หน้าหลัก / الرومانسية / فريسه الصقر / الفصل الثاني :فخ تحت الستائر

แชร์

الفصل الثاني :فخ تحت الستائر

ผู้เขียน: راكين
last update วันที่เผยแพร่: 2026-08-11 07:44:11

مرت الليلة على ملاك كأنها دهر. ما عرفتش تذوق النوم لدقيقة واحدة. كانت كل شوية تقف ورا الستارة، تطل بنص عين على العربية السودا اللي قاطعة النفس تحت العمارة. الراجلين اللي واقفين بالبدل السودا ما تحركوش من مكانهم، كأنهم تماثيل من جرانيت محطوطة عشان يفكروا ملاك كل ثانية إن حريتها وحياة أخوها بقوا في إيد رجل مالوش قلب.

مع دقات الساعة تسعة ونص الصبح، كانت ملاك واقفة قدام المراية. ملامحها كان باين عليها الإرهاق، والهالات السودة تحت عينيها بتشهد على ليلة مرعبة، بس لمعة التحدي في عينيها ما انطفتش. لبست جينز أسود وقميص ابيض بسيط، ولمت شعرها الأسود المتموج لكعكة مرفوعة بعناية. أخدت نفس عميق وقالت لنفسها: «لو فاكر إنك هتكسرني بالتهديد يا أدهم، تبقى ما تعرفش مين هي ملاك. أنا مش هروح لك وأنا بلعن ضعفي... أنا هروح عشان أكتشف لعبتك وأحرقها.»

الساعة عشرة بالظبط، رن تليفونها. ما ردتش، لأنها سمعت صوت كلكس منتظم تحت البيت. بصلت من الشباك، لقيت عربية مرسيدس سودا أحدث موديل واقفة بدل العربية القديمة، ونزل منها سواق بلبس رسمي فتح الباب الخلفي واستنى.

نزلت ملاك بخطوات ثابته، كل خطوة على السلم كانت بتحس إنها بتقرب من فك الأسد. أول ما خرجت من الشارع، السواق انحنى باحترام مزيف وقال: «أتفضلي يا أنسة ملاك، أدهم بك منتظر حضرتك في القصر.»

ركبت العربية من غير ما تنطق بكلمة. طوال الطريق، كانت بتبص على شوارع القاهرة اللي بتعدي بسرعة من ورا الزجاج الفاميه. الشوارع الزحمة بدأت تختفي تدريجياً، وبدأت تظهر فيلا وقصور التجمع الخامس الفخمة والمساحات الخضراء الممتدة، لحد ما وقفت العربية قدام بوابات حديدية ضخمة عليها شعار صقر نحاسي كبير.

اتفتحت البوابات الأوتوماتيكية، ودخلت العربية في ممر طويل محاط بأشجار عالية، لحد ما وقفت قدام القصر. القصر كان عبارة عن تحفة معمارية مظلمة، بيجمع بين الفخامة والجمال البارد اللي يشبه صاحبه بالظبط.

السواق فتح لها الباب: «اتفضلي، الخادمة هتستقبلك جوه.»

دخلت ملاك الصالون الرئيسي، أرضيات رخام أبيض بتلمع زي المراية، ثريات كريستال ضخمة نازلة من السقف، ولوحات زيتية غالية جداً. بس المكان رغم فخامته كان فاضي وبارد، مافيش فيه أي روح.

وفجأة... سمعت صوت خطوات منتظمة وثرية نازلة على السلم الرخامي. رفعت راسها لتشوف أدهم الصقر نازل بكل هيبته. كان لابس قميص أسود ومطمر أكمامه لغاية ساعده، وبنطلون أسود، شعره متنسق بعناية وعينيه الرمادية بتلمع بنظرة ثقة واستعلاء.

وقف قدامها على بعد خطوات، حاطط إيده في جيبه، وبصلها بنظرة تقييم شملتها من فوق لتحت: «كنت مراهن سليم إنك مش هتركبي العربية... بس باين إنك أذكى من إني أفتكرك مجنونة بزيادة.»

