الفصل الثامن والعشرون

باليوم التالي بالشركة كانت ندي بانتظار نجلاء للحديث معها، لتأتي بعد قليل وتتجه لها مباشرة

وعند دخولها تجد إيمان معها

ندي: نجلاء لو سمحتي عاوزة اتكلم معاكي ضروري

نجلاء. :بابتسامة اتفضلي ياندي قولي اللي انتي عاوزاه انا سامعاكي

لتنظر ندي اتجاه ايمان فينتابها القلق

لتكمل: ايمان اتكلمي قدامها عادي ياندي

ندي: نجلاء انا انا انا عملت حاجة وحشة في حقك، بس والله العظيم من الغيرة

نجلاء: بصدمة حاجة ايه ياندي!!

ندي: انتي فاكرة الشخص اللي ضربتيه بالقلم لما حاول يمسك ايدك

نجلاء: وقد بدأت ضربات قلبها،ايوة فاكراه

ندي: كان طلب مني اجيب له معلومات عنك، وطلب الملف بتاعك مني

نجلاء: وانتي اديتهوله

ندي:وهي تنكس رأسها للأسفل، ايوة بس والله العظيم مبقيتش اديله حاجة وقولت له كدة بعد مارأفت فهمني كل حاجة، وحاولت اقولك كتير بس كنت بخاف

ايمان: ورأفت علاقته ايه بالموضوع ده ياندي

ندي: رأفت هو اللي فوقني وحذرني وقالي انه انتي اللي رفضتيه وانا بحبه والله غصب عني يانجلاء سامحيني، انا بحاول اتغير والله وعاوزة يكون ليا أخت تحبني وتخاف عليا، انا طول عمري لوحدي

ساعديني يانجلاء وسامحيني وانا همشي من هنا

نجلاء: مسامحاكي ياندي، انتي عملتي جميل ليا عمري ماهنساه وعشان كدة لازم اسامحك وهساعدك

لتنظر لإيمان وهي تقول: عاوزة تكوني اختي بجد

اول حاجة، لبسك ده ترميه

تاني حاجة ،شعرك ده تغطيه

تالت حاجة، مكياجك ده تمسحيه

ده اول شرط

موافقة

ندي: وهي تنظر لإيمان فتومئ لها برأسها،

موافقة

نجلاء :ودلوقتي قومي امسحي مكياجك عشان نروح للمدير وبعدها ياموزتي هنجيب لك لبس محجبات

ندي: بس احمد بيه هي

ايمان: متقلقيش ده انتي معاكي الواسطة الكبيرة

ندي: بحيرة، مش فاهمة

ايمان: معاكي مدام نجلاء الأسواني حرم احمد بيه الأسواني مدير الشركة

ندي بذهول: :اييه بجد ده، الف مبروك، هو فعلا احمد بيه الوحيد اللي هينقذك منه

نجلاء: مش منه لوحده، ودلوقتي يلا بينا،ايمي خلي بالك

ايمان: لاتقلقي

ندي: يلا

ليتجهوا لمكتب المدير وندي خائفة كثيرا

نجلاء: ماتقلقيش، ممكن ادخل

ندي: بابتسامة، اتفضلي يامدام نجلاء

لتتجه للداخل

.........:ندي كلمتيها وقولتي لها

ندي: رأفت، ايوة كلمتها وقولت لها كل حاجة

رأفت: وايه اللي حصل!!

ندي: سامحتني يارأفت ،بس لسة هتكلم احمد بيه

رأفت: ماتقلقيش انا معاكي، ومش هسيبك مهما حصل، هاروح مكتبي بقي

ندي: ماشي اتفضل انت

وبالداخل كان هذا الحديث دائر

احمد: نجلاء تعالي ادخلي، في حاجة

نجلاء: هو في حاجة مهمة عاوزة اتكلم معاك فيها

احمد: كلي آذان صاغية، تحت امرك ياقلبي

نجلاء: :هو بخصوص الراجل اللي ضربته امبارح، لتقص عليه كل ما اخبرتها به ندي باثتثناء انها فعلت هذا بالإكراه

احمد عشان خاطري متطردهاش ندي لولاها كان زماني دلوقتي

احمد: متكمليش ده انا كنت دبحته لو كان لمس شعراية واحدة منك

نجلاء: خلاص بقي وبعدين دي اول مرة اطلب منك حاجة يعني خليها عشاني المرة دي

احمد: ....وقبل ان يتحدث يستمعون لاصوات عالية بالخارج ليتجهوا للخارج لرؤية مايحدث

احمد: في ايه اللي بيحصل هنا بالضبط

ندي: احمد بيه المدام مصرة تدخل وبحاول امنعها لكن علت صوتها عليا

احمد: نيهال هانم ياتري جاية تعمل ايه في شركتنا

كان يقولها بنبرة ساخرة

نيهال: بمياعة، ازيك يامودي وحشتني كتيير خالص

احمد: الزمي حدودك وامشي برة يلا،انا قولت لك مش عاوز اشوف وشك تاني

ليأتي حسام في هذه اللحظة وكان معه مروان وحياة

واتت إيمان من مكتبها

حسام: انتي ايه اللي جابك هنا يانيهال ده مش مكانك

نيهال: ازيك ياحس وحشتني كتير

ايمان: حس ايه ياختي

نيهال: انتي نجلاء بقي

.......:لأ انا نجلاء

نيهال: وهي تنظر لها بسخرية من ملابسها الفضفاضة وحجابها الطويل ووجهها الخالي من المكياج

