Chapter Eighty Five

Ngayon ay naisakatuparan na ang plano ni Ricardo sa tulong ng anak niyang si Nessa.

Tiningnan niya ito nang may tuwa. “Maaasahan talaga kita, Nessa. Hindi kagaya ng nakakatanda mong ate na si Selena,” malambing ang tono kay Nessa pero may bahid ng pangungutya kay Selena.

“Syempre naman, Dad. Kahit ano gagawin ko para sa pamilya natin,” masayang saad ni Nessa, pero ang tunay na dahilan ng kanyang kasiyahan ay ang maaaring sapitin ni Selena sa kamay ni Nigel Giordano.

“Napakaswerte ko dahil may anak akong kagaya mo,” ani Ricardo sabay yakap kay Nessa, punung-puno ng pagmamalaki at kagalakan.

“Tara na’t pumasok na tayo. Ang ginaw dito sa labas,” aya ni Nadine.

Natutuwa rin si Nadine, dahil kitang-kita niyang tuwang-tuwa si Ricardo kay Nessa at higit sa lahat, wala na silang problema sa utang.

“Bukas lumabas tayo para kumain sa restaurant,” masiglang mungkahi ni Ricardo habang papasok sa bahay, hawak-hawak pa rin ang limpak-limpak na pera na ibinigay ng tauhan ni Nigel at binibilang ito h