الفصل الثاني(2)

الفصل الثاني(2)

"طلقني"....

هز رأسه سريعًا.

زين: أنا مكدبتش عليكي في أي حاجة، فاهمة؟ أنا بحبك إنتِ، ومن يوم ما عرفت يعني إيه حب، وإنتِ الوحيدة اللي دخلت قلبي. اديني فرصة أشرحلك اللي حصل... عشان خاطري.

سكتت قليلًا، ثم قالت بصوت منخفض:

أميرة: أنا سمعتها يا زين... وهي بتقول إنها بتحبك. إنت كمان كنت بتحبها... صح؟

نظر إليها بثبات، ثم قال دون تردد:

زين: أقسم بالله... أبدًا. أنا بحبك إنتِ، وعمري ما حبيت غيرك. دي كانت دكتورة معايا في المستشفى، من دفعتي، ولما قدمت على الشغل عرفتها لأننا كنا في نفس القسم، وعشان كده وافقت على تعيينها... وبس.

رفعت عينيها إليه.

أميرة: وبعدين؟

ابتسم بخفة.

زين: طيب... هتقومي الأول عشان أكمل؟

نظرت إليه بخجل.

أميرة: مش هينفع... أنا لابسة بيجامة.

ابتسم وهو ينهض من مكانه.

زين: تمام، أنا هخرج، وإنتِ البسي وانزلي الجنينة... وهناك هكمل كلامي.

أميرة: ماشي.

خرج زين من الغرفة وأغلق الباب خلفه بهدوء، ثم نزل إلى الحديقة وجلس على أحد المقاعد بعيدًا قليلًا عن المنزل حتى لا يلفت انتباه إلياس.

بعد دقائق، خرجت أميرة من القصر واتجهت نحوه بخطوات هادئة، ثم جلست بجواره وهي تنظر إليه.

أميرة: كمل.

تنهد زين براحة، فقد أعطته أخيرًا فرصة ليتحدث.

زين: بدأت الشغل في المستشفى من حوالي سنتين. في الأول كانت سارة طبيعية جدًا، لكن مع الوقت بدأت تتغير، وتحاول تقرب مني بأي طريقة. وفي يوم اعترفتلي إنها بتحبني، لكن أنا رفضتها بشكل واضح. ومن وقتها وهي بتحاول معايا كل شوية، لحد ما امبارح دخلت المكتب وهي زي المجنونة.

سكت لحظة، ثم أكمل:

زين: فضلت تقول إنها أول واحدة حبتني، وإنها أحق بيّا، وكلام كتير ملوش أي معنى. ولما لقيتها مش هتبطل، طردتها من المستشفى.

ظلت أميرة صامتة للحظات، ثم سألته وهي تنظر إليه:

أميرة: يعني هي بس اللي كانت بتحبك... وإنت عمرك ما حبيتها؟

ابتسم وهو ينظر إليها بحنان.

زين: أيوه يا روح قلب زين.

تنهدت وهي تخفض رأسها.

أميرة: إنت مش متخيل أنا حسيت بإيه لما سمعتها بتقول كده.

اقترب منها قليلًا وقال بهدوء:

زين: أنا آسف... مكنش لازم أسيبها توصل للمرحلة دي. بس والله عمري ما توقعت إنها تعمل اللي عملته أو تدخل مكتبي بالشكل ده.

رفعت أميرة رأسها فجأة وسألته بفضول:

أميرة: زين... هي شكلها حلو؟

ابتسم باستغراب.

زين: ليه السؤال ده؟

تنهدت بخفوت.

أميرة: أصل... لما فكرت، لقيتها دكتورة زيك، وأكيد ناجحة وشكلها حلو. أما أنا... فكنت فاشلة في الدراسة و...

قاطعها قبل أن تكمل، وقال بحزم:

زين: خلاص... متكمليش.

ثم أمسك يدها بين يديه وأكمل وهو ينظر داخل عينيها:

زين: مين قال إنك فاشلة؟ إنتِ أحلى حاجة حصلت في حياتي يا أميرة. ولو خيروني بين الدنيا كلها وبينك، هختارك إنتِ من غير ما أفكر. متقارنيش نفسك بأي حد، لأن مفيش حد يقدر ياخد مكانك عندي.

ابتسمت أميرة بخجل، وشعرت لأول مرة منذ الأمس أن قلبها عاد يهدأ.

لكن تلك اللحظة لم تستمر طويلًا...

خرج صوت تنحنحة قوية من خلفهما.

إلياس: مش كفاية كده؟

انتفض زين من مكانه وهو يلتفت إليه بفزع.

زين: بسم الله الرحمن الرحيم... إنت طلعت إمتى؟

نظر إليه إلياس ببرود، ثم التفت إلى ابنته.

إلياس: من "يا روح قلب زين"... يلا يا بت، على أوضتك. واللي حصل ده مش عايز أشوفه يتكرر تاني.

احمر وجه أميرة خجلًا، ثم أسرعت إلى الداخل دون أن تنطق بكلمة.

أما زين، فنظر إلى إلياس بضيق شديد.

زين: إنت فظيع... عارف كده؟

عقد إلياس ذراعيه أمام صدره وقال:

إلياس: ويلا يا بابا على بيتك. ولو شفتك قريب من بنتي تاني، هافسخ الخطوبة دي يا زين يا ابن جاسر.

ابتسم زين بمكر وهو يتراجع للخلف.

زين: استنى بس لما أتجوزها... والله ما هخليك تلمح طيفها.

اتسعت عينا إلياس.

إلياس: بتقول إيه يا واد؟

عدل زين وقفته بسرعة.

زين: بقول... قد إيه إنت أب وحما رائع.

