Inicio / الرومانسية / رماد الثأر / الفصل الرابع : "خبطة راس في الحيط"

Compartir

الفصل الرابع : "خبطة راس في الحيط"

last update Fecha de publicación: 2026-06-10 19:05:59

في الشركة، كان الجو مشحوناً بهدوء لا يطمئن. طوال اليوم، كان ياسين يمارس عمله بجدية مفرطة، متجاهلاً وجود ليلى تماماً. لم يلقِ نظرة واحدة تجاه مكتبها، وكأنها غير موجودة، وهذا التجاهل كان يحرق أعصابها أكثر من أي كلام.

​مع دقات ساعة "البريك"، تحرك ياسين بهدوء، أخذ معطفه واتجه نحو المصعد. ليلى، التي كانت عيونها تلاحقه كالصقر، تحركت فوراً خلفه، لكن يد والدها القوية استوقفتها عند باب المكتب.

​مراد (بصوت حازم): "رايحة فين يا ليلى؟"

​ارتبكت ليلى للحظة، وحاولت استجماع ثباتها: "نازلة أطلب حاجة من الكافتيريا يا بابا.. محتاجة أفك شوية."

​مراد نظر إليها بنظرة فاحصة مليئة بالشك، وكأنه يقرأ نواياها التي تسبق خطواتها. اقترب منها خطوة وقال بنبرة تحذيرية: "روحي.. بس كوني عاقلة. ولو هتعدي عليه، اتكلمي معاه بأسلوب لائق، كزميلين بيتعارفوا على بعض، مش كعداوة ومشاكل. مفهوم؟"

​شعرت ليلى بمرارة في حلقها، فكلمات والدها كانت بمثابة تذكير بهزيمتها وبقرار الجد الذي أصبح سيفاً مسلطاً على رقبتها. خفضت عينيها وقالت بصوت مكسور ومخنوق: "مفهوم يا بابا."

​خرجت من المكتب بخطوات ثقيلة، وقلبها ينبض بحقد يتجدد مع كل خطوة نحو الكافيه. وصلت هناك، ووجدت ياسين جالساً في ركن هادئ، يرتشف قهوته وكأنه في عالم آخر، بملامح لا تظهر أي توتر.

​وقفت ليلى على بعد خطوات منه، تتأمله وهو في حالة الهدوء تلك. كانت تدرك أن هذا الرجل، الذي يقف أمامها الآن بهدوء، هو الشخص الذي سيصبح شريك حياتها بالإجبار خلال أيام.

​ليلى (بينها وبين نفسها): "عايزني أتعرف عليك وأكون عاقلة؟ ماشي يا ياسين.. هنتعرف على بعض، بس خليهم يتعرفوا على الوجه اللي هيحول حياتك لجحيم."

​أخذت نفساً عميقاً، وعدلت من وقفتها، واتجهت نحو طاولته بخطوات توحي بالثقة، بينما كان ياسين يرفع عينه ببطء ليراها تقترب، ونظرة الغموض في عينيه كانت توحي بأنه كان ينتظر هذه اللحظة، أو ربما.. كان يخطط لها.

ليلى وقفت قدامه، وبحركة فيها "غُشم" استأذنت لنفسها وقعدت عالكرسي من غير ما تستنى رده. بصتله بنظرة كلها سمّ وقالت: "مبسوط أنت بقى؟ أكيد وصلت للي أنت عايزه وحققته!"

​ياسين ساب الكباية من إيده بهدوء مستفز، وبصلها ببرود: "هدف إيه يا آنسة ليلى؟ مش فاهم قصدك."

​ليلى اتعصبت أكتر: "متعملش فيها غبي وتتصنع الهبل! أنا عرفت كل حاجة.. خلاص ضمنت الشركة، وكمان ضمنت بنت صاحب الشركه.. مش هو ده هدفك من زمان؟"

​ياسين اتنهد وبصلها ببرود أشد: "بصي يا آنسة ليلى، أنا اللي يهمني شغلي ونجاحي، إنما أنتِ شخصياً.. متهمنيش في حاجة. ده قرار الجد وأستاذ مراد، وأنا راجل موظف، مينفعش أكسر كلمة حد فيهم."

​ليلى ردت بسخرية: "لا ينفع ونص! ارفض.. قدم استقالتك وأخلع، ده يبقى أحسن ليك ولينا."

​ياسين ضحك ضحكة صغيرة وقال بجدية: "وأخسر شغلي عشان إيه؟ وعشان مين يا ست ليلى؟ أنا شغال في مجموعة العزايزي من ساعة ما اتخرجت، من قبل ما أعرف وشك ومن قبل ما أجي الفرع ده.. تفتكري هخسر كل ده عشان خاطرك أنتِ؟ مستحيل."

​ليلى وشها احمر من الغيظ وقالت بصوت واطي ومحتقن: "يعني أنت موافق تتجوزني بالإكراه؟ وأنت عارف ومتاكد إني مبحبكش ومبطيقش أشوف وشك أصلاً!"

​ياسين قام وقف، وبصلها ببرود وقال: "ولا أنا بحبك ولا حابب أشوفك قدامي في مكان واحد.. بس ده نصيبنا والقدر اللي مكتوب. وبقولك إيه.. لو عندك مشكلة في الموضوع ده، روحي حليها مع الجد.. هو اللي أصدر القرار، مش أنا."