انتي مش حلوة يعني عشان تعجبي حد بالخيمة اللي انتي لابساها دي يافلاحة

نجلاء: بثبات، اولا انا الحمد لله حلوة، ثانيا الخيمة اللي مش عجباكي ده اللبس الشرعي اللي امرنا بيه ربنا، تالت حاجة انا ليا الشرف اني فلاحة، لأن لولا الفلاحة مكنتيش هتلاقي تاكلي يامبقعة

نيهال: مبقعة،انتي جربوعة، بقولك ايه يابتاعة انتي، ابعدي عن محمود احسن لك

حياة: محمود مين ياختي، لتصمت بإشارة من اختها

نجلاء: بصي بقي انا من يوم ماسمعت عنك وانا نفسي اشوفك بصراحة وانا ايه بقي جوايا طاقة وعايزة اطلعها فحظك الإسود جابك النهاردة، تعالي بقي

لتجذبها من شعرها وهي تنهال عليها بالضرب

ليصدم الجميع من هذا

بقي انا جربوعة ياشعر عيرة ،ده لو مسحنا البوية اللي علي وشك هبقي شبه البواب يارمة عليا النعمة لو هوبتي هنا تاني لاكلك باسناني ان قربتي لاحمد ولا لنور هبططك سامعة،حياة هاتيلي شبشب، ايمان عصاية

حسام: بذهول، مين دي يا إيمان

إيمان: مش عارفة

مروان: حياة هي دي نجلاء

حياة: اختي اتفجرت

حسام: احمد انت هتفضل مبرق كدة ليه حوش مراتك هتموتها

احمد: اسكت خليها ترابيها، دي نوجا دي عسل

مروان: هتحوشها ولا احوشها انا

احمد: وهو يحملها، خلاص يانجلاء كفاية

نجلاء: اوعي سيبني عليها الزبالة دي

احمد: خلاص تعالي

نيهال: والله لوريكي

حياة: بتريقة، اه حوشوه من فوقي لموته

مروان وحسام: لم يستطيعا كبت ضحكاتهم

والجميع لم يتمكنوا من الصمود

لتغادر نيهال بعدما اخذت كفوها من الضرب المبرح

*****************

بداخل مكتب احمد كان الوضع غريبا بعض الشئ فكان يحاول السيطرة عليها ،ولكنهلم يستطيع من شدة الضحك

احمد :بضحك شديد 😂😂😂يابنتي كفاية بقي مش قادر اهدي هي مشيت خلاص

نجلاء: وانت كنت عاوزها ولا ايه

احمد: بإعجاب واضح....انا عاوزك انتي...بذمتك في واحد يسيب الحلاوة ويروح للزبالة

نجلاء: وقد عادت لطبيعتها.....ااحم انا انا بقول كدة بردوا، دي دي كلها عيرة يعني

احمد:وقد عاود الضحك بشدة علي خجلها الذي لم يجعلها تتمكن من الحديث.......طيب تصدقي انا جوايا فرحة متتوصفش.......انا كان نفسي اضربها من ساعت مادخلت، بس انا عمري ما مديت ايدي علي بنت.....وأكتر حاجة مبسوط بيها،وهو يقترب منها لدرجة لم يكن هنالك مسافة بينهم سوي سنتيميترات قليلة،انتي

نجلاء: انا!!!

احمد::ايوة انتي، اول مرة تعترفي بامتلاكك ليا، وأحقيتك كأم لنور، نجلاء انا بحبك، بحبك لدرجة مش قادر اوصفها

نجلاء: ااااانا يعني هو

ليضع يده علي فمها يمنعها من الحديث

احمد.:متقوليش حاجة انا فاهم كويس اللخبطة اللي جواكي.....انا مش بطلب منك حاجة....بس ميمنعش اني اعبر عن اللي جوايا

ليدخل حسام والجميع بعدما أمر الجميع بالعودة لمكاتبهم

مروان: ايه يا بنتِ ده لا انا لحد دلوقتي مش مصدق، ان نجلاء الهادية الرقيقة تعمل كده ده البت طالعة عاملة زي سوكا

احمد: طيب، ايمان خدي حياة وروحوا علي مكتبك

ايمان: حاضر، يلا ياحياة

حياة: بصوت منخفض، هو في ايه!!!

