار أحسن.

ظل مصطفى يفكر بصمت، وملامح القلق واضحة على وجهه.

في صباح اليوم التالي – مستشفى الخير

داخل غرفة هادئة، كان أمير مستلقيًا على السرير، وقد أزيل عنه جهاز التنفس، بينما كانت خديجة تجلس بجانبه تمسك يده، وكان مجد واقفًا بعيدًا ينظر إليه.

رفع أمير رأسه قليلًا ونظر إلى مجد. خير يا مجد... ليش واقف بعيد عني؟

ابتسم مجد بفرح واقترب منه. يعني... أنت متذكر؟

ضحك أمير بخفة. ليش مستغرب؟

مجد: لأنك لما عملت الحادث قبل، نسيت أمك وأبوك... خفت تكون نسيتني أنا كمان.

فتح أمير ذراعيه.: تعا... في حدا بينسى أخوه؟

اقترب مجد بسرعة واحتضنه بقوة.

الحمد لله، صارت بخير. لولا أن خال أسعد اتصل في الوقت المناسب، ما بعرف شو كان صار.

أمير: كيف يعني؟

مجد: سمعت سليم وهو عم يحكي مع أحد الموظفين، وطلب منه يعطّل فرامل سيارتك.

أمير بغضب راح أنتقم منهم... واحد واحد.

ابتسم مجد: طيب... شو بدك ناديلك؟ خالد ولا أمير

أمير: متل ما بتحب.

ابتسمت خديجة وهي تمسح دموعها.

أنا راح ضل قولك أمير... لأنك ابني وروحي.

أمسك أمير يدها. وأنا رجعت يا أمي... بس بوعدك، راح أنتقم من كل شخص دمر حياتي، وراح خليهم يدفعوا ثمن كل شي، بالقانون... وينحبسوا.

مجد: وأنا معك بكل شي.

ابتسم أمير. بس بدي حدا يعرف إني رجعتلي ذاكرتي.

مجد: لا تخاف، هالسر راح يضل بينا.

ثم نظر إلى خديجة.أنا راح أخلص أوراق الخروج.

أمير: تمام.

خرج مجد من الغرفة.

نظرت خديجة إلى أمير بقلق.

ما بدي يصيرلك شي يا ابني.

أمير: لا تخافي... راح كون بخير، وراح آخد حق بابا.

في قصر عائلة كايا

في بهو القصر الواسع، كانت نور تنزل درجات السلم وهي تستعد للذهاب إلى عملها. عند أسفل الدرج، كان يوسف ينتظرها. شو عم تعمل هون؟

يوسف: جيت أوصلك على الشغل.

نور: ما في داعي.

اقترب منها يوسف. طيب... بالمساء راح تروحي معي على الحفلة.

نور: لا، ما بدي روح معك بأي مكان.

أمسك يوسف يدها بعصبية.

نور: اترك إيدي... عم توجعني!

اقترب منها أكثر وهمس ببرود. يا بتروحي معي الليلة... يا بسلّم الدليل ضد أبوك للشرطة.

تجمدت نور في مكانها.

يوسف: وبتعرفي... ما صارله غير أياما هو طلع من المستشفى. إذا دخل السجن بهالحالة... يمكن يموت.

نظرت إليه نور والدموع تملأ عينيها.

تمام... راح روح معك.

ابتسم يوسف وهو ترك يدها، بينما بقيت نور واقفة مكانها، تشعر بأنها أصبحت مجبرة على تنفيذ ما يريده، خوفًا على والدها.

في الطريق إلى قصر عائلة الدنيز

كانت السيارة تشق الطريق بهدوء. كان مجد يقود، بينما جلست خديجة في المقعد الخلفي إلى جانب أمير، الذي كان ينظر من نافذة السيارة وكأنه غارق في أفكاره.

أمير: وصليني عالبيت... بعدين بدي روح عند عمي مصطفى، بدي أحكي معه.

مجد: تمام.

نظرت خديجة إليه بقلق.يا ابني، لازم ترتاح أول... بعدين روح.

