جميع فصول : الفصل -الفصل 63

“Matteo”Hindi ako mapakali.Pagkatapos ng dinner namin nila Paula at Richard, malinaw na malinaw ang bilin ni Paula sa akin: huwag akong mawawala sa buhay ni Elisse. Kailangan daw maramdaman nito na seryoso ako, na hindi ako sumusuko, at higit sa lahat, na tunay kong pinagsisisihan ang lahat ng sakit na naibigay ko sa kanya.Kaya sinunod ko ang bawat payo niya.Nagpadala ako ng panibagong bouquet ng tulips sa condo ni Elisse. Ayon kay Paula, sobrang nagustuhan daw iyon ni Elisse, lalo na nang mabasa nito ang kahulugan ng bulaklak. Simula noon, sinabi ni Paula na siguraduhin kong may bagong arrangement siyang matatanggap kada linggo.At ginawa ko nga.

Pagdating nina Elisse at Paula sa harap ng sikat na Latin bar sa Makati, agad silang sinalubong ng malamig na simoy ng gabi at ng makukulay na ilaw na nagmumula sa eleganteng establisimyento. Ang malaking neon sign na may nakasulat na “Limón, Tequila e Sal” ay kumikislap sa itaas ng entrada habang dinig na dinig mula sa loob ang masiglang tugtog ng banda.Nakatayo sa may pinto si Virginia, nakayakap sa isang matangkad at matipunong lalaki. Pareho silang may mapupungay na mata at mamula-mulang buhok kaya agad nahulaan ni Elisse na magkapatid ang dalawa.Nang makita sila, agad lumawak ang ngiti ni Virginia.“Wow! Grabe naman kayong tatlo! Ang gaganda ninyo!” masiglang bati nito habang isa-isang niyayakap sina Elisse at Paula. “Kailangan ninyo akong