الفصل الثامن

الفصل الثامن

وهو قلبي في عشقها

للكاتبة ♡ آية بدوي ♡

•••••••••♡•••••••••••

🍂 ابتسم للحياة تبتسم لك 🍂

في صباح اليوم التالي...

التفتت العائلة حول طاولة الإفطار باستثناء جوان التي رفضت الحضور بشكل قاطع بعد ما حدث بالأمس. نظر أيهم إلى مكان جلوسها المعتاد منذ مجيئها، والذي اتخذته سارة مكانًا لها بالفعل.

رغد: "بابا، أنا هخرج أنا وريم."

جمال: "ماشي يا حبيبتي، بس رايحين فين كده؟"

رغد: "نعمل شوبنج، إنت عارف حفل السنوية قرب."

سارة: "أنا كمان عاوزة أشتري كام حاجة كده، ممكن أروح معاكم؟"

رغد: "أكيد."

التفتت إلى ريم التي وكزتها في كتفها بحدة، مشيرةً إلى أنها لا تريد الذهاب معها، بينما تنهدت رغد بضيق، فهي أيضًا لا تحب الخروج برفقتها.

جمال: "قولي لجوان، خليها تخرج معاكم."

رغد: "رفضت، قالت إنها مش قادرة تخرج."

سارة: "أكيد نفسيتها تعبانة من اللي حصل امبارح."

مهند: "هو إيه اللي حصل امبارح؟"

سارة: "هبقى أقولك بعدين."

دخلت الخادمة وهي تمسك تالا، التي كانت عابسة، وتوجهت بخطوات صغيرة نحو جمال الذي حملها بين يديه.

جمال: "صباح الخير يا توتا."

تالا: "صباح النور، جدو. إنت مش قلت لبارني صباح الخير؟ كده هيزعل."

جمال: "هههه، صباح الخير يا أستاذ بارني."

رغد: "توتا تعالي عشان تفطري."

تالا: "لا، جدو هيأكل توتا."

جمال: "طبعًا، يلا بقى افتحي بوق القمر ده."

تالا: "جدو، هي ليه مامي زعلانة؟"

التفت الجميع إلى ذلك السؤال، حتى سارة التي كانت تنظر إلى تالا بكره. لم يهمها أنها طفلة لم تصل إلى الرابعة من عمرها بعد، فكل ما كانت تفكر فيه أنها جزء من جوان، عدوتها.

محمد: "مين اللي قالك إن ماما زعلانة بقى؟"

تالا: "تالا عارفة لوحدها، مامي بتنام كتير أوي لما بتبقى زعلانة."

مرر جمال يده على شعرها بحنان وقال:

جمال: "وإنتِ بقى عاوزة تعرفي ماما زعلانة ليه؟"

تالا: "لا، تالا عاوزة تعرف مين زعل مامي."

سارة، مدعية المزاح: "ده عمو أيهم اللي زعل مامتك."

كانت تظن أنها ستجعل الصغيرة تكره أيهم بإظهار أنه شخص سيئ، وقد تبدأ الطفلة في تجنبه، لكنها صُدمت عندما قالت تالا:

تالا: "عمو أيهم، تعالَ مع تالا عشان تصالح مامي."

خرجت من حضن جمال وتوجهت إلى أيهم، وأمسكت يده قائلة بإصرار:

"يلا يا عمو، تالا هتصلح ماما معاك."

سارة: "خلاص يا حبيبتي، سيبي عمو دلوقتي يفطر."

ولم تكن قد أنهت جملتها حتى تفاجأت، مثل الجميع، عندما لبّى طلب الصغيرة ووقف، بينما كانت تالا تمسك بكفه وتجره خلفها، وهو يسير معها بطواعية.

توقفا أمام باب غرفتها، فنظرت تالا إلى أيهم وقالت:

تالا: "عمو أيهم، خبط على الباب، تالا إيديها صغيرة أوي."

ابتسم الآخر رغمًا عنه، وطرق الباب عدة مرات.

تالا: "مامي، أنا تالا."

فتحت جوان الباب وهي ترتدي ملابس النوم، التي كانت عبارة عن بيجامة زهرية بأكمام طويلة، لكن شعرها الأسود الذي كان يصل إلى نهاية ظهرها كان يتدلى بنعومة على كتفيها.

ارتفعت عينا أيهم إليها، وتجمد مكانه أمام ذلك المشهد المذهل، بينما توقفت جوان تنظر إليه، لتجده يحدق بها.

تالا: "عمو أيهم هيصالح مامي."

أغلقت جوان الباب في وجههما بسرعة بعدما أدركت أنها كانت تقف أمامه وشعرها منسدل بتلك الطريقة.

وضعت يدها على صدرها الذي بدأ يدق بقوة.

تالا: "مامي، قفلتي ليه؟ عمو أيهم، قلها تفتح."

