الحلقة 8

فى غرفة غيث، بعدما عاد مع عشق إلى المنزل، وكلٌّ منهم اتجه إلى غرفته من أجل تبديل ملابسه.

غرفة عشق على يمين غرفة غيث، والغرفة اللي على الشمال كانت لوالدتها فاطمة، لكن غيث من وجعه قفل الغرفة وجواها كل حاجة تخص فاطمة، ومنع حد يدخلها نهائيًا.

بدلت عشق ملابسها إلى بيجامة باللون الأبيض المنقّط بدوائر سوداء على شكل جرو، ومشطت شعرها القصير بعناية، واتجهت إلى غرفة غيث. لم تطرق الباب كما اعتادت، رغم أن غيث بيزعق لها على طول، لأن كده غلط، افرض بيغيّر هدومه وهي كبرت ومعدتش صغيرة.

أولًا، فتحت الباب بهدوء ومن ثم دلفت. لم تجده لأنه كان في الحمام. اتسحبت ومن ثم استخبت خلف السرير وهي تنوي على إخافته، فتللك الشقية تعشق المقالب. وضعت ثعبان بلاستيك على بعد منها، باللون الأسود، عندما تراه تعتقد أنه حقيقي. أخذت تضحك ضحكات مكتومة كلما تخيلت منظره وهو مفزوع من ذلك المقلب.

وبعد قليل، تم فتح باب الحمام وخرج غيث وهو مرتدي ترينج رياضي، وأخذ يمشط شعره وهو يدندن ببعض الكلمات.

ابتسمت بخبث ومن ثم خرجت فجأة من خلف السرير.

تفاجأ إثر فعلتها ووضع يده على جهة قلبه بخضة. ثم تحدث بغضب:

ـ إيه لعب العيال ده؟

كانت تضحك وهي تنظر له باستمتاع، وفجأة صرخت عندما نظرت إلى الثعبان:

ـ عاااااااااا ثعبان، غيث!!

نظر له بخوف عليها وليس منه، كان كل اللي بيفكر فيه يساعدها إزاي.

ـ اهدى اهدى، ولا صوت.

أخذت تبكي بتمثيل.

ـ أنا خايفة.

ـ اهدى، حبيبتي، أنا معاكي، اهدى.

كان بيقترب من الثعبان بحذر، وهي تصرخ كلما اقترب قليلًا.

ـ بس اخرسي بقى، خليني أعرف أتصرف.

ـ أهدى إزاي وأنا هموت دلوقتي؟

شعر بالخوف إثر كلماتها، فهو لا يخشى الموت، ولكن يخشى فقدان تلك الصغيرة، لمَ لا؟ فهي مدللته الصغيرة... مدللة الغيث.

ـ اهدى، حبيبتي، أنا معاكي.

ومن ثم اقترب منه فجأة وأبعده، وكان على وشك رميه من الشباك، لكنه في لحظة اكتشف أنه مزيف، وفي لحظة أخرى، أخذت تلك الصغيرة المشاغبة تضحك وهي تجلس على السرير.

أخذ ينظر لها بعدم فهم، وعندما استوعب إن كل ده مقلب، نظر لها بغضب شديد:

ـ إيه اللي انتي عملتيه ده؟.. ينفع كده؟

وقفت على السرير باستمتاع وهي بتقفز عليه بمرح:

ـ إيه، إنت زعلان ليه؟ ده مقلب عادي، هي أول مرة؟

ـ مقلب عادي! آه يا بنت الـ... تعالى هنا.

كان بيركض خلفها في الغرفة وهي تركض وتضحك باستمتاع.

ـ بت، اقفي عندك، أحسن ليكي.

وضعت يدها في خصرها وهي خلف الكنبة:

ـ ليه؟ فكرني هبلة؟ أقرب منك تمسكني؟ ده بعينك!

ـ بعيني؟ طيب تعالى هنا، والله ما أنا سايبك.

ألقت عليه الوسادة الخاصة بالكنبة، وركضت إلى السرير وهي تضحك.

ـ بت، بطلي برود وانزلي من على السرير.

جلست على السرير.

ـ وهادي قاعدة.

جلس أمامها بتنهيدة، وهو ماسك ودنها:

ـ ينفع كده الجنان ده كل يوم؟ أنتي كبرتي على حركات الأطفال دي.

أبعدت يده.

ـ كبرت فين؟ عمري لسه 17 سنة.

ـ و17 سنة دي تعني إنك خلاص آنسة.

ـ هو إنت وماما حنان عليا ده غلط؟ وده مينفعش؟ والله أسيب ليكم البيت وأمشي.

نظر لها بغضب، وصوت عالي نسبيًا:

ـ آخر مرة أسمع منك الكلام ده، مفهوووم؟

خافت من نبرته اللي أول مرة يتكلم بيها معاها.

كرر كلامه بغضب:

ـ مفهوووم كلامي يا عشق؟

هزّت رأسها بنعم، وعلامات الخوف واضحة على وجهها، وعباراتها نزلت لوحدها.

