Partager

الفصل الثاني

last update Date de publication: 2026-05-07 19:59:46

لِمَ كل هذا الألم؟

ألم يكفه أن زواجهما تم بالاتفاق؟

ألا يشعر ولو مرة واحدة بحبها الذي يفيض من عينيها كلما نظرت إليه؟

شعرت "شهيرة" بخطواته وهو يخرج من باب الفيلا متجهًا نحو سيارته، بينما كانت تعطيه ظهرها عمدًا قرب "حوض الورد". كانت تعلم جيدًا أنه رآها... لكنها رغم ذلك انتظرت منه كلمة، نظرة، حتى إلقاء سلام عابر.

لكنه مرّ بجوارها وكأنها غير موجودة.

اختنقت أنفاسها بغصةٍ مؤلمة، وما إن غادر الحديقة حتى انهارت دموعها بصمت.

في الجهة الأخرى، وصل "زين" إلى سيارته قبل أن يكتشف نسيانه لهاتفه داخل الفيلا، فعاد بخطوات سريعة، لكنه توقف فجأة عندما لمح "شهيرة" جالسة على حافة الحوض، تخفي وجهها بكفيها وتبكي.

تردد لثوانٍ، ثم تنحنح قائلًا بجمود:

— إنتِ كويسة؟

انتفضت "شهيرة" فور سماع صوته، والتفتت إليه بدهشةٍ كبيرة.

أيعقل أنه عاد لأجلها؟

هل شعر بحزنها أخيرًا؟

مسحت دموعها بسرعة وقالت بارتباك:

— إنت رجعت؟! في حاجة حصلت؟

رمق دموعها بنظرة خاطفة قبل أن يقول بلا مبالاة:

— لا... نسيت موبايلي.

هطلع أجيبه وراجعلك... استنيني، لازم نتكلم.

تعلّق قلبها بتلك الكلمات البسيطة كالغريق الذي يتمسك بخيط نجاة.

لأول مرة شعرت أن هناك أملًا صغيرًا... ربما سيقول كلمة حنونة، ربما سيطمئنها، ربما سيعترف أنه يشعر بها ولو قليلًا.

عادت الابتسامة المرتجفة إلى شفتيها وهي تنتظره بلهفة.

وبعد دقائق، عاد "زين" بالفعل.

وقف أمامها واضعًا يديه داخل جيبي بنطاله، ثم قال مباشرة:

— شهيرة... أنا عارف إنك مكنتيش حابة الجوازة بالطريقة دي.

رفعت عينيها نحوه بسرعة، وكادت تتحدث لتخبره أنها لم تُجبر عليه يومًا، وأنها اختارته بكامل قلبها، لكنه قاطعها ببروده المعتاد:

— اسمعيني للآخر الأول.

حتى لو عمي مكنش طلب مني أتجوزك... كنت أنا اللي هطلبك منه.

ارتسمت الفرحة على وجهها فورًا، وخفق قلبها بجنون، لكن كلماتِه التالية سحقت تلك الفرحة بالكامل:

— لأنك بنت عمي اللي رباني، وليه فضل كبير عليّا... وياريت بلاش كل مرة ناخد موضوع الجواز بحساسية.

أنا طبيعتي كده... وعمري ما هتغير.

شعرت وكأن أحدهم ألقى الماء البارد فوق قلبها المشتعل بالأمل.

همّ بالمغادرة، لكنها استوقفته بصوتٍ مرتجف:

— ثواني يا زين... ممكن طلب؟

تنهد بنفاد صبر واضح:

— اتفضلي.

جمعت شجاعتها وقالت بسرعة:

— عايزة أنزل أشتغل في الشركة.

أجابها فورًا، دون تفكير:

— آسف.

تجمدت ملامحها:

— ليه؟

قال بجمودٍ قاطع:

— مبحبش مراتي تشتغل عندي.

اتسعت عيناها بدهشة، وهمست:

— "تشتغل عندك" إيه يا زين؟

أنا هبقى مراتك.