​سيبها وقام وسابها قاعدة "بتغلي" في الكافيه، وهي حاسة إن الكلام خبط في سد منيع.. ياسين لا هو خايف منها، ولا فارق معاه "التمثيلية" اللي هي عاملة فيها "بنت الباشا".

ليلى فضلت قاعدة مكانها في الكافتيريا، عيونها طالعة نار من كلامه وبروده. سحبت اللاب توب بتاعها من الشنطة وبدأت تفتحه بسرعة وهي بتبرطم: "ماشي يا ياسين، ورينا بقى الملاك الطاهر ده وراه إيه.. مفيش حد مبيغلطش، وأنا اللي هطلع البلاوي دي."

​دخلت على الفيسبوك بتاعه، وبدأت تقلب في الصور القديمة والجديدة. مفيش أي حاجة.. صور ليه مع صحابه، صور ليه في الشغل، شوية بوستات عن تطوير الذات والشغل. قفلت الفيس ودخلت على "إنستجرام"، يمكن تلاقي أي حاجة تانية.. تيك توك، أي "ستوري" متصورة في سهرة أو حاجة مشبوهة.

​لقيت صور ليه مع زملاء في الشغل، ولاد وبنات.. بصت في الصور بدقة، "زوّمت" على وشوش البنات، وعلى إيد ياسين لو ماسك سيجارة أو كاس، بس مفيش! كله في قمة الاحترام، وقفة زملاء بجدية، لا هزار رخيص ولا قلة أدب.

​ليلى قفلت اللاب بعصبية، ورمت نفسها على الكرسي وهي بتبرطم بغل: "أنت فاكر نفسك مين؟ شيخ جامع ولا قسيس كنيسة؟ مستحيل.. مستحيل يكون بالبراءة دي. أكيد في حاجة مخبيها، مفيش بني آدم مبيغلطش.. بس شكلك ذكي ومخبي وراك كوارث، وأنا وحياة أمي ما هسيبك إلا لما أطلع 'البلاوي' اللي وراك دي."

​قامت من مكانها وهي بتبص للساعة، حست إنها ضيعت وقتها في "المثالية" بتاعته، بس جواها نار مش راضية تبرد، النار دي بقت هي وقودها عشان تكمل تنقيب في حياته.

ياسين طلع من البريك، وخطواته كانت تقيلة وملامحه باين عليها الضيق. وهو ماشي في الممر، قابل مراد بيه اللي كان طالع من مكتبه. مراد لاحظ ملامحه، فنده عليه: "ياسين! استنى عندك.. في حاجة مضايقاك؟"

​ياسين وقف باحترام: "لا يا فندم، مفيش حاجة."

​مراد عيونه جت في عين ياسين وكأنه بيقرأ اللي جواه: "طب وليلى؟ عملتلك حاجة؟"

​ياسين رد بوقار: "لا والله يا فندم، شربنا القهوة مع بعض تحت وهي كملت قعدتها."

​مراد استغرب: "وهي ما طلعتش معاك ليه؟"

​ياسين اتجنب الإجابة المباشرة: "ماقدرش أسألها يا فندم، دي حرية شخصية."

​مراد بصله بنظرة حادة: "حرية إيه يا ابني؟ إنتو دلوقتي بحكم المخطوبين، وليلى طبعها صعب، وأنا خايف تكون ضايقتك."

​ياسين سكت لحظة، وبعدين قال بثبات: "اللي تشوفه حضرتك يا أستاذ مراد."

​مراد هز راسه وقال: "خش شوف شغلك، وهي أكيد شوية وهتطلع."

​ياسين اتحرك خطوتين ناحية مكتبه، بس وقف فجأة، وحس إن الوقت ده هو الأنسب. لف ورجع تاني لمراد: "يا فندم.. أنا محتاج أقعد مع حضرتك نتكلم في حاجة تخص حياتي الخاصة. حضرتك عارف شغلي كويس، وعارف إني بحاول أكون أمين، بس بمناسبة إننا داخلين على نسب وجواز وحضرتك هتبقى حمايا، في حاجات لازم تعرفها عني.. حاجات شخصية. شوف حضرتك تقدر تقعد معايا إمتى؟"

​مراد بصله باهتمام، ملامح الجدية زادت على وشه: "حاجات إيه يا ياسين؟"

​ياسين: "حاجات تخصني.. حاجات تهم حضرتك تعرفها قبل ما الأمور تاخد طابع رسمي أكتر."

​مراد من غير تردد، شاور لأحد الموظفين اللي كانوا بيعدوا: "يا أستاذ محمود! خش مكتب أستاذ ياسين، خلص الملفات اللي قدامه دي وسيبها على المكتب."

​بص لياسين وقال له بصوت واثق: "ادخل مكتبي يا ياسين.. خلينا نقعد دلوقتي. الشغل مبيطيرش، وأنا يهمني أسمعك."

