Chapter 4

Chapter 4

“Sino?” 

“Ayon sa private investigators natin, Camille raw po ang pangalan. Nag-utos siya ng tauhan para tuluyan nang mawala si Miss Bella,” tugon ni Lester.

Napalunok si Bella nang marinig ang sinabi ni Lester. Ibig sabihin, hindi lang basta aksidente ang nangyari? Pakana iyon ni Camille para tuluyan na siyang mawala sa landas nila ni Ivan?

“Go get her. Hindi puwedeng makawala siya sa ginawa niya, Les. Nagkasala siya kaya dapat siyang managot sa batas,” tugon naman ni Ethan.

“Copy po, boss. Inihanda ko na rin ang ebidensya para mapanagot siya sa batas.”

Hindi na umimik si Bella. Nasasaktan siya sa isiping, hindi pala posibleng magawa ni Camille sa kanya ang bagay na ’yun. Ang taong itinuring niyang kapatid sa loob ng ilang taon ay naging kalaban na niya dahil lang sa isang lalaki. 

“Make her pay, Les.”

“Copy, boss.” 

“Ipinaubaya ko na nga sa kanya si Ivan pero nagawa pa rin niya sa akin ang bagay na ’yun? Gano’n ba siya ka disperada?”

Tumikhim si Ethan. 

“Don’t worry, I’ll make sure hindi ka na niya guguluhin.”

Tumango si Bella bilang tugon. May tiwala siya sa kasintahan. Batid niyang hindi siya nito pababayaan kahit tago ang kanilang relasyon. Ilang araw rin ang inilagi ni Bella sa hospital bago siya nakalabas. Hindi na rin muna siya pinabalik ni Ethan sa trabaho. At habang nagpapagaling siya sa bahay ay palagi pa rin siyang kinukulit ni Ivan. 

“Love, please naman, o. I’m sorry for what I did. Pinagsisihan kong sinayang kita. Bumalik ka na sa akin, o. Promise, magbabago na ako,” ani Ivan habang nagmamakaawa itong balikan niya.

Hindi nagpadala si Bella. Tinitigan niya sa mga mata ang dating kasintahan. Guwapo si Ivan at mestizo. Patay na patay siya noon sa binata pero nang lokohin siya nito, saka lamang niya napagtanto ang lahat—na hindi naman pala ito kawalan.

“Umalis ka na, Ivan. Simula nang lokohin mo ako, doon pa lang pinatunayan mo nang hindi ka karapat-dapat mahalin. Kaya umalis ka na!” singhal ni Bella sa lalaki.

Pinagsarhan niya ito ng p***o. Wala siyang pakialam kung magmukha siyang walang manners. Ang mahalaga, hindi na siya nito guguluhin pa.

Akala ni Bella maayos na ang lahat nang hindi na siya ginugulo ni Ivan ilang araw matapos itong magmamakaawa sa kanya. Subalit ang sumunod na nangyari ay siyang nagpapagimbal sa kanya. Isang umaga habang tahimik siyang nakaupo sa desk niya, nakatanggap siya ng mensahe galing kay Ivan kung saan ay wala siyang saplot sa katawan. Kuha ang nasabing video sa isang banyo kung saan siya naliligo. Kinunan pala siya nito nang palihim habang naliligo siya.

“Hayop ka, Ivan! Lahat na lang gagawin mo para sirain ang buhay ko!” galit na sigaw ni Bella matapos mapanood ang sarili sa screen ng kanyang cellphone.

“Kung ayaw mong ipopost ko ito sa social media, susundin mo ako, Bella. Makipagbalikan ka sa akin at ibigay mo sa akin ang gusto ko.” 

Nanlumo si Bella sa nabasa. Katapusan na ba niya? Paniguradong wala na siyang mukhang maihaharap sa mga tao kapag mapanood ng mga ito ang hubad niyang video.

“Miss Ramos, pumunta ka raw sa office ni boss. May mahalaga siyang idi-discuss sa ’yo.” 

