Arti Alin

BLURB: Kailanman ay hindi maikakaila na minsan nilang minahal ang isa’t isa. Ngunit ang lihim ng mundong nababalot ng panlilinlang, pagtataksil, at nang makapangyarihan, ang babago sa takbo ng kanilang buhay. Mataas ang pangarap ni Seraphina sa buhay. Upang makamit ang tugatog ng tagumpay, kailangan niyang gamitin ang kanyang kapatid at ang sitwasyon hindi niya kayang tanggihan. Habang si Silhouette, bagama’t nagmamahal lang naman ay naipit sa dalawang malalaking batong lihim na nag-uumpugan at tinutugis ang isa’t isa. Puso ng isang tunay na mafia ang hangad niya kahit sa panaginip. Ang puso niyang iyon ang nagturo sa kanya na puwedeng maging perpekto ang pagkakataon para sa mga imperpektong tao na tulad niya at ni Sandro sa kabila ng malaking agwat ng kanilang edad. Habang si Sandro, sa kabila ng kanyang lihim na pagkatao ay natutong magmahal. Kaya niyang bigyan ng proteksyon ang taong mahal niya, kaya niyang suungin ang panganib at marunong siyang magsakripisyo. Ang kanyang tamang pagpapasya ang magiging susi tungo sa payapang kinabukasan kasama ang kanyang pamilya. Mabubuksan ang maraming pinto ng lihim. Bawat pinto ay maglalapit kina Sandro at Silhouette. At isang pinto naman ang mababalot ng paghahanap ng hustisya at paghihiganti sa muling pagmulat ng mga mata ni Seraphina. May puwang ba ang tunay na pag-ibig para sa tinaguriang mutya ng huling Mafia? Alin ang mas matimbang, ang kapatid o ang pinangarap niyang mafia? Ang pag-ibig ba ang kanilang kaligtasan—o ang kanilang kapahamakan?

Handa si Sahara na ipaglaban ang pag-ibig—kahit pa masakit, kahit pa unti-unti siyang nauubos. Matagal na nilang pinaplano ang kasal ng kanyang nobyong si Elian, isang mabait at masayahing lalaki na siyang naging mundo ni Sahara. Ngunit isang trahedya ang kumitil sa lahat ng kanilang mga pangarap—isang aksidente ang nag-iwan kay Elian na hindi na makalakad. Sa kabila ng kahirapan at lungkot, hindi siya iniwan ni Sahara. Pinili niyang manatili, alagaan ito, at maniwala na balang araw, babangon muli ang lalaking mahal niya. Subalit habang lumilipas ang mga araw, kasabay ng paglalim ng kanyang pagod at luha, unti-unting nauubos ang kanyang sarili. Hanggang sa dumating si Dr. Calyx Montanez—isang guwapong, matalino, at may pusong tumulong na physical therapist mula sa Maynila. Napadpad ito sa probinsya para sa isang outreach program at agad napansin ang kondisyon ni Elian. Nagboluntaryo siyang tumulong, at dala ng kanyang husay at malasakit, unti-unting nagkaroon ng pag-asa ang pamilya ni Elian. Pero kasabay ng paggaling ni Elian ay ang paggulo ng damdamin ni Sahara. Sa bawat araw na kasama niya si Dr. Calyx, tila may bagong damdamin ang unti-unting tumutubo sa puso niya—isang damdaming pilit niyang tinatanggihan, ngunit hindi niya kayang itanggi. Hanggang kailan niya kayang ipaglaban ang isang pag-ibig na unti-unti nang kumakawala sa kanyang mga palad? At kung sakaling may bago nang pintuan ng pag-ibig na bumukas, dapat ba niya itong pasukin, o manatili sa silid ng pangakong halos wala nang laman? Isang kwento ng sakripisyo, ng pagtatapat sa sariling damdamin, at ng pagpili kung alin ang higit na mahalaga—ang pangakong binitawan, o ang pag-ibig na hindi niya inaasahan.