​دخل ياسين ومراد المكتب، والباب اتقفل وراهم.. الجو جوه كان ساكت ومتحفز، وكأن ياسين بيبدأ "اعتراف" أو بيكشف "ورقة" مكنش حد يتوقعها

مراد قعد على كرسيه، شبك إيديه في بعض وبص لياسين بتركيز: "قاعد سامعك يا ياسين، إيه اللي شاغل بالك وعايز تحكيه؟"

​ياسين خد نفس عميق، ملامحه كانت بتعبر عن صراع داخلي، وبدأ يتكلم بصوت هادي: "يا فندم.. أنا كنت خاطب قبل كده، قعدنا مع بعض تلات سنين، وكان فيه بينا حب حقيقي.. بس القدر كان ليه رأي تاني، هي اتوفت.. وفاتها دي كانت كسرة ليا، أثرت فيا لدرجة إني دخلت في فترة ضياع.. كنت بهرب من وجعي في السهرات، شرب، وبنات، وحياة مش شبهي."

​ياسين سكت لحظة، وبص في الأرض بحرج وكمل: "عايز أوضح لحضرتك إني عمري ما كنت مدمن، الشرب كان في وقت السهر وبس، وغير كدة سيجارة زي أي حد.. والحمد لله ربنا فاقني، وقطعت كل علاقتي بالناس وبالأماكن دي من زمان.. بس حبيت أكون صريح مع حضرتك، لأننا داخلين على نسب، ومن حقي ومن حقك نكون على نور."

​مراد اتنهد تنهيدة طويلة، وبص لياسين بنظرة تقدير: "أنا بحترم فيك شجاعتك وصراحتك يا ياسين."

​سكت مراد ثواني، وبعدين سأله بهدوء: "أنت مصارحني عشان نكون على نور زي ما بتقول، ولا حاسس إن ليلى بتنكش وراك، فحابب تأمن نفسك من شرها قبل ما هي اللي تطلعك غلطان؟"

​ياسين ابتسم بمرارة: "بصراحة يا فندم.. الاتنين. من حقي وحقك تعرف الشخصية دي عشان ما تكتشفش حاجة تخص ماضيي وتصغر في نظرك بعدين، وفي نفس الوقت.. طبعاً خايف من شر ليلى."

​مراد اتسند بضهره لورا وقال بنبرة مليانة ذكريات: "أنا فاكر كويس يوم ما عينتك.. كنت لسه خريج صغير، مفيش في إيدك أي خبرة، بس كان فيه حاجة في عينك شدتني. من خمس سنين وأنت بتثبت لي ولائي ليك وللعيلة دي بيزيد يوم عن يوم."

​ياسين وشه احمر بخجل: "يا فندم أنا معملتش حاجة.. إصرار حضرتك إنك تعلمني وتصبر عليا، هو ده اللي خلاني أنجح. أنا عمري ما هنسى فضلك عليا."

​وفجأة، ياسين سرح.. "فلاش باك" سريع جه في دماغه: السكرتير وهو بيطرده من مقر الشركة بقرف، وصوت مراد بيه وهو بيزعق للسكرتير وبيدخله يعمل الإنترفيو بنفسه.. لحظة ما كانت حياته بتتشكل من جديد.

​مراد قطعه بابتسامة دافية: "سرحت في إيه؟"

​ياسين اتنفض بخفة: "لا.. مفيش حاجة يا فندم."

​مراد ضحك ضحكة أب لابنه: "هتكذب على بابا برضو؟ قولي كنت بتفكر في إيه؟"

​ياسين نزل راسه وقال بصدق: "كنت بفتكر أفضالك عليا يا فندم."

​مراد قام وقف، حط إيده على كتف ياسين بحنان وقال: "مفيش أفضال بين أب وابنه يا ياسين.. وأنت دلوقتي غلاوتك عندي بقت من غلاوة بنتي الوحيدة."

بعد مرور يومين من التجاهل

ياسين كان صاحي بدري كعادته، بيجهز هدومه وبيرتب يومه بين الشغل والمستشفى، وفجأة تليفونه رن. بص في الشاشة، كان "مراد بيه". ياسين اتوتر شوية ورد بصوت عسكري مهذب: "صباح الخير يا فندم، ياسين مع حضرتك."

​مراد رد بصوت هادي ومطمن: "صباح النور يا ياسين.. عامل إيه؟"

​ياسين: "تمام يا فندم، أنا بلبس وبجهز نفسي اهو عشان أنزل الشغل."

​مراد بابتسامة في صوته: "لا يا ياسين، النهاردة إجازة ليك."

​ياسين قلبه وقع في رجله: "إجازة؟ ليه يا فندم؟ أنا قصرت في حاجة؟ حصل مني أي غلطة؟"

​مراد ضحك: "يا ابني اهدى، ما تخافش مفيش حاجة خالص. بس النهاردة إنت وليلى إجازة، عشان تنزلوا تنقوا الشبكة اللي تليق بيكم."

​ياسين سكت لحظة، وبعدين مراد كمل: "بخصوص مرتبك، نزل في حسابك النهاردة.. شيكت عليه؟"

​ياسين استغرب، دخل بسرعة على تطبيق البنك من موبايله، وعينيه وسعت: "أستاذ مراد.. فيه فلوس زيادة كتير قوي! مرتبي مش كدة خالص يا فندم!"

​مراد بهدوء: "أنا عارف، ما تشغلش بالك بالزيادة دي، اعتبرها مكافأة. المهم، شوف هتفضى إمتى، عدي على ليلى وخدها وانزلوا هاتوا الشبكة اللي هي عايزاها."

