Chapter 44

Kyoko POV

Marahan kong minulat ang aking mata. Pawang puti ang kapaligiran at amo alcohol at disinfectant ang sumalubong sa pang-amoy ko. Saglit kong iniisip kung bakit narito ako sa hospital. Kinapa ko ang aking tiyan at dinama ang mga anak ko. Nakahinga ako nang maluwag nang maramdaman na sumipa ang mga anak ko. Napaigik ako nang maramdaman ang kirot ng kaliwang kamay ko.

Bumukas ang pinto at pumasok ang isang lalaking nakasuot ng coat kasunod sina Mama Margarita at Rafael. Muntik ko ng nakalimutan na nakabalik na pala ang asawa ko mula sa Brazil.

Halos takbuhin ni Mama Margarita ang papuntang hospital bed ko.

“Hija, okay na ba ang pakiramdam mo? Grabe ang takot namin nang mawalan ka ng malay,” aniya. Puno ng pag-aalala ang kanyang boses. Napadako ang tingin ko kay Rafael na nasa tabi lang ni Mama Margarita. Bigla na lang ako nalungkot habang pinagmamasdan siya.

Ginagap ni Rafael ang kamay kong may swero at dinala iyon sa kanyang labi para halikan.