المتمرد علي قوانين الحب

لبارت 1

المتمرد علي قوانين الحب ❤

نبدا بسم الله الرحمن الرحيم

❤❤❤❤

كانت صلاة الجمعه شغاله وهو لسه نايم دخلت عليه امه بغضب وكبت عليه مايه بغضب وغيظ.. صحي مخضوض لان الجو كان شتا وهي كبت ماية متلجه عليه.

هو بغضب.. استغفرالله العظيم خير يا ماما حد بيصحي حد كدا؟

امه بغضب.. ايون فيه انت الجمعه هتخلص وانت لسه مخموض هنا اه ما هو طول الليل سهر ومترجعش لينا غير وش الصبح وطول النهار نايم ولا اكنك بقيت راجل يعتمد عليه امتي هتكبر وتبقي راجل يا زياد.

زياد مسح علي وشه بضيق.. ماما هو كل يوم نفس الاسطوانه ارحميني بقا.

امه بغضب.. انت وقح وقليل الادب ازاي تكلم امك بالطريقه دي تعرف انا غلطانه اني بحوش ابوك عنك بس خلاص طفح الكيل منك ولازم تتعلم الادب شويه ويلا قوم عشان الصلاة.

زياد بصلها بلا مباله وقام فتح الدولاب واخد فوطه وراح ناحية الحمام وهو بيبرطم بغضب.. انا عاوز اكل.

امه.. مفيش اكل غير لما تروح تصلي.

زياد لفلها بغضب.. ننننعم انا جعان ولا مش رايح اصلي وقاعد اهو.

وراح قعد علي الكرسي بعند.

امه بغضب.. انت بتقول ايه عشان بطنك تضيع الصلاة انت مش عارف ان اول حاجة هتتسال عليها هي صلاتك يلا يا زياد علي المسجد.

زياد بعند.. اديكي قولتيها اهو انا اللى هتحاسب مش انتم فملكمش دعوة بيا بقا اعمل اللى انا عايزه ولا كل همكم ازاي شيخ جامع ومعلمة قرآن مش قادرين عليه ولا عارفين يربوه كويس ازاي هو ده اللى انتم عاوزينه اما انا هعمل اللى انا عايزه يا ماما.

امه بتنهيده.. وبحزن.. انت بتعاقبنا ليه يابني وبتعند احنا عاوزين نشوفك راجل يعتمد عليه وعاوزينك كمان تقرب من ربنا انت من يوم ماتلميت علي الشلة اللى ماشي معاهم دول وانت مبقتش زياد ابني اللى اعرفه عنت واحد تاني دي مش تربيتي انا وابوك.

زياد بضيق.. ماما لو سمحتي متجبيش سيرت صحابي دول هما اللى فاهمني وانا فاهمهم مش زيكم هنا محدش فاهمني ابدا كل همكم انكم عاوزين وخلاص ولا حد مهتم بيا ولا انا عاوز ايه؟

امه راحت قعدت جانبه بحزن وحطيت ايدها علي كتفه.. طيب يا حبيبي عاوز ايه عرفني وانت اللى انت عايزه هيكون بس عاوزه انك تكون مرتاح.

زياد بضيق.. عاوزكم تبعدوا عن حياتي خلوني اعيشها براحتي مش كل ما اعمل حاجة بابا يقوم حرمني منها انا بعمل اللى بيفرحني اكني عدوكم مش ابنوكم لما بتحرموني منها.

امه.. بغيظ.. زياد يعني اللى انت بتعمله ده صح في نظرك متاكد يعني سهرك طول الليل واحنا هنا قلقانين عليك يا ترا الواد فين او حصل معاه ايه انت متعرفش بيحصل فيا ايه انا وابوك لما بتغيب شويه يابني عننا حرام عليك يا زياد احنا محلتناش غيرك.

كان هيكلم بس سمعو خبط الباب قام يفتح فتح لقه بنت الجيران بنت عسولة ومختمره و كانت عيونها في الارض اتكلمت بصوت واطي.. هي طنط زينب موجوده يا ابيه.

زياد قلب عينه بلا مباله واتاخر وبص لامه.. ماما كلمي جميلة عاوزاكي.

