CHAPTER 11 - Fell in love

Binalik niya sa dressing table ang picture frame ng marinig ang pag ring ng kanyang telepono.

"Boss, nandito na po ako sa labas ng pintuan," saad ni Brando ng sagutin niya ang tawag.

Mabilis siyang lumabas ng silid at binuksan ang pintuan. Kinuha niya ang isang maliit na supot ng plastic, galing sa pharmacy na pinagbilhan nito. "What is this?" tanong niya ng maliban sa plastic mayroon pang brown envelope na inabot si Brando sa kanya.

"Files po iyan, tungkol sa personal background ni Ma'am Ciara, boss." Sagot ni Brando.

Tinanggap niya iyon ngunit nagdududa ang kanyang mga mata na nakatingin sa personal assistant niya. "Bakit ang bilis? Sigurado ka bang tama ang lahat na mga impormasyon na nandito sa loob?"

"Syempre naman boss. Madali lang mangalap ng impormasyon dahil alam namin kung sino ang hinahanap namin, kaysa naman naghahanap kami ng taong hindi namin alam kung sino dahil hindi naman namin nakita ang mukha." Sagot nito sa kanya.

"Mukhang may ipinapahiwatig ang mga salita mong i