ملاك ضيقت عينيها ورسمت ابتسامة ساخرة: «أنا جيت هنا مش خوفاً منك يا أدهم بك... أنا جيت عشان أسمع التهريج اللي بتقوله عن أخويا، وأعرف إزاي راجل بقمة نفوذك بيستغل أساليب رخيصة زي دي عشان يأخد حتة أرض!»

أدهم ما اتعصبش، بالعكس، ضحك ضحكة هادية وقرب منها خطوة: «أساليب رخيصة؟ ده اسمه "تكتيك إدارة المخاطر". لما أكون عاوز حاجة، بأخدها... بأسهل طريقة أو بأصعب طريقة، ده بيعتمد على الخصم اللي قدامي.»

مشى أدهم ناحية مكتب خشبي كبير في زاوية الصالون، مسك ملف أسود ورمى الأوراق على الطاولة: «أخوكي "أحمد"... طالب في سنة تانية هندسة، دخل من شهرين في شراكة مع شباب زمايله لعمل تطبيق إلكتروني. الشباب دول كانوا واخدين تمويل غير مشروع من شركة وهمية مسجلة باسم غسيل أموال. التوقيعات اللي على العقود كلها بتشير إن أخوكي هو المسؤول التنفيذي عن العملية دي. يعني ببساطة... خطوة واحدة مني للنيابة، وأخوكي المستقبلي الباهر ينتهي في السجن قبل ما يبدأ!»

ملاك حست بالأرض بتلف بيها. دموع الغيظ اتجمعت في عينيها بس رفضت تنزل. هي عارفة أخوها كويس، طيب وأبيض وما بيفهمش في القوانين، وأكيد أتضحك عليه وغرّوه بالفلوس!

قربت من المكتب ومسكت الأوراق بإيد بتترعش، قرأت الأرقام والتوقيعات... الفخ كان معمول بدقة إبليسية.

رفعت رأسها وبصت لأدهم بغضب ناري: «أنت اللي عملت الفخ ده! أنت اللي ورّطته عشان تضغط عليا!»

أدهم مال بجسمه عليها، وعينيه بقت أضيق وأكثر خطورة: «مش مهم مين اللي عمل الفخ يا ملاك... المهم مين اللي معاه المفتاح. أنا أقدر أختفي الأوراق دي في ثانية، وأضمن لأخوكي الخروج من القصة دي أنظف من الفل... بس لكل حاجة مقابل.»

ساد الصمت في القصر. ملاك كانت بتتنفس بصعوبة، حاسة إن الحيطان بتقرب منها، والصقر بيفرد أجنحته عشان يخنقها في مصيدته.

سألت بنبرة مبحوحة بس ثابتة: «إيه هو المقابل؟ عاوز الأرض؟ خذ الأرض وانسى إننا اتعرفنا!»

أدهم ابتسم ابتسامة مظلمة، ومسك الورقة الأخيرة من الملف وهو بيبصلها بعمق: «الأرض؟ الأرض خلاص بقت تحصيل حاصل... العرض الجديد أتغير يا ملاك. الأرض مقابل براءة أخوكي... أما المقابل لإنك اتجرأتي ودخلتي مكتبي وإهنتيني... هو إنك هتوقعي على العقد ده.»

سحبت ملاك الورقة بلهفة وشك، وبدأت تقرأ البنود... وفجأة عينيها وسعت من الصدمة، والورقة وقعت من إيدها على الرخام.

البند الأول في العقد كان مكتوب بالخط العريض: «عقد زواج بشرط جزائي لمدة سنة واحدة غير قابل للإلغاء»!

بصت له بذهول وعدم تصديق: «أنت... أنت اتجننت؟! زواج؟!»

