الحلقة 6

وضع يده على رأسها

_ همم، طيب نمتي في بيت عمي ليه؟

_ كنت بذاكر مع رنا، ومحسناش على حاجة، فنمنا على طول

منع نفسه من الانفعال عليها، وأخذ يحرك يده على وجنتها بلطف

_ آخر مرة تنامي عندها وإنتي على يقين إن أنس ووليد هناك، ماشي يا حبيبتي؟

_ ماعملتش حاجة غلط، كنت بذاكر بس والله

نظر إلى عيونها بتحذير

_ آخر مرة يا عشق، تمام؟

أومأت برأسها بعدم فهم

طوّق عنقها واتجه بها إلى السيارة، متجهين إلى المنزل

عشق كانت عاملة جو لطيف، هي مش شخصية هادية خالص إطلاقاً، هي حد حماسي وحيوي جداً، ده غير إنها رغم شغبها بس هي قليلة الكلام

عشق وهي تنظر حولها تبحث عن شيء ما تحت متابعة غيث لها

_ بتعملي إيه؟

نظرت له بعدما اتنكش شعرها القصير إثر التدوير

_ هي فين؟

_ إيه هي اللي فين؟

اقتربت منه بحماس وعيون واسعة جذابة، تلك العيون العسلية تليق بذلك الوجه المستدير والملامح الجذابة.

كان بينظر لها بصمت، وصورة والدتها ظهرت أمامه، فهي نسخة مصغرة من تلك الطفلة التي ملكت قلبه، نكز قلبه، فهو يخفي حزنه على طفلته طوال تلك السنوات، ومن ثم ابتسم

_ ماجبتلكيش حاجة النهارده، ارتاحي

كشرت ملامحها، وعادت إلى مقعدها وهي مطوقة إيديها بعبوس تام

ابتسم على طفلته المجنونة

_ لازمك عقاب

_ عملت إيه أنا للعقاب؟ .. أردفت بها بزعل

أوقف السيارة بجانب الطريق، وكانوا على طريق به بحر وسياج زي كورنيش النيل كده، ومن ثم نزل من السيارة ونزلها معاه، لكنها رفضت

_ انزلي، عاوز أتكلم معاكي

_ لا، مش هنزل ومش عاوزة أتكلم معاك

كانت تتحدث بعند أطفال اعتادت عليه معه هو فقط

_ انزلي يا عشقي، عاوز أتكلم معاكي، لو ماعجبكيش الكلام ارجعي تاني اركبي العربية

تنهدت، ثم نزلت وهي تطوق يدها أمامه ولا تنظر له

ابتسم، ثم سحبها إلى الكورنيش

_ عاوز إيه؟ وبسرعة، عاوزة أروح

ابتسم لها، ثم تحدث

_ إنتي غلطانة ورافضة تعترفي بغلطك، ده ودلوقتي فوق كل ده زعلانة كمان

_ غلط في إيه؟ أنا ماعملتش حاجة!

_ أنا مش حذرتك إنك تباتي عند رنا؟

_ ليه لأ طيب؟ هي بنت، وهي الوحيدة اللي قدّي في العيلة، فين الغلط؟

وضع يده على وجنتها بحنان

_ الغلط إنك بتكبري، ماعدتيش عشق الطفلة، إنتي دلوقتي بقيتي آنسة، وفي بيت عمي صلاح في شابين، أنا مش حابب تنامي هناك وهما في البيت، أنا بخاف عليكي يا بنوتي القمر

_ خايف عليا من إيه؟ .. وبعدين في البيت عندنا، فيه إنت وسهيل، مش بتخاف ليه بقى؟

كانت تتحدث وهي تضع يدها في خصرها كطفلة عنيدة غاضبة

_ بخاف عليكي من كل حاجة، حتى من نفسي، ومن الهوا الطاير، افهميني يا حبيبتي.

نظرت له بوجه طفلة عابسة، ابتسم، ومن ثم داعب وجنتها

_ أوعديني يلا، مش هتعملي كده تاني

_ هو لازم يعني .. عشق .. ههه، ماشي، خلاص

ابتسم، ثم طوّق عنقها

_ جعانة؟

_ آه، جداً

_ طيب تعالي ناكل حاجة..

♡:--------------®----------------:♡

بينما في أحد مستشفيات المدينة

كان لسه خارج من غرفة العمليات وهو يمحو عرقه إثر تعبه في العملية.

الدكتور المساعد:

ـ ألف مبروك يا دكتور سهيل، العملية نجحت

ـ الحمد لله، فضل من ربنا، كانت صعبة بس عدت على خير. (أردف وهو يبتسم)

ـ أنا مبسوط إننا في فريق واحد، حضرتك دكتور شاطر وأنا سعيد بالعمل معاك

ـ ده شرف ليا يا دكتور عصام

ابتسم له ثم ذهب.

كان رايح على مكتبه حتى وجد المسعفين بيجروا إلى غرفة العناية ومعهم فتاة شابة غارقة في دمها وخلفها والدتها التي ترتعش من الخوف وبتبكي بحرقة.