هز أمير رأسه.

أمير: لا... بدي روح هلأ.

تنهدت خديجة.متل ما بدك.

ابتسم أمير ابتسامة خفيفة.إذا بتزعلي... بوعدك برجع بسرعة. بس الليلة في حفلة، ولازم كون قريب حتى أعرف كل شي.

هزت خديجة رأسها بالموافقة، بينما أكمل مجد القيادة نحو المنزل

في المخفر المركزي بالمدينة

داخل مكتب التحقيق، كانت نور جالسة تنظر إلى يدها، وقد ظهرت عليها علامات حمراء بسبب قبضة يوسف القوية. مررت أصابعها فوقها وهمست:

نور: يا رب... شو بدي أعمل؟

في تلك اللحظة، فتح أحمد الباب ودخل.

أحمد: شوفي... ليش زعلانة؟

ما إن رأته حتى نهضت بسرعة واحتضنته وهي تبكي.

ربت أحمد على كتفها حتى هدأت، ثم جلس أمامها.شوفي يا نور... إذا مخبية عني شي، احكيلي.

مسحت نور دموعها وجلست. أنا مو منيحة...

أحمد: احكي.

كادت تخبره عن الدليل الذي يهددها به يوسف، لكنها ترددت.أنا... بس زعلانة من بابا.

هز أحمد رأسه.طيب، إذا بدك تعالي اقعدي عدنا بالشقة كم يوم.

نور: لا... صار أحسن. وبعدين الليلة عندي الحفلة.

أحمد: تمام.

سكت للحظات، ثم ابتسم.خبريني... كيف علاقتك مع أمير؟

ارتبكت نور. كيف يعني

أحمد: لا تعملي حالك مو فاهمة. من يوم قضية المخدرات وأنا حاسس إنك بتحبيه، بس كنت ناطر تحكيلي.

تنهدت نور. بصراحة... ما راح أكذب عليك. أنا بحبه... بس يمكن هو شخص غلط.

تفاجأ أحمد.لا... أمير شخص منيح، مو هيك. ليش عم تقولي هيك

خفضت نور رأسها. لأنه ضرب بابا.

أحمد: كيف؟! أكيد ما عملها بدون سبب.

نور: قال إنه سمع بابا يعترف إنه قتل خالد أرجون.

اتسعت عينا أحمد من الصدمة. كيف؟!

في قصر عائلة الدنيز

كان القصر يعج بالحركة، والخدم يزينون الصالة الرئيسية استعدادًا لحفل المساء، بينما تُرتب الطاولات والورود في كل مكان.

في المكتب، كان مصطفى جالسًا خلف مكتبه يتابع بعض الملفات.

فُتح الباب، ودخل أمير.

ما إن رآه مصطفى حتى وقف واتجه نحوه مبتسمًا.أهلين يا ابن أخي. كنت هلأ بدي أجي عالمستشفى حتى أطمن عليك.

واحتضنه.

بادل أمير العناق، لكن ببرود، بينما كانت عيناه تراقبان كل حركة.

مصطفى: روح ارتحت؟ وكيف صار وضع خديجة أرجون؟

وقعت عينا أمير على المسدس الموضوع فوق الطاولة، فتذكر كل ما فعله مصطفى، واشتعل الغضب في داخله حتى كاد يضغط على قبضته بقوة.

انتبه مصطفى إلى شروده. أمير... شو في؟ ليش ما عم ترد؟

تنفس أمير بعمق، وأخفى غضبه.كنت سرحان شوي... شو كنت عم تقول؟

مصطفى: كنت عم بسألك عن خديجة أرجون... كيف صارت؟

نظر أمير إليه بثبات.

أمير: صارت كتير منيحة. ضلة أسبوع معي في

لمستشفى.

هز مصطفى رأسه.منيح.

أمير: تمام... أنا راح روح أغير ملابسي.

مصطفى: تمام.

خرج أمير من المكتب، بينما بقي مصطفى ينظر إلى الباب،