Ariana’s POV Pagkatapos ng mahabang kulitan sa pool, sa wakas ay umahon na rin si Emanuel. Medyo namumula na ang balat niya, at halatang napagod sa kakalangoy at kabubuhos ng tubig sa akin. “Ariana, game time na!” sigaw niya habang tumatakbo papasok sa mansyon, basa pa ang buhok at may ngisi sa labi. “Hintayin mo muna, kailangan mong magpalit ng damit,” sagot ko habang sinusundan siya. “Mamaya ka na mag-video game.” Pinatuyo ko siya ng tuwalya, at pinasuot ko ang komportableng pambahay niyang shorts at puting sando. Medyo nangungulit pa siya habang sinusuotan ko siya pero hindi ko na pinatulan. Baka kung saan pa mapunta ang kwentuhan namin. “Tapos ka na,” sabi ko. “Ngayon, ikaw naman ang maghintay. Magpapalit lang ako ng damit, binasa mo kasi ako kanina, ‘di ba?” sabay irap ko na lang sa kanya na sinabayan niya ng tawa. Pumasok ako sa silid ko, sinarado ang pinto at dumiretso sa banyo. Ang init sa balat ng basang uniporme ko kaya nagdesisyon akong mabilis na mag-shower uli
Last Updated : 2025-04-07
LOGIN