​ياسين حاس بـ "قفلة" في زوره، سأل بصوت مهزوز: "يعني.. مفيش حد من حضراتكم هيجي معانا؟"

​مراد ضحك وقال: "يا ياسين، ما تخافش، مش هتاكلك! ليلى مش هتعمل لك حاجة، ثق في كلامي."

​ياسين اتنهد تنهيدة طويلة وقال: "حاضر يا فندم."

​مراد قاطعه فوراً: "ياسين.. 'فندم' دي في الشركة بس، دلوقتي أنا عمك وحماك..

​ياسين حس بتقل الكلمة، وبمشاعر مختلطة بين التقدير والرهبة من اليوم اللي مستنيه مع ليلى، قال بصوت خافت وصادق: "حاضر.. يا عمي."

​الساعة دقت 6، وياسين وصل قدام قصر العزايزي. العربية الـ BMW E36 بتاعته كانت بتزمجر بهدوء، صوت الماتور كان "سيمفونية" للميكانيكي اللي بجد، والـ "تعديلات" الشبابية اللي عملها فيها كانت مخليها تخطف العين، عربية رغم قدم موديلها، لكنها "وحش" على الطريق يخلي أي صاحب عربية "زيرو" بملايين يندم إنه نافسها.

​ياسين نزل من العربية، هندم لبسه، وسلم على مراد والجد اللي كانوا واقفين يودعوه، وبعدها ظهرت ليلى. ياسين بذكاء وشياكة، راح فتح لها باب العربية قدام، ليلى بصت للعربية بقرف من فوق لتحت وهي بتكتم ضيقها، وركبت وهي بتبص لقدام. ياسين قفل الباب بهدوء، ولف ركب مكانه وبدأ يتحرك.

​ليلى مكنتش قادرة تمسك لسانها، قالت بصوت فيه نبرة تعالي واضحة: "كنت سبت عربيتك اللي هتعرني دي في البيت، وخدت عربيتي.. بدل 'الفضايح' اللي إحنا فيها دي، الناس هتبص لنا إزاي؟"

​ياسين مسك الدركسيون بإيدين ثابتة، وبص للطريق بتركيز، ملامحه ما اتغيرتش، بس صوته كان فيه نبرة هادية وقوية: "عربيتي بحبها يا ليلى.. أنا عارف إنها مش قد المقام، ولا بتناسب 'بريستيج' عيلة العزايزي، بس بالنسبة لي، العربية دي أغلى حاجة في قلبي بعد أهلي.. وماتورها ده، بيعرف يمشيني أحسن من عربيات كتير أجدد منها."

​ليلى بصتله بنظرة استحقار وسكتت، وهي جواها شرار: "أغلى حاجة في قلبه؟ طب يا ياسين، لو دي أغلى حاجة عندك، أومال هتعمل فيا أنا إيه؟"

​ياسين حس بالصمت اللي هي سادته، وبدأ يشغل "تراك" 90s Boom Bap قديم، صوت البيتس بدأ يهز العربية، وياسين ملامحه بقت هادية كأنه في عالم تاني، عالم بيحاول ليلى إنها تخترقه عشان "تكسره

​ليلى بضيق وقرف مدت إيدها ووطت صوت الكاسيت بقوة، وبدأت تبرطم بغضب: "أنت بتتجاهل كلامي؟ أنا بكلمك وبقولك منظرك معانا يكسف، وأنت بتبجح وبتقولي بحبها!" وبدأت ليلى تخرج عن شعورها وتغلط في ياسين وفي ذوقه بطريقة مهينة.

​ياسين، اللي صبره كان بينفد، فجأة وبحركة سريعة ومحترفة ركن العربية على جنب الطريق، وشد فرامل اليد بقوة. ساد صمت رهيب في العربية، وياسين لف وشّه ليها وعيونه بتلمع بغضب مكتوم: "انتي بتعملي معايا كدة ليه؟ يا ستي اقسم بالله أنا لا عايز مكانك ولا عايز منك حاجة! لو بإيدك تغيري الواقع اللي إحنا فيه ده اتفضلي غيريه، إنما متفضليش تكسري في كرامتي، لأن دي أغلى حاجة عندي وأنا معنديش غيرها."

​أخد نفس عميق وكمل بصوت بيترعش من الغضب: "لو وجودي معاكي في عربية واحدة بيخليكي مش طايقة نفسك، قوليلي وأنا هلف وأرجع أروحك، وأنا هروح لحالي."

​ليلى بصتله بسخرية لاذعة: "أه.. عشان تطلعني أنا اللي غلطانة قدام أهلي وتلعب دور الضحية، صح؟ مش هنولهالك المرة دي!"

​ياسين مكنش قادر يصدق تفكيرها، وبغضب مفرط ضرب "طارة" الدريكسيون بإيده بقوة، الصوت خلى ليلى تتفزع وتتخض في مكانها وتسكت تماماً، ملامحها اتغيرت من الغرور للخوف. ياسين من غير ولا كلمة تانية، سابها وسكت، وشغل الماتور وكمل طريقه في صمت تام، لحد ما وصلوا قدام أكبر محل مجوهرات في المنطقة.

