الفصل السابع والستون

كان الوضع لا ذال محتدما.. لم يتنازل عن حقها .. ولم يبرح محله إلا عندما ينفذ مطلبه .. هذا ولن يتركهم على هذه الأرض.. حاول مروان إثنائه عن هذا الأمر.. حتى لا يتعرض للمسائلة.. ولكنه أبى..

مروان : يا أحمد بالله عليك انت كدة بتأذي نفسك... والله العظيم أنا موجوع على نجلاء زيك بالضبط... نجلاء مش بس اخت مراتي.. دي أختي  ومعرفتي بيها بدأت من زمان.. وحقها هييجي بس بالله عليك متأذيش نفسك

حسام : مروان أحمد معاه حق أنا لو مكانه كان زماني بموت في الدقيقة 100 مرة .. هو مش هيرتاح ولا هيهدى

أحمد : انتوا الاتنين وفروا كلامكم انا مش همشي من هنا غير ما اخد حق مراتي وولادي سامعين..

يقطع حديثهم رنين هاتف مروان برقم زوجته "حياة" خاول تجاهل الأمر لكنه عاود الرنين مرة أخرى.. ليجيب بعد زفرة ثقيلة..

مروان : ألووو أيوة يا ...

.....: أنا نجلاء يا مروان... أحمد فين هو معاك ... أنا برن عليه مش بيرد عليا وكمان حسام تيليفونه مغلق..

يبدوا وكأنه عثر على طوق النجاة.. مروان : أيوة يا نجلاء أحمد معايا والله كويس متقلقيش... ثوان بس اديله التيليفون..

يختتم حديثه وهو يمد يده إليه بالهاتف... يلتقطه منه بحذر ويجيب

أحمد : أيوة يا حبيبتي انا مع مروان وحسام... عندنا شغل ضروري.. عاوزاني في حاجة مهمة

تجيب.. نجلاء : كانت تتحدث ودموعها تتساقط.. أحمد أنا عوزاك.. عشان خاطري متعملش حاجة  لهم... سيبهم مروان يتعامل معاهم .. احبسهم لكن متضيغش نفسك عشان شوية زبا**ة زي دول

يجيب بابتسامة .. أحمد : متقلقيش يا حبيبتي عمري ما ضيع نفسي عشان شرية الزبا** دول زي ما قلتي.. بس حقك لازم اخده حتى لو فيها موتي

هنا كان الألم قد استبد بها.. ليأتيها نزيف من أين لا تدري.. استمع لصرخاتها التي وصلت له من خلال الهاتف... ليتمزق قلبه قلقا عليها... يترك الهاتف ويهم بالمغادرة... ولمن قبيل خروجه لم يتنازل  عن حقه وأمر بتنفيذ أمره وإلا سيقتلهم.. رضخ الجميع لعاصفة النار المتقدة بداخله...

ليخبره حسام : خليهم ينفذوا وارميها عليا انا مش على احمد

مروان بعصبية : عليا النعمة انتوا الاثنين دماغكوا فردة جزمة قديمة.. اشتغلوا بس وربي اللي هيجراله حاجة لا حبسكم واحبس نفسي معاكم..  أنا عارف إن هترحَل موسيقى الشرطة بسببكم... وانا مش حمل نفخ..

ليهموا بالمغادرة تاركين صوت الصراخ يملأ المكان..

**************************************@@@@@@@@@@@@@@@@@

مرت دقائق قليلة قبل وصولهم ركضا للمشفى.. ليفاجأ بوجود الطبيب بالداخل وأنها قد أصابها نزيف لسوء حالتها النفسية... تمكنوا من السيطرة عليه وأصبحت بخير الآن .... دلف للداخل بخطاً بطيئة.. لا زال داخله  شعور بالذنب لما حدث لها... لكن حديثهم معا يساعدهم على تجاوز هذا الأمر.. اقترب منها وهو يربت على رأسها بحب .. ونظرات عينيه تفيض عشقا... فكيف لرجل يعطي حبا حتى في شدة الأزمة...