قاطعها بنفس البرود:

— مهما اختلفت المسميات... مبحبش ستات عيلتي يشتغلوا في شركاتي.

حتى أمي نفسها لأ.

قالت بإلحاح:

— بس يا زين...

لكن كعادته، أنهى الحديث قبل أن يبدأ:

— أنا اتأخرت، وعندي طيارة بعد الضهر... عن إذنك.

ورحل.

تركها للمرة الألف واقفةً بين الحيرة والانكسار، تتساءل إن كان قلبه خاليًا تمامًا من المشاعر... أم أنها فقط لا تستطيع الوصول إليه.

---

في شقة متوسطة بمدينة نصر...

وقفت "خلود" أمام مرآتها ترتدي فستانًا أحمر ضيقًا يبرز جمال جسدها بوضوح. لم تكن ترتديه حبًا فيه بقدر ما كانت تعلم أنه السلاح الوحيد الذي يستخدمه والداها في رحلة البحث عن عريس ثري.

أحيانًا كانت تشعر أنها ليست ابنتهما... بل صفقة مربحة مؤقتة.

وضعت أحمر شفاهها، رفعت شعرها لأعلى، وتركت خصلتين تنسدلان على وجنتيها، ثم خرجت مسرعة من غرفتها.

لكنها اصطدمت بوالدتها "هاجر غازي" في الصالة.

صاحت "هاجر" بانزعاج:

— إيه يا بنتي؟! قطر معدي؟! مش تفتحي عينيكي؟

ضحكت "خلود" وهي تحتضنها سريعًا:

— سورّي يا مامي... اتأخرت على المعهد.

وبعدين... إديني فلوس.

نظرت لها "هاجر" باشمئزاز مصطنع:

— إيه "اديني فلوس" دي؟! اتكلمي عدل.

ضحكت "خلود" بدلال:

— حاضر يا "هاجر هانم"... ممكن تدعميني ماديًا؟

سخرت "هاجر":

— منين؟ أبوكي شطب على اللي معايا كله.

زفرت "خلود" بضيق:

— أوووف... أعمل إيه دلوقتي؟

لمعت فكرة خبيثة بعيني "هاجر"، فقالت بخبث:

— روحي له الشركة... ويمكن بالمرة "زين السرجاني" يشوفك ويعجبه شكلك ونخلص منك.

عقدت "خلود" حاجبيها:

— زين مين يا ماما؟ ده خاطب أصلًا.

ابتسمت "هاجر" بانتصار:

— لسه واصلني من "ياسمين هانم" إنه غالبًا هيفسخ الخطوبة.

هو أساسًا مش بيحب بنت عمه... وياسمين من الأول مش موافقة على الجوازة.

توقفت "خلود" فجأة وهي تتذكر كلمات "حازم" لها قبل أيام:

> "نفسي كل مرة أشوف فيها عينيكي الحلوة، تقوليلي أخبار فيلا السرجاني."

ابتسمت بخبث وهي تلتقط حقيبتها:

— تمام يا جوجو... سلام بقى.

نظرت لها "هاجر" باستغراب من تبدل حالتها المفاجئ، لكنها تجاهلت الأمر.

---

داخل شركة السرجاني...

طرقت "خلود" باب مكتب والدها "باهر الجويلي"، فاستقبلها بابتسامة واسعة:

— يا أهلاً ببنتي الحلوة... أكيد جاية تاخدي فلوس؟

ضحكت وهي تجلس أمامه:

— وعرفت منين؟!

مش يمكن وحشتك؟

وقبل أن يرد، طُرق الباب ودخل "زين".

اعتدل "باهر" بسرعة وقال بحماس:

— أهلاً يا زين باشا... الأوراق الأخيرة مستنية توقيع الأستاذ "حازم".

على فكرة دي بنتي "خلود"، أولى حاسبات ومعلومات.

رمقها "زين" بنظرة سريعة قبل أن يقول ببرود:

— أهلًا.

لكزها والدها بخفة لتصافحه، فمدت يدها بثقة:

— تشرفنا.

