الفصل 64

في المخفر المركزي بالمدينة

عاد النشاط إلى المخفر بعد أسبوع من الهجوم، لكن آثار الحزن ما زالت واضحة على وجوه الضباط.

وقفت نور بجانب أحمد.... قالوا اليوم راح يجي اللواء الجديد.

أحمد: إي... بعد شوي بيوصل.

بعد دقائق، دخل اللواء الجديد إلى المخفر.

وقف جميع الضباط وأدوا التحية العسكرية.

الضباط: صباح الخير يا سيدي.

رد اللواء التحية، ثم وقف أمامهم.: صباح الخير يا شباب.

نظر إليهم بحزم.: من هاليوم... بدنا نبدأ من جديد. بدنا نكمل كل القضايا اللي تركها اللواء إياد أرجون، وما راح نرتاح حتى نمسك شبكة المجرمين كاملة.

هز الجميع رؤوسهم.

الضباط: طبعًا يا سيدي.

في منزل عائلة إياد أرجونكان الهدوء يملأ المنزل.

جلست خديجة على الأريكة وهي تحتضن صورة إياد أرجون، والدموع تنزل على خديها.

اقتربت منها رفايف، وجلس مجد إلى جانبها.

رفايف بصوت منخفض: مو عاجبني وضعها... كل يوم عم تسوء حالتها.

نظر مجد إلى خديجة بحزن.: هي مو قادرة تنسى.

ثم نظر إلى رفايف هي ضلة وحيد

مجد: بس وجود أمير معها عم يخفف عنها شوي.

رفايف: بس أمير مو ابنها.

تنهد مجد. بالنسبة إلها... أمير صار هو بخالد.

نظرت إليه رفايف باستغراب.: كيف؟

مجد: لما صار الحادث مع خالد..فكرة أن مات. مصطفى غير وجهه وعاش بيناتنا باسم أمير، ولا حد درى.

اتسعت عينا رفايف. طيب... أمير بيعرف؟

هز مجد رأسه.: لا... فقد ذاكرته، ولسه ما بيعرف الحقيقة.

في تلك اللحظة، رن هاتف رفايف.

نظرت إلى الشاشة.

كان الاتصال من مركز علاج الإدمان.

ردّت بسرعة.: ألو؟

الطبيب: دكتورة رفايف... لازم نبلغك إن والدك إبراهيم هرب من مركز علاج

وقفت رفايف كيف صار هيك؟!

الطبيب: استغل وقت تبديل المناوبة وهرب.

رفايف: تمام... أنا جاية.

أغلقت الهاتف.

نظر إليها مجد بقلق. شو صار؟

رفايف: بابا... هرب من المركز.

لازم أروح لعندهم.

وقف مجد فورًا.: أنا جاي معك.

ثم التفت إلى خديجة.

أشار إلى الخادمة التي كانت تقف في الممر.

مجد: لو سمحتي... اهتمي بخالتي، وإذا صار أي شي خبريّ فورًا.

الخادمة: حاضر.

خرج مجد ورفايف مسرعين من المنزل،

داخل قصر عائلة كايا في مكتب سليم

جلس يوسف أمام سليم، والضيق يملأ الفراغ بينهما.

نظر سليم إلى يوسف ببرود وقال: "شو بدك تقول، يا يوسف؟"

رفع يوسف عينيه نحوه: "أنت تعرف.. نور. وأمير.. بينهم شي."

اقترب سليم منه بفضول مشوب بالقلق: "شو عم تقول؟"

أجاب يوسف بثقة: "هيك شفت. بعرف عنك إنك بتكره ذا أمير، ومراح تقبل فيه إنه يكون صهرك."

هنا انتفض سليم غاضباً، وارتفع صوته مدوياً في أرجاء المكتب: "أنت عم تكذب! أتذكر نور كلامها تعرفت على شخص مختلف.. هو عطاني هي الهدية! يوسف.. شو؟ وين راحت؟ أنا بدي روح هلّع

ونهض من خلف مكتبه وخرج من المكتب وسكر الباب خلفه بقوة.

في مركز علاج الإدمان

كان المكان هادئًا، والممرضون يتحركون في الممرات، بينما وقف الدكتور عند مكتب الاستقبال يحمل ملفًا طبيًا.