رمقه إلياس بنظرة حادة، ثم أشار بيده نحو الباب.

إلياس: اطلع من هنا... عاوز أنام.

ابتسم زين وهو يغادر القصر، بينما ظل إلياس يراقبه حتى اختفى تمامًا من أمامه، قبل أن يهز رأسه وهو يتمتم:

إلياس: الواد ده هيجيبلي الضغط.

•••••••-••••••

دخلت لميس إلى غرفة المعيشة وهي تنظر نحو الباب بقلق، ثم قالت:

لميس: فهد، مازن لسه مجاش ليه لحد دلوقتي؟

كان فهد يجلس على الأريكة واضعًا ساقًا فوق الأخرى، وما إن سمع سؤالها حتى رفع عينيه إليها وقال بحدة:

فهد: سيبيه يا لميس، لأن ابنك لو جه النهارده أنا مش هرحمه.

تجهمت ملامحها واقتربت منه.

لميس: ليه؟ إيه اللي حصل؟ قولي.

زفر فهد بضيق، ثم قال:

فهد: اللي حصل إن ابنك المحترم رايح يعمل علاقة مع السكرتيرة، وعاوز يتجوز بنت لا نعرف أصلها ولا فصلها، ولا حتى جاية من أنهي داهية.

جلست لميس بجواره وهي تحاول تهدئته.

لميس: طيب ليه متعصب كده؟ يمكن تكون بنت كويسة.

نظر إليها فهد باستنكار.

فهد: لو كانت كويسة، مكنتش سمحت للشركة كلها تتكلم عن مياعتها هي وابنك، وقلة الأدب اللي بينهم في المكتب، لدرجة إن ليث بنفسه راح يكلم مازن ويوقف اللي بيحصل.

تنهدت لميس بحزن.

لميس: فهد، أرجوك... لما تتكلم معاه اتكلم بهدوء. إنت عارف إن مازن عنيد، ولو ضغطت عليه هيعاند أكتر.

وقبل أن يجيبها، فُتح باب القصر، ودخل مازن بملامح متجهمة، وقد بدا عليه الإرهاق والغضب.

أسرعت لميس إليه.

لميس: حبيبي... إنت كويس؟

اكتفى بإيماءة بسيطة دون أن يتحدث.

وقف فهد من مكانه وقال بلهجة آمرة:

فهد: تعالى على المكتب... عاوزك.

التفتت إليه لميس بسرعة.

لميس: فهد، بالله عليك... سيب الكلام لبكره، عشان خاطري.

نظر إليها مازن بابتسامة خفيفة يحاول بها طمأنتها.

مازن: اهدي يا ماما، واطلعي فوق. أنا هاجي دلوقتي.

لكنها هزت رأسها برفض، وامتلأت عيناها بالدموع.

لميس: لا... مش هسيبك لوحدك. عشان خاطري يا فهد، سيبه النهارده، وبكره ابقى اتكلم معاه.

نظر إليها فهد للحظات، وما إن رأى دموعها حتى لان صوته، فهي كانت نقطة ضعفه الوحيدة، ولم يكن يحتمل أن يراها حزينة أو باكية.

تنهد باستسلام.

فهد: حاضر يا لميس... حاضر.

أمسك يدها برفق، ثم صعد معها إلى الطابق العلوي، لكنه قبل أن يختفي عن الأنظار، التفت إلى مازن ورمقه بنظرة حادة حملت الكثير من الوعيد.

أما مازن، فظل واقفًا مكانه يتابع والده حتى اختفى، ثم أطلق زفرة طويلة وهو يعلم أن المواجهة لم تنتهِ بعد، وإنما تأجلت فقط.

في مكانٍ آخر...

كان الهدوء يسيطر على المكان، بينما وقف زيرو أمام أنجل يتابعها بصمت.

زيرو: (Have you decided what you will do?)

إذًا... هل قررتِ ماذا ستفعلين؟

رفعت أنجل رأسها ونظرت إليه بثبات.

أنجل: (Yes, I will take everything back from him.)

أجل... سأستعيد كل شيءٍ منه.

عقد زيرو ذراعيه وقال:

زيرو: (You give it more than it deserves. You know we can easily get rid of him.)

أنتِ تعطين الأمر أكثر مما يستحق. تعلمين أننا نستطيع التخلص منه بسهولة.

ابتسمت أنجل ابتسامة باردة.

أنجل: (I know... but I won't kill him so easily. I'll make him suffer first.)

أعرف... لكنني لن أقتله بهذه السهولة، بل سأجعله يتعذب أولًا.

هز زيرو رأسه وقال:

زيرو: (In any case, I am with you, whatever your decision is.)

على أي حال، أنا معك مهما كان قرارك.

صمتت للحظات، ثم سألته:

أنجل: (By the way, did you bring me his picture?)

بالمناسبة... هل أحضرت صورته؟

أخرج زيرو صورة من جيبه، ثم ناولها لها.

زيرو: (Yes... he is handsome, a copy of his father.)

أجل... إنه وسيم، نسخة طبق الأصل من والده.

مدت أنجل يدها وأخذت الصورة، ثم نظرت إليها طويلًا، وقد ارتسمت على شفتيها ابتسامة غريبة.

كان بالفعل نسخة من والده... ومن شقيقها أيضًا.

مررت أصابعها برفق فوق الصورة، ثم همست بصوتٍ لم يسمعه أحد:

أنجل: (Wait a little... I'll meet you soon.)

انتظر قليلًا... سوف ألتقي بك قريبًا.

أغلقت قبضتها على الصورة، بينما ارتسمت على وجهها ابتسامة غامضة، تنذر بأن القادم لن يكون سهلًا.