1

Franz's Point of view..

Nasa tapat na ako ng eskwelahang pag aari ng pamilya Zorego. Ang Zorego collage. At ngayong wala na si Dad ay ako na ang humalili para pamahalaan ito. Masyado pa kasing bata ang kapatid kong si Mico at puro pag papa-cute at panliligaw sa babaeng ang alam nito. Dito din ito nag aaral at marami na akong naririnig tungkol dito. Palibhasa gwapo ang kapatid kong 'yon kaya sikat ito sa school. Pero darating din ang panahon pamamahalaan din n'ya ang eskwelahang ito.

Pero sa ngayon ako na muna hanggat bata pa ito. Sa ngayon kasi maraming nabinbing proyekto si Dad ng magkasakit ito. Ilang mga buildings ang kasalukuyang itinatayo para sa paparaming mga estudyanteng pumapasok dito.

Ngayon pa nga lang marami na akong nakakasalubong na mga estudyanteng papasok palang ng gate, kaya naman talagang kailangang kailangan ng matapos ang mga buildings at gym na pinapatayo.

Huminga muna ako ng malalim bago ako dahan-dahang bumaba sa kotse ko at tiningala ang mga nag-lalakihang mga building na nasa harapan ko.

'Wag kang mag-alala Dad mas pagagandahin ko pa lalo itong paaralang ito dahil alam ko mahalaga sa iyo ang bawat sulok ng paaralang ito. Bulong ko sa sarili ko bago ko muling nilibot ng tingin ang kabuuan ng nakikita ko.

''Maganda talaga ang paaralang ito. Kaya 'di na ako magtataka kung bakit paparami ng paparami ang extension ng mga school buildings dito.'' Nasa gano'n akong posisyon ng mapansin kong tila may naka-tingin sa akin kaya naman Inilibot ko ang paningin ko sa paligid pero wala akong pares ng mata na nakikita na naka tingin sa akin.

Nang biglang may nagsalita sa likuran ko na agad kong ikinalingon.

''Magandang umaga po sa iyo Mr. Zorego, pumasok po tayo sa opisina at do'n po tayo mag-usap.'' sabi ng isang may edad na babae na bigla nalang sumulpot sa kung saan.

''By the way Mr. Zorego ako si Mrs. Lopes head teachers ng eskwelahang ito. Alam ko pong kadarating n'yo lang galing states kaya nag-pahanda po ako ng meryenda sa loob ng office n'yo.'' sabi ng matanda sa akin na agad kong tinanguan.

''Salamat, pero sana 'di na kayo nag-abala.'' sabi ko dito na ikinangiti nito. Bago lumakad papasok sa isang building. Sumunod naman ako dito. Pero bago ako tuluyang sumunod sa matanda ay napatingin muna ako sa isang pintong bukas.

May nakita akong nakatalikod na babae.

naka uniform ito at tila pinapagalitan ng guro nito.

Napapailing akong lumakad papunta sa tinutungo ni Mrs. Lopez. Pero bago ako tuluyang umalis ay isinarado ko muna ang pinto ng opisina nito.

Hindi talaga nawawala sa eskwelahan ang mga pasaway na estudyante.

Sa totoo lang sa edad kong bente sais ay wala akong natandaang naging pasaway ako sa guro ko mula ng mag aral ako. Kaya naman hindi ko maintindihan bakit may mga batang kulang sa pansin na walang ginawa kundi pasakitin ang ulo ng mga guro nila.

Nasa gano'n akong pag iisip nang maramdaman kong may humawak sa braso ko. Pag tingin ko si Mrs. Lopez.

''Mr. Zorego, mukhang malalim po ang iniisip nyo.'' sabi ni Mrs. Lopez na agad kong ikinailing.

''Naku pasensya na po kayo sa akin, may naalala lang po ako.'' sabi ko dito na ikinatango nito. Bakit ba ang dami kong naiisip ngayon.

''Ayos lang po iyon. Alam ko namang pagod po kayo. S'ya nga po pala heto po ang opisina n'yo dito.'' sabi ng ginang na tinanguan ko lang. Binuksan ko ito at natuwa naman ako sa nakita kong arrangement ng mga gamit at kulay ng wall. May dalawang pinto at malamang sa malamang ay kwarto iyon.

''Sino ang nag,-ayos dito?'' naitanong ko sa ginang na ikina ngiti nito bago sumagot.