Boses ni Lester ang nagpabalik sa kanyang katinuan. Lihim niyang pinahid ang luha sa kanyang pisngi bago hinarap ang lalaki.

“Sige po.”

Nagmamadali siyang pumunta sa opisina ni Ethan. Gumalaw ang panga nito habang nakatingin sa kanya. Kumunot ang noo nito nang mapansing titig na titig siya sa kanyang cellphone.

“Give me your phone,” mahina ngunit mariin nitong salubong sa kanya.

Bumagsak ang mga luha niya habang unti-unting iniabot kay Ethan ang kanyang cellphone. Nagtagis ang bagang nito habang nakatitig sa screen. 

“That bastard!” 

Kumuyom ang mga kamao ni Ethan. 

“Ano’ng gagawin natin? Ayaw kong makita ’yun ni inay, Ethan. Ayaw kong pag-isipan niya ako nang masama.”

Kinuha ni Ethan ang cellphone na nakapatong sa desk niya saka may tinawagan. Nang matapos ay tumayo siya saka nilapitan ang dalaga. Niyakap niya ito upang maibsan man lang ang nararamdaman nito.

“It’s okay, Bella. I will handle this.”

Inasikaso nga ni Ethan ang lahat upang hindi mapalabas ng pamangkin niya ang pribadong video ni Bella. Nagtagumpay si Ethan, upang hindi na makapaminsala ang kanyang pamangkin, ipinadala niya ito sa ibang bansa. 

“Salamat, sir. Akala ko, tuluyan na akong masisira sa lahat.”

“Sir? You were just calling me by my name a while ago, and now you’re calling me, ‘Sir’ again?”

“Ano ba dapat ang itawag ko sa ’yo?” kunot-noong tanong ni Bella. 

Napalunok siya nang yakapin ay halikan siya nito. Subalit laking gulat nila nang biglang bumukas ang p***o at iniluwa roon si Alena na gulat na gulat din nang makita silang magkadikit ang mga labi.

“Don’t you know how to knock, Alena? Get out!” sigaw ni Ethan sa babae.

Kaagad din naman itong lumabas. Binundol nang matinding kaba si Bella nang maghiwalay ang kanilang katawan. Natatakot siya sa posibleng mangyari. Paniguradong ipagsabi ni Alena ang nakita nito kani-kanina lang.

“Don’t worry, ako nang bahala sa kanya.”

Tumango si Bella ngunit naroon pa rin ang kaba. Paglabas niya ng office ni Ethan ay wala namang kakaiba bukod sa mapanuring tingin sa kanya ni Alena. 

“Masarap ba mahalin si boss, Bella? Ang kati-kati mo rin, ano? Pati boss natin pinatulan mo. Hindi lang ‘yan, parang tatay muna nga ‘yun, e,” sarkastikong saad sa kanya ni Alena. 

Mabuti na lang at walang nakarinig sa pinagsasabi nito. Hindi nagtagal ay dumating din si Ethan at kaagad nitong pinapasunod si Alena sa office nito. 

Sa opisina ni Ethan, tahimik na nakatingin sa kanya si Alena. Pinaikot-ikot ng binata sa kamay ang hawak na ballpen bago tumayo.

“Shut your mouth kung ayaw mong tanggalin kita, understand, Alena?”

“Yes, boss.”

“Get out!” mariing utos nito sa dalaga na agaran naman nitong sinunod. 

Kinabukasan, maagang nagising si Bella. Nag-leave siya dahil sasamahan niya ang kanyang ina sa regular check-up nito. Ngunit pagbukas niya ng p***o ay isang sopistikada at malditang babae ang bumungad sa kanya.

“Ikaw ba si Bella? Ako si Alicia, ang stepmother ni Ethan. Hindi na ako magpaligoy-ligoy pa, iha. Layuan mo si Ethan!” 

Napalunok si Bella at kumunot ang noo. Gayun pa man, nakaramdam siya ng kaba. Kabang hindi niya alam kung para saan.

