LOGINShare
الفصل الأول
publish date:
2026-06-16 15:13:43الأيام الحلوة بتعدي أوام ، بتعدي أسرع من البرق نفسه ، أبطال روايتنا قضوا شهر العسل وكانت أيامه كلها بلا استثناء أحلى من الشهد نفسه علي الطرفين
النهاردة معاد رجوعهم ومامت هيما عرفت برجوعهم كانت مصممه أول مينزلوا ينزلو عندها عزماهم عزومة بعد شهر العسل هو مافيش كده ههه بس خلقت ده حابه تفرح بااولادها واجوازهم بس هيما ورأفت أعتذرو بشياكة قالولها مينفعش أول يوم جايين من السفر تعبانين تاني يوم من بكرة النجمه نكون عندك مامت هيما كان ردها بفرحة : ماشي وإحنا هنستناكم أنا وصفية حماتك يا هيما منا جبتها هنا قعدت معايا مهنش عليا تقعد وحدها هيما رد بعرفان : ربنا يخليكي ليا يا أمي وميحرمنيش منك أبدا إنا جاي أنا ووفاء إن شاء الله وإحنا ماشين هناخدها معانا مامتة بزعل مصطنع : وأنا بقولك كده علشان تقولي هتاخدها يا واد دي مونساني بعدك أنت ورشا و ملت عليا المكان ، بالعكس بقا دا انا كنت هقولك خليها عايشة معايا وأهو كله من خيرك يا حبيبي وعايشين بحسك هنا سالت بقلق : هيما يا أبني أنت بعت التوك توك بتاعك؟ أصل اسطي عطا الميكانيكي جابلي النهاردة ٢٥ الف وقالي دول تمن التوك توك هيما كلفني ابيعه وأديلك فلوسة ، هو في إيه يا أبني ؟ بعت التوك ليه ؟؟ هيما كان فاتح الاسبيكر بسرعة قفله أول ملمح وفاء خدت بالها من كلام مامتة رد عليها بأرتباك : طيب يا أمي لما أرجع افهمك سلام دلوقت داخلين على المرور قفل مع مامته بص لوفاء لقاها بصه بعيد عنه وشكلها بيقول مضايق لا زعلان ، سألها : مالك حبيبتي وفاء بصتله وتنهدت تنهيده طويله ومردتش ورجعت بعدت بنظرها عنه هيما بهدوء : إنتي عارفه إني مش بحب المعاملة دي بكلمك تردي عليا ولا انا هواء قدامك يا وفاء؟ ..مالك بس؟ وفاء بصتله بعتاب : مفيش يا هيما هيكون مالي يعني؟ قطع كلامهم رشا وهي مده أيدها ليهم بسندوتشات بتقول بشقاوة : سندوتشات عجب تستهل بوئكم ههههه عمايل اديا وحياة عنيا (هما كلهم رجعو من البحر الأحمر بعريبة رأفت عربية كبيرة مخصصه لسفر العائلات ) هيما بتريقه وهزار رد عليها : على أساس دي لحمة ضاني وسيادتك شوتيها مثلا !دي سندوتشات جبنة وبسطرما رأفت مسك إيد رشا باسها كذا مرة بطول ايدها وبيدافع بحب : سندوتشات الجبنة من إيد رشا قلبي أجمل مية مرة من اللحمة الضاني اللي أنت بتقول عليها دي وتصدق أنا لا بطيقها ولا بطيق ريحتها هيما اتغاظ من نحنحته الزايدة فقال أقلب التربيزة عليه هيما بصدمه مصطنعه وتعجب مصطنع : مش بتطيق ريحتها !!!! نهااار أسود ومنيل ، الكلام ده على رشا أختى يا رأفت؟ أنت اتجننت رأفت بص ل رشا بسرعة ينفي اللي قاله هيما رشا قاطعته هههههه حبيبي أنا فاهمه قصدك ده هيما بيلعبك رجعت بصت ل هيما بثقه وغرور مصتنع وتعالي : هو على اللحمه يا ابييية وخف شوية على رأفت هو مش حملك هيما بصلها بغيظ مصطنع : لمااا يخف هو النحنحه بتاعته دي ويقفل المبوسه اللي فتحها على البحري رأفت هنا ضحك بصوته كله وبدل ميرد عليه كانت رشا معدوله عليهم رجعها لقدام وخدها في حضنة وهمس: والله شكله بيغير عليكي رشا بضحك هي التانية : اااه طبعا مش اختة ضحكتها اللي كلها شقاوة ... وحجابها اللي محطوط باهمال على شعرها.. وشعرها نفسه اللي خرج نصه من الطرحه على خدها بيرفرف من شدة الهوا سلب نص عقله ، عيونها وجمالهم والكحل الأزرق اللي فيهم سلب النص التاني ، دوخته وجننته بجمالها وسلبت منه علقه كله ، بيهمس بإعجاب وتوهان : سبحان الخالق بيقرب يبوسها من خدها وهو مسلوب الإرادة تماما مع همسة : أخوكي بيلومني على اييية ؟ مش عارف إنا!! مش بايدى على فكر أنا مسير مش مخير ! هيما من وراهم بينفخ بضيق وفاء خدت بالها منه شدت الستارة عليهم بحيث لا هما يشوفوهم ولا رأفت ورشا يشوفوهم هما كمان بعدها بصت لهيما : أهدي ده طبيعي على فكرة يعني أتنين وفي الشهر العسل وبيحبوا بعض مستني منهم إيه اللي مش طبيعي ....... هيما بصلها بتحذير : وفااااااء وفاء بصتله بغيظ وحطت أيدها على بوقها : وفاء سكتت أهو هيما شدها لحضنه : طيب تعالي ناميلك شوية يا قلبي لسه بدري على بال منوصل وياريت بلاش قمص لما بتكشري في وشي الدنيا كلها بتكشر معاكي رأفت بعد وقت لقى نفسه خلاص دخلين على المدنية الطريق الصحرواي كله قطعوا ، وقف العربية و براحه خالص بيصحي رشا
Latest chapter
كان بـينـا وعد 157
وفاء الفاظة كانت جميلة فعلا وملفته للنظر جدا جدا ملقتش أي تعقيب عليها لما هيما سألها إيه رأيك ؟ تفتكري هتعجبها ؟ حلوه يعني ؟ وفاء كان ردها هادي رغم نار غيرتها اللى بتحاول بشتى الطروق تداريها متبنش عليها وفاء بهدوء : اااه جميلة أكيد هتعجبها الفاظه تحفه ،طول عمرك ذوقك حلو هيما أبتسم بغرور مصتنع : أكيد طبعا ذوقى حلو وإلا مكنتش اختارتك وفاء بغيظ مصتنع: ماشي يا عم المغرور (كملت كلامها بجديه ) يلاااا بقى عشان نكمل اللى ناقص وكفايه كده أوي على الست هنا ،كلنا اشترينا من مكان واحد وهي جبنلها من مكان مخصوص ليها وحدها ف متهيألي كفاية ونمشي بقا هيما : حاضر يا حبيتي يلااا أحاسب بس رايح علشان يحاسب وقفته وفاء : لاااا يا أستاذ هات احاسب أنا البنت اللى هناك دي حلوه وأنا بصراحة دلوقت مبقتش أثق فيك طلعت زيك زي أي راجل بتعرف تضحك وتبتسم وتعجب وتلاغي هيما بصلها بزهول مصتنع : أعجب ! وألاغي كمان هههههههه أستغفر الله العظيم يا ست حرام عليكي دانا يدوب أبتسمت، إنتي لسه فاكره قلبك أسود أوي (كمل كلامة بجدية مصتنعه) وفاااا ارجعى ل عقلك ورزانتك وثقتك فى نفسك يا ماما مش كده وفاء مدت أيدها قدامه
كان بـينـا وعد 156
بس مش أنا لوحدي اللى بحبه هيما كمان بيموت فيه عايزك تعمليه بس مش بكره لا بعده أنا لسه عارف من هيما انهم جايين بكره من السفر ،من يوم فرحنا معزمنهمش فى بيتنا ولا مرة، فقولت اعزمهم وفعلا عزمتهم تاني يوم ما يوصل على طول علشان مفيش وقت هيما مسافر فى شغل آخر الأسبوع ده هنا هنا أضايقت جدا ومعرفتش تداري ضيقها بالعكس مع ضيق ملامحها اللى واضح وضوح الشمس، لا دي كمان اتعصبت وتكلمت بغضب فشلت تداريه : مسافر وعنده شغل ومفيش وقت ،خلاص يسافر بالسلامة ولما يرجع يا سيدي إبقي اعزمه مصطفى بصلها بتعجب وإستغراب مالها واية اللى قلب حالها !!! مصطفي رغم انزعاجه رد بهدوء : بس انا عزمته ومشي الحال !