أدهم قرب منها لحد ما بقى ظله مغطيها تماماً، وانخفض لمستوى أذنها وقال بصوت دافي ومرعب: «زواج على الورق قدام الناس... عشان أكسر كبرياءك اللي اتحديتيني بيه، وعشان أضمن إن الفريسة اللي دخلت عريني مش هتخرج منه غير بشروطي. قدامك 60 ثانية يا ملاك... إما توقعي وتكوني حرم أدهم الصقر لمدة سنة... أو تطلعي من الباب ده، وأنا هرفع التليفون للنيابة وأسلم أخوكي بنفسي!»

مسك القلم الذهبي ومد إيده ليها، وعينيه بتراقب نهيد صدقها والتخبط المرعب في عينيها.

الساعة في إيد أدهم كانت بتكتك بصوت عالي... 60 ثانية فقط بتفصل

فتح باب المكتب

" دومى حبيبى اتأخرت عليك "

อ่านหนังสือเล่มนี้ต่อได้ฟรี
สแกนรหัสเพื่อดาวน์โหลดแอป

บทล่าสุด

  • فريسه الصقر    الفصل الأخير

    مرت سنواتٌ ثلاث على تلك الليلة التي اندحرت فيها آخر أذيال الخيانة والسواد. سنواتٌ كانت كفيلة بأن تداوي كل جرح، وتجعل جذر عائلتي "آل الشاذلي" و"آل الصقر" أعمق وأقوى في أرض السرايا، حتى باتت الحكايات تُحكى عنها كأساطير تُورّث للجيل الجديد.في صباح يومٍ مشمسٍ دافئ، كانت حديقة السرايا تتزين بأبها صورها. الزينة البيضاء تعلو الأشجار، وصوت ضحكات الأطفال يملأ الأرجاء حركةً ونشاطاً.ركضت الملاك الصغيرة "روان" بفستانها الوردي الرقيق وهي تحمل في يدها فانوس والدتها النحاسي الصغير، وتلاحقها أختها التوأم "ريڤان" بضحكات ناعمة، لترتما معاً في أحضان والدها مراد الذي كان يجلس على مقعده في الحديقة ببدلته الكحلية الأنيقة، فريداً بهيبته وشموخه.ضم مراد ابنتيه بابتسامة حنونة أذابت كل صرامة القوات الخاصة في عينيه، ورسّخت دفء الأب الحامي. رفع عينيه ليرى مايا وهي تقبل عليه، ترتدي فستاناً أبيضَ كالأميرات، وفي يدها النسخة المطبوعة النهائية من روايتها الجديدة التي كُتبت أوراقها بماء الذهبي تحت عنوان (عهد الصقر وصغيرة القلم).جلس مراد بجوارها، وسحب يدها ليقبلها أمام طفلتيهما، وهامسها بنبرة صوت تفيض عشقاً أزلياً:

  • فريسه الصقر    الفصل الواحد والاربعون

    مرت شهور على سبوع "روان" و"ريڤان"، والسرايا ظاهرياً كانت عايشة في هدوء وسكينة، بس في العالم المظلم اللي صقر وأدهم وزين بيباشروه من تحت لتحت، كان في بركان بيتجهز ينفجر.في المقر الخفي لقطاع الأمن الوطني، كان زين قاعد قدام أجهزة المراقبة والشاشات، عينيه حمرا من كتر السهر، سجارتين ورا بعض بيتفحموا في المطفأة قدامه. الشاشة كانت بتعرض حركة شاحنات مشبوهة بتتحرك في طريق الساحل الشمالي، شاحنات تابعة لشركة ملاحة كبرى، والشركة دي للأسف.. اسمها مرتبط باستثمارات آل الشاذلي وآل الصقر!الباب اتفتح بحدة، ودخل إياد وهو شايل لاب توب ووجهه مشحون بغضب مرعب، ملامحه اللي كانت دايماً ضاحكة ومستهترة اتقلبت لشرار!إياد رزع اللاب توب على الطاولة قدام زين:— «زين! شوف المهزلة دي بنفسك! حد بيخترق السيستم المالي للشركة عندنا في المقطم، وفي صفقات بالمليارات بتتنقل لرحلات وهمية باسم بابا صقر وعمي أدهم! فيه ثعبان جوة الشركة ومحدش حاسس بيه!»زين وقف بسرعة، عينيه اتسعت وهو بيبص للأرقام اللي بتتحول على الشاشة:— «إيه الجنان ده؟! مين اللي يقدر يوصل للبصمة الإلكترونية بتاعة عمي صقر؟! دي مش لعبة مهربين عادية يا إياد.. ده

