Kabanata 6

“Sabing ayaw ko ih!” Sigaw ko sa mga lalaki na kinakaladkad ako papunta sa may simbahan.

Nakaposas ako ngayon at hawak-hawak ako nang dalawang lalaki na tauhan ni Dante.

P*tanginang lalaking ‘yun, pinipilit talaga na maging asawa kami.

“Huwag ka nang pumalag ma’am, kanina pa kami nahihirapan sayo, ang kulit mo, naiinip na si boss.” Saad nang isang lalaki na humihila sa akin.

Nangingitngit ang bagang na binigyan ko sila nang matatalim na tingin. “Sabihin niyo diyan sa boss niyo na ayaw ko siyang mapangasawa, ang saman ang ugali niya saka hindi ko pa nga siya nakikita- ang mukha niya na walang mask. Ano bang tinatago niya sa mask na ‘yun? Siguro ang pangit-pangit niya noh?”

“Watch what you’re talking, little kitten.”

Nanigas ako sa aking kinatatayuan nang marinig ang boses na iyun mula sa aking likuran. Sa boses pa lamang niya na malamig at nakakapanindig balahibo, kilalang-kilala ko na kung kanino ito nangagaling.

“Nasa likuran ko ba siya?” Bulong ko sa lalaki na may hawak sa akin.

Tumango siya kaya mariin na lamang akong napapikit at nang buksan ko ulit ang mga mata ko ay nasa haarapan ko na siya. Matalim ang mga mata niyang nakatingin sa akin. Tanging mata at mapulang labi niya lamang ang nakikita ko sa kanya dahil natatabunan na ito ng maskara. Ano bang tinatago niya ah?

Tinignan ko ang kabuuan niya, nakasuot siya nang coat na black, para na talaga siyang magpapakasal. Muli ko tuloy naalala ang mga tattoo niya sa katawan na nakita ko noong isang araw.

Katulad ko ay tinignan niya rin ang kabuuan ko.

Nakasuot ako ngayon ng simple lang na white dress, alam niyo ba ang ginawa ng halimaw na ito? Pinainom lang naman ako nang pampatulog at paggising ko nakabihis na ako. Hindi ko na lang talaga alam kung sino ang nagbihis sa akin. Nakita na ang buo kong katawan. Kaya inis na inis din ako sa kanya.

“Don’t be so stubborn, litte kitten. Late na tayo, kanina pa naghihintay ang pari.” Aniya sa malamig na boses.

“Talagang sa simbahan mo binalak na magpakasal tayo, baka masunog ka.” Ani ko sa kanya, hindi ko talaga mapigilan ang bibig ko na sabihin ‘yun.

“Huwag kang mag-alala, matigas ang bungo ko para masunog.” Saad niya sa akin. Tumalikod na siya at nagtungo sa loob ng simbahan.

Nang tignan ko kung saang simbahan kami. Nasa gitna kami nang kagubatan, luma na ang simbahang nasa harapan ko ngayon, mukhang araw pa ito nang mga kastila. Jusko po naman Dante, ikakasal na nga lang ako, sa nakakatakot pa na lugar. Para kaming mga bampira nito.

Walang katao-tao sa paligid, puno na nang damo ang simabahan, napapalibutan na ito nang damo. Tanging ako, si Dante, ang anak niya at ang mga tauhan niya ang narito. Wala nang ibang tao maliban sa amin at nang pari.

Kinaladkad nila ako ulit papasok. Dahil ubos na ang lakas ko dahil kanina pa talaga nila ako pinagpipilitan, naipasok nila ako sa simbahan. Hindi na lamang ako pumalag. T’angina humanda lang sila kapag nakaalis ako, sisipain ko ang mga testes nila.

Hindi nakatakas sa paningin ko ang bahagyang panlalaki ng mga mata ng pari nang makita ako. Sempre sinong hindi nanlalaki ang mga mata sa akin ih nakagapos nan ga nakaposas pa, kulang na nga lang nang tape sa bunganga.

Nag-blink ako ng dalawang beses. “Father, ‘di ba may kasabihan na blink twice if you need help?” Saad ko kay Father.

Nagkukurap-kurap ako nang mata sa harap ni Father pero si Father pabalik-balik lang ang tingin sa akin at kay Dante na nasa tabi ko lang.

“Just start the ceremony, father. Para makauwi na kami at makapag-honeymoon.” Ani ni Dante.

Natigilan ako sa sinabi niya, nanlalaki ang mga mata ko sa kanya. Honeymoon? Pinagsasabi niya.

“Hoy kasal lang ang napag-“

Hindi ko natuloy ang sasabihin ko nang lagyan ng tape ni Gerlad ang bibig ko, isa sa mga tauhan ni Dante.