أيهم: "جوان."

انتظر ردها، لكنها لم تجب. لم تستطع إخراج صوتها، لكنه ناداها مرة أخرى وكأنه يحثها على الإجابة.

أيهم: "جوان."

جوان: "نعم."

أيهم: "أنا آسف، مكنش قصدي أقول كده. إنتِ من أول ما وصلتي هنا وأنا باعتبرك جزء مني... يعني جزء من العيلة."

تالا: "قولتلها عشان خاطر تالا، وهي هتسامحك."

أيهم: "عشان خاطر تالا... سامحيني."

كانت واقفة تحترق من الخجل وهي تستمع إلى كلماته، لا تصدق أن هذا هو أيهم الذي تعرفه جيدًا.

جوان: "خلاص، أنا مش زعلانة."

تالا: "هااااا!"

أيهم: "تعالي بقى يا بسكوتة، أنا هجيبلك شوكولاتة كتير أوي."

تالا: "ونجيب لمامي معانا."

••••••••••••

في غرفة سارة...

كانت تجوب الغرفة وحدها بعصبية.

سارة: "لازم ألاقي طريقة أبعده عنها. إنت مش بترد ليه؟ أمال أنا جبتك معايا ليه؟"

مهند: "أعمل إيه؟ إنتِ شفتي، مجرد ما سألتها سؤال عملت إيه."

سارة: "لو فضلت كده هتقول له الحقيقة. لازم أبعده عنها."

مهند: "لو مش هيبعد عنها هو، يبقى هي اللي تبعد عنه."

سارة: "وده إزاي؟"

مهند: "إنتِ قلتيلي إنها مخطوبة، مش كده؟ يبقى خليها تفضل مع خطيبها."

سارة: "أيهم لما بيحط حاجة في دماغه بيعملها."

مهند: "ده لو هي عاوزاه. لكن لو هي كرهته، هيعمل إيه؟"

سارة: "إنت قصدك أخلي جوان تكره أيهم؟ وده أعمله إزاي؟"

مهند: "هقولك."

••••••••••••

في المول...

خرجت ريم من أحد صالونات التجميل لتجد رغد تنتظرها برفقة ملك. أشارت لهم باتجاه آخر قائلة:

ملك: "رغد، هو مش ده إلياس؟"

ريم: "أه، فعلاً هو."

ملك: "بيعمل إيه هنا؟"

في تلك اللحظة، وجدوا إلياس يلتفت إليهم ثم يبتسم بمرح ويُلوّح لهم. احمرّ وجه ملك خجلًا، وأسرعت تختبئ خلف ريم التي تنهدت بيأس من تصرفها.

ريم: "هو بيعمل إيه هنا؟"

رغد: "تقريبًا بيشتري لبس، مش شايفة الشنط اللي في إيده؟"

ملك: "ممم، فعلاً. طيب إحنا هنروح فين دلوقتي؟"

رغد: "أنا هشتري ميك أب، هتيجي معايا؟"

ملك: "لا، مش بحب أشتري الحاجات دي. أنا هستناكم في المطعم، ما تتأخروش عليا."

ريم: "تمام، وإنتِ ما تكلميش حد غريب، سمعاني؟"

ملك: "حاضر يا فندم."

ريم: "روحي يا آخر صبري."

توجهت ملك إلى أحد المطاعم داخل المول، وأشارت إلى النادل الذي لبّى طلبها على الفور.

ملك: "عاوزة قطعة كيك فراولة كبيرة وعصير برتقال."

دوّن النادل الطلب وهو منبهر بجمالها، ثم غادر.

بعد قليل، دخل إلياس إلى نفس المكان دون أن يلاحظ وجودها، وجلس على طاولة بعيدة قليلًا.

الشخص الأول: "بص، مش دي ملك؟"

الشخص الثاني: "آه، يا دين النبي على الجمال، هو في كده؟"

الشخص الأول: "هموت وأروح أتكلم معاها."

الشخص الثاني: "استنى، ده أخوها عامل زي ظلها في كل مكان."

الشخص الأول: "معاك حق... بس يعني دي بنت بيضا وعيون زرقا وشعر أصفر... عيلة المنشاوي دول حلوين بشكل مش طبيعي."

في تلك اللحظة، التفت إلياس ونظر نحوهم بحدة، ثم نهض واتجه إلى ملك.

إلياس: "ملك، قومي اقعدي هنا يلا."

ملك: "أقعد فين؟"

إلياس: "تعالي اقعدي على الكرسي ده، كمّلي أكلك."

جلست ملك بهدوء كما اعتادت، بينما جلس إلياس مكانها ليصبح مقابلًا للشباب، ونظر إليهم بحدة جعلتهم يخفضون أعينهم فورًا.