“Bakit po kayo ang magdidikta sa buhay namin? Hindi ko kayang gawin ‘yan. Nagmamahalan kami ni Ethan kaya never ko siyang lalayuan.”

“Kayo ng boss mo, Bella? Bakit inilihim mo sa akin ’to?” 

Napatingin si Bella sa kanyang ina nang magsalita ito sa likuran niya.

“Pasensya na po kayo, ’nay. Hindi ko intensyong ilihim ito sa inyo nang matagal. Naghahanap lang po ako ng tiyempo.”

“Nagsinungaling ka pa rin, Bella!” 

Hindi na napigilan ni Lita ang magtaas ng boses. ‘Yun ang unang beses na napagtaasan niya ng boses ang anak. 

“Sorry po, inay.”

Tumalikod na si Lita nang walang lingon-likod.

“Hindi kita gusto para sa anak ko, Bella. Ayaw kong magkatuluyan kayo. Hindi ka matatanggap ng pamilyang Montereal. I will give you whatever you want. Just name your price, hiwalayan mo lang si Ethan.”

Kumuyom ang mga kamao ni Bella. Hindi siya papayag na bibilhin nang sinuman ang dignidad niya.

“Sa inyo na po ’yang pera ninyo, Ma’am. Hindi ko ipagpapalit si Ethan sa pera.”

“Kung gano’n, pumili ka. Si Ethan o ang buhay ng nanay mo?” maawtoridad nitong tanong.

Sandaling natigilan si Bella. Tila nabingi siya sa sinabi ng ginang. Nagbanta ba ito? Hindi lang ito basta pagbabanta, kung magmamatigas siya, paniguradong madadamay ang kanyang ina.

“Pag-isipan mo bago pa mahuli ang lahat, iha,” nakangisi nitong sabi. 

Sunod-sunod ang paglunok ni Bella ng laway. Kusa ring tumulo ang luha sa kanyang mga mata.

“Bigyan n’yo po muna ako ng oras para makausap si Ethan bago ako umalis.”

Wala siyang pagpipilian kundi ang lumayo. Hindi niya puwedeng balewalain ang kanyang ina, dahil ito na lang ang meron siya. Wala na ang papa niya kaya hindi na niya kakayanin pati mama niya ay mawala pa.

“Fine. . . basta tumupad ka lang sa usapan, hindi masasaktan ang mama mo.”

Matapos iabot sa kanya ng ginang ang puting sobre ay umalis na ito nang walang paalam. 

“Patawarin mo ako, Ethan. Hindi ko gustong iwan ka pero. . . ayaw ko ring mawalan ng ina,” lumuluha niyang sambit.

SUOT ni Bella ang puting bestida na bigay sa kanya ni Ethan. Nanginginig ang mga kamay habang dahan-dahang kumatok sa labas ng p***o. Nasa condo siya ni Ethan nang gabing ’yun.

“Bella, why are you here? Late na,” salubong nito sa kanya.

Nanunuot sa ilong niya ang amoy ng alak. Sigurado siyang nakainom ito. 

“Uminom ka ba? Lasing ka na yata, e,” sa halip ay sagot niya. 

Iniwasan niyang sagutin ang tanong nito. Nagpunta lang naman siya sa condo nito upang makita at makasama man lang ito sa huling pagkakataon. 

“Nakainom lang ako pero hindi ako lasing.”

Humakbang ito palapit sa kanya saka siya siniil ng halik sa labi. Nagulat si Bella pero kalaunan ay tumugon na rin siya. Hanggang sa hindi namamalayan ni Bella na lumalim na ang halikan nilang dalawa. At nauwi iyon sa pagniniig.

Masaya si Bella na buong puso niyang ipinagkaloob kay Ethan ang isang bagay na matagal na niyang iniingatan. Sa kabila ng nararamdamang sakit at pag-aalinlangan, nagawa pa ring kausapin ni Bella nang maayos ang kasintahan sa huling pagkakataon.

Kinabukasan, umalis si Bella sa bahay nila nang walang nakakaalam kung saan siya pumunta dala ang perang ibinigay sa kanya ni Alicia.