ايمان::هقولك بعدين، يلا

حسام: وايه اللي حصل جديد يا مروان، هو مش تقبض عليه والتهمة ثبتت عليه

مروان: ايوة، بس المفاجأة بقي ان هو خرج امبارح بعد ما الفلوس رجعت ،وجالي أمر اني اخد الفلوس وارجعهالك

احمد: غريب فعلا، بس ازاي رجعها وهو اصلا ما اخدهاش

مروان: انت قولتلي ان مش هو اللي اختلس، يبقي الفلوس رجعت ازاي

حسام: ده غريب فعلا، خصوصا اننا عارفين ان المختلس الحقيقي موجود في الشركة

احمد: انا عارف ان الجرحاوي اللي وراها، والواد دا كان كبش فدا مش اكتر، بس انا مش قادر احدد مين فيهم

نجلاء: بمقاطعة، ممكن ندي تكون عارفة هو مين

لينظر لها الجميع

حسام: ندي! وندي دخلها ايه بالموضوع

لتدخل ندي في هذه اللحظة وتقاطعهم ومعها رأفت

رأفت: عندك حق، بس ندي متعرفش هو مين،

انا اعرفه

احمد: بغموض، وايه اللي خلاك تقول كدة يا رأفت وانت ممكن تكون شريكه

رأفت: حضرتك عندك حق تشك فيا لأنه صاحبي، بس والله العظيم انا مليش علاقة، ولما سمعته النهاردة جيت اعرف حضرتك

احمد: وعرفت ازاي!!!

فلاش باك: :

بعد عودة الجميع لمكاتبهم اتجه رأفت لمكتبه الذي يشاركه فيه صديقه وقبل دخوله استمع لحديثه بالهاتف وهو يقول

إسلام: ايوة يامحمود بيه يعني كده خلاص مازن طلع وكل حاجة اتحلت

محمود: اتحلت يا إسلام بس المرة الجاية هسيبك تتحبس

اسلام: والله ماهتتكرر تاني

محمود: خلاص حاسب بقي وخلي بالك انا مش ناقص هطل

إسلام: ايوة حاضر، بس هو في حاجة حصلت وكنت عاوز اقولك عليها

محمود: حاجة ايه! !اخلص. قول

إسلام: مدام نيهال كانت هنا وشدت مع نجلاء وشتمتها، بس هي ضربتها وبهدلتها

محمود: بصدمة، مين ضرب مين

إسلام: نجلاء ضربت نيهال هانم

محمود: انت شارب حاجة يا متخلف انت

إسلام: لا والله ده اللي حصل

محمود: طيب اقفل دلوقتي

نهاية الفلاش باك

احمد: انسة ندي ممكن تقوليلي علاقتك بمحمود الجرحاوي ايه، وليه تديله معلومات عن نجلاء!! وايه اللي خلاكي تتراجعي عن مساعدتك له !ايه السبب!!

ندي: اولا السبب الرئيسي كان الغيرة من نجلاء، لأني كنت مفكرة انها بتحب رأفت، بس بعدها اتأكدت انها رفضته لما اتقدم لها وهو بنفسه اللي قالي كدة وادايق مني لما عرف اني اديت معلومات عنها لمحمود الجرحاوي.....واللي خلاني اتراجع هو معاملتها الكويسة وطيبتها وكمان لأني حسيت انه مش ناوي علي خير

احمد: ايه هو اللي ناويه؟!!

ندي: كان عاوز يتجوزها ومش عارفة هو ممكن يعمل ايه، والمرة الأخيرة اللي كلمني فيها قولت له ان حضرتك كشفتني وهتطردني، عشان مقولش له حاجة تاني

احمد: ماشي ياندي، بس انا لازم اثق فيكي، وثقتي مش بالساهل ابدا،بس انا هطلب منك حاجة ولازم تعمليها

ندي: اتفضل حضرتك!!

احمد:انتي هتسيبي الشغل هنا لمدة اسبوع عشان ميشكش فيكِ ويأذيكِ، وكمان علي منظف الشركة من الزبالة اللي فيها، ودلوقتي اتفضلي انتِ علي شغلك

لتغادر ندي وبعد خروجها تطلب المغادرة ولكنه يخبرها انه يريدها سكرتيرته هذا الأسبوع لحين عودة ندي

نجلاء: بزهول، سكرتيرة انا، بس انا مبفهمش في شغل السكرتارية يعني اخري اظبط المواعيد وبس وبعدين يعني شغل الملفات سهل، لا لا مش هقدر

احمد:وهو يقترب منها،وهي تتراجع للخلف حتي اصطدمت بالحائط........ لا مهو انتي هتعرفي، وبعدين في واحدة تكون عندها فرصة تكون جنب جوزها وترفض ،وبعدين انا عاوزك جانبي علي طول عشان انتي بتوحشيني كتييير

نجلاء: بخجل شديد، وهي تحاول خفض بصرها للأسفل بعيدا عن مرمى عينيه التي تربكها، طيب ممكن تبعد شوية بس اصل انا مش عارفة قصدي عاوزة ارجع لشغلي

احمد: ابعد!!ده مستحيل ياقلبي، انا نفسي تحسي وتعرفي انا بحبك قد ايه

*****************************