Chapter 44: The More You Do It, The More It Causes Trouble

“Sandali,” saad ni Cerise bago tumungo sa opisina ni Percy. Pinanood sila ng mga katrabaho nila mula sa labas nito.

“Alam mo bang magkababata ang anak ko at si Sigmund, noon palang ay gusto na nila ang isa’t isa, at itong babaitang ito ay biglang pumasok sa buhay nila. Ginawa niyang imposibleng ikasal ang dalawang tao na dapat kasal na. Kailangan mo akong tulungan!”

Iniabot ni Percy ang tubig sabay ngiti, “Uminom po muna kayo.”

Kumatok nang dalawang beses si Cerise bago pumasok at binuksan ang pintuan, “Director Colton, gusto ko pong ako mismo ang kumausap kay Mrs. Prescott.”

Naramdaman ni Percy na mas mainam kung si Cerise ang kumausap dito. Nasa pribadong espasyo na sila at hindi rin naman basta-basta masasaktan ni Mrs. Prescott si Cerise kaya lumabas siya.

Napatingin naman si Mrs. Prescott sa pumasok, at bago pa man niya mainom ang tubig na binigay ni Percy ay inilapag na niya ito.

“Cerise kung gusto mo pang magtagal sa lugar na ito at tumira dito, lumayo ka kay Sigmund,” pagbaban