Kabanata 26 - Uno's Remaining Rank Members

"Totoo bang patuloy na nalaki ang tenga ng mga tao at hindi natigil?"

Napapunta ang tingin ko sa katabi ko no'ng bigla bigla na lang itong nagsalita. Ha?

"Nagsimula kayo bilang isang hayop at naiba ang anyo n'yo sa mga nagdaang taon, may katotohanan ba ang bagay na 'yon?"

Mabilis akong napatingin sa aking paigid dahil baka mamaya ay may makarinig sa kanya.

"Ano ang tawag sa maliit na bagay na umiilaw at pwede mo pa itong magamit upang makausap ang nasa kabilang dako gamit lamang ang bagay na iyon?"

Nanlaki ang aking mga mata dahil sa dami ng kanyang tanong na hindi ko alam kung saan n'ya nakuha. Hindi s'ya nakatingin sa akin at tanging diretso lang ang tingin sa unahan. Nakita kong muli n'yang ibubuka ang kanyang bibig, mabilis kong inilapat ang aking kamay sa kanyang labi. Mabilis itong napatingin sa akin at takang tumingin sa aking kamay na sa kanyang mapupulang labi.

"Tahimik," saad ko. Nakita ko kung paano nanlaki ang kanyang mata. Mabilis n'yang tinabig ang kamay ko at inis na tu