الفصل السادس عشر

تجمدت هديل في مكانها، وكأن صاعقة قد ضربت صدرها ليخفق قلبها بعنف شديد يهدد بتمزيق ضلوعها. كان صوت خشخشة المفاتيح المعدنية لأكرم في الخارج بمثابة حكم إعدام يُنفذ في توه؛ فهو على بُعد خطوات معدودة في الرواق، يفصله جدار واحد بـ مفاجأته المحملة بالحب عن هذا الكابوس الملطخ بالدماء.

​أما ماجد، فقد استند إلى إطار الباب يراقب حالة الذعر التي تجتاحها بنوع من الفكاهة السوداء والمريضة. مال بجسده نحوها، وهسّ بصوت منخفض ومتهدج:

— "يا محاسن الصدف! إيه رأيك أفتح له الباب؟ خليه يشوف مراته في بيئتها الطبيعية."

​اندفعت نور نحو الأمام بسرعة، وقبضت على ذراع ماجد برعب، وتوسلت إليه بصوت مخنوق ومستجير:

— "لا! ارجوك استنى! احنا بيننا اتفاق.. هي هتعمل كل اللي أنت عايزه، بس سيبنا نخرج من هنا قبل ما يشوفنا."

​نظر ماجد من فتحة العين السحرية، وعيناه تقطران بروداً محسوبا انتظر حتى تردد صدى الصوت الثقيل لإغلاق أكرم باب شقته في الممر، ثم فتح بابه إنشاً واحداً فقط.

​وفحّ بفحيح أفعى:

— "قدامكم دقيقة واحدة.. اختفوا! وإلا الفيديو هيبقى مشاع قبل ما رجليكم تلمس أول درجة في السلم."

​ سحبت نور هديل من ذراعها عبر درج الطوارئ. كانت هديل تتأمل بذهول آثار دم ماجد الباهتة والجافة على مفاصل أصابعها وكأنها تنظر إلى طيف مخيف. وفي مرحاض بهو البناية، أخذت نور تفرك يدي هديل بقسوة حتى احمرّ جلدها، وراحت تعدل شعرها بأصابع مرتعشة.

​صاحت نور بهمس حاد:

فوقي يا هديل.. فوقي حالاً! أكرم جوه الشقة دلوقتي. لازم تظهري قدامه بالصورة اللي هو مستنيها. احنا كنا بنشم هوا وبنتمشى شويه عشان تخرجي من المود الوحش اللي كنتي فيه.. دي القصة اللي هتقوليها. لو انهرتي دلوقتي، يبقى كلنا انتهينا."

​وعندما خطتا في النهاية داخل الشقة، كانت رائحة بيتزا الببروني بالجبنة الساخنة هي أول ما استقبلهما. كان أكرم واقفاً في منتصف غرفة المعيشة، ويحمل بين ذراعيه باقة ضخمة من الورد الأصفر الزاهي. أضاء وجهه بالفرحة في الثانية التي أبصرهما فيها.

​قال بنبرة مبهجة:

— "هديل! نور! مكنتش أعرف إنكم مع بعض. أنا سبت الشغل بدري وجيت جري عشان أفاجئك يا حبيبتي.. حتى جيبتلكلك الورد الأصفر اللي أنتي بتحبيه.. لو اطول اجيبلك الدنيا كلها مش هتاخر."

استدرك أنه لم يرحب ب نور بالطريقة اللائقة فأخذ يمطرها بمجاملات رقيقة تنم عن فرحته لوجودها.. بادلته بردود رقيقة حاولت ان تبدو فيها متماسكة بعض الشئ..

​نظرت هديل إلى الزهور؛ بالأمس، كانت هذه الزهور الصفراء بمثابة "ضوء الشمس" لحياتها. أما اليوم، فتبدو كأنها ضوء تحذيري أحمر يشتعل في وجهها. وتردد صدى صوت ماجد يجلد عقلها: خليه يكرهك.

​أجبرت ملامحها على اتخاذ قناع من الجليد الخالص. لم تتحرك خطوة واحدة نحوه، ولم تسمح لشفتيها بابتسامة مصطنعة حتى.

​قالت بنبرة حادة وجافة:

— "أنت إيه اللي جابك بدري كدا يا أكرم؟ وبعدين الورد دا.. ريحته خنقاني وعملت لي صداع رهيب. شيله من قدام وشي حالاً لو عايز يومك يعدي يعني.

​ماتت الابتسامة على شفتي أكرم. نظر إلى نور بحيرة وانكسار، باحثاً في عينيها عن أي تفسير. تداركت نور الموقف بسرعة، محاولة ردم الفجوة التي على وشك الحدوث بينهما:

— "معلش يا أكرم.. هي مرت بيوم صعب شوية. أنا أخدتها نتمشى عشان تغير جو، بس شكلها لسه مضغوطة ومش قادرة."

​لم تتركها هديل تكمل؛ بل التفتت نحو غرفة النوم، وجاء صوتها لاذعاً وقاسياً:

— "أنا مش مضغوطة يا نور، أنا بس قرفانة وزهقانة. أكرم.. خد البيتزا والورد دول على المطبخ. أنا داخلة أنام، ومش عايزة حد يزعجني أو يدخل عليا انا اصلا مش طايقاك عشان اطيق اي حاجه منك.