صافحها ببرود مماثل:

— أهلًا.

لكن رغم هدوء الموقف، شعرت "خلود" بوضوح أن "زين" لم تعجبه ملابسها أو طريقتها.

خرج "باهر" ليُحضر الأوراق، ودخل "حازم" بعدها بلحظات.

سلّم "زين" عليه ببرود، ثم أخذ الملفات وغادر مع "باهر"، لتبقى "خلود" وحدها مع "حازم".

لاحظت شروده، فلوّحت بكفها أمام وجهه:

— إييه يا "حازم"؟ مالك؟

انتبه أخيرًا وقال:

— مش عارف... زين ماله النهارده.

ابتسمت "خلود" بمكر:

— واللي يقولك ماله؟

نظر لها سريعًا:

— عندك أخبار؟

اقتربت منه هامسة بدلال:

— بيبو هيفرقع جيجي.

رمش "حازم" ببلاهة:

— يعني إيه؟!

ضحكت وهي تهمس:

— زين هيفسخ خطوبته من بنت عمه.

تغيرت ملامحه فورًا، وقال بعدم تصديق:

— بتتكلمي جد؟!

ضيقت عينيها نحوه بشك:

— وإنت فرحان كده ليه؟

إوعى تكون بتحبها؟

اضطرب فورًا:

— لا طبعًا... بس أنا أصلًا مش طايقهم كلهم.

لم تقتنع "خلود" بكلامه، لكنها لم تُكمل، بعدما عاد والدها وأعطاها المال.

وبعد أسبوع كامل...

كانت "شهيرة" تقف في حديقة الفيلا ممسكة هاتفها، تنتظر أن يفتح "زين" هاتفه بعد هبوط طائرته.

لم يحادثها طوال أسبوع كامل... كالعادة، العمل لديه أهم من أي شيء.

أخيرًا أصبح الهاتف متاحًا... لكنها وجدته مشغولًا.

في نفس اللحظة، كان "زين" يهبط داخل مطار القاهرة الدولي، يبحث بعينيه عن "أسر"، لكنه لم يجده.

اتصل به فورًا:

— إيه يا أسر؟ إنت فين؟

جاءه صوت "أسر" سريعًا:

— آسف يا زين، جاتلي سفرية إسكندرية فجأة.

المفروض "حازم" اللي يروح، بس طلب يبدل معايا عشان تعبان.

هو بعتلك عربية تستناك.

نفخ "زين" بضيق وهو يتحرك نحو بوابة الخروج:

— طيب يا أسر... ماشي.

Continuez à lire ce livre gratuitement
Scanner le code pour télécharger l'application

Dernier chapitre

  • غدر الزين بقلمي مروه البطراوى    الفصل 122

    أردف غيث بشجاعة، كان عايز يطلعها عن طورها ويعمل حالة من الغيظ والانفعال: = اهدي، أنا عرفت إن والدتك حزينة، وأنتِ عارفة بحبها إزاي.. قعدت مع والدي واتناقشنا. انتابتها حالة من السعادة والفرح والسرور، قراره غمر نفسها بالراحة، نجح إنه يملكها السعادة. = اليوم ده حلو أوي يا غيثو، أحلى يوم بالنسبة ليا، أنت فعلًا بتثبت لي إنك بتتغير، أنا بحبك أوي وأوعدك عمري ما هضايقك. كاد يرد عليها بنفس أسلوبها لولا حضور الجميع، سابها تنتقل وتقعد وسط عيلتها، وعينه بعيدة عنها عشان ما يضايقهاش بنظراته. قمر سألتها بحنان: = لسه بتحبيه زي الأول يا غرام ولا المشاكل اللي بينكم قللت الحب؟ احكي لي يا بنتي أنا يمكن بعيدة عنك بس قلبي معاكي دايمًا وحاسة بيكي. ابتسمت غرام وقالت: = غيث وحبه عشقي. همس بصت لها وقالت: = حلو كلامك ده يا غرام ريحنا. غرام ردت وهي فاكرة كلماته: = غيث بدأ يتغير من آخر خناقة بينا. أخيرًا زال اضطراب قمر ودخل عليها صفاء: = غيث طول عمره بيحبك.. قلتهالك يا بنت أختي يوم ما جه خطبك. وبعدين حولت نظرها لخلود الجالسة جنبهم وكادت تنفجر من الغيظ: = وطبعًا البنت لما بتعاشر حماتها بتبقى نسخة منه