زينب بحب.. ادخلي يا حبيبتي واقفه بره ليه؟

زياد ساب الباب وراح قعد مكانه تاني وطلع علبه السجاير من جيبه وو'لع سيجاره.

زينب بصتله بفقدان امل انه يتغير.

جميلة خبطت ودخلت وهي زي ما كانت واقفه باصه في الارض.. عامله ايه ياطنط؟

زينب بحب.. تعالي يا حبيبتي اقعدي.. انا الحمدلله انتي عامله ايه؟

جميلة قعدت جانبها.. واتكلمت.. الحمدلله نشكر ربنا علي نعمه.

زينب حطت ايديها على كتفها بحب.. كنت قايله لمامتك اني عاوزاكي في حاجه بصراحه كنت حبه اتكلم معاكي في موضوع العريس.

زياد كان بيشرب سجاير وبيلعب في الفون ولا اكنه كان معاهم اصلا.

جميلة.. طنط انتي عارفه.. سكتت لما زينب اتكلمت.

زينب بهدوء.. عارفه ان الكل بيضغط عليكي عشان تتجوزي بس يابنتي شوفي العريس وبعدين هنقول ليهم محصلش نصيب هي صلت ومرتحتش بس مينفعش ترفضي من بره بره كدا يابنتي وبعدين احنا عارفين انك مابتحبيش حد ولا مستنيه حد عشان كدا بترفضي يابنتي البنت بتكبر والناس بيطلعو عليها القطط الفطسانه كلها فيها.

جميلة بحزن بصتله من غير ما زينب تاخد بالها.. اه يا طنط مش مستنيه حد و حاضر هعمل اللى انتم عاوزينه.

زينب بحزن.. ربنا يكتبلك اللى فيه الخير يابنتي يارب ومش بعدين يمكن يكون العريس كويس وابن حلال و تغيري رايك و تقولي جوزوه ليا هاتو الماذون ونجيب عمك عبد المحسن هو يكتب ليكم.. وكملت بخبث.. وابيه زياد هو يكون الشاهد للجوازه.

زياد بصلها بطرف عين.. ابيه زياد عاوز حاجة واحده بس عاوز ياكل.

جميلة بضحك.. سابيه لحد دلوقتي من غير اكل ليه؟ وبعدين انت مش في الجامع ليه دلوقتي الناس بتصلي الجمعه.

زياد ببرود.. وانتي مالك هو حد قالك تتدخلي في حياتي.

جميلة بإحراج.. اسفه مكنش قصدي ادخل في حياتك.

اتجمعت الدموع في عيونها من انه كسفها قدام امه، وهي بس كانت بتفتح كلام معاه لانه كان باين عليه مضايق.

جميلة.. انا همشي ياطنط عشان ماما قالتلي متتاخريش بعد اذنك. ومشيت ناحيت شقتهم خبطت واختها فتحت ليها وجميلة دخلت علي اوضتها جري وقفلت الباب ووقفت وراه وسمحت لدموعها تنزل بقهر ووجع. وبعد وقت اخيرا اخدت قرار وو

❤❤❤

اما عند زياد في البيت.

❤❤❤

زينب بغضب.. البنت بتكلمك بتكلمها بالاسلوب ده ليه؟

زياد ببرود.. محدش قالها احشري نفسك في حياتي.

زينب بتحذير.. جميلة خط احمر يا زياد دي بنتي اللى مربيها ولو فكرت انك تجر"حها هغضب عليك لحد يوم الدين انت فاهم.

زياد.. قوليلها ملهاش دعوة بحياتي وانا مش هجر"حها مش عارف مالها ومال حياتي دي اووف هي ناقصه وبعدين تعالي هنا هو انتي من امتي بتشتغلي خطبه هو انتي مالك تتجوز ولا تعنس احنا مالنا يا ماما.

زينب بخبث.. وانت مالك اتحمقت كدا ليه لتكون مش عاوزها تتجوز غيران.

