KABANATA 23

Nagpa-panic na hinanap niya ang puting damit na susuotin sana sa kasal niya bukas. Kahit naman kasi isang kasunduang kasal lang iyon ay magsusuot pa rin siya ng puting damit. Nakikita kasi niya sa palabas na kahit sa huwes ikinakasal ay nakaputing damit pa rin ang bride.

Hinalungkat niya ang mga damit sa loob ng maleta. Piling-pili lang kasi ang binitbit niyang damit dahil hindi iyon magkakasyang lahat sa maleta niya.

Siyempre pa inuna niyang kunin ang mga damit na pwedeng magamit sa trabaho or kapag nag-aapply siya.

Nailagay na niya ang lahat sa ibabaw ng kama pero wala siyang makitang damit na pwede niyang maisuot bukas. Mas awkward tingnan kung para siyang applicant sa "kasal" nila ng lalaki.

Naalala niya ang damit na namantshan ng wine ay pwede sana niyang suotin bukas kaso pina-laundry niya na pala iyon at tatlong araw pa bago makuha dahil sa matinding mantsa.

Nahahapong napaupo siya sa kama habang tinitingnan ang oras. Alas onse na ng gabi at alas-nuebe ng umaga ang kasal nila b