​مشت مبتعدة، تاركة أكرم واقفاً بمفرده في منتصف الغرفة، يقبض على الزهور التي كان يظن أنها ستنقذه بعدما تسبب في حزنها... ظن انها ستفرح لكن ما تلك القسوة وما الذي حدث لينال منها تلك الردود القاتلة.

في اللحظة التي أُغلق فيها باب غرفة النوم بعنف تعمدته هديل، انهارت خلفه باكية بكاء مكتوم، وعضت شفتيها بقوة حتى نزفت لتمنع نفسها من إطلاق صرخة تزلزل المكان.

​لقد أُحرق الجسر الأول رسميًا..... ظنت ان اكرم سيكرهها عما قريب ولن يتحملها ابدا.

​وقف أكرم أمام نور في منتصف غرفة المعيشة، وملامحه مشدودة وعيناه تشتعلان بمزيج من الغضب والحيرة التي لم يعد قادراً على كتمانها. ألقى بهاتفه بعنف فوق الطاولة، ورمق نور بنظرة حادة.

​وقال بصوت صلب وقاسٍ:

— "لحد هنا وكفاية يا نور! الموضوع زاد عن حده بزيادة وأنا مش هسكت أكتر من كدا. أنا لازم أفهم حالاً.. إيه السبب الحقيقي اللي يخلي هديل تتقلب بالشكل دا؟ ليه بتعاملني بكل القسوة دي؟"

​حاولت نور تجنب نظراته، لكن أكرم حاصرها بكلماته وصوته يرتفع:

— "أنتي عندك فكرة هنادي لسه قايلالي إيه في التليفون؟ هنادي بتقولي إنها خلاص هتبعد عني وهتخرج من حياتي نهائي! وقالتها بثقة كاملة، كأنها عارفة إن في مصيبة حصلت وهتنهي كل حاجة بيني وبين هديل.. كأنها بتسلمني لواقع هي مرتباه بنفسها!

صمت قليلا ثم قال بعدم فهم:

بس هو معقول يعني كل حاجه وحشه تحصل في حياتي ارميها عليها لمجرد اني مش ﻻقي اسباب منطقية تانية!!!!

ثم خطا خطوة نحو نور، لينخفض صوته بنبرة خطيرة ومشحونة بالضغط:

— "هديل الصبح كانت كويسة.. كانت بتحبني. إيه اللي ممكن يغيرها بالسرعة دي؟ ومكالمة هنادي إيه علاقتها باللي بيحصل هنا؟ أنتي كنتي معاها يا نور، وأكيد عارفة كل حاجة. اتكلمي.. في إيه مالها هديل؟ ومين اللي بيضغط عليها ؟ هنادي ليها يد في كل دا وﻻ ﻻ؟"

​كانت نور تسمع دقات قلبها تتسارع بجنون. إن ذكر أكرم لمكالمة هنادي أكد لها أن العالم يحترق من حولهم بالفعل. ظلت صامتة، وتثبت نظراتها في الأرض، مما جعل أكرم يضرب الطاولة بكفه بغضب فرغ صبره:

— "لو فاكرة إنك بتحميها بسكوتك دا، فـ أنتي غلطانة. قولي لي الحقيقة يا نور.. هديل بتعمل كدا ليه؟ وهنادي عرفت منين إنها تقدر تخرج من حياتي بالسهولة دي؟"

​حاولت نور تماسك أعصابها، وقالت بصوت مرتجف:

— "أكرم.. الموضوع مش زي ما أنت فاكر.. هي بس تحت ضغط كبير."

​أطلق أكرم ضحكة جافة ومليئة بالمرارة:

— "ضغط؟! هديل طردتني من الأوضة، وهنادي بتقولي إنها مشيت وسايبالي الخراب مش هتسيبني للسعادة زي ما قالتلي.. وأنتي واقفة قدامي رافضة تتكلمي! لو مخبية عني حاجة قوليها حالاً.. لأني رسمي مابقاش عندي صبر."

​مر الليل طويلًا وثقيلاً كأنه الأبدية، ولم يذق أكرم فيه طعم النوم لثانية واحدة. جلس في غرفة المعيشة، وعيناه لا تفارقان باب غرفة النوم المغلق، يحاول إقناع نفسه بأن "هديل" التي استقبلته بهذا البرود ليست هي على حقيقتها. قال لنفسه إنها مجرد نسخة مشوهة، محطمة تحت وطأة انهيار عصبي أو سر تخفيه عنه بالتأكيد

همس لنفسه: "هي محتاجاك يا أكرم.. دا مش وقت كبرياء. أنت لازم تفضل جنبها لحد ما تعدي من الأزمة النفسية الغريبة دي."

​مع أول خيوط الفجر، تحرك بهدوء نحو المطبخ وأعد لها القهوة التي تعشقها. طرق الباب برفق ودخل بخطوات مترددة. كانت هديل تجلس على حافة الفراش، وعيناها متورمتان من أثر ساعات طويلة من البكاء الصامت. وفي اللحظة التي أبصرته فيها، حاولت مستميتة ارتداء قناعها الجليدي، وقالت بنبرة حاولت جعلها حادة:

— "أنت إيه اللي مدخلك هنا؟ مش أنا قلت لك سيبني في حالي؟"