''Mismong Dad n'yo po ang nag design at nag ayos ng opisina n'yo.'' sabi nito na ikinangiti ko. Kahit kailan talaga mas kilala ni Dad ang mga gusto ko kaysa kay Mom.

''Gano'n po ba? Sige po salamat ako na po ang bahala dito, ipapatawag ko nalang po kayo kung may mga hindi ako naiintindihan sa mga naririto..'' sabi ko sa ginang na agad naman nitong tinanguan. Pero bago ito tuluyang umalis ay tinawag ko muna ito. May naalala kasi ako.

Agad naman itong lumingon at nagtanong.

''May kailangan pa po ba kayo?'' tanong nito sa akin na agad kong tinanguan.

''Opo sana. Una po 'wag na po ninyo akong i-po dahil halata naman po na halos mas matanda pa kayo sa Mom ko.

Pangalawa po. Paki sabi sa lahat ng teachers dito na kung may papagalitan kayong estudyante dito ay sa isang private office n'yo ito kakausapin, isarado rin ang pinto upang magkaroon ng privacy at 'di mapahiya ang estudyante sa kapwa nila estudyante.'' sabi ko dito na agad naman nitong tinanguan at nginitian.

''Naiintindihan ko Mr. Zorego at salamat din.'' sabi ng ginang bago ito tuluyang umalis sa opisina ko at naiwan akong mag isa.

Naramdaman kong tila nag vibrate ang cellphone ko sa bulsa kaya agad ko 'yung kinuha. Tama nga ako may tumatawag sa akin.

Si Steffie ang makulit na inaanak ng Mom ko. Halata naman dito na gusto ako nito pero hindi ko gusto ang babaeng parang ako na ang nililigawan imbis na siya. Kaya naman hindi ko nalang pinansin ang pag-riring ng cellphone ko. Mas inintindi ko ang pagtingin-tingin sa mga gamit na nasa loob ng bagong opisina ko.

Meixie's Point of view.

Narito na-naman ako sa faculty room kung saan sinesermonan ako ng prof ko.

Medyo nakakahiya dahil mataas ang boses ng prof ko, pero ano bang magagawa ko 'di ba? Kundi tanggapin nalang ang katotohanang kasalanan ko ang mga nangyari kina feay at Cassey. Kundi ko sinama ang mga ito sa bar 'di sana nag-aaral lang ang mga ito at hindi nakikipag date sa kung sino-sino. Pero syempre hindi lang ako ang may kasalanan 'di ba? May mga sarili na silang isip kaya naman kung ayaw talaga nila wala akong magagawa. Kaso sila rin naman ang may gusto. Naging daan lang ako para magawa nila ang mga ganung bagay.

Pagtatanggol ko sa sarili ko.

Nang biglang.

''Aray!'' d***g ko ng maramdaman kong pinalo ako ng notebook sa ulo ng prof namin.

''Ikaw talaga Meixie, kinakausap na nga kita pero para pa rin akong nakikipag-usap sa hangin. Ano bang naisip mong bata ka at nagsuot ka ng ganyang klase ng damit huh?'' tanong ng prof sa akin saka nito pabagsak na inilapag ang mga picture na halos puro mukha ko ang naka front.

Aba bida 'di ba?

Nakasuot ako ng backless na tube at miniskirt na halos konting tuwad nalang ay kita na ang ka-pwitan ko. Bakit keri ko naman ang ganung outfit huh? Palibhasa kasi sa kanila hindi bagay.

''Prof hindi po ako 'yan, at saka prof anong masama sa damit na ganyan? Halos mga modelo at artista ang mga nag-aaral dito ngayon pa po ba kayo magpapaka choosy?.'' sagot ko dito habang naka nguso.

Pero syempre pinalo lang ako nito ng notebook sa ulo.

''Aray!!!''

''Anong hindi? Eh kitang kita namang ikaw 'yan. Nag make-up kalang kaya nag mature ang hitsura mo. At isa pa, hindi ka modelo at lalo namang hindi ka artista'' sabi na naman nito saka ako muling binatukan.

Sama 'di ba? Nag babayad naman ako ng tuition dito pero kung makapagsermon sila at makapanakit kala mo nag pro-promisory notes lang ako dito.

Haisst..

Nasa gano'n akong pag iisip ng maka rinig ako ng pag sara ng pinto.