ملك: "أبيه، أطلب لك كيك زي بتاعتي؟"

إلياس: "28."

ملك: "مش فاهمة."

إلياس: "عندي 28 سنة، يعني ما ينفعش تقولي لي أبيه، قولي إلياس."

ملك بخجل: "تمام... إنت بتعمل شوبنج؟"

إلياس: "مش واضح من الشنط؟"

ملك: "أه فعلاً."

إلياس: "إنتِ بتعملي إيه هنا لوحدك؟ مش كنتِ مع البنات؟"

ملك: "أه، بس هما هيشتروا ميك أب."

إلياس: "وإنتِ ليه مش معاهم؟"

ملك: "مش بحبه أصلًا."

وأثناء حديثهما، كادت يد النادل أن تُسقط القهوة عليها، لكن إلياس أمسكها سريعًا وسحبها نحو كرسيه، فسقطت القهوة على الأرض بدلًا منها.

إلياس: "إنتِ كويسة؟ حصل لك حاجة؟"

ملك: "لا، أنا كويسة."

النادل: "أنا آسف جدًا، والله ما كان قصدي."

ملك بطيبة: "حصل خير، تقدر تمشي."

وقف إلياس بجانبها يعدّل خصلات شعرها التي أصابتها القهوة، بينما لم ينتبه لالتقاط الكاميرا صورًا لذلك المشهد وغادرت سريعًا.

دخلت رغد وريم إلى المطعم، ليتفاجأن بالمشهد.

رغد: "إنت بتعمل إيه؟"

إلياس: "مش بعمل حاجة، اهدئي."

ملك: "مفيش حاجة يا رغد، إلياس كان بيطمن عشان القهوة كانت هتقع عليا."

ريم: "إنتِ كويسة؟ حصلك حاجة؟"

ملك: "لا، أنا كويسة والله، اهدوا."

إلياس: "طالما إنتوا جيتوا أنا همشي. خدو بالكم منها كويس، وبلاش تسيبوها لوحدها."

رغد: "يلا يا ملك عشان نرجع."

ملك: "يلا. باي يا إلياس."

إلياس: "باي يا ملك."

ظل ينظر إليها حتى اختفت، ثم غادر هو الآخر.

••••••••••••

في منزل يوسف...

دخلت الخادمة تضع طاولة صغيرة على الفراش أمام يسر، التي تناولت بعض حبات الدواء ثم نظرت إلى الطعام بدون شهية.

لم يعد لديها شهيّة لأي شيء، حتى بقاؤها على قيد الحياة أصبح يرهقها. نظرت إلى صورة ابنتها وزوجها بحزن.

يسر: "وحشتوني أوي... عاوزة أشوفكم."

الخادمة: "يسر هانم، يجب أن تتناولي الطعام."

يسـر: "اتركيه واغادري."

الخادمة: "السيد طلب مني أن أبقى معكِ حتى تنتهي، أرجوكِ."

يسـر: "أين يوسف الآن؟"

الخادمة: "في مكتبه، سيدتي، لم يخرج اليوم."

••••••••••••

في مكتب يوسف...

كان دانيال ومايكل يجلسان أمامه، وأمامه الكثير من ملفات الشركة التي من المفترض إنهاؤها قبل إخلاء الشركة.

يوسف: "لقد وجد إلياس مكانًا مناسبًا ليكون مقرًا للشركة."

مايكل: "من الجيد أنه فعل، هل وجدتم مسكنًا أيضًا؟"

يوسف: "أجل، قال إنه وجد أحد القصور بالقرب من قصر عائلة جوان."

دانيال: "إنه سريع جدًا في كل شيء."

يوسف: "نعم، لكنه متهور."

دانيال: "إذا استمررنا في العمل بهذا الشكل، سينتهي كل شيء مع بداية الشهر الجديد."

يوسف: "أرجو ذلك، أنا لا أشعر بالراحة، وجوان بعيدة عني."

مايكل: "لا تقلق، إلياس معها الآن."

يوسف: "أتمنى أن تكون بخير حتى أصل إليكِ يا جوان."

••••••••••••

كانت جوان تسير في حديقة القصر وهي تحاول الوصول إلى شبكة الهاتف التي اختفت فجأة. تنهدت بانزعاج، ثم نظرت إلى المسبح الكبير في الحديقة أمامها.

مدّت يدها تلمس الماء، شاردة تمامًا.

لم تنتبه إلى تلك اليد الخبيثة التي اقتربت ودفعتها بقوة إلى داخل المسبح، ثم فرت هاربة.

سقطت في الماء، وبدأت تعافر لتلتقط أنفاسها بصعوبة بينما كان الماء يجرّها للأسفل.

نظرت إلى ذلك الخيال الذي يبتعد بسرعة، وحاولت طلب النجدة، لكن صوتها لم يخرج من الماء...