أحمد : ليه كدة بس يا نوجا مش احنا اتفقنا متزعليش تاني عشان نعدي الأزمة دي... وتقدري ترجعي بالسلامة لبيتنا وأولادنا.. وترجعي ليا ولا انا مش مهم

تمسك يده بقربها لقلبها بدموع .. نجلاء : انت أهم واحد في دنيتي... مقدرش أعيش من غيرك... عشان خاطري متبعدش عني.. أنا مش هستحمل يجرالك حاجة والله اموت فيها

أحمد : بعد الشر عليكي يا قلبي .. أنا بس حاسس بالذنب ع...

تضع يدها على فمه مانعةَ  إياه من الحديث.. نجلاء : يمكن غلطي من البداية إني سكت ومتكلمتش... لكن إياك تقول الكلمة دي تاني.. ذنب إيه وانت اللي حيتني من جديد .. بعد ما كنت شبه الأموات.. ادتني حياة عمري ما حلمت اعيشها ولا حتى في أحلامي.. ادتني الأمان.. ادتني الحنان.. كل حاجة لقيتها في حضنك انت.. ذنب ايه اللي انت بتتكلم عنه

ينظر لها بعشق فاض من عينيه وهنا صمت الحديث لتصبح المشاعر هي المسيطرة عليهما... تصافيا وتعاتبا.. وبعدها طلبت منه مساندتها لرؤية صغيريها... مرت نصف ساعة وعادت بها لفراشها مرة أخرى...  وهذه المرة كان الجميع قد غادروا وبقي هو فقط لجوارها... كان حسام لم يغادر حتى الآن.. انتظر دقائق قليلة قبل أن يلحظ رفيقه توتره ..

أحمد : مالك يا حسام ! باين عليك تايه كدة!

حسام بتنهيدة : سليم وصل مصر.. وكان بعت لي رسالة عشان يشوف أنا عملت ايه في الموضوع اللي كلمني عليه..

وبصراحة خايف ارد عليه

نجلاء بتعجب: سليم ده الضلع الجديد صح!

أحمد : أيوة الضلع الجديد

نجلاء : طيب ايه الموضوع اللي كان كلمك فيه ده وخايف ترد عليه

حسام : ده موضوع خاص بمحمد واخته رؤى ................

ليسرد لها الحديث من بدايته للوقت الحاضر.. بس دي كل الحكاية

نجلاء : بس ازاي تاهوا وبيدورا عليهم... الموضوع ده في حاجة غامضة

أحمد : موافقا  على حديثها.. نجلاء معاها حق انت روح قابله واحكي له اللي انت اكتشفته كله... عشان يعرف يتصرف... لأن الموضوع فيه إنه.. 

حسام : عندكم حق أنا رايح اقابله وهقول له على كل حاجة

ثم يغادر بعدها متجها لمقابلته في المطار

************************************

وها قد أقبل الليل بنجومه المنيرة... تتلألأ في عنق السماء.. لتحمل أحداثا وحقائق للجميع... كانت قد هبطت طائرته من وقت قليل.. وقد قارب على الانتهاء من إجراءات الخروج من المطار مع أخته الكبرى رنا... دقائق قليلة وكان يخرج من البوابة الرئيسية... نظر يمينا ويسارا وهو يضع الهاتف على أذنه... ليجد حسام واقفا بانتظاره بالخارج..  مرتكزا على سيارته... اتجه اليه محتضنا إياه رابتا على كتفيه...

حسام : حمد لله على السلامة يا صاحبي...

سليم : الله يسلمك يا حسام .. وحشتني يا راجل .. بس كنت غطسان فين بقالك فترة ..من يوم مقلت لك على الموضوع اياه

تنهيدة خرجت من أعماقه .. حسام : ده احنا كنا في مصايب ملهاش أول من آخر.. أحمد مراته اتعرضت لحادث هحكيلك التفاصيل في الطريق... المهم دلوقتي الموضوع اللي كلمتني فيه ..

سليم : هااه عرفت حاجة!