​بمجرد ما ركن الـ BMW، كان فيه مجموعة من الشباب والبنات واقفين، وبمجرد ما شافوا العربية بتعديلاتها الفريدة، اتلموا حواليها بإعجاب شديد. ياسين نزل بهدوء، والشباب قربوا منه بابتسامة: "يا باشا العربية تحفة، ينفع نتصور معاها؟"

​ياسين ملامحه اتغيرت تماماً، ساب كل عصبيته، وبكل حب وتواضع رد عليهم: "طبعاً يا رجالة، خدوا راحتكم خالص!"

​ساد جو من البهجة حوالين العربية، وياسين سابهم يتصوروا، وراح ناحية باب ليلى فتحولها الباب ببرود شديد، وأشار لها تدخل المحل، ليلى كانت واقفة بتبص للموقف بذهول.. مش فاهمة إزاي الراجل اللي لسه "مفحمها" بالغضب، هو نفسه اللي بيضحك وبيهزر مع الغرباء بحب وتواضع كدة

​دخلوا المحل، وبدأت رحلة "الاستفزاز". كان ياسين بيدور بعينه بهدوء، وأول ما قطعة دهب فخمة وشيك تعجبه، يشاور عليها للبايع. ليلى في اللحظة دي، تكون لسه منبهرة بالقطعة جواها، بس بمجرد ما ياسين يختارها، تتقلب ملامحها وتنفخ بملل: "لأ طبعاً.. إيه ده؟ ذوقك وحش جداً يا ياسين، دي قديمة وموضتها خلصت."

​ياسين كان بياخد نفس عميق ويغيرها، لحد ما اتكرر الموقف ده أكتر من ساعة. ليلى كانت بتتعمد تختار قطع "أقل من المستوى"، قطع عادية جداً وتفتقر للفخامة، وكل هدفها إن ياسين يشتريها عشان لما يروحوا البيت، أبوها وجدها يشوفوا "ذوقه الرخيص" ويحسوا إن اختيار بنته كان غلط.

​ياسين لاحظ "اللعبة" وبدأ يجمع خيوطها في دماغه، وفجأة، وقف تماماً عن السؤال. ملامحه بقت حازمة وهادية في نفس الوقت، وبص للبايع بوضوح: "هات لي الطقم اللي أنا شورت عليه في الأول، ومعاه التشكيلة اللي أنا اخترتها من شوية."

​ليلى اعترضت بحدة: "أنا قلت ذوقهم وحش يا ياسين!"

​ياسين مالتفتش ليها حتى، وبص للبايع وقال: "لو سمحت، قيس عليها الطقم ده."

​بأسلوب يجمع بين الحزم والذكاء، ياسين أصر إنها تقيس القطع اللي هو نقاها. ليلى حاولت تتهرب، بس ياسين كان سابقها بخطوة، وبذوقه الرفيع اللي كان مخبيه، طلع كل قطعة اختارها "تحفة" عليها، وخلت شكلها ملكي. البايع نفسه والناس اللي في المحل بدأوا يشيدوا بذوقه: "يا أستاذ ياسين، المدام طالع عليها القطع دي كأنها متفصلة لجسمها، ذوق حضرتك لا يعلى عليه!"

​ليلى وقفت قدام المراية مصدومة، القطع اللي كانت بتقول عليها "وحشة" عشان تقلل منه، طلعت هي أجمل وأفخم بكتير من أي حاجة هي كانت بتحاول تفرضها.

​ياسين بدون ما يستنى رأيها، طلع كارت البنك بتاعه وخلص الحساب في ثواني، وخد كل اللي اشتراه وخرج من المحل بخطوات واثقة، وسايب ليلى وراه بتبص للمراية ومقهورة.. فشلت في إنها تصغره، وفشلت في إنها تفرض ذوقها، ولقيت نفسها قدام "السيوفي" الحقيقي اللي بيعرف يختار الصح.

​خرجوا من المحل، ولقت الناس لسه متجمعة حوالين العربية، وده زاد غيظها أكتر. ياسين مشي ناحية العربية، والناس بمجرد ما شافوه رحبوا بيه ووسعوا له الطريق بحب وتقدير، وهو قابلهم بابتسامة وهدوء، وكأن الغضب اللي كان جواه من شوية اختفى.

​ركبوا العربية، وساد صمت تقيل وكئيب. ياسين حاول يكسر الجليد بصوت هادي: "انتي مش جعانة؟"

​ليلى بصت قدامها ببرود: "لأ."

​ياسين كمل: "طيب تيجي ناكل لقمة سوا؟ أهو يبقى عيش وملح مع بعض."

​ليلى التفتت له بغضب: "قلتلك مش جعانة! أنا بتكلم عربي مش إنجليزي!"

​ياسين حس إن الدم بيغلي في عروقه. فجأة، عروق إيده برزت بوضوح وهو ضاغط على الطارة لدرجة إن مفاصل صوابعه ابيضت. أخد نفس عميق وبدأ يستغفر ربنا بصوت مسموع، وفضل ساكت وكمل طريقه.