  • فريسه الصقر    الفصل الأربعون

    تسللت خيوط الفجر الأولى الذهبية عبر نافذة الشرفة الكبرى في فيلا مراد ومايا، لتضيء الفانوس النحاسي الصغير الذي طالما شهد على أدق تفاصيل حكايتهما. كان الجو دافئاً وساكناً، يمتلئ بعبير الورد البلدي المنشور في حديقة سرايا آل الشاذلي المجاورة. لكن هذا الهدوء الشديد لم يكن سوى السكون الذي يسبق العاصفة، عاصفة الفرح الأكبر التي انتظرها الجميع على مدار تسعة أشهر كاملة. في العناية الفائقة والديكور الداخلي المميز في جناح مايا، كانت الأيام الأخيرة من الحمل ثقيلة ومحملة بالتعب والشغف. كانت مايا تستريح على الأريكة الحريرية الكبيرة، ترتدي فستاناً واسعاً من اللون السماوي الرقيق، وتضع يدها الناعمة على بطنها البارزة بشكل ملحوظ. إلى جوارها، كان مراد يجلس على الكرسي الخشبي المريح، يرتدي بنطالاً كاجوال وقميصاً أبيض خفيفاً، وقد ترك مهامه العسكرية والتزاماته القيادية بالكامل خلال الأيام الأخيرة، ليكون ظلها وسندها وقريبها المقرب في كل لحظة. مسح مراد على شعرها الغجري المنسدل بحنان بالغ، ومال بنظراته نحو عينيها الخضراوين اللتين أرهقهما السهر والإجهاد: — «حبيبتي وأميرتي.. حاسس بيكِ وبكل ثانية تعب بتعدي علي

  • فريسه الصقر    الفصل التاسع والثلاثون

    في سرايا آل الشاذلي، كان الهواء يحمل أنساماً دافئة تشبه عبق الذكريات. كان هذا اليوم مخصصاً بالكامل للاجتماع العائلي الكبير الذي يضم جميع إخوة وأخوات مراد ومايا، ليقضوا معاً أوقاتاً تملؤها البهجة والضحكات قبل التفاصيل الأخيرة المتبقية.في الحديقة الوسطى، التفّ الجميع حول الأريكة الخشبية الكبيرة والمظلة التي كستها زهور الجاسمين.مشاكسات إخوة مراد وماياكان إياد يمسك بيده دفتر المخططات العائلية، يجلس بجوار زين الذي كان يحاول إغلاق لابتوبه، بينما فريدة تبادلت النظرات الضاحكة مع مايا التي كانت ترتدي فستاناً هادئاً وتجلس بجوار مراد.صاح إياد بنبرة مرحة متصنّعاً الجدية:— «يا جماعة الخير، بصفتي مهندس العيلة والمخطط الرسمي للأحداث، أنا شايف إننا محتاجين نعمل جدول تنظيم للزيارات بعد كده! مش معقول كل ما أجي أزور مراد ومايا ألاقي زين قاعد بياكل التورتة كلها ومخلص القهوة!»رد زين بضحكة عالية وهو يرمي عليه وسادة صغيرة:— «يا ابني احترم نفسك! أنا أخو العريس وقائد في القوات الخاصة، يعني لي أولوية في التورتة والقهوة وفي أي مكان هنا! وبعدين أنت متوفر عندك الدلع كله مع فريدة، سيبلي أنا الأكل!»فريدة ضح

