AFTER DIVORCE, THE UGLY DUCKLING WIFE BECAME A GODDESS

WALA NG MAS sasakit pa sa katotohanang malaman na ang asawa mo ay may kabit. Mapapatanong ka sa sarili mo kung ano ba ang kulang mo? Ano ba ang meron sa iba na wala ka?

Nanginginig si Hyacinth  habang pinagmamasdan ang mensahe mula sa kabit ng kaniyang asawa. May picture na kalakip iyon na tila nang aakit sa inosenteng paraan. At alam ni Hyacinth  na isa ito sa mga kahinaan ng mga lalaki, lalo na ang asawa niyang si Leo.

Message: ["Nauntog 'yung tuhod ko no'ng pinick up ko 'yung cake! Ang sakit! Pakikiss para gumaling! :'<"]

Halatang nasa kolehiyo ang babae sa larawan. Hindi man kita ang mukha nito, hakab na hakab ang suot nitong damit sa katawan, lalo na sa hinaharap nito. Mauulol talaga si Leo sa ganitong klase ng babae... bagay na kasalungat ni Hyacinth .

Masaya dapat si Hyacinth  ngayon. Kaarawan ni Leo at syempre, bilang asawa, gusto ni Hyacinth  na masurprise ito. Pero siya pa talaga ang nasurprise sa kabit nito. 

At hindi lang basta basta kabit ito. Dahil kahit hindi kita ang mukha ng babae, malakas na ang kutob ni Hyacinth  kung sino iyon. Hindi siya pwedeng magkamali. 

Walang iba kundi ang half-sister niyang si Jasmine.

Ang makinis na hita ng babae sa larawan ay bahagya pang nahagip. Sa bandang tuhod ay bahagyang namumula dahil nga sa pagkakauntog nito. Parang gusto lalong masuka ni Hyacinth . Ginawa pang rason ang tuhod para magpapansin sa asawa niya.

Humigpit ang hawak ni Hyacinth  sa phone. Nagbeep muli ang phone senyales na may panibagong mensahe. Agad niyang muling binasa iyon kahit na parang sinasaksak na ang puso niya nang paulit ulit.

Message: ["See you sa Diamond Hotel mamaya! Let's celebrate your birthday together! Can't wait! See you! Mwah!"]

Napangisi na lang si Hyacinth  ng mapakla. Ganito pala ang plano ng asawa niya sa birthday nito.  Magcecelebrate ito sa piling ng kabit niya! Samantalang siya na legal na asawa... naetsapwera.

Pero tanga na talaga siguro si Hyacinth . Dahil parang gusto niyang makita ang asawa at ang kalaguyo sa malapitan. Gusto niyang siya ang mismong makahuli sa mga ito sa akto.

Agad niyang dinampot ang bag at bumiyahe agad papuntang Diamond Hotel. Nang nakarating sa doon, hindi pa man din siya nakakapasok ay nahagip ng paningin niya ang mga magulang niya. Nagtakha si Hyacinth .

"M-Mom? Dad? Ano pong ginagawa niyo dito?" natanong na lang ni Hyacinth .

Naestatwa ang mag asawa at nagpalitan pa ng makahulugang tingin. 

"Hyacinth ," tawag ni Ronaldo, ang ama ni Hyacinth . "Nakalimutan ka naming sabihan. Your sister is finally back. Sa katunayan ay nandito rin siya ngayon."

Pakiramdam ni Hyacinth  ay binuhusan siya ng malamig na tubig. Ang kapatid niya... nakabalik na?

Alam naman niyang darating ang puntong ito dahil nagpaparamdam na rin ang kapatid niya sa kaniyang asawa pero... nangyari na.

"T-Talaga po?" paninigurado na tanong niya.

"Yes. Hindi ka ba masaya?"

"M-Masaya naman po," sagot niya kahit na tila may nakabara sa lalamunan niya.

Isa lang kasi ang magiging ibig sabihin no'n. Tuluyan na siyang mapapatalsik sa buhay ni Leo!

Agad na natanaw ni Hyacinth  ang pamilyar na bulto ng kaniyang kapatid sa clear glass na pader ng hotel. At nang nakita ang suot nito, nanlamig siya lalo.

Tama nga siya. Hindi lang naman basta basta coincidence lang.

Ang pamilyar na palda na kita sa litrato na nasend kaninang message sa phone ng asawa niya. Kagayang kagaya ng sa kapatid niya! 

Doon lang tila nagsink in lahat kay Hyacinth . May koneksyon na talaga ulit ang kapatid niya at ang asawa niya!

Maganda si Jasmine. Habulin ito ng mga kalalakihan hindi lang dahil sa angking ganda kundi dahil sa nakakaakit na katawan nito. Talagang madaming nagkakandarapa dito.

At ngayon... ginagamit nito ang kung anong meron siya para maakit ang asawa niya!

Isang mapait na halakhak ang namutawi sa labi ni Hyacinth  habang nakatingin sa parents niya.

"Ako pala ang huling nakaalam. Hindi niyo man lang ako sinabihan," saad ni Hyacinth , iniba ang usapan.

"Bakit parang masama ang loob mo? Ano, Hyacinth ? Nagbubulagbulagan ka pa rin ba? Hindi mo pa ba nakikita? Hindi ka kailanman nagustuhan ni Leo!" asik ni Ronaldo.

Hindi pa man nakakarecover doon si Hyacinth , mabilis na dinugtungan iyon ng kaniyang ina. "Alam mo, Hyacinth , madaming nagkakandarapa sa asawa mo. Tutal naman ay hindi ka niya gusto at baka mapunta lang siya sa iba, pwede namang ibigay mo na lang siya sa kapatid mo! 'Wag kang selfish!"

