Chapter Twenty-Three

Lloyd

Kagaya ng isang tipikal na birthday-an, siyempre meron ding inuman. Medyo maaga nga lang dahil tanghalian pa lang ay nagsisimula na kaming tumagay. Iilan lang naman ang bisita ng kapatid ni Alex pero mas marami ay ang mga kaibigang madalas na kasama ni Alex.

Actually, hindi na bago sa akin ang ganitong bagay. Dahil ang hindi alam ni Daddy ay madalas akong laman ng inuman. Pero hindi naman ako laging taya, ha? May mga pagkakataon lang na nagdadagdag ako para makapag-ambag.

Sa katunayan nga ay dito ko rin nakilala si Francheska. Isa kasi siya sa malapit na kaibigan ni Alex na naging kaibigan ko rin naman simula noong college. Ewan ko ba pero komportable ang loob ko sa kaniya. Ganoon din naman si Alex sa akin kaya hindi kami nagkaroon ng problema.

Habang umiikot ang baso’y nagkakasiyahan na kami. Maririnig mo hanggang sa kapit bahay ang malalakas na halakhakan at tawanan mula sa iba pang nakaupo sa lamesa namin. Sa totoo