Marahil hindi nila matiis yung mga naririnig nilang sermon sa akin. Pero salamat dito at 'di na ako gaanong naiilang dahil kami nalang ni prof ang magkakarinigan.

''Sa susunod na maulit ito Meixie kakakausapin kona talaga ang mga magulang mo.'' sabi ng teacher ko na agad kong ikinanguso.

''Prof. Gustuhin ko man na makausap nyo sina mama at papa kakailanganin pa nating pumunta sa paradise cemetery dahil matagal na silang tigok.'' sagot ko sa prof ko na ikinabuntong hininga lalo nito. Hindi ko na sinabing may kinikilala akong magulang sa katauhan ni Untie na kapatid ni Mama, Wala rin naman kasi itong magagawa dahil masyado silang busy sa trabaho at panay lang rin ang away nila ni Uncle. Kaya mas mabuting wala ng makaalam.

''Hay naku mamumuti lahat ng buhok ko sayong bata ka.'' kakamot-kamot na sabi ng prof bago ako sinabihang lumayas na.

Cassey's Point of view.

Sobra na ang kaba ko habang nasa klase ako. Alam ko kasing pinapagalitan na-naman si Meixie ng main advicer namin dahil sa nakitang picture nito na nakakabit sa bulletin board sa campus kung san kitang kita itong pumasok at lumabas mula sa isang kilala at sikat na bar. Ang totoo n'yan kasama rin kami ni Feay pero ito lang ang bukod tanging may kuha.

Kaya naman halatang si Meixie lang ang gustong mapahamak ng mga kumuha ng litrato.

Nasa gano'n kaming sitwasyon ng marinig ko ang bell.

''Buti naman at tapos na ang klase.'' mahinang bulong ko saka ako Agad nag ayos at lumakad palabas ng room. Pero di pa ako tuluyang nakakalabas ng pinto ay nakasalubong kona si Feay patungo na rin pala ito kay Meixie. Sinundo lang ako para sabay na kami.

Pero maya-maya lang natanawan na namin si Meixie na naglalakad hawak-hawak ang ulo nito. Agad kaming lumapit ni Feay at tinanong ito.

''Meixie, kamusta ka? Okay ka lang ba?'' tanong ko dito na inilingan nito.

''Muntik na ako magka amnesia dalawang beses akong pinukpok ng ravenang prof natin. kainis feeling ko kumalas ang utak ko sa ulo ko.'' seryosong sabi ni Meixie pero tinawanan lang namin bago biglang nag-tanong si Feay.

''Sa tingin mo Meixie sino ang may pakana ng mga litratong kumakalat?'' tanong ni feay pero tanging iling lang ang naging tugon ni Meixie.

Maya-maya pa biglang natahimik lalo si Meixie habang nakatingin ito sa 'di kalayuan.

Nakita ko ang isang lalaking matangkad at nuknukan ng gwapo. tantya ko ay nasa bente singko o bente sais na ito. Hindi sya mukhang matanda sa amin halos ka level nga lang nya ang mga lalaking estudyante dito. Pero kasi masyado nang perfect ang katawan nito kaya malalaman agad na halos may edad na ito kung ikukumpara sa mga lalake sa campus.

Napatingin muli ako kay Meixie nakatingin pa rin ito.

''Hoy sis, ano sa tingin mo ang iisipin ng tao kung para kang timang na nakatingin dyan sa lalaki.'' sita ko dito pero gaya kanina wala pa rin itong kurap habang nakatingin sa lalake. Nang bigla itong nagsalita na nagpailing sa akin ng bongga.

''Ito ang unang beses na parang nag-hahabulan ang puso ko ng dahil lang sa isang lalaki na ngayon ko palang nakita'' walang ano-anong sabi nito na nag-panganga sa amin ni Feay.

Ito kasi ang unang unang beses na naringgan namin ito na nag-kainteres sa lalaking tila mas malaki pa ang agwat kaysa sa amin.

''Hoy liwanagin mo nga yang sinasabi mo.'' sabi naman ni Feay dito na agad naman nitong sinagot pero hindi pa rin nito inaalisan ng tingin ang lalaki.

''Tingin ko sis inlove na ako sa lalaking nakatayo sa 'di kalayuan.'' sabi nito na nagpanganga nanaman sa amin. Mukhang tinamaan nga talaga ito. Pero sino ang lalakeng 'yon? Ngayon lang namin ito nakita sa campus.

To be continued.