CHAPTER 07: Soon

"SAYANG! WALA man lang masyadong info about sa kaniya! Ano namang ibig sabihin niyang 'H' na iyan?" reklamo ni Alfred at nailing na lang.

"Malay ko..." walang ganang sagot lang ni Leo.

"Ifollow mo na lang, dude!"

Nagkibit balikat lang si Leo sa sinabi ni Alfred pero kalaunan ay sinunod din naman niya ang sinabi nito. Hindi naman big deal sa kaniya iyon.

"Kapag inaccept ka niya, ipakilala mo siya agad sa 'kin kapag chicks iyan, ah? Alam mo naman na ang tipo ko, dude..." malokong saad pa ni Alfred.

Tumikhim si Jasmine kalaunan para kunin ang atensyon ng dalawang lalaking kasama. Ang totoo niyan ay medyo naiinis na siya. Bakit naman kasi masyadong pinagtutuonan nila ng pansin ang account ng kung sino mang nasa likod ng initial na 'H' na iyan?

Mabuti na lang at dumating ang sasakyan na susundo sa kanila. Lulan no'n ang driver at ang Secretary ni Leo na si Mila Serneche. Lumabas si Mila sa kotse nang tumigil ito sa harapan nila Leo.

"Nandito na ang sasakyan. Tara na, Leo..." aya agad ni Jasmine.

"Oh, may sundo na pala kayo! Bye, dude! Bye, Jasmine!" Kumaway pa talaga si Alfred nang makapasok na sina Leo at Jasmine sa loob ng kotse. Sa backseat sila at sa harap si Mila at ang driver.

"Saan po tayo, Sir Leo?" tanong ni Mila nang nasa biyahe na sila.

"Sa company na lang," sagot ni Leo.

Habang umaandar ang sasakyan, hindi maiwasang mapatingin ni Jasmine kay Leo. Kahit side view lang nito, talagang ang gwapo nito.

"Leo..." tawag niya dito.

"Hmm?"

"Tungkol kanina... 'yung kay... Hyacinth..." tila nahihirapang sambit ni Jasmine.

"Bakit? Anong meron sa kaniya?" tanong pa ni Leo.

"Ngayong nagbago ang itsura niya, may... naramdaman ka ba?"

Kumunot ang noo ni Leo. "Anong nararamdaman?"

"Alam mo ang ibig kong sabihin, Leo. Nagkaroon ka ba ng kaunting interest sa kaniya gayong binago na niya ang sarili niya?" deretsahang tanong pa ni Jasmine.

Tamad na binalingan ni Leo si Jasmine. "Saan ito patungo, Jasmine? Anong interest ang sinasabi mo diyan?" tanong niya rito.

"Leo, nakikita ko naman kasi--"

"Tigilan mo na iyan. At... kung may interest ako sa kaniya, ano naman? Asawa ko pa rin naman siya. At dahil iyon sa iyo kasi ipinagtulakan mo siya sa 'kin, 'di ba?" balik pa na saad ni Leo na siyang ikinatigil ni Jasmine.

Tatlong taon na ang nakaraan, nacomatosed si Leo. Umalis si Jasmine dahil doon at nagpuntanh abroad. Hinayaan niya si Hyacinth na pakasalan si Leo.

"L-Leo, hindi ko siya pinagtulakan. Si Hyacinth ang mapilit na gusto kang pakasalan! Wala akong naging choice!" rason pa ni Jasmine.

Bumuntong hininga si Leo. "Bakit pakiramdam ko, parang hindi kapani paniwala iyang sinasabi mo?"

Nagbago ang ekspresyon ni Jasmine, tila mas nalungkot ito. "Leo, bakit nahihirapan kang paniwalaan ako? Kung ganiyan lang din, mas mabuti pang putulin na lang natin kung anong meron tayo. Hindi mo na yata ako kailangan pa sa buhay mo..." saad nito at binalingan ang driver. "Pakitigil po sa tabi ang sasakyan. Baba na po ako--"

"Hindi! Walang bababa!" pigil agad ni Leo lalo pa nang akmang lalayo na si Jasmine.

Nahila ni Leo si Jasmine at napabagsak ito sa dibdib niya. Mabilis ang tibok no'n, halatang kabado. Lihim namang napangiti si Jasmine dahil doon. Ang dali dali pa rin para sa kaniyang kunin ang loob ni Leo. Isang paawa niya lang...

"Alam na alam mo talaga kung paano ako kunin. Palibhasa, alam mong hindi kita matitiis..." wika ni Leo.

