CHAPTER 02: Divorce

"H-HAPPY BIRTHDAY, Leo. 'Yan ang gift ko sa iyo. Nagustuhan mo ba?" Tumingin si Hyacinth kay Leo ng deretso.

Samantalang si Leo naman ay tila hindi man lang naapektuhan dahil nakuha pa nitong ngumisi na tila ba malaking katatawanan ang sinabi ni Hyacinth .

"Ano? Dahil ba hindi ako nagcelebrate ng birthday kasama ka, gusto mo na agad ng divorce? Napakapetty mo naman, Hyacinth ."

"Hindi iyon, Leo. Nakabalik na si Jasmine, 'di ba?"

Naglakad si Leo patungo sa direksyon ni Hyacinth . "Ah... threatened ka kasi nakabalik na ang kapatid mo..."

Si Leo ang tagapagmana ng lahat ng ari-arian ng pamilya Cantavieja. Nakakatakot ang presensya niya-- hindi lamang dahil sa kapangyarihan at kayamanan na taglay niya, kundi dahil may kakaiba sa kanya na kusang nagiging dahilan upang umiwas ang mga taong nakapaligid. Kaya nang papalapit si Leo, hindi napigilan ni Hyacinth ang dahan dahang pag atras.

Hanggang sa sumandal na lamang ang likod niya sa malamig na pader. Napatindig ang balahibo ni Hyacinth nang maramdaman ang sobrang lapit ni Leo. Sa isang iglap, naipit siya nito sa pwesto, nakaharang ang kamay ni Leo sa pader na para bang wala na siyang matatakbuhan.

Bumaba ang tingin ni Leo sa kaniya at umangat ang sulok ng labi nito na tila nang uuyam.

"Alam ng lahat na si Jasmine naman talaga ang dapat na pakakasalan ko noon. Ikaw lang naman itong trying hard na maging asawa ko. Willing kang gawin ang lahat kaya bakit ngayon, ayaw mo na bigla? Bakit nagbago ang isip mo, huh?"

Namutla si Hyacinth . Totoo naman iyon. Si Jasmine naman talaga ang dapat na pakakasalan ni Leo, kung hindi lang ito nacoma. Kung hindi nangyari iyon, magkakaroon kaya siya ng chance na mapakasalan ito?

Hindi makakalimutan ni Hyacinth ang nangyari nang nagising si Leo. Disappointment ang unang reaksyon nito nang makita si Hyacinth . Simula no'ng araw na iyon, ilag na si Leo sa kaniya.

Kailanman nga ay hindi siya sinipingan dahil natutulog sila sa magkahiwalay na kwarto. Hindi naman kaso iyon noong una kay Hyacinth . Pero nasasaktan din naman siya. Kasi mas ramdam niya ang tila pagkadisgusto sa kaniya ng asawa na tila ba may nakakahawa siyang sakit.

Nang napatitig si Hyacinth sa mukha ni Leo, napabalik bigla ang isip niya sa nakaraan. Hindi ba talaga nito natatandaan ang memorya nila no'ng mga bata sila? Wala na ba talaga?

Mas lalo lang nasaktan si Hyacinth doon. Kasi siya lang pala ang nakakaalala sa espesyal na mga panahong iyon. Siya na lang ang naiwan sa nakaraan.

"M-Maghiwalay na lang tayo, Leo. Wala rin lang namang silbi itong marriage natin. Ni wala man lang intimacy sa pagitan natin..."

Tumaas ang kilay ni Leo. "No intimacy, huh?" Itinaas nito ang kamay at pinadaan sa baba ni Hyacinth , bahagyang nanunudyo dahil nadaanan din iyon ng labi nito. "Iyan ang rason mo kung bakit ka makikipaghiwalay? Bakit? Umaasa kang hihigit pa ang kaya kong ibigay sa iyo?"

Nag init ang pisngi ni Hyacinth at marahas na umiling. "H-Hindi iyon ang ibig kong sabihin!"

Ang daliri ni Leo ay nanatili sa baba ni Hyacinth , marahang pumipisil na tila ba nanghahalina. Hindi inakala ni Hyacinth na ginagawa ito ni Leo ngayon sa kaniya. Malamig si Leo, kabaliktaran sa init na namumuo sa pagitan nilang dalawa.

Nanatili ang daliri ni Leo sa baba ni Hyacinth , marahang pinipisil iyon na tila nang aakit. Hindi inakala ni Hyacinth na gagawin iyon ni Leo sa kanya. Kilala niyang malamig ang lalaki, kabaligtaran ng init na unti unting namumuo sa pagitan nilang dalawa.

Nagtagal ang titig ni Leo sa kanya. Hindi iyon maiwasang mapansin ni Hyacinth , dahil ngayon lang niya naranasan ang ganoong klase ng atensyon mula rito. Madalas kasi siyang nakasuot ng simpleng damit at may suot na salamin, kaya para kay Leo ay tila wala lang siya, plain at hindi kapansin pansin.

Ngunit ngayon, tila iba ang tingin nito sa kanya. Ayaw mang umasa ni Hyacinth , pakiramdam niya ay siya ang pinakamaganda sa mga mata ni Leo sa sandaling iyon.

At tila siya rin ang babaeng nais nitong halikan... pero mali pala siya.

"Ano? Astang conservative ka ngayon? Alam kong may pangangailangan ka rin--"

"M-Mali ka ng iniisip, Leo."

