Alamat Ng Bubuyog Mga Nobela at Kwento

Sa likod ng nagniningning na ginto at karangyaan ng Golden University, isang mapanganib na laro ng panlilinlang ang nagaganap. Si Laria, isang elite spy, ay bihasa sa pagiging anino. Upang matagumpay na maisagawa ang kanyang misteryosong misyon, pinili niyang itago ang kanyang tunay na ganda sa likod ng isang pangit at hindi kapansin pansing anyo makapal na salamin, pekeng dungis sa mukha, at isang mahiyain na personalidad na madaling balewalain ng mapanghusgang lipunan ng unibersidad. Sa paningin ng lahat, siya ay isang hamak na iskolar na walang puwang sa mundo ng mga elitista, ngunit sa likod ng maskarang ito ay isang matalas na isipan na nagmamanman sa bawat kilos ng mga nasa paligid niya. Ngunit ang katahimikan ng kanyang pag iispya ay magugulo sa pagdating ni Professor Drake. Sa umaga, siya ang misteryoso, malamig, at nakakalunod ang presensya na guro na kinatatakutan at hinahangaan ng lahat. Ngunit sa ilalim ng kanyang mamahaling suit at matatalas na titig, si Drake ay isang mafia billionaire na may mas malalim at madugong agenda. Pumasok siya sa unibersidad hindi upang magturo, kundi upang bawiin ang isang mahalagang pag aari ng kanyang pamilya at lipulin ang mga traydor na nagtatago sa loob ng akademya. Ang bawat leksyon sa loob ng silid aralan ay tila isang interogasyon, at bawat titig niya kay Laria ay tila unti-unting nagbabaklas sa pader na itinayo ng dalaga. Habang nagtatagpo ang kanilang mga landas sa gabi bilang mga estrangherong magkalaban sa misyon, at sa araw bilang guro at estudyante, isang matinding tensyon ang mabubuo. Sa unibersidad na binuo ng mga lihim, kailangang mag ingat ni Laria dahil ang lalaking nagmamasid sa kanya mula sa unahan ng klase ay ang siya ring lalaking maaaring maging pinakamalaking hadlang sa kanyang misyon o ang tanging makakapagligtas sa kanya.

📖 S Y N O P S I S Vengeance of the Reborn CEO’s Wife Sa paningin ng lahat, si Aurora Steele ay may perpektong buhay — asawa ng makapangyarihang negosyanteng si Xavier Steele, ina ng isang mabait at maganda nilang anak na si Amara, at ginagalang ng lipunan bilang huwarang babae. Ngunit sa likod ng magarang ngiti at marangyang tahanan, nakatago ang malamig na distansya, mga lihim, at mga kasinungalingang unti-unting sumisira sa kanyang mundo. Pagbalik ng kanyang kambal na si Lilith, dala ang isang batang lalaki na may parehong mga mata ni Xavier, nagsimulang mabunyag ang mga lihim na matagal nang inilihim sa kanya. Hanggang sa isang gabi ng trahedya, lason ang pumatay sa kanyang anak — at ang tiwala ni Aurora ay tuluyang gumuho. Pinagkamalan siyang baliw, tinuligsa ng asawang minsan niyang minahal, at iniwan sa dilim ng sariling pagkawasak. Ngunit hindi doon nagtatapos ang kanyang kuwento. Sa misteryosong pag-ikot ng tadhana, nagising si Aurora — isang taon bago mangyari ang lahat. Ngayon, dala niya ang lahat ng sakit, ang lahat ng alaala, at ang lahat ng dahilan upang magbago. Hindi na siya ang babaeng umiiyak sa dilim. Hindi na siya ang asawang nagmamakaawa ng pansin. Ngayon, siya na ang reina ng sariling laban — tahimik, matalino, at mapanganib. Sa ilalim ng mapanlinlang na ngiti, itatago niya ang kanyang mga plano. Sa bawat salita, itatali niya muli ang mga taong minsang sumira sa kanya. Ngunit sa oras na bumalik ang mga anino ng nakaraan, isang bagay ang malinaw: Ang babaeng minsang tinalikuran, ngayon ay muling isinilang — hindi para magmahal, kundi para gumanti.

