Drama Web Novels & Hidden Identity Misunderstanding Stories

Matapos ang pag-aaral ni Snow sa kolehiyo, napilitan siyang umalis sa probinsiya na kasama ang kaniyang Lolo at Lola upang magtrabaho sa isang syudad. Pansamantalang iniwan niya ang mga ito upang mapagamot ang kaniyang Lolo na may malubhang sakit. Hindi naging maganda ang naging buhay ni Snow sa syudad. Maraming paga-adjust ang ginawa niya upang mabuhay sa isang syudad. Nakabangga niya ang anak ng mga Valderrama na si Nicholas Flinn, ubod ng sama sa ugali at walang sinusunod. Sa kabila ng hindi magandang pagtrato ni Nicholas kay Snow ay nanatili ang kabaitan nito at piniling intindihin. Hindi nagtagal ay naging malapit ang dalawa. Naipagkasundo si Nicholas sa ibang babae para sa kanilang kumpanya, ngunit nailigtas ito sa pamamagitan ng pagkakaruon niya ng relasiyon kay Snow. Hindi naman nagustuhan ng pamilya ni Nicholas si Snow at pinagpilitan itong itaboy. Dumating ang araw na nalaman ni Florina na siyang Ina ni Nicholas ang tungkol kay Snow, siya ang batang ipinagbubuntis noon ng babaeng karelasiyon ng kaniyang asawa noon. Si Florina rin ang pumaslang sa mga magulang ni Snow dahil lang sa pagmamahal niya kay Nico na kaniyang asawa. Dahil doon, mas lalong kinasuklaman niya si Snow, at sinabi kay Nicholas ang totoo. Na baka sila ay magkapatid. Hindi nagtagal naging malamig na rin ang pakikitungo ni Nicholas kay Snow at tinaboy ito. Kahit buntis si Snow ay pinili niya na lamang umalis at hindi sabihin kay Nicholas ang tungkol doon. Hindi nagtagal ay nalaman ang totoo na wala talaga silang koneksiyon sa isa't isa. Muntik na rin na ipapaslang ni Florina si Snow, mabuti at hindi pa nahuli ang lahat. Sa huli, nagkapatawaran ang lahat sa nangyari. Mas pinili ni Snow na bigyan ng tahimik na buhay ang kaniyang anak at kalimutan ang nakaraan.

Pumalit si Sophie sa kanyang kapatid upang magpakasal sa isang lalaking kilala lamang bilang tambay at barumbado. Namumuhay sila sa matinding kahirapan. Ngunit hindi niya inaasahan na ang kanyang asawa ay isa pa lang misteryosong bilyonaryo na may hawak ng napakalaking kapangyarihan at impluwensya. Hindi makapaniwala si Sophie sa kanyang natuklasan; nagmadali siyang bumalik sa kanilang maliit na inuupahang bahay at sumugod para yakapin ng kanyang asawa. “Sinasabi ng lahat na ikaw daw si Young Master Creighton… totoo ba ‘yon?” Hinaplos ng lalaki ang kanyang buhok. “Magkamukha lang kami.” Sumimangot si Sophie. “Napakasama ng ugali ng lalaking iyon! Pinipilit niyang ako daw ang asawa niya. Mahal, parusahan mo siya para sa akin!” Kinabukasan, lumitaw si Creighton sa harap ng lahat pagkatapos mabugbog at may pasa ang buong mukha, ngunit nakangiti pa rin ito. “Sir, ano po ang nangyari?” Bahagyang itinaas ni Young Master Creighton ang kanyang mga labi at sumagot nang walang pag-aalinlangan. “Inutusan ako ng asawa ko na bugbugin ko ang sarili ko, kaya sinigurado kong ginawa ko tulad ng gusto niya.”

Pagkatapos ng matagumpay na business deal sa Batangas, nanatili si Jericho sa isang resort upang magpahinga at magdiwang. Gayunman, nabalewala ang kanyang pahinga nang tawagan siya ng ama upang ipaalala ang nalalapit na pamamanhikan para sa nakaayos na kasal ng kanyang kapatid. Ipinakita rito ang impluwensya ng pamilya at tradisyon sa kanilang buhay—mga desisyong tila nakaplano na kahit hindi pa sila handa. Ngunit malinaw ang paninindigan ni Jericho: siya mismo ang pipili ng babaeng pakakasalan niya. Sa gitna ng kanyang pagod at kalasingan, isang hindi inaasahang pangyayari ang gumising sa kanya—ang pagdating ni Danica, anak ng kanyang business partner. Tahasang ipinakita ng babae ang kanyang pagnanasa at balak na mapalapit kay Jericho, maging walang commitment man. Lumalabas na nais din ng ama ni Danica na maging manugang si Jericho. Ngunit matatag siyang tumanggi. Ayaw niya ng sapilitang relasyon o kasal na hindi niya pinili. Sa unang kabanata pa lamang, nahahayag na ang karakter ni Jericho bilang isang lalaking may prinsipyo, hindi basta nagpapadala sa tukso, at handang labanan ang dikta ng iba para sa sariling kalayaan.