KABANATA 8

TWO YEARS AGO, nang magising si Samarra na nasa loob ng isang pribadong hospital sa America. Blangko ang isipan at hindi niya maramdaman ang mga paa. Hindi niya alam kung ano ang nangyari sa kaniya at kung bakit siya na-comatose ng isang taon.

Pero ayon sa nagpakilala niyang ama na si Frost O’ Harra. Naaksidente siya buhat sa pangangarera niya sa isang kompetisyon na sinalihan niya sa Amerika. Nawalan siya ng control at tuloy-tuloy na sumalpok ang minamaneho niyang kotse sa barrier.

Habang ikinukuwento ang mga iyon sa kaniya ay may mga eksenang pumipitik sa isipan niya na malinaw nga na nasa loob siya ng kotse pero hindi siya nag-iisa roon. May mga nakikita siya na nakasuot ng kulay itim na bonnet pero kapag pilit niyang inaalala ay bigla na lang siya nawawalan ng malay. Sa eksenang iyon ay hindi siya nag-iisa. May kasama siya na isang lalaki na blurred sa paningin niya.

Madalas napapanaginipan niya rin ang lalaki na kasama niya sa kotse. Pero sa tuwing nagigising siya ay hindi niya