وصلت رفايف ومجد بسرعة، وبدت علامات القلق على وجهيهما.: دكتور... لقيتوا بابا؟

هز الدكتور رأسه بأسف.

الدكتور: للأسف... لسا ما وجدناه. هرب من المركز قبل ساعات، وعم نبلغ كل الجهات المختصة.

وضعت رفايف يدها على رأسها بقلق. يا رب...

اقترب منها مجد ووضع يده على كتفها.

مجد: لا تخافي... راح نلاقيه.

رفايف: راح روح عالمخفر. لازم أبلغ الشرطة حتى يساعدونا نلاقيه.

مجد: تمام... أنا بروح معك.

خرج الاثنان من المركز مسرعين، وركبا السيارة، ثم انطلقت بهما باتجاه المخفر المركزي بالمدينة.

في المطعم

كان المطعم هادئًا، والموسيقى تعزف في الخلفية، بينما جلس أمير ونور إلى طاولة قرب النافذة، وأمامهما أطباق الغداء.

أمير: بتحبي السوشي؟

نور: يعني... وأنت بتحب؟

أمير: لا، كنت بحب السمك الني، وهيك صرت بحب السوشي.

ابتسمت نور، فأمسك أمير يدها برفق.

أمير: بس مشانك باكل أي شي.

ضحكت نور، ثم أخذت قطعة سوشي بالعصا الخشبية وقربتها من فمه. يلا... افتح تمك.

ضحك أمير وفتح فمه. تمام.أكل القطعة وهو يبتسم.: شو طيبة... من إيدك أطيب.

ابتسمت نور بخجل.

أمير: شو بحب شوف خاتم الخطبة بإصبعك.

نور: قريبًا راح يكون بإيدي.

ساد بينهما صمت جميل.

نور: بالمناسبة... بدك تجي عرس أحمد؟

أمير: طبعًا راح أجي. أول ما يرسل الدعوات خبريني.

نور: هو بدو يعمل العرس بسيط.

أخذ أمير قطعة سوشي ووضعها أمام نور.

أمير: دوري هلأ.

أكلتها نور وهي تضحك.

نور: وضح عنك حبيتها.

أمير: طالما معك يا روحي... كل شي بيصير طيب.

في المخفر المركزي بالمدينة

كان المخفر يعج بحركة الضباط والمراجعين. دخلت رفايف مسرعة وهي تركض، وعيناها مليئتان بالدموع.

اقترب منها أحمد بسرعة وأمسكها من كتفها.

شو صار؟

ارتمت رفايف في حضنه تبكي.

في تلك اللحظة وقف مجد بجانبهما.

مجد: أنا بستنّاكي بالسيارة.

رفايف: تمام.

خرج مجد من المخفر.

جلست رفايف على أحد الكراسي وهي تمسح دموعها.

صب أحمد كأس ماء وقدمه لها.

أحمد: خدي... اشربي.

أخذت الكأس وشربت قليلًا، ثم وضعته على الطاولة.

أمسك أحمد يدها محاولًا تهدئتها. بوعدك... راح نلاقيه.

في تلك اللحظة دخلت ياسمين إلى المخفر وهي تحمل بطاقات دعوة الزفاف.

رأت أحمد يمسك يد رفايف، فتغيرت ملامحها.

سحبت رفايف يدها فورًا عندما انتبهت لها.

ياسمين تقترب: أهلاين... شتقتلك.

نظر أحمد إليها.

ياسمين: أجبتلكم دعوة العرس.

رفايف: طبعًا... راح أجي.

نظرت ياسمين إلى أحمد ثم قالت بنبرة غاضبة:

بكرا أنا وأحمد راح نتزوج... حاولي تبعدي عنه.

أحمد: ياسمين... خلص.

ياسمين: ليش عم تسكتني؟ هاي الحقيقة.

وقفت رفايف من مكانها ومسحت دموعها.

معك حق... أنا أصلًا ما إلي علاقة. وهلأ همّي الوحيد بابا.

نظر أحمد إليها بأسف.

أحمد: أول ما يوصلنا أي خبر عنه راح أتصل فيكي.

رفايف: شكرًا.