  • غدر الزين بقلمي مروه البطراوى    الفصل 121

    توجب هنا على غيث إنقاذ الموقف. مش بس كده، لازم يظهر لمراته اللي بتعِد الأكل في المطبخ إنه مهتم ومتابع. دخل المطبخ وهو بيتكلم بصوت هاديء وواضح: = ماما أنا هكلمهم، وبعدين دي حماتي وأختها، أنا كنت ناوي قبل ما أسافر بس أنتم عارفين اتلبخت ومعرفتش. هعزمهم هنا وفي بيتي علشان نرجع نتلم تاني. وقف خلف غرام وهي بتقلّب في الحلل، حط إيده على كتفها بلطف وقبّل رأسها، عشان يوريها اهتمامه ورغبته في حمايتها وسط التوتر العائلي ده. كان رده فيه شعور رقيق بالعطف والشفقة عليها من بطش والده لعدم تنفيذها أوامره كالعادة. نظرت له بمحبة وقالت: = ربنا يباركلي فيك يا حبيبي وتعيش وتبقى أنت وأبوك وأخواتك سندي وضهري، كل ما بشوفك بعرف إني ربيت بصحيح، وغيرت رأي الناس كلها فيا وأولهم أبوك. --- نروح مع بعض لقصر الشريف، القصر اللي شهد طفولة غرام غيث الشريف. قعدت قمر الزمان والدة غرام تفرك إيديها بعصبية وهي بتتكلم مع أختها همس: = غيث بيعامل غرام وحش أوي يا همس، كل شوية شك. فهمتها همس عشان تدرك إنها مش الطفلة المدللة: = غيث مش هيعاملها وحش إلا لو هي استفزته صح، وهي ما شاء الله عليها. وبعدين كملت بنبرة قمر عمرها م

  • غدر الزين بقلمي مروه البطراوى    الفصل 120

    خضع لها بكل حواسه... ولم لا وهي مالكة مفاتيح قلبه وعقله. يقسم أنه سيطيعها بعد الآن: «طلباتك أوامر يا غرامي... أوعدك هبطل غيرة عليكي... بس ربنا يعيني على اللي جاي بقى ويهديني... والله بغير عليكي من نسمة الهوا اللي بتيجي تطير شعرك.» ثم فتح ذراعيه وأشار لها لكي تستكين بينهما... فهو الموطن والوطن والأمان لها... وهي كذلك سكينة روحه. «ممكن بقى ترجعي لمكانك في حضني تاني وتنسي اللي حصل مني إمبارح... وأنا أوعدك مفيش مجال للشك... هضغط على نفسي في سبيل إنك متبعديش عني.» سعادة وفرح وسرور تتطاير بداخله وهي تدفن نفسها في أحضانه لتغمر نفسها بالراحة... لتكون ليلة عطرة بينهما. أخرجها ببطء من أحضانه واحتضن شفتيها بشفتيه... وكأن البعد بينهما كان لسنة وليس ليلة. ها هو القدر... ما تعتقد فقده يبدو أنه سيكون نقطة رجوع لك. كانت ليلتهم جميلة ودافئة. --- **في صباح اليوم التالي...** هبطت غرام إلى الأسفل فإذا بها ترى خلود قد عادت بأولادها. زفرت بحنق... ومن ثم تنهدت براحة وهي تستمع إلى ابنها الكبير: «مامي أنا مبسوط جدًا إن بابي ما اتأخرش في السفرية دي كتير... بس أنتِ وحشتيني الليلة اللي فاتت وأنا بعيد

