الفصل الثاني والعشرون

اشتعلت النيران في صدر حسام وغضب غضباً لو وزع على بلد لكفاها، لكنه عندما نظر لضعف أخته وانكسارها، كتم غيظه وأحكم ضمتها إليه وهدأ من روعها قائلاً:

— حسام: شششش.. اسكتي خالص واهدي ومتعيطيش يا هبلة! علشان واحد زبالة وحقير كدا تعيطي وتنزلي دموعك الغالية دي؟ ده هو السبب! في داهية تروح تاخده، وميستاهلش دمعة واحدة من عيون أميرتي الصغيرة! دا أنا أصلاً اللي مكنتش هوافق عليه من أول نظرة.. اهدي كدا وروقي وتعالي نخرج النهاردة نتفسح ونلف مصر كلها أنا وأنتي وعاليا، ولا أنا مش مالي عينك ولا إيه؟ بتحبي راجل غيري وبتقوليها في وشي كدا؟ أنا غيور جداً على فكرة على بناتي!

ابتسمت منة من بين دموعها وشعرت بالأمان في حضنه، وقالت:

— منة: ربنا يخليك ليا يا رب وما يحرمني منك أبداً يا حسام.

احتواها حسام بكل الطرق الممكنة، وبمساعدة أمه وعاليا اللتين علمتا بالأمر، بدأوا في تقديم الدعم النفسي لها. كانت فترة عصيبة وقاسية جداً على منة، فقد كُسر قلبها بمرارة، وكانت لا تقوى على الذهاب للجامعة لشعورها الوهمي بأن الجميع ينظر إليها ويسخر من سذاجتها. واستجابة لرغبتها وإصرار حسام وحمايته لها، قامت بسحب ملفها وحولت إلى جامعة أخرى خاصة بعيدة تماماً، وبدأت فيها من جديد من الصفر لتبني حياتها.

بعد مرور عدة أسابيع، كانت عاليا تجلس مع حسام في الكافيه، وسألته باهتمام:

— عاليا: وإيه أخبار منة دلوقتي يا حسام ودراستها؟

— حسام (بتنهيدة ارتياح): الحمد لله.. بقت أحسن بكتير وبدأت تحضر بانتظام في الجامعة الجديدة وتندمج.. صحيح راح عليها السنة دي وهتعيد أولى جامعة من تاني، لكن الحمد لله على كل حال.. أنا كنت خايف عليها جداً ونفسي أروح للواد الندل ده أعرفه مقامه وأفرتك وشه، بس خوفت على مشاعرها وخفت عليكي أنتي كمان.. كان ممكن أتهور وأقتله وأضيع نفسي وتضيعوا مني!

— عاليا (برقة): اهدى يا حبيبي والحمد لله إنها عدت على خير وبقت كويسة.. أنا مش عارفة بجد الناس دي بتعمل كدا ليه؟ وبيستفيدوا إيه لما يكسروا قلب حد بريء كدا ويضيعوا حياته؟جذب حسام يدها برقة، وطبع عليها قبلة حانية دافئة طمأنت قلبها، وقال بنبرة مليئة بالعشق:

— حسام: ربنا يخليكي ليا يا عاليا.. يا ريت كل الناس زيك وفي طيبة ونقاء قلبك ده.

سحبت يدها منه بسرعة وخجل شديد واحمرت وجنتاها، وقالت بتلعثم:

— عاليا: حسام! بس بقا إحنا لسه مفيش كتب كتاب ولا دبل في إيدينا الله!

ضحك حسام بصوت عالٍ وقال:

— حسام: أيوة صحيح! الأوان مجاش بقا ولا إيه يا ست عاليا؟ منة وبقت أحسن وبتروح الجامعة، وأنتي كنتي رافضة عشان خايفة على مشاعرها.. وماما وبقيتوا أصحاب وسمن على عسل وبتحبك أكتر مني أنا شخصياً! مش يلا بينا بقا نكتب الكتاب ونفرح ولا إيه؟

— عاليا (بخجل وهي تنظر للأسفل): احم.. اممم.. لسه الشقة بتجهز والعفش مخلصش كله يا حسام.

— حسام (بأمل): عااالياااا حبيييبي!.. أنا بقول نكتب الكتاب دلوقتي ونلبس دبل الفرح، ونعمل الفرح والزفة بعدين لما الشقة تجهز براحتها.. حددي ميعاد حالا ويوم الخميس الجاي!

— عاليا (بابتسامة مستسلمة لحبه): خلاص.. اللي تشوفه وتلاقيه صح اعمله.

— حسام (بفرحة عارمة): يا فرج الله! أخييييراً وافقتي يا مفترية!

مرت الأيام سريعاً كلمح البصر، ومر الأسبوع في تجهيزات مكثفة وسريعة لإقامة حفلة صغيرة وبسيطة في حديقة الفيلا، تضم الأهل والأصدقاء المقربين جداً فقط. كان كل شيء في المكان منسقاً وجميلاً للغاية يبعث على البهجة.

