Accidentally Married To A Billionaire’s Son

Hindi siya makahinga. Hindi siya makagalaw. Para siyang pinagsakluban ng langit at lupa habang nakatitig sa screen ng cellphone niya. Ang boyfriend niyang si Jairus… kasama ang bestfriend niyang si Frida. Hubad. Magkayakap.

Halos maglamutakan sa isang kama na hindi sa kanya.

“Putangina…” nanlalabo ang paningin ni Megan dahil sa luha.

Pilit niyang hinahabol ang paghinga habang paulit-ulit niyang pinapanood ang video.

Eight years.

Walong taon silang magkaibigan ni Frida. Alam ni Frida kung paano niya kamahal si Jairus. Alam ni Frida kung paano siya naging tanga sa lalaking iyon. Pero anong ginawa niya? Siya mismo ang sumira ng lahat.

Sa halip na tawagan si Jairus, bumangon si Megan at tinungo ang bahay ni Frida. Naging mabilis ang kilos niya—wala siyang pakialam kung may makakita sa kanya, wala siyang pakialam kung gulo ang dala niya. Wala na siyang pakialam.

Pagkabukas ng pinto, wala siyang sinayang na segundo. Isang malakas na sampal ang tumama sa pisngi ni Frida.

“Megan—”

“Paano mo nagawa ‘to sa ‘kin?!” sigaw niya, namumula ang mukha sa galit. “Ang daming lalake dyan, Frida! Napakarami, pero bakit si Jairus?! Alam mong mahal ko siya!”

Napaatras si Frida, nanginginig. Halata ang guilt sa mga mata niya. “Megan, sorry…”

Napapikit siya, pilit na pinipigilan ang pagpatak ng luha. Hindi ito tungkol kay Jairus. Hindi ito tungkol sa lalaki. Ito ay tungkol sa kanila—kay Frida, sa pagkakaibigan nila, sa walong taon nilang pinagsamahan.

“Pinili mo siyang sirain ang pagkakaibigan natin,” mahinang sabi ni Megan. “Sana hindi ka magsisi sa mga desisyon mo.”

Pareho silang umiyak. Pareho nilang naramdaman ang bigat ng sakit. Pero wala nang silbi ang luha, wala nang babalikan pa.

Kinagabihan, nasa loob na siya ng bahay ni Olivia, ang kaibigan niya noong college.

Party.

Alak.

Siguro ito na lang ang kailangan niya para makalimutan ang sakit.

Ngunit kahit gaano karaming alak ang ininom niya, hindi pa rin natatanggal ang bigat sa dibdib niya. Nasa sulok lang siya ng bahay, iniisip kung paano niya hahayaan ang sarili niyang masira sa sakit.

Hanggang sa biglang may humila sa kanya.

“Megan!” tili ni Olivia, lasing na at sobrang saya. “Come on, wag mong isipin ‘yang shitty ex mo. Tonight is your night! Let’s have fun!”

Wala siyang nagawa nang dalhin siya ni Olivia sa grupo ng mga kaibigan nito. Mababangis, maingay, at halatang walang pakialam sa mundo.

At doon niya unang napansin si Primo Rafael Giovanni.

Kilala niya ito. Hindi personal, pero ilang beses na niyang nakita ang pangalan nito sa social media.

Anak ng isang bilyonaryo.

Mapera.

Makapangyarihan.

Pero ngayong nakikita niya ito nang malapitan, hindi pera ang unang pumasok sa isip niya. Kundi kung gaano ito kaguwapo kahit lasing.

“Uy, Primo…” tukso ng isang lalaki mula sa grupo. “Bagay kayo ni Megan!”

“Tangina mo, Levi,” reklamo ni Primo pero hindi nito inalis ang tingin kay Megan.

Biglang may inilabas na papel si Levi mula sa bag nito. “Sige na, laro lang! Sign niyo ‘to.”

Napakunot ang noo ni Megan. “Ano ‘to?”

“Fake marriage contract,” sagot ni Levi, tumatawa. “Galing ‘to sa office ni mama, pero wala ‘tong bisa! Larong lasing lang ‘to, guys.”

“Hell no,” umiling si Primo. “Baka totoo ‘yan.”

“Tanga, hindi nga! Pumirma na kayo!”

Nagkatinginan si Megan at Primo. Pareho silang lasing. Pareho silang walang pakialam. At sa isang iglap, hinablot ni Megan ang ballpen at pumirma.

Tumawa si Primo bago sinundan ang ginawa niya.

Nagpalakpakan ang lahat. Isang laro lang. Wala lang ito.

O, iyon ang akala nila.

Kinabukasan, nang imulat ni Megan ang mga mata, pakiramdam niya ay dinaganan siya ng isang truck.

Masakit ang ulo, masakit ang katawan. At mas lalong sumakit ang pakiramdam niya nang mapansin niyang may katabi siyang natutulog sa kama.

At ang lalaking iyon ay walang suot na damit.

“OH MY GOD!” Napasigaw siya at agad na umatras.

Dahan-dahang dumilat si Primo, napakunot ang noo bago sumapo sa noo niya. “Shit… My head…”

Pero hindi iyon ang problema.

Ang problema ay ang nakapatong na papel sa bedside table.

Nanginginig ang kamay ni Megan nang kuhanin ito. Pinag-aralan niya ang mga pangalan. Pinag-aralan niya ang mga pirma.

Siya.

Si Primo.

At sa ibaba ng dokumento, naroon ang tatak ng gobyerno.

Isang opisyal at legal na marriage contract.