​فجأة، تليفونه رن.. كان "مراد بيه". ليلى قلبها وقع في رجلها، خافت ليكون ياسين قرر يشتكي لأبوها على تصرفاتها المستفزة، وبدأت تتخيل رد فعل أبوها. بس ياسين رد بصوت هادي ومحترم: "أيوة يا فندم.. لا أبداً، إحنا خلصنا، وشوية وهكون عند حضرتك."

​قفل المكالمة وساب التليفون جنب منه. وقف قدام مطعم معروف، ركن العربية وبص لليلى اللي لسه ملامحها متوترة من المكالمة: "انتي مش جعانة، بس أنا جعان. هنزل أجيب حاجة آكلها وأجي، مش هتأخر."

​ليلى مردتش عليه، اتجاهلته تماماً وهي بتحاول تداري قلقها من المكالمة، وقلبها لسه بيدق بسرعة.

​ياسين نزل وسابها لوحدها في العربية. ليلى قعدت تتفرج على "المهزلة" من وجهة نظرها؛ كل شوية شباب يعدوا يتصوروا على العربية، وبنات يقفوا يتصوروا جنبها، وهي قاعدة جوه "تتفرس" من كتر الغيظ.

​في المطعم، ياسين طلب أكل ليه، وطلب "مشروبين" وأكل زيادة لليلى. ورغم كل قلة ذوقها وتجاهلها ليه، ياسين ميعرفش يتصرف غير بأصله، وأصوله كراجل بتفرض عليه ميسيبش اللي معاه جعان، حتى لو كان اللي معاه ده "ليلى".

ليلى كانت قاعدة بتغلي، والناس حوالين العربية كأنها "معرض" مش وسيلة مواصلات، وكل شوية تسمع ضحكات البنات وهي بتتصور، لغاية ما عينيها وقعت على تليفون ياسين اللي سابه جنبها. الشاشة كانت منورة، التليفون "مفتوح" من غير لوك.. اللحظة دي كانت زي "هدية من السما" في نظرها.

.

.

يتبع

.

Continúa leyendo este libro gratis
Escanea el código para descargar la App

Último capítulo

  • رماد الثأر   الفصل ال73 والاخير: ​"انقشاع الرماد.. ونبضة البداية"

    وصلت العربية قدام العمارة، السكون ملتقط أطراف المكان مع ساعات الفجر الأولى. أضواء العمارة الخافتة ودرجات السلم كانت شايلة ذكريات طفولة ياسين وضحكات أمه وأبوه قبل ما الدنيا تطحنه في جحيم العزايزي والسيوفي. ​وقف منصور العربية، وبص لـ ياسين في المراية بقلق وقال: ​"أطلع معاك يا باشا؟ ولا أستنى تحت؟ هز ياسين راسه برفض هادي وهو بينزل من العربية بخطوات ثقيلة ومحملة بوجع الجرح والنفس: ​"لأ يا منصور.. ارجع أنت، ومتبلغش حد نهائي بمكاني ده." ​تردد منصور لحظة وسأله بتوجس: ​"ومدام ليلى يا ياسين بيه؟ أقولها إيه لو سألت؟" ​حدجه ياسين بنظرة حادة ونافذة وقاطعة: ​"ولا حتى مدام ليلى.. ولا مراد بيه! محدش يعرف مكاني مطلقاً يا منصور.. السر ده يفضل معاك." ​تنفس ياسين بجهد وكمل كلامه بأمر واصل وصارم: ​"الصبح.. تبلغ مدام ليلى إن شغل شركة السيوفي كله في إيدها مؤقتاً.. هتقولها إن الأستاذ ياسين بعتلك إنه واخد هدنة من كل حاجة في حياته، حتى الشغل.. وسايب ليكي الإدارة تحت ايدك، وبيطلب منك تنفذ كل اللي اتعلمتيه منه في البيزنس الفترة اللي فاتت." ​هز منصور راسه بطاعة وكسرة: ​"أوامرك يا ياسين ب

  • رماد الثأر   الفصل ال72:"حيث ينكسر الأمل.. ويبكي الحنين"

    ​مر أسبوع كامل على وجود ياسين في أسر الغيبوبة، أسبوع كان كأنه دهر وثقيل زي جبل على صدر ليلى. مسبتهوش دقيقة واحدة، ولا خرجت من الأوضة.. كانت بايتة جنبه على الكرسي، عيونها مابتفارقش ملامحه الباهتة وصدره اللي بيطلع وينزل ببطء مع جهاز التنفس. ​لحد ما جه اليوم المنتظر.. ​ياسين كان لسه طريح الفراش، الأجهزة حواليه بتصوت بصوت منتظم، والدنيا برة وجوه الأوضة هادية تماماً. ليلى كانت قاعدة جنبه، ماسكة إيده الباردة بكفيها المرتجفين، ودموعها بتنزل بغزارة على صوابعه وهي بتبوسها بلهفة ورعشة ندم: ​"ياسين.. أرجوك اصحى بقى.. أنا اشتقت لك أوي يا حبيبي.. اشتقت لصوتك ونظرة عينيك." ​سكتت لحظة، ونزلت راسها على إيده وشهقات عياطها بقت تملأ الأوضة وهي بتتوسل له بصوت مكسور: ​"اصحى واضربني يا ياسين.. موتني، اعمل اللي إنت عاوزه فيا، قطعني حتت بس متسبنيش! أنا حياتي من غيرك مالهاش أي طعم ولا معنى.. أنا مشفتش حنية ولا أمان في دنيتي دي كلها غير على إيدك أنت!" ​كان كلامها الدايب ودموعها الحارة اللي نازلة على إيده كأنها طوق نجاة صحى روحه الغايبة. جوة ظلام الغيبوبة، كان صدى صوتها بيخترق السكون، وعقله بدأ يعيد

