Kabanata 11

Life.

Nagtrabaho kami ni Kylo sa kompanya nila nang magbakasyon. Encoder ako roon habang siya naman ay pinag-aaralan ang pamamalakad ng kompanya. Tinuturuan siya ni Tito Michael at minsan tinatawagan niya si Kuya Mauro kapag may hindi siya naiintindihan.

No'ng birthday naman ni Kylo ay nagpunta kaming Boracay ay roon nagcelebrate. Nagbabalak pa nga si Tita Kayla na magtayo ng rest house malapit doon dahil gusto niya raw ng property malapit sa dagat.

At no'ng magbirthday naman ako, sa isang restaurant sa Antipolo kami nagdate. Medyo late kasi ang pasukan namin ngayong year at mabuti iyon dahil kahit papaano, nacelebrate namin ang birthday ko.

Medyo busy kami nang magsimula ang class. Hindi rin masyadong nagkakasundo ang schedule namin ni Kylo kaya bihira kami nagkakasama sa loob ng university. Minsan ay sinusundo niya na lang ako kapag wala siyang schedule o kaya naman hinihintay niya ako kapag maaga ang uwian niya.

"Kaya ayaw ko talagang hindi tayo same ng schedule e," reklamo ni Kyl