Revenge Plan for the Billionaire

Hindi mapakaling lumalayo si Erin kay Julian ngunit sa bawat hakbang nito palayo sa kaniya ay mas lalo pang tumataas ang tensyon sa pagitan nila.

"Tell me, ano ba talaga ang gusto mong makuha?"

Nanlamig si Erin sa mga boses ni Julian. Hindi niya mawari kung paano sila napunta sa gano'ng sitwasyon. Kaunti na lang at tuluyan ng magkakalapit ang kanilang katawan. Ramdam ni Erin ang init sa paligid dahilan para umiwas siya ng tingin kay Julian, para maibsan kahit papaano ang nararamdaman niyang matinding emosyon.

"Ano bang sinasabi mo?" mahinahong tanong ni Erin at bahagyang tumawa.

Hindi na makawala si Erin lalo pa nang tuluyan ng maabot ng kaniyang likod ang hangganan ng silid. Sunod-sunod ang paghinga niya ngunit pilit niyang pinapakalma ang sarili upang hindi ito mahalata ng lalaking nasa harapan niya ngayon.

"Do you want me Erin?" ani Julian pagkatapos ay marahan niyang kinagat ang sariling labi.

Napalunok nang mariin si Erin sa nasaksihan niya. Sa pagkakataon na ito ay hindi niya na matakasan ang init sa kaniyang katawan. Sila lang ni Julian sa loob ng isang malaking kuwarto, walang tao—rinig na rinig nila ang mabibigat na hininga ng isa't isa.

Sa isip-isip ni Erin na hindi ito parte ng plano niya. Hindi ito ang inutos sa kaniya. Ang planong hinihain sa kaniya ay pabagsakin si Julian Benitez pero bakit tila yata hindi siya makalaban sa presensya ni Julian?

"Tell me Erin, do you want me? Do you want to taste me?" malambing na sabi ni Julian na mas lalong nagpabilis ng tibok ng puso ni Erin.

"Ano pang pinagsasabi mo?" naiilang na sabi ni Erin sa kaniya sabay lingon sa kung saan, humahanap ng tamang pagkakataon para makatakas sa mga bisig ni Julian.

Gustong sabihin ni Erin na hindi niya gusto ang mga pinaggagawa at pinagsasabi ni Julian pero may parte sa kaniya na pinipigilan ang bibig niya na sabihin ito.

Unti-unti pang dumikit si Julian kay Erin hanggang sa tuluyan nang magdampi ang kanilang mga katawan at nang mangyari 'yon ay labis na init ang naramdaman nilang pareho. Lust? Baka.

"I want you, I know you know that," bulong ni Julian sa tainga ni Erin dahilan para tuluyan siyang manghina.

Dahan-dahang umangat ang tingin ni Erin at doon niya nakita ang maaliwalas na mukha ni Julian. Napakainosente, pero sa kaloob-looban ay alam niyang hindi inosente si Julian.

"S-Stop," nauutal na sabi ni Erin. Hindi niya na kinakaya ang presensya ni Julian—sobrang bigat na para bang sinasabihan siya na sumuko na lang at magpasakop nang tuluyan.

Iiwas sana ng tingin si Erin ngunit hinawakan ni Julian ang kaniyang mukha—tinitigan siya nito nang diretso sa kaniyang mga mata, nakikiusap na huwag na siyang lumingon sa kung saan pa.

Unti-unting inilapit ni Julian ang mga labi kay Erin at doon, naglaho ang paligid. Walang kahit na ano, sila lamang ang tao sa kanilang mundo.

Bigla na lamang naglaho sa isip ni Erin ang mga plano niya. Ang plano niyang pabagsakin ang mga Benitez—ang mga rason na dahilan kung bakit gusto niya mapabagsak ang mga Benitez.