Kasabay ng biglaang pagkamatay ng kanyang ama sa hindi malamang dahilan ay niloko din si Cassandra ng boyfriend niya at ipinagpalit sa kanyang matalik na kaibigan na si Serafina ngunit hindi pa doon nagtatapos ang dagok sa buhay niya. Sa burol ng kanyang ama ay nakilala niya ang mafia boss na si Giovanni Zobel na siyang pinagkakautangan ng kanyang ama ng isang bilyong piso, binigyan siya nito ng palugit na isang buwan at pag hindi siya nakabayad ay papatayin siya nito. Dahil sa pagbabantang iyon ni Giovanni ay pinalayas kaagad si Cassandra ng kanyang tiyahin sapagkat ayaw nitong masangkot sa gulo at utang ng kanyang ama. Kinamkam din nito ang natitirang kayamanan ng kanyang ama. Sa paglalakad ni Cassandra sa malakas na ulan at malamig na simoy ng hangin na tanging maleta lang ang bitbit ay muling nag krus ang landas nila ng ninong niyang si Jonas Del Riego na siyang may-ari ng Del Riego Group of Companies. Ipinaliwanag nito na malaki ang utang na loob nito sa ama niya kung kaya’t gusto niyang suklian ang lahat ng ginawa nito sa pamamagitan ng pag-aalaga sa kanya. Kaagad niyang tinanggap ang offer nito na maging secretary at personal assistant ngunit hindi lingid sa kaalaman ni Cassandra ang tinatagong pagtingin ni Jonas sa kanya. Sa pagtatrabaho niya doon ay nalaman pa ni Jonas ang sitwasyon niya at inofferan siya nito na babayaran ang pagkakautang ng kanyang ama at bibigyan siya ng proteksyon kung magpapakasal siya rito. Magawa niya kayang tanggapin ang inaalok nitong kasal para sa pera, proteksyon at pagmamahal?

Magpapanggap si Gwen bilang ina ng kambal na anak ni Elijah Smith, ang CEO na kinakatakutan ng marami. Malaking katanungan kay Gwen kung bakit niya kamuka ang nobya ng kaniyang boss. Isama mo pa na naaalala niya ang anak niyang hindi manlang nasilayan ng siya'y manganak dahil ibineta ito ng tiya sa hindi kilalang tao. Ano nga ba ang dahilan kung bakit kamuka niya ang ina ng kambal at kung bakit sobrang gaan ng loob niya sa mga ito?

Si Hara Del Puedo ay kilala sa buong hacienda bilang pinakamabait, pinakamadaling lapitan at higit sa lahat ay pinakamatapang na apo ni Don Ernesto. Iginagalang at minamahal siya ng mga tauhan nila. Sa edad niyang bente anyos ay marami na siyang naranasan katulad ng isang insidente limang taon na ang nakakaraan. Dahil dito ay umalis ang dalaga sa Hacienda Del Puedo upang makalimot. Ngayon, nagbabalik na si Hara sa kaniyang bayang sinilangan upang harapin ang malagim na trahedya ng kahapon. Sa kaniyang pagdating ay may isang Xandro na naghihintay sa kanya. Kasabay ng mga alaalang muling nanunumbalik ay ang pagkahulog ng loob ng dalaga sa lalaking katulad niya ay may amnesia rin. Sa tulong ng binata ay gagawin ng dalaga ang lahat upang hanapin ang mga totoong salarin sa Hacienda Del Puedo massacre. Unti-unting makakamit ng dalaga ang hustisya ngunit maraming hadlang ang sa kaniya'y naghihintay. Pakiramdam ng dalaga ay pilit ibinabaon ng sinuman ang katotohanan upang wala siyang matuklasan. Gamit ang tatag ng loob at determinasyon ay malalaman ni Hara ang mga lihim ng kahapon kasama na rin ang mga sikreto ng mga taong nakapaligid sa kanya. Ang katotohanang akala niya ay magpapalaya sa kaniya ay muli palang susugat sa puso niyang durog na durog na kaya gagawin ni Xandro ang lahat upang muling mabuo ang dalagang ngayon ay hindi na kayang magtiwala pa sa kahit sino man.

Sa loob ng tatlong taon, namuhay si Clarissa Montefalco sa ilalim ng anino ng kasinungalingan—isang simpleng babae sa paningin ng lahat, ngunit sa likod ng tahimik na anyo ay ang tagapagmana ng isa sa pinakamalalaking business empires sa bansa. Minahal niya si Joaquin nang totoo, kahit pa hindi nito alam ang kanyang tunay na pagkatao. Ngunit sa pagbabalik ng babaeng mahal ni Joaquin, iniwan siya nito nang walang pasabi—pinahiya, sinaktan, at sinabihang siya pa ang pilit na humahabol. Hindi alam ni Joaquin na ang babaeng tinapakan niya ay may kapangyarihang baguhin ang buhay ng kahit sinong lalaki… kabilang na siya. Sa muling pag-uwi ni Clarissa sa Maynila upang pamunuan ang kompanyang iiwan ng kanyang ina, hindi niya inaasahang makikilala niya si Luis Antonio Dela Cruz—ang pinsan ng kanyang matalik na kaibigan, at isang lalaking may sarili ring itinatagong yaman at lihim. Sa gitna ng sakit, isang gabing puno ng alak ang nagtulak kay Clarissa sa piling ni Luis. At sa isang hindi inaasahang kasunduan upang makaiwas sa mga piling asawa ng kanilang mga magulang, lihim silang nagpakasal. Ngayon, si Clarissa Montefalco ay hindi lamang isang tagapagmanang hindi kinikilala—isa na rin siyang asawa ng isang secret billionaire. At si Luis? Isang lalaking dumarating sa mga panahong hindi niya inaasahan, dala ang pag-ibig na kailanman ay hindi naibigay ni Joaquin. Ngunit handa ba si Clarissa na magmahal muli, o mananatili siyang bihag ng sakit ng nakaraan?

