CHAPTER 05: Dropped

NAPASIMANGOT si Hyacinth sa narinig. "Anong pinagsasabi mo? Pinaglalaruan kita?" tanong niya, halatang hindi makapaniwala.

Umigting ang panga ni Leo. "Sino ba kasing may nagsabi sa'yo na magsuot ka ng ganito?"

"Ganito? Wala namang problema sa suot ko, Leo," sagot ni Hyacinth .

Bumaba ang tingin ni Leo sa skirt niya. "Wala? Litaw na litaw ang hita mo! Gustong gusto mo talagang pinagpyepyestahan ng tingin iyon, 'no?"

Napaismid si Hyacinth . Ang skirt niya, mismong si Annika ang pumili. Kanina, nagkaroon siya ng confidence sa mga papuri ni Annika. Sabi pa nito, maganda ang legs niya at biniro pa siya na dapat ipakita para malaman ng lahat kung sino ang may pinakamagandang legs sa buong syudad. Kaya nakakainis at nakakasama ng loob na ganito ang sinasabi ni Leo ngayon. Hindi niya maiwasang mainis dito lalo.

Pero hindi rin nagpapatalo si Hyacinth . Tinaasan niya ang kilay kay Leo. "Bakit ka sobra namang apektado? Kanina ka pa ba nakatingin sa legs ko, 'no?"

Nanigas si Leo, habang si Hyacinth , kabaliktaran, mukhang relax at talagang tinukso siya. Pinataas niya ng bahagya ang hita, at pinadaan ang mata ni Leo mula paa hanggang hita. Kitang kita niya ang paglunok ni Leo, halatang nagpipigil.

Hindi na niya alam kung saan niya hinugot ang lakas ng loob. Para siyang sinaniban bigla ng ibang katauhan kaya ang tapang tapang niya pagdating kay Leo bigla.

"Anong ginagawa mo?" mariing tanong ni Leo.

Ngumisi si Hyacinth , mapaglaro. "Hmm... anong ginagawa ko? Wala naman... sagutin mo na lang ang tanong ko. Kaninong hita ang mas gusto mo? Sa akin ba, o kay… Jasmine?"

Mas lumalim ang titig ni Leo kay Hyacinth . Ayaw man niyang aminin, parang iba na ang anyo at aura ni Hyacinth ngayon. Ibang iba na sa babaeng nakilala niya noon.

"Nagawa na ba ni Jasmine na ibalot ang mga hita niya sa bewang mo, hmm?" mapanuksong tanong ni Hyacinth .

Bumigat ang paghinga ni Leo at unti unti siyang lumapit kay Hyacinth . "Kailan ka ba lumakas ng loob ng ganito, huh? At 'yung kanina... Masyado ka na bang hayok sa lalaki na talagang naghire pa kayo ng ilang lalaki?" balik niya, umiwas sa tanong ni Hyacinth .

"Anong gusto mong gawin ko? Tumunganga na lang? Hayok na kung hayok sa paningin mo, pero hindi mo kayang ibigay ang pangangailangan ko, kaya… sa iba ko na lang hahanapin. Mag divorce na lang tayo, Leo. Kung hindi ko mahanap sa iba, edi subukan ko na lang sa iba para masaya. Mas maraming options..." nakangising wika ni Hyacinth .

Bahagyang pinisil ni Leo ang baba ni Hyacinth . "Talagang sinusubukan mo ako, huh? Talagang gusto mong malaman kung anong kaya kong iparamdam sa'yo?"

Nanigas si Hyacinth nang mas inilapit pa ni Leo ang mukha sa kanya. Halos magkalapat na ang kanilang mga labi nang muling bumulong si Leo. "'Wag mo na pangarapin pa, Hyacinth . Alam mo namang ang babaeng mahal ko ay si Jasmine lang."

Alam naman ni Hyacinth iyon, pero masakit pa rin talaga na marinig iyon nang direkta mula kay Leo.

Hindi nagtagal, may narinig silang malamyos na boses na tumawag.