ينظر حسام خلفه ملقيا التحية على شقيقته: حمد لله على السلامة يا مدام رنا

رنا بابتسامة عملية : الله يسلمك يا أستاذ حسام..

يفتح لها باب السيارة الخلفي وتجلس.. ليعود لصديقه حتى يستطيع التحدث بحرية

حسام : ولاد عمك عايشين.. وموجودين هنا كمان

سليم : إيه ؟ بجد يا حسام! طب هما فين!

حسام : محمد ابن عمك محمود الله يرحمه بيشتغل عندنا في الشركة... واخته طالبة في كلية التجارة

  سليم : طيب معاك عنوانهم !

حسام : أيوة.. ليخرج ورقة مطوية بها أسمائهم وعنوانهم.. سليم أنا عارف انه أمر خاص بس هما ازاي تاهوا وميعرفوش حد منكم! والأغرب إنهم عايشين في حي شعبي... أحمد لما راح زارهم هو ومراته قالوا انهم على قد حالهم

سليم بشرود : ده موضوع يطول شرحه... هقولك عليه بعدين.. المهم قول لي إيه اللي حصل لاحمد

حسام : اركب العربية واحكيلك ....

ليبدأ بسر الأحداث الماضية ...

كان يجلس لجواره بالسيارة متجهين نحو منزلهم.. لكن كانت الصدمة التي شلت حواسهم.. واتسعت أعينهم من هول الصدمة.. فكيف لكمية الشر هذه أن تفكر بهذا الفعل الشنيع.. وإيذاء امرأة لم تتعرض لها .. تربي ابنتها.. ومانت هي من تخطط لخطف أطفالها.. فعي لم تكتفي بإيذائها بل حرمتها من حقها في الأمومة مرة أخرى..

سليم : انت بتقول ايه يا حسام ! دي يستحيل تكون بني آدمة طبيعية.. أكيد مختلة.. دي واحدة واحد زبالة خطفها وكان عاوز ياخدها غصب ده غير انها متجوزة.. هي ملهاش ذنب في موت جوزها ده.. لا وكمان كان تاجر سلاح

رنا بعدما شلت حواسها.. حتى شعرت أنها فقدت النطق.. فمجرد وصف المشهد لن يصف مدى بشاعة ألمه.. ومدى العذاب الذي لاقته هذه الفتاة...

رنا : ايه اللي حضرتك بتقوله ده! أنا مش قادرة اصدق اللي بيحصل ! ايه البشاعة دي.. وازاي هي استحملت كل ده... المفروض تسيبه وتتطلق

نظرا لها أخيها نظرات تقلل من تفكيرها السطحي...لكن حسام نظر لها بابتسامة ليجيب

حسام : دي لو هي واحدة تانية غير نجلاء.. انتي معاكي حق تقولي كدة لأنك متعرفيهاش... نجلاء شافت الويل ورغم ده كله إيمانها قوي ومبتتهزش بسهولة.. كنا متخيلين إنها هتبعد نور عنها.. لكن لقيناها بتقربها لها أكتر

تنظر لها بفم مفتوح من الصدمة

رنا : حضرتك بتقول انها مسبيتهوش! وكمان البنت معاها!

سليم بنبرة لاذعة: مش كل الناس سطحيين.. وعندهم استعداد يضحوا بحبهم.. في ناس عندها عقل وقلب.. وبتقدر

حسام : نجلاء شخصية كدة نعمة من عند الله.. احمد بعد ما الناس دي اتمسكت كان مُصر يعاقبهم.. اتفاجئنا بيها بتتصل عشان تخليه ميعملش فيهم حاجة.. بس هو متنازلش غير لما خد حقها

سليم : حسام كلم أحمد قول له إن احنا جايين له دلوقتي... أنا مش هروح قبل ما اروح له

حسام : بس يا سليم انت لسة راجع .. خليك لبكرة و....

سليم : من غير كلام كتير أنا هروح له الأول.. كفاية انكم مقلتوش ليا .. ولما اعرف مش عاوزني اروح له ... لأ مينفعش 

✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️

✍️