Chapter Nine

HTGD: Chapter Nine

“What happened, hmm?”

Nakasandal ako ngayon sa dibdib ni Leon. Nasa mansion nila kami at narito kami sa garden ngayon. Naka-upo kami sa picnic blanket habang ngumunguya ng mansanas. Wala akong papa niya kaya malakas ang loob na ganito ang pwesto namin.

“Kanina ka pa tahimik, Serene. Wala kayong pasok at pinagpaalam naman kita sa mama mo,” siniksik niya ang kaniyang ulo sa leeg ko kaya natawa ako dahil may kiliti ako doon. Sabado ngayon at buwan pa rin ng pebrero, sabi niya sa akin ay sa June pa ang balik niya sa Manila.

Kinurot ko ang kaniyang hita. Napa-aray naman siya kaya napaayos siya ng upo. Hinarap ko siya at seryoso siyang tinitigan.

“Ang baloyente mo ngayon, baby.”

“Mag seryoso ka nga, Leon,” mariin kong saad.

“You sound so serious. Tell me, ano ba ang nangyari at bakit ganiyan ang timpla ng baby ko?”

Ngumuso ako para pigilan ang ngiti. Kinikilig talaga ako kapag tinatawag niya ako sa endearment namin.

“May tanong ako, Leon,” pag-iiba ko ng topic sa kaniya.