داخل غرفة العروس، كانت مي تقف خلف عاليا وتساعدها في ارتداء ملابسها، وقالت بعتاب محب:

— مي: يعني يا بنتي مكنتوش تصبروا شوية صغيرة واعملك فستان فرح يجنن ومخصوص ليكي من أتليهي؟

أجابتها عاليا وهي تنظر لنفسها في المرآة بينما كانت مي تغلق سحاب الفستان:

— عاليا: أعمل إيه بس يا مي؟ حسام مستعجل جداً ومش صابر يوم واحد.. وبعدين الفستان ده رقيق وحلو برضه، بس مش عارفة.. اللون البرونز ده حلو عليا ولا مخليني طفلة؟

التفتت إليها مي بذهول وانبهار وقالت:

— مي: ما شاء الله يا عاليا تبارك الخلاق! قمر اوي وزي الملايكة.. أنتوا بجد فتحتوا نفسي على الجواز وشكلي هحصلك قريب جداً!

— عاليا (بغمزة ومشاكسة): امممم.. الواد المز اللي قابلتيه في سفريتك الأخيرة في لبنان صح؟

— مي (بخجل): أيوة هو ده.. جه مصر مخصوص وسأل عليا، هبقى أحكيلك بالتفصيل بعدين.. ثواني هشوف مين بيخبط على الباب بره.

فتحت مي الباب لتجد ليلى تقف وعلامات الضيق والغيظ مرتسمة على وجهها، فنظرت إليها مي ببرود وتراجعت، لتدخل ليلى نحو عاليا وتهمس لمي وهي تبتعد: "ما شاء الله.. الحب متبادل بينكم جداً، معرفش ليه بجد هههه".

— ليلى (بغيظ وعصبية): أمشي يعني طالما بتوشوشوا وبتقولوا كلام سري؟ وبعدين أنتي لبستي البتاع ده برضه؟ مستنتيش ليه؟ أنا جيبالك فستان أشيك وأفخم بمليون مرة من ده!

ظهر الحزن على وجه عاليا ونظرت للفستان بقلة ثقة:

— عاليا: إيه ده؟ يعني الفستان ده مش حلو عليا يا ليلى؟

— ليلى: لا حلو.. بس اللي جيباهولك أحلى بكتير ويناسب مستوانا.. وشوفي بنفسك واحكمي!

فتحت ليلى علبة الفستان الفخم، وما إن رأته عاليا حتى صدمت وتراجعت خطوة؛ الفستان كان عارياً تماماً من الصدر والظهر والذراعين، لا يستره سوى قطعة شفافة وخفيفة جداً من الدانتيل، وبه فتحة جانبية كبيرة وطويلة تصل لمنتصف الفخذ!

— عاليا (بشهقة وذهول): يا نهار أسود ومنيل! وأنا البس ده إزاي وفين؟ طبعاً مستحيل! ده أنا عمري في حياتي ما لبست حاجة مكشوفة بالمنظر ده كدا.. وبعدين أنتي مش شايفه الطرحة والحجاب اللي على راسي ولا إيه يا ليلى؟

— ليلى (بإقناع مسموم): ما هو عشان عمرك ما لبستي كدا هيطلع عليكي يجنن ومختلف! وبعدين هو أنتي ناوية بجد تلبسي الطرحة واللفة دي النهاردة في كتب كتابك؟ ده يومك يا بنتي افرحي وفكي واقلعي الطرحة دي وعيشي سنك وسيبك من العقد!

— عاليا (بقوة وحسم): ما أنا فرحانة ومبسوطة جداً أهو والحمد لله! وإيه علاقة الطرحة والحجاب بعدم الفرحة؟ لا طبعاً.. أنا عاجبني الفستان البرونز ده ومقتنعة بيه ومستحيل أغيره أو أخلع طرحتي.

كانت مي تتابع الحوار باهتمام وفخر شديد بصديقتها، وفرحت كثيراً باختيار عاليا وتمسكها بتصميمها ورفضها التام لإغراء واختيار أختها، فنظرت لليلى بنظرة انتصار وثقة أثارت جنون الأخيرة.

— ليلى (وهي تطبق العلبة بعنف): أنتي حرة اعملي اللي أنتي عاوزاه! أنا قولت رأيى ونصحتك عشان ميبقاش شكلك بيئة..

قالت كلماتها وخرجت من الغرفة تشتعل غضباً وتضرب الأرض بقدميها.

— مي (بضحكة خفيفة): سيبك منها.. عيلة باردة وحقودة والله! الفستان قمر عليكي ومخليكي زي الملكات، ودلوقتي تشوفي لما حسام يدخل ويشوفك هيموت فيكي أكتر إزاي!

في الصالة بالأسفل، كانت الأم نادية تجلس، فجاءت ليلى وارتمت بجوارها بعصبية:

— الأم: مالك يا ليلى؟ جاية واخدة في وشك كدا ليه ومنفوخة؟ إيه اللي حصل فوق؟

—