  • رماد الثأر   الفصل ال71:​"غيبوبة الروح.. وندم لا ينتهي"

    الوقت جوه المستشفى كان بيعدي كأنه سنين من التوتر والدموع. السكون اللي برة غرفة العمليات كان مرعب ومخنق، وعيون مراد وليلى متبتة على باب الأوضة، مستنيين أي طوق نجاة. ​فجأة.. اتفتح باب العمليات، وطلع الدكتور وملامح وجهه محملة بالإرهاق والتعب. ​جريت عليه ليلى بلهفة ورعب، وقلبها بيدق بجنون، ومسكت في كوت الجلدي بتاعه وهي بتصرخ بصوت مكسور: ​"طمني يا دكتور! ياسين عامل إيه؟! أرجوك طمني!" ​تنفس الدكتور بعمق وقال بصوت هادئ وحذر: ​"الحمد لله قدرنا نطلع الرصاصة.. حالته مبدئياً مستقرة والجرح تماسك، بس للأسف.. ياسين دخل في غيبوبة." ​وقفت الدنيا بـ ليلى، وكأن جبل سقط فوق دماغيها، وفتحت عيونها بصدمة وقالت بانهيار: ​"غيبوبة؟! يعني إيه يا دكتور؟! ياسين هيصحي إمتى؟! أرجوك قولي إنه هيفوق حالا!" ​حط الدكتور إيده على راسه بأسف وقال: ​"للأسف يا مدام، الإصابة كانت قوية والصدمة العصبية والنزيف أثروا بشكل كبير.. إحنا عملنا اللي قدرنا عليه كدكاترة، وباقي الشغل كله على ياسين نفسه؛ هو لازم يحارب ويساعد نفسه عشان يرجع لوعيه.. الباقي كله بقى في إيد ربنا وحده." ​قبل ما ليلى تستوعب الصدمة، بصلها ال

  • رماد الثأر   الفصل ال70:​"مأساة العهد القديم.. الرصاصة الأخيرة"

    نزل ياسين من القصر بسرعة الصاروخ، عيونه مابتنطقش غير شرار، وخطواته سريعة وواثقة كأنه رايح لمعركة حتمية. أول ما وصل للعربيات برة، جري عليه واحد من حراس مراد وقال بقلق: ​"على فين يا ياسين بيه في الوقت متأخر ده؟!" ​بصه ياسين بطرف عينه ورد بنبرة حادة ونافذة: ​"وصلنا لمكان رانيا.. هطلع أخلص عليها. استنوا أنتوا هنا، وإياك حد يزعج مراد بيه أو يصحيه دلوقتي، أنا هخلص كل حاجة بنفسي ومش هطول." ​عقد الحارس (حسن) حواجبه وقال بنبرة مليانة حرص: ​"أوامرك على راسي يا باشا.. بس برضه رأيي إنك تزود معاك الحراسة، إنت رايح لوكر عاصفة وماتضمنش إيه اللي مستنيك هناك!" ​دخل منصور في اللحظة دي وهو بينظم رجالة الموكب، وقال بصوت جاد: ​"معاه حق يا ياسين بيه.. متشكر لثقتك فينا، بس كلام حسن صح مفيش أي مشكله لو خدنا دعم زيادة، كله أمان وتأمين لحضرتك." ​تنفس ياسين بعمق وقال بحسم: ​"اللي شايفينه صح نفذوه.. بس يلا بسرعة اتحركوا عشان منضيعش وقت." ​في ثواني معدودة، دارت عربيات الموكب وطلعت بسرعة مجنونة تشق سواد الليل وظلمة الفجر، ومضت عربيات الحرس وراها في طابور أسود سريع. ​في القصر.. الجناح العلوي

  • رماد الثأر   الفصل ال 69:"فجر الثأر الأخير"

    بينما كانت رانيا هاربة من مكان للثاني، بتتحرك بحذر شديد وتستخبى في شقة جديدة على أطراف المحافظة، كانت بتخلص أوراق سفرها المزورة عشان تخلع برة البلد.. كانت مفكرة إنها ذكية وهربت، لكنها كانت جاهلة إن "رجالة مراد العزايزي" كانوا ماسكين خيطها بالمللي، ومستنيين اللحظة المناسبة اللي تطمن فيها وتستقر في مكانها عشان يكبسوا عليها مرة واحدة وتقع في المصيدة من غير ما ترفرف! ​مرت تلات أسبوع كاملة.. ليلى كانت خرجت من المستشفى وصحتها اتحسنت ورجعت القصر. وفي الوقت ده، كانت رانيا قاعدة في مخبها ميتة من الرعب ومستغربة: "إزاي كل الوقت ده عدى ومفيش حس ولا خبر؟! محدش بينكش ورايا ولا بيلاحقني؟!".. الهدوء ده كان مرعبها ومخليها حاسة إن فيه مصيبة أكبر بتتحضر لها في الخفاء. ​في قصر العزايزي.. الجناح الخاص ​كانت ليلى قاعدة على السرير، ومنسجمة بضحك وحب وهي بتلاعب ابن رانيا الرضيع، وبتهزر معاه برقة. ​في اللحظة دي، فتح باب الجناح ودخل ياسين. كان شكله تعبان نفسياً، ملامحه شاحبة ومحملة بآثار السهر والضغط العصبي والذكريات السودا اللي مش راضية تسيبه. وقف عند باب الجناح، وفضل باصص لـ ليلى وهي شايلة الطفل وبتلا