Napakuyom ng kamao si Hyacinth . Parents niya ba talaga itong nasa harap niya ngayon? Bakit ganito sila magsalita?

"T-Tama na po--"

"Magtigil ka, Hyacinth ! Makasarili ka, aminin mo na! Itigil mo na iyang kahibangan mo!"

Pigil ni Hyacinth  ang hikbi. "Mom, Dad... a-anak niyo rin naman ako, ah?" mapait na sabi niya. "Bakit po ganiyan kayo magsalita?"

"Masyado kang madrama, Hyacinth ! Nagsasabi lang naman kami ng totoo! Sige nga! Sagutin mo ako ngayon din! Kailanman ba ay ipinaramdam sa iyo ng asawa mo na mahal ka niya?! Ni hindi nga yata niya maatim na galawin ka!"

Sumabat pa si Ronaldo. "Noon, sina Leo at ang kapatid mo ang totoong may relasyon! Kung hindi lang naaksidente si Leo, hindi mo siya pakakasalan!"

Umismid ang ina niya. "Oo nga! At tsaka, tingnan mo nga iyang sarili mo! Napakaplain mo. Sa loob ng tatlong taon, pipitsuging housewife lang ang narating mo! Tingnan mo iyang kapatid mo. Sikat ng ballet dancer! At ikaw... ano? Ni hindi ka man lang ba nakokonsensya kapag nagtabi kayo ng asawa mo dahil sa ganiyang itsura mo? Ibigay mo na lang si Leo kay Jasmine dahil mas bagay sila!"

Ang bawat salita ay tila kutsilyong sumasaksak sa puso ni Hyacinth . Hindi na niya kinaya pa. Umalis siya doon at bumalik sa bahay nilang mag asawa.

Mag isa siya dahil ang mga maids ay naka rest day. Madilim at malungkot ang lugar. Hindi na siya nag abala pang buksan ang ilaw at hinayaan ang kadiliman ang siyang manaig sa kabahayan. Napangiti siya ng mapakla. 

Ang mga pagkaing niluto niya ay malamig na. Napatitig siya sa cake na siya mismo ang gumawa. May nakalagay na "Happy Birthday, My Husband" sa ibabaw no'n at pakiramdam niya ay nakakatawa iyon lalo na nang napabalik ang isip niya sa nakaraan.

Three years ago, golden couple kung maituring ang asawa niya at ang kapatid na si Jasmine. Pero dahil sa isang car accident, nacoma si Leo. Naglaho na lang bigla si Jasmine matapos no'n.

At si Hyacinth ... siya ang ginawang pamalit sa pwesto ng kapatid niya. Pwinersa siya ng mga magulang niyang pakasalan si Leo. Siya ang laging nasa tabi ni Leo.

Pumayag si Hyacinth  dahil... bakit naman hindi? Matagal na niyang minamahal si Leo. Minahal niya ito ng pasikreto at sa malayo. 

Kaya inalagaan din niya ito ng ilang taon nang macoma ito. Kahit pa nawawalan na siya ng oras sa sarili. Iniwan niya ang lahat para Kay Leo. 

Pero nang nagising ito, pinili pa rin nito ang kapatid niya kahit wala ito sa paligid. Hindi si Hyacinth  ang pinili na siyang nagstay sa tabi nito sa mga panahong kailangan niya ng kalinga. Si Jasmine pa rin talaga.

Kasi kailanman ay hindi siya minahal ni Leo.

Sinindihan ni Hyacinth  ang kandila sa cake. Narealized niya ang lahat. Wala palang saysay ang tatlong taon na iginugol niya sa lalaki.

Namalayan na lang niya ang panunubig ng kaniyang mga mata. At kalaunan, hinipan niya ang apoy sa kandila at muling kinain ng dilim ang kapaligiran.

"H-Happy birthday, my love..." naibulong niya sa hangin.

Ilang saglit, ang pamilyar na tunog ng sasakyan sa labas ang nagpabilis ng tibok ng puso ni Hyacinth . 

Nakabalik na ang asawa niya.

Bumukas ang main door ng bahay at iniluwa no'n ang pamilyar na bulto ni Leo. Ang presensya nito ay nagdala ng kakaibang lamig sa paligid. Kahit na galing ito sa trabaho, ang lakas pa rin ng dating nito.

"Bakit nakapatay ang ilaw?" bungad na tanong ni Leo.

Hanggang sa nakarinig ng mahinang click si Hyacinth  at bumukas ang ilaw sa kabahayan. Nakita ni Hyacinth  si Leo na seryoso habang nakatingin sa kaniya.

"B-Birthday mo ngayon..." saad ni Celestine.

Saglit na napabaling sa mesa si Leo kung saan nakahanda ang mga pagkain na luto ni Hyacinth .

"Bakit ka pa naghanda ng mga ganiyan? Hindi ako nagcecelebrate ng ganitong okasyon. Aksaya lang..." sagot ni Leo.

Napangiti ng mapakla si Hyacinth . "H-Hindi ka nagcecelebrate o... ayaw mong magcelebrate kasama ako?"

Nailing si Leo. "Isipin mo kung anong gusto mong isipin." Akmang aakyat na ito pero muling nagsalita si Hyacinth .

"M-May birthday gift ako sa iyo."

"Hindi ko kailangan iyan," malamig na sagot nito. Akmang magtutuloy tuloy na pero napatigil muli nang narinig ang sumunod na sinabi nito.

"Leo, magdivorce na tayo..."