أوقفها:

ـ في إيه يا مدام؟

أخذت تبكي وهي تترجاه:

ـ بنتي يا دكتور، بنتي الوحيدة بتروح مني، أبوس إيدك ساعدها، هموت من غيرها..

ـ طيب اهدى، وأنا ههتم بالوضع.

نادى على إحدى الممرضات وطلب منها تعتني بالسيدة بينما هو عاد إلى غرفة العمليات وبدأ في الإجراءات اللازمة للمريضة قبل التصرف، واتضح بعد الفحوصات والتحاليل إنها تعاني من نزيف داخلي حاد وإصابة في الرأس بطلق ناري.

أسرع في محاولة إخراج الرصاصة وبصعوبة نجح، ولكنه قام مضطرًا بطلب من الممرضات حلق شعرها بالكامل إلى حين يحاول هو السيطرة على النزيف اللي كان صعب، وضخ الدم كان كثيف، ولكنه وبفضل الله ودعاء والدتها التي تكاد أن تفقد قدرتها على الصمود أكثر من ذلك، أتى بنتيجة وبعد ساعات من المحاولة في إنقاذها خرج من غرفة العمليات.

اتجهت السيدة له وهي بالكاد تقوى على الحديث:

ـ بنتي.. بنتي حصلها حاجة يا دكتور؟ أبوس إيدك طمني عليها

ابتسم بحزن:

ـ حالتها مش مستقرة، إحنا عملنا اللي علينا، ما علينا دلوقتي غير الدعاء، لو الـ 24 ساعة دول عدّوا على خير، هي هتكون عدّت مرحلة الخطر. أنا سيطرت على النزيف بس إصابة الرأس مش هينة، ادعيلها.

جلست على المقعد القريب منها ومن ثم وضعت رأسها بين يديها وهي تبكي:

ـ يارب رجعهالي بالسلامة، يارب.. منك لله يا عمران، منك لله، حسبي الله ونعم الوكيل فيك..

ـ إحنا كده لازم نبلغ الشرطة، أنا أجلت الإجراء ده علشان أحاول أنقذها

نظرت له:

ـ هه، الشرطة هيعملوا إيه يعني؟ أنا ست على قد حالي والشرطة مبتتحركش غير للناس الكبيرة اللي ليها مكانة في البلد دي، إحنا ينداس علينا عادي يا دكتور، حقي وحق بنتي وحق جوزي اللي مات غدر، وابني اللي اتقتل قدامي، حقنا عند المولى.

جلس أمامها، فهي في عمر والدته:

ـ أنا عاوز أسمع منك كل حاجة، أنا هساعدك، اللي ربنا هيقدرني عليه هعمله

وضعت يدها على كتفه:

ـ ربنا يحميك لشبابك يا ابني، أنا مقدّرة تعاطفك معايا، بس اللي ظلمني مش واحد سهل، إني أدخل شاب زي الورد زيك وأرميه قدام النار

ربّتت على كتفه:

ـ عندي اللي زيك

ابتسم لها بود، هو مقدّر تمامًا ما تمر به تلك السيدة المسكينة، مسك يدها وتحدث وهو ينظر لها:

ـ ثقي فيا، إنتي مش بتقولي إن الشرطة مش بتقف غير مع اللي ليهم مكانة في البلد؟ طيب، رافضة إني أساعدك ليه؟ أنا أهلي ليهم مكانة في البلد، خليني أساعدك، وتأكد إن اللي كاتبه ربنا هيكون، متفكريش في حاجة تانية، اعتبريني زي ابنك، ينفع تخبي عن ابنك وجعك؟

كانت تستمع له وهي تبكي بصمت، ومن ثم نظرت إلى السماء، وعلامات القهر واضحة عليها، تبث كم الألم اللي تمر به وكم المعاناة اللي خضعت لها، وكم تلك الحياة كانت غير عادلة معاها، فغدر البشر لا حد له

ـ ونِعْمَ بالله.. ونِعْمَ بالله

ـ تعالي على مكتبي نتكلم هناك وتفهميني كل حاجة ونتكلم في حالة... هي بنت حضرتك، اسمها إيه؟ نسيت أسألك

ـ كارمن، بنتي اسمها كارمن يا ابني

ابتسم لها بحنان:

ـ اسم جميل

ابتسمت من بين دموعها وقهر قلبها على ما يحدث معها، وعلى ذلك الاختبار الصعب اللي بتخضع له، ولكنها غير معترضة على قضاء الله، فهي مؤمنة بأن الله سيكون معها، لم تفقد يومًا إيمانها بقضاء الله، دائمًا ما تردد: الحمد لله.

ومن ثم نهضت واتجهت معه إلى مكتبه وهو ساندها، فهي لم تعد تقوى على الحركة من هول مشهد الحادث اللي تعرّضت له صغيرتها، كافي إنه يوصلها للحالة دي: وحيدة وضعيفة، ولكن إن كان العبد على علم بما يدبّره له الله، لما حزن ولا حمل للدنيا همًا.

® -------------- ®