  • غدر الزين بقلمي مروه البطراوى    الفصل 119

    تعالت ضحكاته قائلاً: «على كده بقى أنا هيرو صح؟» تحدثت بفخر: «طبعًا... لدرجة إني بقيت بغير عليك... من زميلاتك اللي في المعهد... ومن أصحابي اللي عارفين إني مراتك وإن مفيش مانع إنهم برضه يعاكسوك.» قبل جبينها: «متخافيش يا غرامي... أنا مش بتاع الكلام ده... أنا كنت مستعد أعيش راهب منتظر كلمة حب واحدة منك... ومنك أنتِ بس... غيرك لا... هفضل أقولها لآخر العمر... بعشقك يا غرامي... غرام غيث السرجاني... برتقالتي اللذيذة.» ليتحقق هذا الاسم بعد سبعة شهور... وتلد غرام طفلة تحمل نفس لون بشرة جدتها ووالدتها... ليطلق عليها غيث اسم «غرام» مجددًا... ليشرد بها وبملامحها وتفاصيلها هو وغيث الشريف... والاثنان يفكران بنفس التفكير: ترى من غيث الثالث الذي سيصيبه لعنة البرتقالة ويود الظفر بها؟ --- **غرام الغيث – حلقة خاصة 2** في صباح ذلك اليوم، كانت العائلة تجتمع حول مائدة الإفطار عندما أعلن خليفة فجأة أنه سيذهب في شهر عسل لمدة أسبوعين. لم يكد ينهي كلامه حتى ضرب زين الطاولة بقوة وصاح فورًا: «لا... يجب أن تسافر اليوم!» ساد الصمت المطبق... نهى تمسك يد خليفة بقوة... وشهيرة تنظر إلى زين بعينين مليئتين بخ

  • غدر الزين بقلمي مروه البطراوى    الفصل 118

    جاء يوم حفلة عيد الحب بالغردقة، وتجمعت كل أفراد العائلة لتشجيع وحيد... الموهبة الجديدة في عالم الغناء. لكن خلف الابتسامات والأنوار كان هناك الكثير من الأسرار والتوترات التي تكاد تنفجر. --- جلس غيث الشريف على الطاولة يتنهد براحة: «الحمد لله... ألف وحمد وشكر ليك يا رب... حقيقي كنت قلقان على غرام أوي... كنت حاسس إنها في يوم هتيجي تقولي أنا عايزة أطلق...» نفض قاسم رأسه بمرح: «لا أبوس إيدك... تطلق فين وترجع تقعد لينا؟... دي بومة... ده الواحد مصدق... بس بصراحة يا حج أنت كنت مدلعها أوي... بس يالا كنت بتعوض.» لكزته قمر في ذراعه: «يعني إيه يا قاسم؟... قصدك إنه كان بيعوض في غرام؟... لا طبعًا باباك طول عمره إنسان حساس بيحب كل اللي حواليه وبيهتم بيهم.» ابتسم غيث بحنان: «حبيبتي يا قمر... هفضل طول عمري أحبك بكل أطوارك... حتى في نكدك.» ضرب قاسم كفًا على كف: «لا كده كتير كده أوفر... الوضع يحتاج شجرة واتنين ليمون.» نظرت إليه قمر باشمئزاز: «وينفع تطرقنا؟» تعالت ضحكات غيث: «شاطرة يا قمورة.» نهض قاسم ممتغصًا: «لعلمك اللي بيحصل ده عيب وقلة أدب... أنتوا في مكان عام.» لوت قمر شفتيها: «هي