فين مشكلتك ؟! عايز أفهم؟ (هنا هنا بعدته عنها بشىء من العنف ، ومسكت بأيدها حله ورق العنب بانفعال وقامت من مكانها بعصبية جامده وبدل متحطها بهدوء لاا خطبتها على البوتاجاز بنرفزة وهي بتقول : انااا هنا إيه حضرتك ابجورة مليش أي لازمة؟ أعرف بالصدفه مين معزوم فى بيتي مسألتنيش ليييه هااه!! ليه مسألتنيش قبل متعزمهم؟ مصطفى هنا اتنرفز وصوته على جدا ودي كانت أول مرة يتعصب عليها بشكل ده مصطفى : هيما بيتي مفتوح ليه
كان بـينـا وعد 155
هيما اتنهد تنهيده طويله ، وبعدها إبتسم بخبث : ااااه عجبتني (هنا هزر وقرر يعاكسها )والحمد الله بقي إن الشرع محلل أربعة مثني وثلاث ورباع وفاء كلامه صدمها وخدته على محمل الجد فى ثواني كانت الدموع متجمعه فى عيونها وبتسألة بجدية : إبراهيم هو أنت ممكن تعمل كده فعلا؟وفاء قالت إبراهيم، لا قالتله هيما ولا حبيبي ولا حتى يا سطى الموضوع هنا قلب جد بصلها كتير بحيرة وجوه قلبه تردد يقولها ،بيهمس بينه وبين نفسه : نفسي يا وفاء ! نفسي يا عمري أقولك على الحمل ال شايله على أكتافي لوحدي ، على الحمل اللى طابق على صدري وكاتم على أنفاسي خنقني ،نفسي يا حبيتي تعرفي! وبتمني لو عرفتي تقدري بصصلها وبيكلم نفسه وتليفونه رن وكان آخرحد يتمني يسمع صوته فى الحظة دي ، كانت بدور بتفكره بمعاد سفرهم هيما خد تليفونه وبعد بعيد عنها مسافة اتحجج بالشبكه ووفاء قلبها طيب هزت رأسها بموافقه : اممممم هيما بملل رد : ايوة يا بدور بدور بعتاب : تقريبا كده يا هيما نسيت معاد سفر سيف علشان السفر مش فاضل عليه غير يومين تلاته وأنت مش سائل ولا على بالك أنا بس حبيت افكرك مع السلامةهيما قفل معاها ،وهنا تنهد بضيق الدنيا بحا
كان بـينـا وعد 154
الولد أهله هنا جريو عليه خدوه منه وشكروهم أم الولد وطت باست إيد وفاء وفضلت تدعيلها ووفاء بطيبه قلبها كان ردها طيب مثل قلبها:حبيبتي خلاص محصلش حاجة لده كله ربنا يخليهولك (كلامها كان خارج منها بتعب هيما هنا متحملش يشوفها تعبانه قدمه شالها وطلع بيها أوضتهم ،وهما طالعين حبيت تشاكسة عايزة تشيل خوفة تقلل من خضتة وفاء أبتسمت وبمشاكسة : المشهد ده مش بيفكرك بحاجة كده ولا كده هيما بصلها بعدم فهم : مش فاهم وفاء بشقوة : منظري ومنظرك ،وأنت شيلني وهدومنا بتنقط مية منا كدهالمشهد مش بيفكرك بحاجة هيما بتفكير : اممممم بعدها ضحك بصوته كله لما أفتكر : هههههه ااااه طبعا مشهد الأستاذ رشدي أباظة فى الزوجة ١٣( هنا بصلها بغيظ مصتنع ) هتموتيني ناقص عمر( ضمها لقلبه بقوة وتنهد بارتياح ) كنت هموت عليكي يا وفاء الدنيا دي كلها من غيرك متسواش حاجة أبدا أنا متغطي بيكي يا وفاء ،إنتي أهلي وعزوتي للحظه واحده حسيت فيها إن ممكن أفتقدك لا قدر الله ،وقتها بس حسيت إن وحدي فى الدنيا مليش حد خالص حسيت نفسي خالي فى أرض مهجورة ،هجرتها ناسها وأهلها ،صحراء لا فيها زرع ولا مية ،إنتي كل حاجة حيه حوليا الزرع ،والمية، ا