عندما رأى عَبراتها، أغلق عيونه بتنهيدة، ثم اقترب منها وهو يضع يده على وجنتها بحنان:

ـ أنا آسف، مكنش قصدي أخوّفك.

ـ أول مرة تتكلم معايا كده.. تحدثت ببكاء.

ـ ما أنتي اللي بتعصبيني يا عشقي، ينفع كده؟ بتقولي كلام بينرفزني.

ـ كل ده علشان هزار معاك؟

ـ ما هو هزارك ده هيقطعلي الخلف!

ـ يعني إيه؟ هاا؟

ـ خليكي في حالك، ويلا قومي روحي ذاكري.

نهضت من على السرير:

ـ أنا هروح ألبس هدومي علشان خارجة.

نظر لها.

ـ والهانم رايحة على فين إن شاء الله؟

وضعت يدها في خصرها كالأطفال:

ـ عاوزة أخرج، أنا بقالي كتير محبوسة هنا في البيت، من البيت للمدرسة ومن المدرسة للبيت، زهقت!

ـ عشقققق، صوتك على عن حده. هتروحي على فين؟

ـ عند رشا، هروح أنا ورنا.

ـ لوحدكم؟

ـ آه.

ـ لأ، خليها هي تيجي هنا.

خبطت قدمها في الأرض بعند:

ـ لأ، عاوزة أخرج من البيت، أنا زهقت!

نظر لها بنظرات غضب، فتلك الصغيرة تحمل ذات عناد والدتها:

ـ مش عاوز أتعصب عليكي، بطلي عناد.

خبطت الأرض بقدمها بغضب:

ـ عاوزة أخرج.

تنهد بغيظ:

ـ اتنيلي، روحي معاكي ساعتين بس، ساعتين ودقيقة هتزعلي مني إنتي ورنا.

أومأت بسعادة، واتجهت له وضمته، ثم ذهبت:

ـ حاااضر، يا غيثي، يا عسل إنت.

كان بينظر إلى تلك العيون الواسعة بذلك اللون الرصاصي الخلاب بصمت، ولكنه تلقائيًا ابتسم عندما نظر إلى ذلك الوجه الملائكي. لا عجب أن الابتسامة تجد طريقها إلى وجهه تلقائيًا دون تكلف.

ابتعدت عنه:

ـ هروح ألحق أجهز بسرعة، الوقت بيمر.

ركضت من أمامه مسرعة.

تنهد، ومن ثم أكمل تمشيط شعره.

في المساء على طاولة العشاء الكبيرة اللي في بيت أحمد،

كانت حنان تضع الطعام بمساعدة كل من ملك وعشق اللي كانت بتعمل كل وسعها علشان الكل يكون راضي عنها.

حنان:

ـ واحدة فيكم تروح تجيب الأطباق من جوه.

ملك وهي تنظر إلى عشق بقرف، فهي لا تطيقها، لم تتقبل مطلقًا عشق بينهم لكونها ابنة فاطمة، وبالنسبة لها البنت كأمها لا فرق بينهما.

ـ روحي هاتي الأطباق.

أومأت وركضت إلى المطبخ وأحضرتهم ووضعتهم على السفرة ومن ثم جلست.

كانت عشق تجلس بجوار غيث ومنشغلة باللعب على الهاتف.

أحمد كان ينظر لهم بسعادة، فهو يرتاح عندما يراهم حوله، فهم متعودين إن في يوم في الأسبوع بيتجمعوا كلهم فيه في بيت أحمد، أسرة أحمد وأسرة صلاح.

حضرت دنيا وجلست معهم بهدوء كعادتها.

غيث وهو يوجه نظره لها:

ـ دنيا، كنت عاوز أسألك.

نظرت له: عن إيه؟ عن الهانم اللي جنبي؟

عندما سمعت كلماته طرقت الهاتف ونظرت له، وكذلك رنا اللي كانت بتأكل وهي تضحك على نقاشات الكبار.

عشق بترقب:

ـ تسأل عني ليه؟ أنا عملت إيه؟

ـ قوليلي يا دنيا، وضعها إيه؟

ـ عاوز الصراحة ولا اللف والدوران؟

ـ عرفاني، ما بحبش غير الصدق.

ـ وضعها الدراسي ممتاز، بس الأخلاقي زفت.

نظر لها بترقب:

ـ بمعنى إيه؟

ـ الهانم بتهرب من الحصص ومبهدلة طاقم التدريس معاها، محتاجة شدة.

رنا مدافعة عنها: لا، هو الأستاذ علاء اللي حطها في دماغه، معرفش ليه

دنيا: ممكن علشان بتبجح فيه مثلًا.

نظر لها غيث، وهي بدورها نظرت إلى الأرض بخجل.

صلاح: الكلام ده مش على الأكل، بعد الأكل نشوف الكلام ده...

بعد الطعام، الجميع جلس في الجنينة، الكبار معًا والصغار معًا، وسهيل اللي جلس مع الكبار يشاركهم المرح.

.