  • غدر الزين بقلمي مروه البطراوى    الفصل 117

    عند غرام وغيث السرجاني تتعالى صيحات الغضب بينهما، والجو مشحون بالتوتر الذي يملأ أرجاء الغرفة. غرام على قمة غضبها، عيناها تلمعان بالدموع المكبوتة، قائلة: «لا يا غيث لا... أنا تعبت... زهقت... وأنت مش وراك إلا إنك غيران عليا في الطالعة والنازلة... حتى النهارده حارمني إني أتجمع معاهم؟... خايف لحد منهم يهزر معايا؟» تنهد غيث بتعب عميق، وجهه يعكس الإرهاق والحب المُعذَّب: «هو أنا يعني عملت إيه يا غرام؟... كل ده علشان عايز يبقى ليا ليلة مميزة معاكي... أجرمت أنا كده؟... وكل حاجة عندك بقت غيرة؟... افترضي إني بغير... وإيه المشكلة؟» زفرت غرام بحنق وقالت بصوت مكسور: «أنا تعبت... نفسي تثق فيا... عايز ليلة مميزة؟... أنا موافقة... بس نروح ليهم الأول... ونرجع نسهر زي ما إحنا عايزين... غير إن قدامنا العمر كله.» في هذه اللحظة بالذات، دخل القصر شادي وابنته لتستقبلهم سامية وضحي... وكأن القدر أراد أن يضيف المزيد من التعقيد إلى المشهد. احتضنت سامية شادي قائلة بصوت يحاول أن يبدو هادئًا: «يا أهلاً يا حبيبي... وحشتيني أووي.» زم شادي شفتيه وهو يجلس: «ما أنا فعلاً لو واحشك كنتي جيتي قعدتي معايا أنا وهمس

  • غدر الزين بقلمي مروه البطراوى    الفصل الثامن

    طب وبالنسبه لما طلبت ايدك في مكتبي؟وشبكتك اللي جاتلك من غير ماتختاريها؟وفستان فرحك؟نزلتك من علي السلم من غير ابوك زى اي عروسه ؟دول مش يهموكي؟...ازاد قوله بقسوة=لو كنتي اعترضتي علي كل ده صدقيني كنت هحترمك ومكنتش هفكر اعمل معاكي اي حركه تقلل من قيمتك....اقترب منها اكثر وقال=تمام يا حلوة؟قبل جبينها

  • غدر الزين بقلمي مروه البطراوى    الفصل السادس

    ...هزت كتف امها بحنان قائله=مامي منزلتيش ليه في حاجه؟افاقت هاجر من شرودها علي هزات ابنتها وقالت=مش عارفه اتصلت بمدام ياسمين قفلت السكه في وشيخلود بسخريه ولا مبالاه=عادي فكك منها ...انا راحه المعهد سلام.ذهبت خلود الي المعهد وجاءتها رساله بان هاتف حازم متاح ...قامت فورا بمهاتفته...كان واقفا في

  • غدر الزين بقلمي مروه البطراوى    الفصل الخامس

    وصل "خليفة" إلى الشركة بوجهٍ متجهم، وكأن الليل لم يمر عليه أصلًا. ألقى مفاتيحه فوق المكتب، ثم استدعى "أسر" سريعًا، فقد كان عاجزًا عن تنفيذ القرار بنفسه. دخل "أسر" بخطوات متحمسة: — صباح الخير يا "خليفة". رد عليه "خليفة" بعبوس واضح: — صباح النور. ثم دفع نحوه بورقةٍ تحمل توقيعه، وقال بصوت مثقل:

  • غدر الزين بقلمي مروه البطراوى    الفصل السابع

    انتبه اليها باهر وقال=اييه...مين قالك انها مش موافقه؟انتي هتتخيلي اوهام؟ردت هاجر بصوت منخفض=طيب ليه النهارده قفلت في وشي السكه؟افاقت من شرودها علي دلوف خلود الي المنزل ...ذهب باهر الي خلود وجذبها بين احضانه قائلا=حبيبه بابي.ابتسمت خلود وقبلت والدها قائله=عيون خلود.ابتسم باهر وقال==النهارده

Plus de chapitres
Découvrez et lisez de bons romans gratuitement
Accédez gratuitement à un grand nombre de bons romans sur GoodNovel. Téléchargez les livres que vous aimez et lisez où et quand vous voulez.
Lisez des livres gratuitement sur l'APP
Scanner le code pour lire sur l'application
DMCA.com Protection Status