زياد قلب عينه بملل.. بصي يا ماما اختصار ده كله انا يوم ما هاجي اتجوز هتجوز واحده مش اتكسف امشي جانبها جميلة دي بنت متربيه صحيح بس انتي مش شايفه هي عامله ازاي دي متعرفش حاجة عن الموضه ولا الاستيل ازاي عاوزني افكر فيها كا زوجه ليا وبعدين دي مابتشوفش الشارع ويوم ما بتنزل جمال اخوها لازق فيها مش بتنزل لوحدها دي لو نزلت لوحدها تتوه. كان بيكلم بسخرية.

زينب.. مش احسن من اللى ملهمش اهل يسالو عليهم دول اللى انت تعرفهم علي الاقل دي تربيتي وغير كدا تعرف.. وبصتله بقرف.. انت ماتستهلش واحده زيها يتك القرف فيك وفي تفكيرك رايحه اعمل الغدا زمان ابوك جاي.

وسابته ومشيت وهو رجع بص في الفون من تاني.

استووووووب.

نتعرف بالشخصيات قبل مانش'تم 😂

ــــــــــــــــــــــــ

نتعرف علي زوز زياد

عنده 26سنة ابوه بيبقي شيخ والمأذون بتاع البلد هو الابن الوحيد ليهم كانت اخلاقه كويسه ومابيبسبش فرض اللى لما كان بيصليه ورا ابوه في الجامع وكمان حافظ القرآن الكريم اكتر من مره معاه كليه تجاره انجلش بس مشتغلش بشهادته الدنيا ملطشه معاه لحد ما نزل شغل في مطعم وهناك اتعرف علي معتز ابليس ماشي علي الارض من يوم ما عرفه وهو مابقاش في حاجة حرام مابيعملهاش وابوه بيتخانق معاه كتيييير هو عنيد ومتمرد ومابيحبش الاوامر والتمرد بقا حياته كلها وهو ساب الشغل وهنعرف ليه بعد كدا.

ـــــــــــــــــــ

جميلة بنت عندها 23سنة مختمره بتحبه من زمان و كمان كانت بتسمع عليه قرآن ويعتبر مرتبيه معاه في نفس البيت واخوه يبقي صحبه الانتيم قبل ما يتعرف علي معتز ويدمر الصدقه دي وهنعرف ليه.

ــــــــــــــــ

زينب ست عندها 45سنة بتحب بيتها اوي وكمان بتشتغل معلمة قرآن كريم في المدرسه املها الوحيد ان زياد يرجع تاني من الاول وهي عارفه ازاي هترجعه بس صعب الطريق اللى هي هتاخده ده ومش عارفه هيبقي صح او غلط.

ــــــــــــــــ

الشيخ عبد المحسن مأذون البلد والكل بيشهد بيه وغير كدا الكل بيحبوه ولو في اي مشكله بيستشيروه فيها وهو بيحلها ليهم عنده 50سنة

وهو عنيد اوي وزياد طالع ليه عشان كدا مابيرتحوش سوا والاتنين لو قعدو سوا بيحصل نا"ر عشان كدا زياد بيكبر دماغه منه.

ــــــــــــــــــــــ

رأس الافعي معتز

سرسجي او بما اصح ابليس بيتعلم منه عنده 28سنة مش متجوز مفيش اصلا حد يرضي يتجوزه وهيعمل بلوة هيخلي زياد نفسه يقيم القصاص عليه فيها.

ـــــــــــــــــ

جمال اخو جميلة هو نفس عمر زياد 26سنة شاب ملتزم وبيحب زياد اوي وكانو مبفترقوش اللى عند النوم كان جمال هو اللى بيروح عنده وزياد لا عشان ان جمال عنده اخوات بنات ومينفعش انه يروح عندهم.. حصل ليهم مشاكل ودمرت صدقاتهم الاتنين بقو اعداء مش اصدقاء.

ـــــــــــــــ

بسمه اخت جميلة اصغر منها ب 3سنين لسه بتدرس في اداب بنت ملهاش في الدور اصلا بس تعرف حقيقه ان جميلة بتحب زياد بالرغم من انه ما بيحبهاش وده مد"مر اختها من جوه. وهعتمل في زياد حته فصل هتلففه السبع لفات فيه.

ـــــــــــ

دي البدايه عاوزه رايكم اكمل ولا لا

رواية المتمرد علي قوانين الحب

للكاتبة منة الله الجزار

اشوفكم بخير

باي