Chapter 8 Pagpapakilala

MARCUS:

NAGMAMADALI AKONG bumababa ng hagdanan palabas ng building naming mga swimmer dahil nasa labas si Kuya Angelo at Denzel na ipinaalam ako sa coach at team ko para makapasyal muna kami ni Denzel sa coffeeshop ni Kuya Angelo.

Bukas pa naman ang simula ng ensayo namin dahil bagong dating pa lang kami kaya hinayaan muna kami ni coach na makapagpahinga. May mga kasama din akong nanggaling sa visayas at mindanao na ka-team ko at mga bagong kaibigan ko na rin.

Sa pagmamadali kong bumaba ng hagdanan ay may nakabangga akong dalawang babaeng paakyat!

"Aww! Tumingin ka nga--"

Natigilan ito nang mapatingala sa aking ikinatigil ko rin na namilog ang mga matang nakatunghay dito!

Nangilid ang luha ko na napatitig sa mukha nito. Sa mga mata, ilong, mga labi. Kahawig na kahawig ng isang babaeng magpahanggang ngayon ay nasa isip at puso ko! Kamukhang-kamukha niya ang dalagang version nito sa panaginip ko noong nagpapakasal na kami at sa araw mismo na napanaginipan ko ito sa malawak na garden