"Oh, shut it. Kunyari ayaw mo pero ang totoo, nagpapalandi ka sa mga lalaki mo--"

Hindi na nito natapos ang sasabihin dahil sinampal na ito ni Hyacinth . Tumabingi ang mukha ni Leo dahil do'n.

Nanginig si Hyacinth sa inis. Nainsulto siya sa sinabi ni Leo, sa totoo lang. Mahal niya ito pero hindi niya kayang ganito ang lumalabas sa bibig nito. Inis siyang nagpigil ng luha. Ang sakit na ang lalaking mahal niya ay ganito ang tingin sa kaniya.

"A-Alam ko namang may mali rin ako dito. Pero sana... kahit kaunting respeto na lang!" Sabi ni Hyacinth . "At oo na! Si Jasmine lang talaga ang minahal mo. Kaya para matahimik ka, sige! Ibibigay ko na sa kaniya ang pwesto ko bilang totoong asawa mo!"

Umigting ang panga ni Leo. Wala pang nagtangkang sumampal sa kaniya noon. Si Hyacinth palang. Malamig niya itong tiningnan.

"Ano? Ayon na lang iyon? Hindi naman yata tama na pakakasalan mo ako kung kailan mo gusto tapos ipapamigay at kakalas ka lang din agad kapag ayaw mo na. Anong tingin mo sa 'kin, huh?" pigil ang inis na tanong ni Leo.

Mapait na tumawa si Hyacinth . "Anong tingin ko sa iyo? Isang... laruan," sagot niya. "Dahil ganiyan naman talaga ang tingin mo sa 'kin, 'di ba?"

"Ano?" tanong pa ni Leo, hindi makapaniwala.

"Pinaglaruan mo lang ako simula't sapul! Ngayon, kwits na tayo, Leo. Ibabalik na kita kay Jasmine. Sana maging masaya kayo!"

Hindi alam ni Hyacinth kung saan niya nahugot ang tapang upang sabihin iyon. Pakiramdam niya ay napuno na siya bigla! Siguro, ito na ang simula upang tuluyan na nga siyang magising sa kahibangan niya!

"Fine! Kung iyan ang gusto mo, pagbibigyan kita! Basta 'wag kang magmamakaawa sa 'kin na balikan kita kalaunan. Pagsisisihan mo rin iyan, Hyacinth !"

Matapos iyon, umakyat na si Leo sa itaas at padabog na pumasok sa study. Nang maiwan mag isa si Hyacinth , napayakap na lamang siya sa sarili, tila pinipigilan ang damdaming gustong kumawala.

Ipinangako niya sa sarili na hindi na niya hahayaang mahalin pa si Leo.

KINABUKASAN, pumasok sa study ang mayordoma ng mansyon na si Nanay Koring at nadatnan doon si Leo na abala na sa pag-aayos ng ilang papeles.

"Sir…" tawag ni Nanay Koring upang kunin ang atensyon ng lalaki. "Ginawan po kayo ng kape ni Ma'am kanina," dagdag nito habang inilalapag ang tasa ng kape sa mesa.

Sandaling natigilan si Leo. Napagtanto niyang baka iyon na ang paraan ni Hyacinth para humingi ng paumanhin sa naging sagutan nila kagabi. Kahit papaano ay nakahinga siya nang bahagya.

Mabuti naman talagang asawa si Hyacinth . Marunong itong magluto, lalo na ng mga paboritong pagkain ni Leo. Halos lahat ay ginagawa nito para sa kanya nang walang reklamo.

Nang sumimsim si Leo sa kape, tila nabuhayan siya. Laging masarap magtimpla ng kape si Hyacinth . Ngunit hindi naman siya basta basta mapapalambot ng ganoon lang. May inis pa rin siyang nararamdaman.

"Ano? May sinabi ba siya? Narealized na ba niyang mali siya kagabi?" tanong ni Leo, halatang may halong kuryusidad.

"Ah… kasi, Sir…" nahihirapang ipaliwanag ni Nanay Koring. "Umalis na po kasi si Ma'am."

"Ano?" Sinamaan niya ng tingin ang mayordoma.

"Dala po niya 'yung mga gamit niya bago umalis. Pero iniwan po niya ito…" Ibinigay ni Nanay Koring ang dokumento kay Leo. "Ibinilin po niya na dapat pirmahan niyo po iyan kapag natapos niyo na ang kape niyo."

Kumunot ang noo ni Leo. Binuksan niya ang dokumento at agad nagulat sa laman nito.

Divorce Agreement!

Agad na dumilim ang ekspresyon ni Leo. "Kunin mo na iyang kape. Ilabas mo na. Ayaw ko na niyan," utos niya sa mayordoma.

Walang sinabi si Nanay Koring at agad na sumunod. Nang maiwan na siya mag isa, binasa ni Leo ang buong agreement.

Nakasaad dito na wala namang hinihinging pera si Hyacinth kahit piso, mula sa kanya. Napailing si Leo, hindi makapaniwala. Akala ba niya, kaya iyon ni Hyacinth nang wala ang kanyang kayamanan at koneksyon?

Ngunit agad na nahuli ni Leo ang dahilan kung bakit nais ni Hyacinth na makipag divorce sa kanya.

[The husband is physically unable to fulfill his marital obligations due to a medical condition resulting in sexual dysfunction.]

Laglag ang panga ni Leo pagkabasa niya noon. Ang babaeng iyon!

Agad niyang kinuha ang telepono at dinial ang numero ni Hyacinth . Mabilis namang sinagot ito sa kabilang linya.

"Hello?"