  • رماد الثأر   الفصل ال 68: "أشواك الستار.. ووهم الطعم"

    كانت غرفة المستشفى يغمرها هدوء ثقيل، لا يقطعه سوى صوت أجهزة الرصد المنتظمة. ياسين قاعد جنب سرير ليلى، مش مفارقها لثانية واحدة. كفه الدافئ كان ضامم إيدها بحنان شديد، وعيونه المرعوبة والمجهدة بتتفحص كل إنش في وشها عشان يطمن إنها بخير، وإن الجنين جوه بطنها لسه بينبض بالحياة. ​بدأت ليلى تفتح عيونها ببطء، ورموشها بتترعش من أثر المخدر والرضوض. أول ما شافته قاعد جنبها بالمنظر ده، وعيونه مليانة نيران غضب مكتوم، فتحت شفايفها بصوت خافت ومجهد: ​"ياسين.." ​قرب ياسين منها فوراً، مال على رأسها وباس جبينها برقة بالغة وقال بصوت دافي يحاول يداري بيه رعب قلبه: ​"حمد الله على سلامتك يا ليلى.. الحمد لله إنك بخير أنت والبيبي، ربنا نجاكم من الموت بأعجوبة." ​نزلت دمعة حارة من عين ليلى، وشدت على إيده بصوابعها المرتعشة، وقالت بصوت مخنوق مليان ندم وتوسل: ​"اهدى يا ياسين.. أرجوك اهدى، بلاش ترمي نفسك في النار عشان خاطري وخاطر ابننا! أنا.. أنا السبب في اللي حصل.." ​عقد ياسين حواجبه باستغراب وحنان، وقال: ​"سبب إيه يا ليلى؟ دا كمين معمول بدقة، إنتي مالكيش ذنب." ​اتنهدت ليلى بوجع وقالت بصوت بيتقطع:

  • رماد الثأر   تابع الفصل الثاني

    ليلى كانت بتخرج من مكتب الحسابات وهي بتنهج من كتر الغيظ، وشعرها اللي كان مبلول بالمية اللي ارتدت عليها بعد ما رشّت ياسين كان لازق على وشها، ومكياجها سايح ومبهدل ملامحها. كانت لسه بتبرطم بكلام مش مفهوم عن "قلة أدبه" و"طريقة تدريبه"، وفجأة.. اتخبطت في حد كان واقف بره بيراقب اللي بيحصل جوه.​رفعت راسه

  • رماد الثأر   الفصل الثاني: استراتيجية كسر العظام

    القاهرة كانت بتتنفس زحمة، بس جوه شركة "العزايزي"، الهواء كان مقطوع. الساعة كانت لسه ما جابتش تسعة، والكل في حالة استنفار غير مسبوقة. مفيش موظف كان بيتحرك بره مكتبه، وكأن الشركة بقت ثكنة عسكرية.​الباب الرئيسي اتفتح، ودخلت "ليلى". مكنتش ليلى اللي الموظفين يعرفوها؛ اللي بتدخل بضحكة وموبايل في إيدها.

  • رماد الثأر   الفصل الأول: الحساب اللي ملوش راجع

    المقدمه.. ​"في عالمٍ لا يُؤمن إلا بلغة الأرقام والمصالح، ولدت 'ليلى العزايزي'. ابنة القصر المنيع، والوريثة التي ظنت أن العالم مجرد رقعة شطرنج، وأن الجميع فيها ليسوا أكثر من قطعٍ لتحريكها. كانت تمارس غطرستها كفعلٍ يومي، وتظن أن مال عائلتها يمنحها حصانة أبدية ضد الخطأ.​لكنها لم تكن تعلم أن خلف أسو

  • رماد الثأر   الفصل الثالث: رائحة الخيانة

    مرّ أسبوع كامل، كان أطول أسبوع في حياة ليلى. كانت بتراقب ياسين في صمت، بتشوفه وهو بيشتغل، بتسمع إشادة الموظفين بذكائه، وكل ده كان بيزود النار جواها. كانت مستنية اللحظة اللي يغفل فيها، والفرصة جت أخيراً لما ياسين اضطر يخرج في "مأمورية خارجية" لإنهاء إجراءات صفقة في البنك. ​بمجرد ما باب الشركة اتقفل

Más capítulos
Explora y lee buenas novelas gratis
Acceso gratuito a una gran cantidad de buenas novelas en la app GoodNovel. Descarga los libros que te gusten y léelos donde y cuando quieras.
Lee libros gratis en la app
ESCANEA EL CÓDIGO PARA LEER EN LA APP
DMCA.com Protection Status