  • فريسه الصقر    الفصل الثامن والثلاثون

    انطوى ضجيج حفل الزفاف، وتهادت أنوار حديقة السرايا بالتدريج ليتسلل الهدوء والسكينة إلى أرجاء الفيلا الجديدة المجاورة لسرايا آل الشاذلي، الفيلا التي اختارها أدهم الصقر لتكون مملكة مراد ومايا الخاصة.كانت الفيلا تكتسي بتصميم مودرن دافئ، أضواء الصفراء الخافتة تنسكب من السقف الزجاجي، ونسيم الليل العليل يعبر من النوافذ المطلة على الحديقة الخاصة التي زُرعت بزهور الياسمين والورد البلدي.دخل مراد وحمل مايا برفق بين يديه رغم اعتراضها الخجل، وعبر بها عتبة المنزل ليغلق الباب بقدمه، ثم وضعها ببطء على قدميها في الصالون الرئيسي الداخلي.كانت مايا تقف بفستانها الأبيض الملكي، تفرك يديها بتوتر واضح، ووجهها مشتعل بالخجل والكسوف. رفعت عينيها ببطء لتتأمل أرجاء المكان، فوجدت فانوسها النحاسي الصغير موائماً ومضيئاً على طاولة خشبية في منتصف الصالون، وإلى جواره الدفتر الأنيق الذي تدوّن فيه رواياتها!التفتت لمراد بذهول وابتسامة رقيقة:— «مراد!.. أنت اللي نقلت الفانوس والدفتر هنا؟!»ابتسم مراد ابتسامة دافئة تفيض حباً وهو يخلع سترته الرسمية العسكرية ويضعها على الكرسي، ثم اقترب منها بخطوات هادئة ورجولية تفيض بالهي

  • فريسه الصقر    الفصل السابع والثلاثون

    ترتيبات الزفاف وهمس القلوبمرت الأيام متسارعة مليئة بالبهجة والتحضيرات المكثفة في سرايا آل الشاذلي وفيلا آل الصقر. كانت أرجاء المكان تعج بالحركة؛ المصممون يترددون لاختيار ديكورات الحفل، والأنوار العبقرية تُعلق على طول الحديقة الفسيحة، استعداداً لليوم الموعود: ليلة كتب كتاب وزفاف مراد ومايا، إلى جانب خطوبة إياد وفريدة.في جناح مايا الفاخر، كانت الأجواء تفيض بالأنوثة والدفء. تقف مايا أمام المرآة الكريستالية الطويلة وهي ترتدي فستان الزفاف الأبيض الملكي المصنوع من الدانتيل والساتان، المطرز بحبات اللؤلؤ الدقيقة. كانت تبدو كأميرة إغريقية خرجت من إحدى رواياتها الخيالية.تقف بجوارها ملاك ودموع الفرح تترقرق في عينيها وهي تعدل لها الطرحة الطويلة:— «ما شاء الله.. تبارك الله يا قلب أمك! مش مصدقة إن صغيرة قلبي كبرت وستبقى عروسة أحلى صقر في الدنيا النهاردة.»مايا التفتت لأمها وهي تبتسم بكسوف، لكنها مسكت إيد ملاك بتوتر:— «ماما.. أنا خايفة ومتروتة أوي! مش عارفة ليه حاسة إن قلبي هيقف من كتر الدقات!»دخلت نور الجناح وهي تحمل صندوقاً مخملياً أحمر، وبمجرد ما شافت مايا، حطت إيدها على فمها وشهقت بفرحة:—

บทอื่นๆ
สำรวจและอ่านนวนิยายดีๆ ได้ฟรี
เข้าถึงนวนิยายดีๆ จำนวนมากได้ฟรีบนแอป GoodNovel ดาวน์โหลดหนังสือที่คุณชอบและอ่านได้ทุกที่ทุกเวลา
อ่านหนังสือฟรีบนแอป
สแกนรหัสเพื่ออ่านบนแอป
DMCA.com Protection Status