Napangiti si Jasmine doon at tinitigan si Leo. "Alam kong hindi mo ako kayang pakawalan, Leo. Hinding hindi mo ako iiwan..." siguradong saad pa nito.

Si Leo Cantavieja ang pangarap na lalaki ni Jasmine. Sino namang hindi, eh mayaman at makapangyarihan ito.

Ang kaso nga lang, dahil sa isang aksidente, naging rason iyon para macoma ito at ibinalita ng doktor na imposible na itong gumising. Bakit naman sasayangin ni Jasmine ang panahon para hintayin si Leo gayong wala namang kasiguraduhan na makakasurvive pa ito?

Kaya umalis siya. Ang hindi lang inaasahan ni Jasmine ay ang pagpasok ni Hyacinth sa buhay ni Leo. At sinong mag aakala na talagang magigising pa si Leo? Milagro na siguro ang nangyari. Pero kahit ano pa man iyon, wala na ring pakialam si Jasmine. Basta ang mahalaga ngayon, nakabalik na siya. Alam niya sa sariling mahal siya ni Leo at hindi siya nito pakakawalan.

Namungay bigla ang tingin ni Leo sa kaniya. "Kung... hindi nangyari ang mga nangyari noon... ganito kaya tayo ngayon?" biglang tanong nito.

Napalunok si Jasmine. "Hindi ko sigurado..." saad niya. "Pero, Leo... may tanong ako."

"Ano iyon?"

"May... nangyari na ba sa inyo kay Hyacinth habang hindi pa ako nakabalik?" lakas loob niyang tanong.

Kumunot ang noo ni Leo. "Ano sa tingin mo?" nakaigting ang pangang tanong din nito.

Bahagyang napangiti si Jasmine. Kasi alam naman niyang wala talaga. Hindi magagawa iyon ni Leo. Loyal ito sa kaniya kaya hindi niya maiwasang matuwa.

"Jasmine, alam mong hindi mangyayari iyan..." wika pa ni Leo. "Kasi alam mong ikaw lang..."

Nag init ang pisngi ni Jasmine dahil doon. Sinong mag aakala na ang malamig at may untouchable aura na si Leo Cantavieja ay hibang sa kaniya?

"Alam ko naman iyan. Binibiro lang kita," wika ni Jasmine.

"Hindi ako natutuwa."

Humagikhik si Jasmine. Hindi na siya nakatiis pa at talagang siya na ang nagfirst move at gumalaw upang pumaibabaw kay Leo. Ang magkabilang paa ay nasa magkabilang hita ni Leo.

"Jasmine," tila warning iyon na tawag ni Leo sa pangalan niya.

"Gusto mo bang gawin natin ang bagay na iyon, Leo?" mapang akit na tanong pa ni Jasmine at patudyong gumalaw sa hita ni Leo pataas upang maramdaman ang pagkalalaki nito.

Si Mila na nakakarinig sa nangyayari sa backseat ay nagdesisyon nang ibaba ang partition sa pagitan upang hindi madisturbo ang dalawa. Kilala na niya ang boss niya. Baka may mangyaring kababalaghan at masaksihan pa niya.

"Ano, Leo? Hmm..." tanong ni Jasmine at napakagat ng ibabang labi at halatang sabik na sabik na kay Leo. Ang dress nito ay tumaas na at nakaexposed na ang makinis at maputi nitong legs. "Gusto mo ba 'to, Leo? Ibibigay ko sa iyo..."

Isang oo lang ni Leo, gagawin na talaga nila ang nasimulan ni Jasmine. Pero ewan ba ni Leo pero parang... wala siyang gana.

Ang isip niya ay naglakbay sa bar kanina kung saan nakita niya ang makurba at makinis din na hita ni Hyacinth na matagal na panahong nakatago sa pangmanang na damit nito lagi. Hindi alam ni Leo kung bakit si Hyacinth bigla ang nasa isip niya.

Marahan niya tuloy naitulak si Jasmine papalayo sa kaniya. "Hindi pa tuluyang naprocessed ang divorce namin ni Hyacinth..." saad na lang niya.

Kumunot ang noo ni Jasmine. "So? Ano ngayon?"

"Wala akong planong makipagkabit, okay?" mariing sagot ni Leo.

Tuluyan nang nawala ang init na nararamdaman ni Jasmine sa katawan. Mabilis siyang umalis sa hita ni Leo at medyo napahiya siya doon. Mas nangibabaw nga lang ang disappointment niya kay Leo.

"Kailan kayo magdidivorce ni Hyacinth kung gano'n?" natanong na lang niya.

Nagkibit balikat si Leo. "Malapit na..." sagot nito.