كان بـينـا وعد 153
روحه فى مين يا مدام ؟؟؟ وفاء هنا التليفون وقع من أيدها وتخضت جامد : هيمااا ! أنت جيت أمتي هيما بغضب مكتوم : بتكلمي مين ؟ وفاء اتوترت غصب عنها : دى رشا (مسكت التليفون ومدت أيدها قدامه) تكلمها هيما اتنهد بضيق : لاااااا لسه مكلمها أنا داخل أخد دوش من المية المالحه سابها ودخل الحمام وهي كملت كلامها بغيظ : مش عارفه انا بس إيه النحس اللى ركبني ده ،أظن سمعتي صوت أخوكي رشا : اااه سمعته وإجمدي كده ليه الخوف ده كله إنتي قولتي إيه يعني لده كله؟ وفاء اتنهد ب هم : هو مش بيطيق إسمه وبيتجنن بس يسمع سيرتة، دلوقت يقلب وشه مش بقولك نحس وركبني سلااام دلوقت لما أقوم أشوفه، يلااا سلام قفلت معاها بسرعة وراحت عنده وقفت ورا الباب : هيما عايز حاجة اجبهالك ؟ هتعوز حاجة من ..... هيما قطع كلامها : لااااااااا مش عايز شكرا قالها بلهجة جامدةوفاء هنا اتنهدت بتعب وبتهمس بحسرة : والله ياربي مش بلحق أفرح وبقيت أخاف كمان أفرح خلص وطلع بيلبس فى هدومه وبيسرح فى شعره من غير حتي ميبصلها مش يكلمها لأاااا ده كمان متعمد ميبصلهاش وفاء قربت منه لفت أيدها على كتفه وبمشاكسه قرصته فى خده وبدلع همست : أفرد وشك ده ش
كان بـينـا وعد 152
عند مراد كان قاعد فى مكتبه دخلت عنده سلمى بملامح جامدة كان فى أيدها ورق بشى من قلة الذوق رمته قدامه وبتريقة وغضب : هو الدكتور غير مجاله ولا إيه؟ مراد أستغرب جدا طريقتها فى الكلام والتصرف بس معلقش مسك الورق اللى رمته فى وشه يشوف الورق ده يخص مين وفى إيه يخليها متعصبه بشكل ده اوريدي كان لابس نضارته بص فى الورق وملامحه اتبدلت ،نفخ بضيق وبصلها بجدية : ممكن تقعدي وتهدي شوية علشان نعرف نتكلمسلمى هنا اتنرفزت أكتر : لاااااا يا مراد لا ههدى ولا أقعد غير لما اعرف دكتور مراد الجراح الكبير غير مجاله من الطب والجراحه ل فساتين الموضة والازياء مرد أتكلم بهدوء كان قاصد يمتص غضبها وعصبيتها بيه : حبيبتي أهدي علشان خاطري وأنا هقولك على كل حاجة وكل حاجة بس تسمعيني هتكون واضحة قدمك بس أهدي علشان خاطري (سلمى أصلا عارفه من وقت مستلمت الأوراق دي من العامل ،واضحة جدا قدامها جوزها أكيد أشترى اتيليه ل سها بس الغريبة إن الأتيليه ده بإسم مراد جوزها مش بإسم سها )سلمى اتنهدت وقعدت : اااهوه يا مراد لما نشوف آخرتها مراد هنا حكلها على كل حاجة حصلت من يوم مقابل سها فى عرض البتيناج وعرف منها ظروفها وازاي بين ل
You May Also Like
حينما ساعدت العاشق الخائن في استعادة حبيبته القديمة، أعلنت الآنسة نورا ارتباطها بشخصٍ آخر
محبة الليتشي98.5K viewsبعد الطلاق ركع يتوسل عودتي
nadine AlRabayah40.0K viewsطرقنا تفترق بعد الزواج
الخطى المزهرة87.3K viewsما بيننا لم يمت
Samar64.2K viewsالظلام
Fifi181 viewsعقد مع المليونير الغريب
Semsem130 viewsتزوّجتُ الرجل الذي سرق ذاكرتي
محمد سليمان93 viewsليلة مع المدير المتجمد
Histoire 2.3K views