“Nasobrahan siya sa drugs, Father. Pasensya na.”

Matalim ko silang tinignan, pati tuloy si Father pinagtaliman ko nang tingin.

“jknsinaknsoicn.”

Hindi ko na maintindihan ang mga sinasabi ko dahil sa tape na nakaharang sa bibig ko.

Tinignan lang ako ni Father at si Dante bago siya nagsimulang magsalita.

“Minamahal naming mga kapatid, nagtipon tayo ngayon sa harap ng Diyos upang saksihan ang pag-iisang dibdib nina Zolvio Dante Varono at Xilla Villa Bilgera. Ang kasal ay isang banal na sakramento/pangako na itinatag ng Diyos.” Simula ni Father.

Eto na talaga? Ikakasal na ako sa taong hindi ko naman gusto. Sa taong hindi ko naman mahal. Binili niya lang ako ih. Bakit ganito.

Bumaling ang tingin ni Father kay Dante.

"Zolvio Dante Varono, tinatanggap mo ba si Xilla Villa Bilgera bilang iyong asawa, na iyong mamahalin at igagalang habang kayo ay nabubuhay?”

“Opo, tinatanggap ko.” Sagot naman ni Dante.

Bumaling sa akin ang tingin ni Father, bahagya pang ngumiwi ang mukha niya nang makita ang pananalim ng mga mata ko.

“Xilla Villa Bilgera, tinatanggap mo ba si Zolvio Dante Varono bilang iyong asawa, na iyong mamahalin at igagalang habang kayo ay nabubuhay?” Tanong sa akin ni Father.

“Hjbsjwbdqjwndjq.”

“Ang kanyang sabi po ay tinatanggap niya.” Saad ni Gerald sa tabi ko.

Hindi makapaniwalang tinignan ko siya. Interpreter ko na pala siya ngayon. Galing ah.

Dumating si Molina ang anak ni Dante. Malaki ang ngiti nang batang babae habang naglalakad patungo sa amin, may hawak-hawak siyang dalawang box na kung saan ay naroon ang sing-sing namin ni Dante.

Hindi ko tuloy mapigilan ang sarili na mapamangha habang nakatingin sa mga sing-sing, halata kasing mamahalin ang mga ‘yun, kumikinang pa ang diyamante. Oo, mayaman din ako noon pero hindi naman gaanong kayaman para makabili ng ganitong kamahal na sing sing.

Gaano ba kayaman si Dante?

Kinuha ni Dante ang kamay ko, nakakuyom pa ito, wala akong balak na ibukas para lagyan niya ng sing-sing. Pero nagulat ako nang puwersahan niyang buksan ang mga palad kong nakakuyom.

“Ako si Zolvio Dante Varono, tinatanggap kita bilang aking asawa. Nangangako akong mamahalin ka, aalagaan, at magiging tapat sa iyo sa hirap at ginhawa, sa sakit at kalusugan, habang tayo ay nabubuhay.” Aniya saka isinuot sa akin ang sing-sing.

Kinuha naman ni Gerlad ang sing-sing na isa pa na ilalagay ko kay Dante. Ibinigay niya ito sa akin at nanlaki ang mga mata ko nang maramdaman ko ang baril sa gilid ng tiyan ko. Tinutukan niya ako ng baril?!!

Nanginginig ang mga kamay ko na kinuha ang malaki at maugat na mga kamay ni Dante

.

“jajsnfoijafieoclsmviodfjijfksmaafjwei.” Sorry g*d pero p’tangina talaga. Sarap nilang pagpapatayin ngayon kung puwede lang.

“Ako si Xilla Villa Bilgera, tinatanggap kita bilang aking asawa. Nangangako akong mamahalin ka, aalagaan, at magiging tapat sa iyo sa hirap at ginhawa, sa sakit at kalusugan, habang tayo ay nabubuhay.” Translate nanaman ni Gerald.

Ikaw na kang kaya umasawa sa boss mo.

Isinuot ko kay Dante ang sing-sing. Ganoon na lamang ako nakahinga nang maluwag nang alisin n ani Gerald ang baril na nakatutok sa akin.

“You may now kiss the bride.” Ani ni Father.

Ganoon na lamang ang panlalaki ng mga mata ko nang humakbang papalapit sa akin si Dante. Hinila niya ang bewang ko at pinalapit sa kanya, tumama ako sa matigas niyang dibdib.

“Yey!! Kiss my mommy, daddy!”

Napapikit na lamang ako, kinakabahan sa mangyayari.

Naramdaman ko na lamang ang labi niya sa noo ko.