Chapter 44

MATAPOS ang isang mainit na tagpo ay binuhat ni Archie ang asawa patungo sa banyo.

“Mamaya na lang,” ani Jewel dahil pagod siya para maligo.

“Ako nang bahalang magpaligo sa’yo,” saad ni Archie.

Tuloy, mas nailang si Jewel at nagpumiglas. “Ibaba mo ‘ko, kaya kong maligo nang mag-isa.”

“Nahihiya ka ba?”

Umiling-iling si Jewel kahit halata sa mukha.

Napangiti si Archie at pagkatapos ay pumasok sa banyo. “Wala kang dapat ikahiya, mag-asawa na tayo ngayon.”

Sa halip na magkomento ay isinubsob lang ni Jewel ang mukha sa katawan nito hanggang sa mailapag sa bathtub. Napatingin siya sa mukha nito pababa sa exposed na katawan kaya agad siyang umiwas ng tingin ngunit nahahatak pabalik.

Si Archie naman ay inabot ang faucet para punuin ng tubig ang tub. Matapos ay kinuha ang bath foam. Paglingon ay nakita niyang nakatitig ang asawa sa kanya.

Napasunod naman ang tingin niya sa tinititigan nito. Ang hubad niyang katawan. Kaya isang kalokohan ang nabuo sa isip. Bigla siyang nag-pose na parang model,