"Leo…"

Napatingin si Hyacinth sa pinanggalingan ng boses at nakita si Jasmine. As usual, kahanga hanga pa rin ang ganda nito. Eleganteng elegante ang itsura at postura, malinaw na inaalagaan nito ang sarili, marahil dahil na rin sa mga training nito sa ballet.

Mabilis na humiwalay si Leo kay Hyacinth at naglakad papalapit kay Jasmine. Malambing ang tingin na ibinato ni Leo kay Jasmine. Isang tingin na hindi kailanman nakita ni Hyacinth mula sa lalaki. Hindi niya tuloy maiwasang mapangiti ng mapakla.

"Nandito ka na pala," marahang wika ni Leo.

Tumango si Jasmine bago binalingan si Hyacinth . “Sino siya?” tanong nito.

Hindi nito namukhaan si Hyacinth , pero kabaliktaran kay Hyacinth . Kilalang kilala niya si Jasmine. Half sisters nga sila, kaya kahit anong gawin ni Jasmine, alam ni Hyacinth ang bawat galaw at kilos nito.

Masaklap ang lahat nang dumating sina Jasmine at ang ama niya sa buhay nila. Masaya noon si Hyacinth , pero nang mamatay ang tunay niyang ama at dumating sina Ronaldo at ang anak nitong si Jasmine, nagbago ang lahat.

Halatang pinapaboran ng mommy ni Hyacinth si Jasmine. Natatandaan ni Hyacinth na kapag mas mataas ang score niya sa exam kaysa kay Jasmine, pinapagalitan siya ng mommy niya dahil hindi niya hinayaang mas mataas ang kapatid niya.

Noong nakalbo si Jasmine dahil sa chemotherapy, kinalbo rin si Hyacinth ng mommy niya para lang gumaan ang loob ni Jasmine.

Sa gabi naman, kapag natutulog ang mommy niya kasama sina Jasmine at Ronaldo sa iisang kwarto, umiiyak sa labas ng kwarto si Hyacinth .

Hindi pa natapos doon ang kwento. Nang iniwan siya ng mommy niya sa probinsya, umiyak si Hyacinth , umaasang babalikan siya ng ina. Pero umasa lang siya sa wala dahil hindi na bumalik ang mommy niya.

Napabalik sa realidad si Hyacinth nang biglang dumating si Alfred. "Uy, Jasmine! Hindi mo rin ba siya nakilala? Kapatid mo iyan! Si Hyacinth !"

Namilog ang mga mata ni Jasmine. "H-Hyacinth ?" ulit nito, at mas lumapit pa kay Hyacinth . Pinagmasdan niya ito mula ulo hanggang paa. "Hindi ko lang inexpect na... same kami ng style. Ginaya niya pala 'yung akin..." dagdag ni Jasmine at ngumiti pa talaga na parang anghel.

Walang sinabi si Hyacinth . Ngumiti na lang siya sa kapatid at hindi nagpaapekto, kahit nagpatuloy pa si Jasmine sa kanyang mga salita.

"May nabalitaan ako..." ani Hyacinth . "Nalaman kong magdidivorce na kayo ni Leo. Tapos ngayon, naghire ka naman ng mga male stripper bigla. Imbes na iyan ang atupagin mo, dapat maghanap ka na lang ng disenteng trabaho." Bumaling si Jasmine muli kay Leo. "Inalagaan ka naman ni Hyacinth ng ilang taon, 'di ba, Leo?

"Hmm? Ah... yes."

"Mabuti. Baka pwede mo siyang tulungang maghanap man lang ng trabaho, Leo..."

Sumabat bigla si Alfred. "Well, mahihirapan tayo diyan. Sa mga trabaho ngayon, ang hinahanap nila ay mga nakapagtapos at talagang may degree. Ano ba ang natapos mo, Hyacinth ?"

Napahalakhak si Jasmine, tila nang iinsulto pero ang labas no'n ay tila anghel lang siyang natawa. Halatang nagpapanggap lang.

"Paano siya makakahanap ng trabaho, eh nag dropped out pa nga siya sa school nung sixteen palang?" dagdag nito.