Isang gabi ang naging simula ng pagbabagong hindi inaasahan sa buhay ni Elisse Marquez. Sa gitna ng sakit na dulot ng pagtataksil ng kanyang pinsan at dating kasintahan, tinanggap niya ang imbitasyon ng kanyang kaibigan na dumalo sa isang engrandeng party. Layunin niyang takasan ang kasal ng pinsan niyang sumira sa kanyang tiwala at damdamin. Sa gabing iyon, pinili niyang kalimutan muna ang lahat at magpakalunod sa saya, musika, at liwanag. Doon niya nakilala ang isang misteryosong lalaki—isang estrangherong agad niyang nakaramdam ng koneksyon. Sa kabila ng pagiging hindi magkakilala, nagbahagi sila ng isang gabi ng init, saya, at emosyon. Isang gabing hindi niya inakalang mag-iiwan ng panghabambuhay na marka. Pagkaraan ng gabing iyon, bigla na lamang nawala ang lalaki. Walang pangalan, walang bakas, at walang paraan para hanapin siya. Ngunit mas mabigat pa rito ang natuklasan ni Elisse—siya ay buntis. Sa kabila ng takot at pagkalito, pinili niyang harapin ang bagong yugto ng kanyang buhay nang mag-isa, habang patuloy na iniingatan sa alaala ang lalaking minsang nagpasaya sa kanya. Lumipas ang panahon at nagkaroon si Elisse ng pagkakataong magtrabaho bilang advisor sa isang kilalang kumpanya. Dito niya nakilala si Matteo Alvarez, isang makapangyarihang CEO na kilala sa kanyang pagiging seryoso, mainitin ang ulo, at walang oras sa pag-ibig. Sa kabila ng kanyang matigas na personalidad, may lihim siyang hinahanap—ang babaeng nakasama niya sa isang gabing hindi niya makalimutan. Hindi nila alam na ang tadhana ay muli silang pagtatagpuin—sa paraang hindi nila inaasahan, at sa panahong magbabago sa kanilang kapalaran.

Muntik ng mamatay ang CEO ng Ziff Corporation na si Seven Ziff dahil sa isang ambush kung hindi lang dahil sa pagkakaligtas sa kaniya ng mag-asawang napadaan sa pinangyarihan ng krimen. Subalit namatay din ang mag-asawa dahil sa pagtulong sa kaniya. Hindi nagtagumpay ang mga taong nais pumatay sa kaniya at nagpasya ang kaniyang lolo na dating chairman ng Ziff Corporation na manatili muna siya sa mansiyon at pansamantalang iwan muna ang pagiging CEO habang inaalam pa kung sino ang nais magpapatay sa kaniya. Habang nasa mansiyon ay nag-utos naman si Seven ng tao upang hanapin ang anak ng mag-asawang tumulong sa kaniya. Nais niya itong bigyan ng gantimpala ngunit nagulat siya nang malamang nalalagay din pala sa panganib ang anak ng mag-asawa sa hindi niya malamang dahilan. Dahil doon, gumawa siya ng paraan upang mapunta sa poder niya ang babae sa pamamagitan ng pagiging isang katulong. Hindi niya maaaring ipaalam sa babae ang tunay na dahilan para na rin sa kaligtasan nito at kailangan niyang alamin nang paunti-unti kung bakit pati ito ay ipinapapatay din ng mga taong gustong pumatay sa kaniya. Si Filippa, may malaking bukol sa mukha na siyang naging hadlang upang kakitaan siya ng ganda ay magsisilbing katulong sa mansiyon ng mga Ziff at walang kaalam-alam kung bakit nasa panganib ang buhay niya at kung ano ang tunay na kailangan ng guwapong bilyonaryong si Seven sa kaniya...

Pag-akyat ko sa ikalawang palapag ng aming bahay ay nakarinig ako ng tila may nalaglag sa loob ng silid ng aking ina. Sa pagkakaalam ko ay walang tao doon dahil nagbabantay ng hardware namin si Mommy kaya naman nagpunta ako don para i-check. Ngunit nanlaki ang aking mga mata ng makita ang aking ina na nasa hindi kaaya-ayang posisyon kasama ang aking nobyo at parehong walang damit!

Isang di inaasahang insidente ang tumapos sa kanyang buhay. Dahilan ng panghihinayang niya sa isang bagay na di niya nagawa. At isang sinserong pagdarasal ang naging dahilan ng kanyang pagbabalik sa lupa. Sa kabila ng pagmamanipula ng isang Fallen sa kanyang muling pagbabalik, magawa niya kayang gawin ang bagay na di niya nagawa at mahanap ang naging dahilan ng kanyang pagbabalik? O tuluyan siyang mahulog sa kamay ng Fallen?